<p>საქართველოს ეროვნული ჩემპიონატი. უმაღლესი ლიგა. XVIII ტური <br> ამ მატჩს ჩაშლის საფრთხე ემუქრებოდა - ფინანსურად შეჭირვებული "მეტალურგი" ლანჩხუთში სათამაშოდ დილით და რამდენიმე ძირითადი მოთამაშის გარეშე გაემგზავრა.</p><p>ზუსტად 16 წლის წინათაც შეიძლებოდა ჩაშლილიყო ლანჩხუთისა და რუსთავის გუნდების დაპირისპირება, მაშინაც "ევგრაფი შევარდნაძეზე" გასამართი, ოღონდ - უფინანსობის გამო თამაშზე გასვლას უარობდნენ... მასპინძლები. ბოლო მომენტში მხოლოდ 8 მობურთალის მოგროვება მოახერხეს (მეცხრე - თამაშისას დაემატათ) და დაგვიანებით დაწყებული მატჩი 3:4 წააგეს.</p><p>საინტერესოა, რომ მასპინძელთა სამივე გოლი იმ <strong>დავით მახარაძემ</strong> გაიტანა, ამ ცოტა ხნის წინ "გურიას" რომ ავარჯიშებდა. მოქმედი მწვრთნელი <strong>თემურ ლორია</strong> კი მეკარეთა და ჭაბუკთა გუნდის მწვრთნელებთან, <strong>გია გოგუასა </strong>და <strong>მერაბ კუკულაძესთან</strong> ერთად, იმ 9 მობურთალს შორის გახლდათ, რომელიც რუსთაველთა დღევანდელი თავკაცის, ვარლამ კილასონიას თანაგუნდელებს თითქმის ტოლ-სწორად ეთამაშა...</p><p>...მატჩი, რომელშიც "გურიას" იოლ გამარჯვებას უწინასწარმეტყველებდნენ, მოულოდნელად დაიწყო: მარჯვენა ფლანგიდან მეკარესთან პირისპირ გაიყვანეს <strong>რევაზ ბარამიძე</strong>, ვინც წინ გამოსულ გურულთა კიპერს თავზე გადაუგდო ბურთი, რომელმაც შორეულ ძელს სანტიმეტრებში ჩაუარა.</p><p>მეორედ ლანჩხუთელი ქომაგი ისევ ბარამიძემ აანერვიულა, ისევ ერთი-ერთზე გავიდა მეკარესთან, ოღონდ <strong>მიხეილ გოგუაძემ</strong> კუთხე "დაუმახვილა" და ბურთი ახლო ძელთან ბადეს გარედან მოხვდა.</p><p>ამ ორ ეპიზოდს შორს იყო <strong>თორნიკე მოსიაშვილის</strong> ჩინებული თამაში ართმევისას და მცველის ჩამოტოვების შემდეგ "მოსემ" მეკარესაც არ დაუტოვა შანსი - 1:0.</p><p>ამის მერე გატანა<strong> კობა შალამბერიძეს</strong>, "გურიის" ისტორიაში მე-9 ლეგიონერ <strong>იური შეველსა</strong> (ამ ფორვარდს დებიუტი ჰქონდა) და სხვებსაც შეეძლოთ; აქეთ კი, წვიამიანი ამინდის გათვალისწინებით, "სტანდარტულის" იმედზე იყვნენ სტუმრები (ყველა შემთხვევაში, გოგუაძე უშეცდომო იყო), მაგრამ, როგორც გაირკვა, მოსიაშვილის გოლი ზედიზედ ორ საშინაო შეხვედრაში გურულთათვის 3 ქულის მომტანი აღმოჩნდა - "გურია" სახლში ისევ წაუგებელია.</p><p>P.S. მაშინდელმა პროტესტმა არ გაჭრა - ლანჩხუთის საფეხბურთო სამყარომ ტესტი ვერ ჩააბარა და რაიონი უმაღლესი ლიგის მიღმა დარჩა. იმედია, "მეტალურგი" იმ დღეში არ აღმოჩნდება, როგორშიც "გურია" 16 წლის წინათ. ამის ღირსი რომ არ არის ეს გუნდი, გუშინაც გამოჩნდა...</p><p><span style="color: #3366ff;"><strong>საქართველოს ეროვნული ჩემპიონატი. უმაღლესი ლიგა. XVIII ტური</strong></span></p><p>05.03. ლანჩხუთი. "ევგ. შევარდნაძე". 500 მაყურებელი</p><p><em><strong>გურია-მეტალურგი 1:0</strong></em></p><p>გოლი: 1:0 მოსიაშვილი (18)</p><p><span style="text-decoration: underline;">გურია (4-5-1):</span> გოგუაძე - ჭეიშვილი, კილაძე, ცინცაძე, მჭედლიშვილი - ინგოროყვა, მოსიაშვილი, ღაღანიძე (89. გაბრიჩიძე), ზოზულია, შალამბერიძე (90. ბენაშვილი) - შეველი (76. მათიაშვილი).</p><p>სათადარიგოები: იმერლიშვილი, გოგიაშვილი, კუკულაძე, კონოვალოვი</p><p>მწვრთნელი: თეიმურაზ ლორია</p><p><span style="text-decoration: underline;">მეტალურგი (4-5-1):</span> ქარდავა - მიქაუტაძე, ნოზაძე, ნარიმანიძე, კ. ხიზანეიშვილი (46. გელაშვილი) - სარიშვილი, გ. კილასონია (57. ექვთიმიშვილი) - ბარამიძე, ბერუაშვილი, ციცქიშვილი - ბარაბაძე (61. გოცაძე).</p><p>სათადარიგოები: ბეგიაშვილი, ოქროპირიძე, ბიწკინაშვილი, გუჯაბიძე</p><p>მწვრთნელი: ვარლამ კილასონია</p><p><span style="text-decoration: underline;">გაფრთხილება:</span> ბერუაშვილი (70), ღაღანიძე (79), მათიაშვილი (89), ინგოროყვა (90)</p><p><span style="text-decoration: underline;">არბიტრი:</span> ბ. ნინუა</p><p><span style="text-decoration: underline;">06.03. ზუგდიდი. "ბაიას ბაზა". 15:00</span><strong></p><p>ზუგდიდი-კოლხეთი</strong></p><p><span style="text-decoration: underline;">9 მარტი, ორშაბათი</span></p><p>საქართველოს დ. ყიფიანის სახელობის თასი. 1/4 ფინალი. საპასუხო მატჩები</p><p><span style="color: #3366ff;"><strong>მომდევნო (XIX) ტური</strong></span></p><p><span style="text-decoration: underline;">13 მარტი, პარასკევი</span></p><p><strong>ცხინვალი-სამტრედია</p><p>მერანი-დინამო (ბთ)</p><p>ზესტაფონი-სიონი</strong></p><p><span style="text-decoration: underline;">14 მარტი, შაბათი</span></p><p><strong>მეტალურგი-ჩიხურა</p><p>შუქურა-დინამო (თბ)</p><p>კოლხეთი-გურია</p><p>დილა-ზუგდიდი</p><p>ვიტ ჯორჯია-ტორპედო</strong></p><p><span style="color: #3366ff;"><strong>ბომბარდირები:</strong></span></p><p>ჯ. დვალი (ზესტაფონი)* 10</p><p>ი. მოდებაძე (დილა) 8</p><p>ო. კვერნაძე (ტორპედო) 7</p><p>გ. პაპუნაშვილი (დინამო თბ) 7</p><p>ნ. საბანაძე (დინ. თბ/ტორპ) 7</p><p>თ. მუმლაძე (ჩიხურა) 6</p><p>დ. ცნობილაძე (მეტალ./სიონი) 6</p><p>დ. სიჭინავა (კოლხეთი/სიონი) 6</p><p>შ. ლომია (ზუგდიდი) 5</p><p>კ. შალამბერიძე (გურია) 5</p><p>გ. ილურიძე (ზესტაფონი) 5</p><p><em>შენიშვნა: * - ჯაბა დვალი კარიერას მოლდოვის "დაჩიაში" განაგრძობს</em></p><p><strong>ყოველდღიური სპორტული გაზეთი "ლელო"</strong></p>
ფრე წყალტუბოში: "გარეჯის" თავურები
ლიდერის შთამბეჭდავი მოგება; "გაგრას" გამარჯვება ბათუმში; ათკაციანი "თელავის" ფრე ქუთაისში
"დინამო თბილისი": სამი გოლი, სამი ქულა
17-წლამდე ვაჟთა ნაკრები საწვრთნელ შეკრებას იწყებს
სიგუა შვეიცარიაში გუნდს გამოიცვლის
15-წლამდე გოგონათა ნაკრები განვითარების თასისთვის ემზადება
ტონი კროოსმა ფეხბურთის ისტორიაში საუკეთესო მეკარე დაასახელა
"ტოპ გუნდის წინააღმდეგ ჩვენგან ასეთი დომინაცია დიდი ხანია არ მინახავს" - ფერდინანდი "არსენალთან" მარცხის შემდეგ
ლიდერის შთამბეჭდავი მოგება; "გაგრას" გამარჯვება ბათუმში; ათკაციანი "თელავის" ფრე ქუთაისში
"სპორტინგმა" ისევ მოიგო, ქოჩორაშვილი ისევ შეცვლაზე შევიდა
[VIDEO] კვერნაძე შევიდა, გაიტანა და "ფროზინონე" 1/16-ფინალში გაიყვანა
"ნანტთან" მატჩში პსჟ-ს სასტარტო შემადგენლობა ცნობილია
"მეცი" სახლში "სტრასბურგთან" დამარცხდა - წიტაიშვილმა შეუცვლელად ითამაშა
"ვალენსია" ჩაკვეტაძის ტრანსფერზე "უოტფორდს" დაუკავშირდა
"სტრასბურგთან" მატჩში წიტაიშვილი სასტარტოშია, აბუაშვილი - სათადარიგოა
საქართველოს ნაკრები ევრობასკეტისთვის მზადებას ჩეხეთთან 2 მატჩით დაასრულებს
"ლევერკუზენმა" შესაძლოა, "იუნაიტედის" ყოფილი მცველი დაიმატოს
"თუ ფეხბურთელს წასვლა უნდა, უნდა წავიდეს" - პეპ გვარდიოლამ ედერსონ მორაეშზე ისაუბრა
"მან მხოლოდ კრივი იცის, მე მომავალი ჩემპიონი ვარ" - არმან ცარუკიანი
"წელს ჩვენი მთავარი მიზანი ეს იქნება" - რა თქვა ლუის ენრიკემ "ნანტთან" მატჩამდე?
"რეალში" ფიქრობენ, რომ ახალი იამალი შეიძინეს, მაგრამ..." - ლევანდოვსკიმ "ბლანკოსზე" ისაუბრა
"იცით, პსჟ-ში თამაშის დროს ბონუსს რაში იღებდა?" - ბრიტანელმა მწვრთნელმა ნეიმარზე შოკისმომგვრელი დეტალი გაამხილა
ხამზატ ჩიმაევი UFC-ის საშუალო წონის ახალი ჩემპიონია
მერანი-რუსთავის მატჩი, რომელიც სფფ-მ გარიგებულად მიიჩნია [VIDEO]
ლანჩხუთის "გურია" აუქციონზე 34 000 ლარად იყიდება
"გორდა", "მეტალურგი", "რუსთავი"... რუსთავში ახალი საფეხბურთო ცხოვრება იწყება
ყველაზე გამოცდილი ქართველი ფეხბურთელი ეროვნულ ლიგა 3-ში ითამაშებს
უმაღლესი ლიგა. XXI ტური: "სამტრედიამ" მოიგო და ისევ მეორეა [VIDEO]
გურია-საპოვნელა 3:0 - ჟორდანიამ "გურიაში" 51-ედ... ითამაშა [VIDEO]
გულვერდ თომაშვილი "გურიაში" - კიდევ ერთი გამოცდილი ფეხბურთელი
მარტოდმარტო, ბინძურ ბინაში მოკვდა - ლანჩხუთის "გურიას" ექს-ფეხბურთელის ტრაგიკული ისტორია
"გაგრა": ანატოლი პისკოვეცის ახალი ხუთეული
"გურია" - ფონდი "ქართუს" დაფინანსების მოლოდინითა და დიდი გეგმებით...
შუქურა-ლოკომოტივი 2:1 [VIDEO]
დილა-გურია 5:0 - ჯავრი გურულებზე იყარეს [VIDEO]
უმაღლესი ლიგის XXII ტურის მიმოხილვა და სიმბოლური ნაკრები
5 და მეტი - ქართული გუნდების დიდი ანგარიშით გამარჯვებები ევროთასებზე
მერანი-რუსთავის ვიდეო, რომელიც სფფ-მ მედიის წარმომადგენლებს გადასცა [VIDEO]
რუსთავში "რუსთავი" ბრუნდება - "მეტალურგის" ნაცვლად
ლანჩხუთის "გურია" რუსი მცველით გაძლიერდა
ოთარ კიტეიშვილი: წყალი რომ წყალია, ისიც არ გვქონდა!..