<p>ევრო 2016. საკვალიფიკაციო მატჩი. D ჯგუფი. პოლონეთი-საქართველო. 13 ივნისი. 20:00. LIVE I არხზე <br> <span style="font-size: x-small;"><span style="color: #888888;"><strong>ფოტოზე: საქართველოს ნაკრები ვარშავაში</strong></span></span></p><p>13 ივნისს, ვარშავის "ნაროდოვიზე", საქართველოს ეროვნული ნაკრები ევროშესარჩევი ციკლის მორიგ მატჩში D ჯგუფის ლიდერს, პოლონეთის მთავარ გუნდს დაუპირისპირდება. მატჩი თბილისის დროით 20:00 სთ-ზე დაიწყება, მის პირდაპირ რეპორტაჟს კი "პირველი არხი" შემოგვთავაზებს.</p><p>რა თქმა უნდა, <strong>კახა ცხადაძის</strong> კრებულს ურთულესი გამოცდა ელის. ეჭვგარეშეა, პოლონელები ყველაფერს გააკეთებენ საიმისოდ, რომ ეს თამაში მოიგონ და კიდევ უფრო გაიმყარონ ლიდერის სტატუსი. მით უმეტეს, ადამ ნავალკას გუნდს ძალიან რთული მატჩები დარჩა ჩასატარებელი...</p><p><p><div style="text-align: center;"><span style="color: #ff0000;"><strong>ცვლილებები არ უნდა გაგვიკვირდეს</strong></p><p></span></div></p> საქართველოს ნაკრები ამ მატჩისთვის ავსტრიაში მოემზადა. ჩვენებმა ნაყოფიერად ივარჯიშეს და ერთი საკონტროლო მატჩიც გამართეს, რომელშიც მინიმალური ანგარიშით დამარცხდნენ უკრაინასთან (1:2).</p><p><p><div style="text-align: center;"><a href="/fexburti/qarthuli-fekhburthi/erovnuli-nakrebi/79635-saqarthvelo-ukraina-12-skhvanairi-saqarthvelo-videophoto.html" target="_blank">საქართველო-უკრაინა 1:2 - სხვანაირი საქართველო [VIDEO+PHOTO]</a></div></p></p><p>საქართველოს ნაკრების გარჯას ურიგო არ ეთქმოდა, თუმცა აშკარა იყო შეცდომებიც. ამიტომ გვგონია, რომ პოლონეთთან ოფიციალურ შეხვედრაში რამდენიმე პოზიციაზე უნდა მოხდეს ცვლილება.</p><p>არ გვგონია, კახა ცხადაძემ მეკარე <strong>გიორგი ლორია</strong> შეცვალოს. სამაგიეროდ, სულაც არ უნდა გაგვიკვირდეს, თუ მინდვრის ცენტრში და წინა ხაზში გარკვეული გადაადგილებები მოხდება. რატომღაც, დარწმუნებულნი ვართ, რომ ჩვენი გუნდის შეტევის ფორპოსტზე <strong>მათე ვაწაძეს</strong> ვიხილავთ, ვინც მშვენიერი გოლი გაუტანა უკრაინას - ეს იმ შემთხვევაში, თუ ვარჯიშზე მიღებული ტრავმა თამაშის საშუალებას მისცემს.</p><p>არც ის არის გამორიცხული, მარჯვენა მცველის პოზიციაზე უჩა ლობჟანიძე <strong>კახა ალადაშვილმა</strong> ჩაანაცვლოს. სამაგიეროდ, ის კი ზუსტად შეგვიძლია ვთქვათ, რომ საქართველოს ნაკრებს პოლონეთთან მატჩში ვერ დაეხმარებიან <strong>გოგიტა გოგუა</strong> და <strong>ლევან მჭედლიძე</strong>.</p><p>ეს უკანასკნელი შესანიშნავ ფორმაში იყო და აკი დუბლიც გაუტანა "ინტერს". რაც შეეხება გოგუას, შესაძლოა, სწორედ მას მოეგვარებინა პრობლემა ჩვენი ნაკრების დაცვის მარჯვენა ფლანგზე...</p><p>საქართველოს ნაკრები პოლონეთთან მატჩისთვის ასეთი შემადგენლობით ემზადება:</p><p><span style="text-decoration: underline;">მეკარეები:</span> გიორგი ლორია (ოლიმპიაკოსი, საბერძნეთი), ნუკრი რევიშვილი (ტოსნო, (რუსეთი), როინ კვასხვაძე (ოთელოსი, კვიპროსი);</p><p><span style="text-decoration: underline;">მცველები:</span> ალექსანდრე ამისულაშვილი, ლაშა სალუქვაძე (ორივე - ინტერი, აზერბაიჯანი), გურამ კაშია (ვიტესი, ჰოლანდია), ლაშა თოთაძე (დინამო თბ), უჩა ლობჟანიძე (ომონია, კვიპროსი), კახა ალადაშვილი (სკა ენერგია, რუსეთი), გიორგი ნავალოვსკი (ტოსნო, რუსეთი), ლაშა დვალი (ქასიმფაშა, თურქეთი);</p><p><span style="text-decoration: underline;">ნახევარმცველები:</span> მურთაზ დაუშვილი (კარპატი, უკრაინა), კახა მახარაძე (ფახთაქორი, უზბეკეთი), ჯანო ანანიძე (სპარტაკი, რუსეთი), ალექსანდრე კობახიძე (ვოლინი, უკრაინა), ვალერი ყაზაიშვილი (ვიტესი, ჰოლანდია), ლევან ყენია (სლავია, ჩეხეთი), თორნიკე ოქრიაშვილი (გენკი, ბელგია);</p><p><span style="text-decoration: underline;">თავდამსხმელები:</span> მათე ვაწაძე (ორჰუსი, დანია), გიორგი ჭანტურია (კლუჟი, რუმინეთი), ბაჩანა ცხადაძე (ინტერი, აზერბაიჯანი).</p><p><p><div style="text-align: center;"><span style="color: #ff0000;"><strong>ნავალკა მაინც ფრთხილობს</strong></p><p></span></div></p> რა თქმა უნდა, პოლონეთის ნაკრები ამ შეხვედრაში ფავორიტის სტატუსით სარგებლობს, მაგრამ მათი მთავარი მწვრთნელი <strong>ადამ ნავალკა </strong>მაინც ფრთხილობს.</p><p>"საქართველოს ნაკრებთან თამაში იოლი არ იქნება. ჩვენ უნდა დავიჭიროთ ბურთი და ამასთან ერთად, შევეცადოთ შეტევების დაგვირგვინებას. ჩვენ ყველა ფეხბურთელთან ინდივიდუალურად ვისაუბრეთ და ავუხსენით მათ, თუ რას ვითხოვთ.</p><p>მახარებს კუბა ბლაშჩიკოვსკის დაბრუნება. ადრეც ვთქვი - მე ვიყავი დორტმუნდში, ვესაუბრე მას და ის მოტივაციითა სავსე. უდიდესი გამოცდილების ფონზე ბლაშჩიკოვსკი ნაკრებისთვის ძალიან საჭირო ფეხბურთელია.</p><p>საქართველოს ნაკრები ითამაშებს დაცვიდან და შედეგზე. ბოლომდე დაგვჭირდება მობილიზება, რადგან მოწინააღმდეგეს ახალი მწვრთნელი ჰყავს და თამაშის ორგანიზაციაც განსხვავებული იქნება იმისგან, რაც თბილისურ მატჩში იყო.</p><p>ჩვენთვის პრობლემაა დაცვის ხაზში რამდენიმე ფეხბურთელის არყოფნა. ვუხმეთ მიხალ პაზდანს, ვინც შესანიშნავ ფორმაშია. რაც შეეხება "ლესტერის" მცველ მარცინ ვასილევსკის, მე მოკლედ ასე ვიტყოდი - ის ჩვენს სათამაშო მონახაზში ვერ ჯდება. საქართველოს ნაკრებთან მატჩში ჩვენი ერთადერთი ამოცანა გამარჯვებაა და შეგვწევს კიდეც ამის ძალა. მთავარია, თავიდან ბოლომდე არ დავკარგოთ კონცენტრაცია", - თქვა ნავალკამ.</p><p>ჯერაც არ არის ბოლომდე გარკვეული, ითამაშებს თუ არა საქართველოს ნაკრებთან მატჩში პოლონეთის ნაკრებისა და "სევილიას" ერთ-ერთი ლიდერი გჟეგოჟ კრიხოვიაკი. ის ტრავმას იშუშებს. აი, მისი კომენტარიც:</p><p>"წინ შვებულება გველის, მაგრამ ეს განწყობა გვერდით უნდა გადავდოთ. საქართველოსთან შეხვედრა უმნიშვნელოვანესია".</p><p>პოლონეთის უპირველესი გუნდი ასეთი შემადგენლობით ემზადება:</p><p><span style="text-decoration: underline;">მეკარეები:</span> არტურ ბორუცი (ბორნმუთი, ინგლისი), ლუკაშ ფაბიანსკი (სუონსი, ინგლისი), ვოიცეხ შჩესნი (არსენალი, ინგლისი), პრჟემისლავ ტიტონი (ელჩე, ესპანეთი);</p><p><span style="text-decoration: underline;">მცველები:</span> ტიაგო ციონეკი (მოდენა, იტალია), კამილ გლიკი (ტორინო, იტალია), მარცინ კომოროვსკი (ტერეკი, რუსეთი), ლუკაშ პიშჩეკი (დორტმუნდი, გერმანია), ლუკაშ შუკალა (ალ-იტიჰადი, საემიროები), ლუკაშ ბროჟი (ლეგია), რაფალ იანჩიკი (ლეხია), ტომაშ კეძიორა (ლეხი), მიხალ პაზდანი (იაგელონია);</p><p><span style="text-decoration: underline;">ნახევარმცველები:</span> იაკუბ ბლაშჩიკოვსკი (დორტმუნდი, გერმანია), კამილ გროსიცკი (რენი, საფრანგეთი), სლავომირ პეშკო (კიოლნი, გერმანია), მაცეი რიბუსი (ტერეკი, რუსეთი), გჟეგოჟ კრიხოვიაკი (სევილია, ესპანეთი), კრშიშტოფ მაჩინსკი (გუიჯოუ, ჩინეთი), პიოტრ ზელინსკი (ემპოლი, იტალია), არიელ ბორისიუკი, სებასტიან მილა (ორივე - ლეხია), კაროლ ლინეტი, დავიდ კოვნაცკი (ორივე - ლეხი), ტომაში იედლოვიეცი, მიხალ კუხარჩიკი (ორივე - ლეგია);</p><p><span style="text-decoration: underline;">თავდამსხმელები:</span> რობერტ ლევანდოვსკი (ბაიერნი, გერმანია), არკადიუშ მილიკი (აიაქსი, ჰოლანდია), პატრიკ ტუჩინსკი (იაგელონია).</p><p><strong>სავარაუდო შემადგენლობები</strong></p><p><span style="text-decoration: underline;">პოლონეთი:</span> ფაბიანსკი, ბლაშჩიკოვსკი, შუკალა, ციონეკი, ვავრინიაკი, პეშკო, კრიხოვიაკი, იედლოვიეცი, რიბუსი, მილიკი, ლევანდოვსკი.</p><p><span style="text-decoration: underline;">საქართველო:</span> ლორია, ლობჟანიძე (ან ალადაშვილი), კაშია, ამისულაშვილი, ნავალოვსკი, დვალი, ოქრიაშვილი (ან ყენია), კობახიძე, ანანიძე, ყაზაიშვილი, ვაწაძე (ან ჭანტურია).</p><p><p><div style="text-align: center;"><span style="color: #ff0000;"><strong>ვინ განგვსჯის?</strong></p><p></span></div></p> პოლონეთისა და საქართველოს ნაკრებთა შეხვედრას იმსაჯებს 35 წლის ბელარუსი არბიტრი <strong>ალექსანდრ კულბაკოვი</strong>. მან მსაჯობა ძალიან ადრე, 16 წლის ასაკში დაიწყო. 23 წლისა უკვე ბელარუსის ჩემპიონატის უმაღლეს ლიგას ემსახურებოდა, ხოლო 25 წლისა ფიფას რეფერი გახდა.</p><p>2007 წელს შედგა მისი საერთაშორისო დებიუტი მატჩში, რომელშიც კვიპროსმა ევროშესარჩევ ციკლში შინ 3:0 მოუგო სან მარინოს.</p><p><p><div style="text-align: center;"><span style="color: #ff0000;"><strong>ისტორიიდან</strong></span></div></p> საქართველოს ნაკრების ერთ-ერთი დასამახსოვრებელი გამარჯვება პოლონეთის ნაკრებთანაა დაკავშირებული. 1997 წელს, თბილისში, ჩვენს ახლანდელ მეტოქეს 3 უპასუხო ბურთი გავუტანეთ.</p><p>მაშინ საქართველოს ნაკრების შემადგენლობაში თავი <strong>არჩილ არველაძემ, კახა ცხადაძემ</strong> და <strong>თემურ ქეცბაიამ</strong> გამოიჩინეს.</p><p>დანარჩენ შემთხვევაში გამარჯვება პოლონელებს რჩებოდათ, ხოლო რაც შეეხება ევროპის ჩემპიონატის მიმდინარე შესარჩევ ციკლს, მისი გახსენებაც კი აღარ გვინდა. სწორედ იმ გამანადგურებელი მარცხის (0:4) შემდეგ დასრულდა <strong>თემურ ქეცბაიას</strong> სამწვრთნელო კარიერა საქართველოს ნაკრებში.</p><p><span style="color: #3366ff;"><strong>ურთიერთშეხვედრები</strong></span></p><p>14.06.97. მჩ შესარჩევი მატჩი</p><p><em><strong>პოლონეთი-საქართველო 4:1</strong></em></p><p>0:1 შ. არველაძე (26), 1:1 ლედვონი (33), 2:1 ტრეშჩაკი (35), 3:1 ბუკალსკი (70), 4:1 ნოვაკი (90)</p><p>10.11.97. მჩ შესარჩევი მატჩი</p><p><em><strong>საქართველო-პოლონეთი 3:0</strong></em></p><p>1:0 ა. არველაძე (53), 2:0 ცხადაძე (66), 3:0 ქეცბაია (72)</p><p>10.08.11. ამხანაგური მატჩი</p><p><em><strong>პოლონეთი-საქართველო 1:0</strong></em></p><p>1:0 ბლაშჩიკოვსკი (36)</p><p>14.11.14. ეჩ შესარჩევი მატჩი</p><p><em><strong>საქართველო-პოლონეთი 0:4</strong></em></p><p>0:1 გლიკი (51), 0:2 კრიხოვიაკი (71), 0:3 მილა (73), 0:4 მილიკი (90)</p><p><span style="color: #3366ff;"><strong>ევრო 2016. საკვალიფიკაციო. VI ტური. D ჯგუფი</strong></span></p><p><span style="text-decoration: underline;">13 ივნისი</span></p><p><strong>პოლონეთი-საქართველო 20:00</p><p>ირლანდია-შოტლანდია 20:00</p><p>გიბრალტარი-გერმანია 22:45</strong></p><p><em>ა გ თ მ ფ წ ბ ქ</em></p><p>1. პოლონეთი 5 3 2 0 16-3 11</p><p>2. გერმანია 5 3 1 1 9-4 10</p><p>3. შოტლანდია 5 3 1 1 11-5 10</p><p>4. ირლანდია 5 2 2 1 11-4 8</p><p>5. საქართველო 5 1 0 4 4-9 3</p><p>6. გიბრალტარი 5 0 0 5 1-27 0</p><p><strong>ყოველდღიური სპორტული გაზეთი "ლელო"</strong></p>
ჯიგარო
მოდი რაა რა დროს ანანიძეა მოდი რა ტუ ზმა ხარ ანანიძე და ბევრი დავაი რაა. ცხადაზე ილუზიებში ხარ ,მე მჯერა შენი და მიაწექი,შენ გაიმარჯვებ.
თედო
აჰა კომპში ვნახე ვიღაც ინგლისურად გადმოცემს და მოვისვენე!ამ ჩვენებს ლაპარაკის ფაღარათი აქვთ!~შემაზულეს ფეხბურთი და კიდე სანდრო(სხვებს ჯობია)რ5ატო გააგდესო!!ისწავლის ჭკუას ეგეც და სხვებიც რომ ფეხბურთის რეპორტაჟი უბრალო საქმე არაა...მოვისვენე ამ დამპლისგან ალბათ მინააა!!!
Goga
რატომ არ აჩვენებს ეს საზმაუწყებელი ინტერნეტით საზღვარგარეთ? ეს არის სახელმწიფო ტელევიზია რომლის მაუწყებლობის საფასურიც ჩვენი ჯიბეებიდან ფინანსდება... რატომ უნდა იყოს საჭირო ამ არხის ცქერისათვის პაკეტის ყიდვა? მძარცველები ხართ საზმაუწყებლობა!!!
zura
მკვდრების თამაშია
ემზარი
მთავარია ღირსეულათ ვითამაშოთ ხოლო როდესაც უმოტივაციოთ თამაშობ ადილად დამარცხდები უბრძოლველად ეს სირცხვილია ასეთ თამაშის ყურებას სულ რომ არ უყურო ჯობია შეიძლება დამარცხდე მაგრამ აცვენო თამაში მეტოქეს ღირსეული წინაარმდეგობა გაუწიო მაყურებელმა დაინახოს პოტენციალი რომ შეგიძლია და თავს არ დაზოგავს გიგულშემატკრივებს გაგამხნევებს შეგიყვარებს ხოლო როდესაც ისე ითამაშებ რომ შეგაძულებს ფეხბურთს ასეთ შმთხვევაში ჯობია სულ უარი განაცხადო ეროვნული ქვეყნების დონეზე თამაშს იმიტომ რომ ქვეყნის ღირსება ილახება იმედი მაქვს რომ ასახელებთ ქვეყანას და არავის დასაცინი არ გავხვდებით გისურვებთ წარმატებას იღბალს და გამარჯვების სიხარულს
[VIDEO] ესპანეთმა თურქეთი გააბითურა - საქართველოს ნაკრები მეორე ადგილზეა
ხიზანიშვილი: საუკეთესო გაგნიძე იყო - კაშიამ ართამაშის გადაწყვეტილება ისე მიიღო, როგორც უნდა მიეღო
ბულგარელთა მწვრთნელი: კვარაცხელია ფანტასტიკურია, ახლა ამ დონის ფეხბურთელები არ გვყავს
პირველ მეოთხედში უკვე 22 ქულა ჰქონდა - დონჩიჩმა სლოვენია მეოთხედფინალში გაიყვანა
პირველი ტაიმის შემდეგ საქართველოს ნაკრები ბულგარეთს 2:0 ამარცხებს
მეორე ნახევარში უკეთესი ბითაძე გვჭირდება - საქართველოს ნაკრებმა საფრანგეთს პირველი ტაიმი მოუგო
კაპიტანი კვარაცხელია - ბულგარეთთან მატჩში საქართველოს ნაკრების შემადგენლობა ცნობილია
ოფიციალურად: "კოლოსმა" ზურაბ რუხაძე წარადგინა
ტიაგო მოტამ შესაძლოა, ბუნდესლიგის ბინადარი გუნდი ჩაიბაროს
როდრიმ მისი აზრით "ოქროს ბურთის" ორი ფავორიტი დაასახელა
"სექსის დროს არ მინახავს, არ იცოდა, რომ კამერებზე წვდომა მქონდა..." - როგორ გაიგო ღალატის შესახებ არგენტინელი ვარსკვლავის მეგობარმა გოგონამ
ფრენკ ლამპარდი შესაძლოა, სამუშაოდ პრემიერ ლიგაში დაბრუნდეს
ქოჩორაშვილი: აქამდე სწორედ იმიტომ მოვედით, რომ არასდროს ვნებდებით
ევრობასკეტის მთავარი სენსაცია - სერბეთის ნაკრები ფინეთთან დამარცხდა და ტურნირს გამოეთიშა
"შავი ლომი" "ძებრესთან" დამარცხდა
ლუქსემბურგის ახალგაზრდული ნაკრების ავტობუსი გზაში გადატრიალდა
გატუზო თავის სტიქიაშია - ზოგს წაუთაქა, ზოგს სილა გააწნა
დუე და დემბელე ლაზარეთში, ლუის ენრიკე საოპერაციო მაგიდაზე - რა ხდება პსჟ-ში?
ბულგარელთა მწვრთნელი: შეგვიძლია ის დანაკლისი აღმოვფხვრათ, რაც ჩვენი და საქართველოა ნაკრების ფეხბურთელების ხარისხს შორისაა
დავითაშვილი: ასეთები ხდება, მთავარია, ახლა არ გავიმეოროთ
სანიოლი: ისე ხდება, როგორც სკოლაში - გვირჩევნია ახალ ტაქტიკაზე ახლავე გადავეწყოთ
ანრის გაუთანაბრდა - მბაპე საფრანგეთის ნაკრებში ყველა დროის რეკორდისკენ მიდის
მატჩის დღე - ქართველებსა და ბულგარელებს ცუდად დაწყებულის გამოსწორება სურთ!
"ვიცი, რომ "რეალის" ფანია, მაგრამ ამ ორ გუნდს უფრო მოუხდებოდა" - კახა ცხადაძემ ხვიჩა კვარაცხელიაზე ისაუბრა
რონალდომ პორტუგალიას მოაგებინა, მოდრიჩმა - ხორვატიას [VIDEO]
აზერბაიჯანელებმა მთავარი მწვრთნელის პოსტი ოლეგ ბლოხინს შესთავაზეს - უკრაინელის პასუხი ცნობილია
ლევანდოვსკიმაც ვერ უშველა - ავსტრიამ პოლონეთს სძლია [VIDEO]
მარსელ კოლერი: საქართველოს ნაკრებს ბევრი კარგი ფეხბურთელი ჰყავს
ჟურნალმა GQ Italy-მ ევროპის ულამაზეს გულშემატკივრად შვეიცარიელი ფეხბურთელის ცოლი დაასახელა [PHOTO]
ოფიციალურად: ცხადაძე აზერბაიჯანულ გუნდს გაწვრთნის
ინგლისის ნაკრები: სათადარიგო გეგმა არ იყო
დიმიტრი პაიე: შვილებს კრიშტიანო რონალდოს სახელის ხსენება ავუკრძალე
"ყინული დაიძრა, დარწმუნებული ვარ, რომ ახლო მომავალში ბევრი ქართველი ითამაშებს ევროპაში" - კახა ცხადაძე
იტალიისა და გერმანიის ნაკრებებმა მილანში ამხანაგური მატჩი დაგეგმეს
პირველი ტაიმის შემდეგ საქართველოს ნაკრები ბულგარეთს 2:0 ამარცხებს
[VIDEO] გამარჯვებების დღე - საქართველოს ფეხბურთელთა ნაკრებმა ბულგარეთს დამაჯერებლად მოუგო!
დაუჯერებელია - 39 წლის რონალდოს მაკრატელა პოლონეთის ნაკრებთან [VIDEO]
როგორი შეფასებები მიიღეს საქართველოს ნაკრების ფეხბურთელებმა ბულგარეთთან მატჩში?
ბულგარელთა მწვრთნელი: კვარაცხელია ფანტასტიკურია, ახლა ამ დონის ფეხბურთელები არ გვყავს
ხიზანიშვილი: საუკეთესო გაგნიძე იყო - კაშიამ ართამაშის გადაწყვეტილება ისე მიიღო, როგორც უნდა მიეღო
ერთა ლიგა. რონალდოს მე-900 და "ნაპოლის" ფეხბურთელების გოლები [VIDEO]
[VIDEO] ესპანეთმა თურქეთი გააბითურა - საქართველოს ნაკრები მეორე ადგილზეა
"მგონია, რომ ახალგაზრდულ ევროპის ჩემპიონატზე კვარაცხელიას უთამაშებლობის მიზეზი ეს ზეწოლა იყო" - ცხადაძე ხვიჩასა და U21 ნაკრებზე
ავსტრია D ჯგუფში პირველია - საფრანგეთი მეორე [VIDEO]
კახა ცხადაძე ყაზახეთის პრემიერლიგაში დაბრუნდა
პოლონეთის ნაკრების მწვრთნელს არ გადააყენებენ
მარსელ კოლერი ავსტრიის ნაკრების სათბილისო შემადგენლობას ხუთშაბათს დაასახელებს