<p>საქართველოს ჩემპიონატი რაგბიში. დიდი 10. I ტური <br> "დიდი 10"-ის გათამაშება გამარჯვებით დაიწყო ქვეყნის მრავალგზის ჩემპიონმა თბილისის "ლოკომოტივმა".</p><p>არადა, მატჩის პირველი ნახევრის 35 წუთით თუ ვიმსჯელებთ, რკინიგზელების მოგებას "არმიასთან" მატჩში ძნელად თუ ვინმე ივარაუდებდა. ლოკომოტიველებმა 13-ქულიანი ჩამორჩენის აღმოფხვრა და მატჩში გამარჯვება მოახერხეს - 21:16.</p><p>როგორც უკვე ვთქვით, თამაში "არმიის" უპირატესობით დაიწყო. ეს გუნდი უფრო აქტიური და მოტივირებული ჩანდა იმდენად, რომ "ლოკომოტივი" მისსავე ნახევარზე ჩაკეტა და მეტოქეს სახიფათო შეტევის განხორციელების საშუალება მხოლოდ 35-ე წუთზე მიეცა, როცა ანგარიში 13:0 იყო არმიელთა სასარგებლოდ.</p><p>არმიელებმა ანგარიში საჯარიმო დარტყმით მატჩის დასაწყისშივე გახსნეს. საჯარიმო საფრანგეთიდან მობრუნებულმა უკანახაზელმა <strong>ბექა ურჯუკაშვილმა</strong> გაიტანა - 3:0. ამის შემდეგ არმიელები ბევრს უტევდნენ. მეტოქეს თითქმის ყველა კომპონენტში ჯაბნიდნენ. რკინიგზელები თავს მედგრად იცავდნენ, მაგრამ ბურთის მოპოვებას და შეტევის ორგანიზებას ვერაფრით ახერხებდნენ. მალე ურჯუკაშვილმა კიდევ ერთი საჯარიმო გაიტანა და თავისიანები ექვსი ქულით დააწინაურა - 6:0.</p><p>"არმიას" უპირატესობა არც ამის მერე დაუთმია. მეტიც, არმიელები იმდენად გაკადნიერდნენ, რომ საჯარიმოს კარში აღარ ურტყამდნენ. ამან შედეგი გამოიღო. მორიგი საჯარიმო ურჯუკაშვილმა აუტში გადაიტანა. დერეფანი არმიელებმა მეტოქის ლელოდან ხუთ მეტრში მოიგეს, მოლი ააგორეს და ჩათვლის მოედანში შეაღწიეს. ბოლოს ბურთით ხელში მესამეხაზელი <strong>თორნიკე გოგლიძე</strong> იყო. ურჯუკაშვილმა გარდასახა - 13:0.</p><p>თამაშს ისეთი პირი უჩანდა, რომ "არმიას" გამარჯვებაში ხელს ვერაფერი შეუშლიდა. თუმცა, ასე არ ფიქრობდნენ რკინიგზელები. მათ პირველი შეტევა 35-ე წუთზე წამოიწყეს. მორკინალების დარტყმებით მეტოქის ლელოს მიუახლოვდნენ. აქ კი ყველაზე კარგად "ლოკომოტივის" ახალწვეული, შერკინების კვაჭი<strong> ირაკლი ჩომახაშვილი</strong> გაისარჯა, რომელმაც ლელოში შეაღწია. გარემარბმა <strong>დიტო კალანდაძემ</strong> გარდასახვა ვერ გამოიყენა - 5:13. ასე დასრულდა პირველი ტაიმი.</p><p>შესვენების შემდეგ მოედანზე ყველაფერი რადიკალურად შეიცვალა. "ლოკომოტივი" უფრო სწრაფად და ბევრად უფრო უნარიანად ირჯებოდა. 48-ე წუთზე მათ მორიგ იერიშში ისევ მორკინალებმა იაქტიურეს. მათ დარტყმებს მეტოქე ვერ უძალიანდებოდა და ლელო "ლოკომოტივის" კიდევ ერთმა პირველხაზელმა <strong>ზაზა ხარებავამ</strong> მიითვალა. კალანდაძემ ამჯერად ზუსტად გარდასახა - 12:13.</p><p>რკინიგზელებმა ანგარიშში დაწინაურება 61-ე წუთზე შეძლეს. საჯარიმო ისევ კალანდაძემ დაჰკრა ზუსტად - 15:13. მანვე მატჩის ბოლომდე კიდევ ორჯერ დაარტყა ზუსტად საჯარიმო, რაზეც არმიელთაგან შეცვლაზე შესულმა <strong>გიგი გაბუნიამ</strong> ერთი საჯარიმოთი უპასუხა.</p><p>რკინიგზელებმა საოცარი, მაგრამ დამსახურებული გამარჯვება მოიპოვეს - 21:16.</p><p><span style="color: #3366ff;"><strong>დიდი 10. პირველი ტური</strong></span></p><p><em><strong>არმია-ლოკომოტივი 16:21</strong></em></p><p><span style="text-decoration: underline;">არმია (15-9)</span> მახარაშვილი, ჯიმუხაძე, მერკვილიშვილი, ურჯუკაშვილი, მესხი, ჯინაშვილი, ღვინჯილია (გაბუნია 74). (1-8) ჩაიკა (ქორიძე 65), მეკოკიშვილი, დონაძე (ფსუტური 56), სურგულაძე (ნიბლაძე 57), ნიშნიანიძე, გოგლიძე, დაუშვილი (ოქრომელიძე 60), სულუაშვილი (ქარუცხნიშვილი 70).</p><p>ლ: გოგლიძე. 2ს,გ: ურჯუკაშვილი. ს: გაბუნია.</p><p><span style="text-decoration: underline;">ლოკომოტივი (15-9)</span> ნიკოლავა, ბიწაძე, ძნელაძე, გაგოშვილი, კალანდაძე, შკინინი, კლიმიაშვილი (დავითაშვილი 47). (1-8) ხარებავა (ქავთარაძე 76), ჩომახაშვილი, ბურდული, გეგია (მახარაძე 62), მიქაძე, ფოფხაძე, ჟღენტი (ელოშვილი 60), გასვიანი.</p><p>2ლ: ჩომახაშვილი, ხარებავა. 3ს,გ: კალანდაძე.</p><p><span style="text-decoration: underline;">მსაჯი:</span> შოთა თევზაძე.</p><p><span style="color: #3366ff;"><strong>სხვა მატჩები</strong></span></p><p><em><strong><em><strong>აკადემია-ლელო 6:9</strong></em></p><p>აია-ხარები 25:9</p><p>არმაზი-ბათუმი 18:26</p><p>ჯიქი-ყოჩები 17:12</p><p></strong></em></p><p><span style="color: #3366ff;"><strong>სატურნირო მდგომარეობა </strong></span></p><p><em> ა გ თ მ ფ წ ბ ქ</em></p><p>1. აია 1 1 0 0 +16 5</p><p>2. ჯიქი 1 1 0 0 +5 5</p><p>3. ბათუმი 1 1 0 0 +8 4</p><p>4. ლოკომოტივი 1 1 0 0 +5 4</p><p>5. ლელო 1 1 0 0 +1 4</p><p>6. აკადემია 1 0 0 1 -1 1</p><p>7. არმია 1 0 0 1 -5 1</p><p>8. ყოჩები 1 0 0 1 -5 1</p><p>9. არმაზი 1 0 0 1 -8 0</p><p>10. ხარები 1 0 0 1 -15 0</p><p><span style="color: #3366ff;"><strong>II ტური</strong></span></p><p>აკადემია-ხარები, ბათუმი-აია, ყოჩები-არმაზი, ლოკომოტივი-ჯიქი, ლელო-არმია</p><p>(იბეჭდება მცირე ცვლილებით)</p><p><strong>ყოველდღიური სპორტული გაზეთი "ლელო"</strong></p>
COPE: "რეალის" ფეხბურთელები ფანების ქმედებით იმედგაცრუებულები არიან
ალონსო თუ გლასნერი? - "ტოტენჰემი" ფრანკის გათავისუფლებისთვის ემზადება
ევრო 2026 | ფუტსალის ნაკრებმა რიგაში პირველი ვარჯიში ჩაატარა
ერთი კატალონიური გუნდიდან მეორეში - ტერ შტეგენს მუნდიალამდე სათამაშო პრაქტიკა სჭირდება
არტეტა მთავარი სამიზნეა - "რეალს" მწვრთნელის პოსტზე რამდენიმე ვარიანტი აქვს
კონტრაქტი შეწყდა - ბოვე "რომას" ფეხბურთელი აღარაა
"ეს გუნდზე უარყოფითად აისახება" - ფიგუ ხაბი ალონსოს გათავისუფლებაზე
ფრანკის სამსახური დიდი კითხვის ნიშნის ქვეშაა - ყველაფერს დირექტორთა საბჭო გადაწყვეტს
ყველაფერი მოგვარებულია - პსჟ "ბარსელონას" ახალგაზრდა ფეხბურთელს იმატებს
[VIDEO] ეგოიანის გოლი და წაგებას გადარჩენილი "ექსელსიორი"
[VIDEO] მიქაუტაძის სრული მატჩი და კაცნაკლული "ვილიარეალის" მარცხი "ბეტისთან"
ევრო 2026 | ფუტსალის ნაკრებმა თბილისური შეკრება დაასრულა
[VIDEO] ...აი, რატომ არ უნდა გააბრაზო "ბაიერნი" - საშინელი სამსჯავრო ლაიპციგში
[VIDEO] "არსენალმა" გაქცევის შანსი დაკარგა - ნულები ნოტინგემში
სამი ფრის შემდეგ - ლობოტკამ "ნაპოლის" გამარჯვება მოუპოვა
[VIDEO] ალისონი ისევ არადამაჯერებელია - "ლივერპულმა" "ენფილდზე" აუტსაიდერს ვერ მოუგო
გოჩოლეიშვილი შეცვლაზე შევიდა - "ჰამბურგი" "გლადბახს" დაუზავდა
[VIDEO] კვერნაძის საგოლე პასი - "ფროზინონემ" "მონცასთან" ფრეს მიაღწია და ისევ ლიდერია
[VIDEO] ევროპის ჩემპიონატი. საქართველოს ნაკრები იტალიასთან ბრძოლაში დამარცხდა
[VIDEOS] "რეალის" ფანების პროტესტსა და სტვენაზე პერესმა სიცილი ვერ შეიკავა - "ბლანკოსმა" ორმატჩიანი მოუგებელი სერია "ლევანტესთან" დაასრულა
საქართველოს სარაგბო ჩემპიონატი: ახალი კალენდარი, ძველი გუნდები
დიდი 10. XIV ტური: "არმიამ" რევანში აიღო
ლელო-ლოკომოტივი 17:15 - "ლელო" ზედიზედ მეოთხედ გაჩემპიონდა! [VIDEO]
ლელო-ლოკომოტივი 30:21 - ლელო 2013, 2014, 2015 [VIDEO]
როვიგო VS ბათუმი - დებიუტი "კონტინენტურ ფარზე"
არმია-ლელო 13:15 - დებიუტანტმა მოაგებინა
დიდი 10. VIII ტური: "ბათუმმა" სხვაობა მინიმუმამდე შეამცირა
ბექა ურჯუკაშვილი: ევროთასები უმნიშვნელოვანესი მოტივაციაა
დიდი 10. II ტური: "ლელო", "ხარები", "აია"... ლიდერებში
"ბათუმმა" ჯარი მოიარა - ქართული კლუბი ევროთასისთვის ძლიერდება
დიდი 10. XII ტური: "ლელო"-ურჯუკაშვილი 27:26