<p>საქართველოს ეროვნული ჩემპიონატი. უმაღლესი ლიგა. XII ტური <br> მიმდინარე ჩემპიონატი "ტორპედოს" აქტივში ნამდვილად ვერ ჩაიწერება. გუნდი, რომელიც სეზონის წინ ერთ-ერთ ფავორიტად მოიაზრებოდა, 12 ტურის შემდეგ აუტსაიდერების სიახლოვეს იმყოფება. ქუთაისურ გუნდს ჯერჯერობით მწვრთნელის შეცვლამაც ვერ უშველა - ალექსანდრ შტელინის დანიშვნის შემდეგ "ტორპედომ" ოთხ მატჩში მხოლოდ 4 ქულა მოიპოვა, "სიონთან" წინა შეხვედრაში კი სულაც 2:6 განადგურდა.</p><p>შტელინის გუნდს სანაკრებო პაუზამ სულზე მიუსწრო. "ტორპედოს" მოსამზადებლად ორი კვირა ჰქონდა, თუმცა "შუქურასთან" გუნდს პროგრესი ნაკლებად ეტყობოდა. ქობულეთური გუნდი არ არის იოლად დასამარცხებელი და წლეულს "ტორპედოზე" გაცილებით უკეთაც ასპარეზობს, მაგრამ, როცა მოგება ჰაერივით გჭირდება, მის მოსაპოვებლად ცოტა მეტი გარჯა და მონდომებაა საჭირო.</p><p>შეიძლება ვინმემ თქვას, რომ ქუთაისელებს რიგ ეპიზოდებში არ გაუმართლათ, აქ ძელიო, იქ მეკარის წარმოუდგენელი რეაქციაო, მაგრამ საერთო ჯამში, ქუთაისელთა თამაში კრიტიკას ვერ უძლებდა.</p><p>აქ "ტორპედოს" ფანების პროტესტზეც უნდა ვთქვათ, რომლებიც კლუბის ხელმძღვანელობას შემოსწყრნენ და აგერ, უკვე რამდენიმე შეხვედრაა, მუდამ აქტიური "ჯუნგლების" ტრიბუნა ცარიელი და დადუმებულია.</p><p>მატჩის უმეტესი ნაწილი საკმაოდ დუნე და მოსაწყენი გამოდგა. საწყისი 20 წუთის განმავლობაში მოედანზე საინტერესო არაფერი მომხდარა. გუნდები საკმაოდ ნელ ტემპში აგორებდნენ ბურთს და ხიფათიც იშვიათად იქმნებოდა. თანდათან ქუთაისელთა მცირეოდენი უპირატესობა გამოიკვეთა. ტორპედოელები შეტევაში მეტოქეზე მეტ დროს ატარებდნენ და ქობულეთელთა კარისთვის გასაღების მოძებნას ცდილობდნენ, თუმცა შეტევებში სისწრაფე და ფანტაზია აკლდათ.</p><p>ყველაზე რეალური საგოლე მომენტი ტორპედოელებმა ტაიმის ბოლოს შექმნეს. შესანიშნავად ითამაშა გიორგი ქიმაძემ, რომელმაც რამდენიმე მცველს აუარა გვერდი, საჯარიმოში შეიჭრა და კარშიც დაარტყა - სტუმრები გოლისგან ძელმა იხსნა, უკუგდებულ ბურთს კი დავით კირკიტაძე თავით ამატებდა, მაგრამ არც მას გაუმართლა.</p><p>მეორე ტაიმში "შუქურა" გააქტიურდა, რაც დიდწილად შეცვლაზე შესული მერაბ ურიდიას დამსახურება იყო. მან სტუმართა შეტევებს სიმწვავე შემატა და მოედანზე გასვლიდან მალევე გოლის გატანის შესანიშნავი შანსიც მიეცა - ფლანგური გადაცემის შემდეგ კარში შეუჩერებლივ ურტყამდა, მაგრამ ქუთათურები გოლისგან მეკარე გიორგი თევდორაძემ იხსნა.</p><p>სტუმართა მორიგი ხიფათიც ურიდიას აქტიურობას მოჰყვა. "შუქურამ" სწრაფად გაითამაშა ჯარიმა და ლევან გეგეჭკორი ხელსაყრელ პოზიციაში აღმოჩნდა, მაგრამ ზუსტად ვერ დაარტყა.</p><p>შემდეგ ადრიან პუკანიჩმა შეასრულა სახიფათო ჯარიმა, მაგრამ ბურთი მცირედით ასცდა მიზანს. ტორპედოელებმა კვლავ სცადეს უპირატესობის მოპოვება, ისინი ძირითადად შეცვლაზე შესული ტანმაღალი ფორვარდის, ლაშა შინდაგორიძის მისამართით გზავნიდნენ მაღალ ბურთებს, მაგრამ სტუმართა მცველები საიმედოდ ირჯებოდნენ.</p><p>მიუხედავად ამისა, "ტორპედოს" მაინც შეეძლო გამარჯვების გოლის გატანა, მაგრამ ჯერ დათა სიჭინავას არ გაუმართლა (მისი დარტყმის შემდეგ ბურთი მცველს შეეხო და კარს მილიმეტრებით ასცდა), ხოლო შემდეგ ბაბუნაშვილის მიერ კუთხურიდან ჩაწოდებულ ბურთს გიორგი ნერგაძე თავით გზავნიდა სტუმართა კარში, მაგრამ დიდებულად ითამაშა მეკარე თეიმურაზ კაკალაძემ და გუნდი აშკარა გოლს გადაარჩინა.</p><p><span style="color: #3366ff;"><strong>საქართველოს ეროვნული ჩემპიონატი. უმაღლესი ლიგა. XII ტური</strong></span></p><p>21.11. ქუთაისი. "რამაზ შენგელია"</p><p><em><strong>ტორპედო-შუქურა 0:0</strong></em></p><p><span style="text-decoration: underline;">ტორპედო (4-2-3-1):</span> თევდორაძე - ტაბატაძე, ნერგაძე, ჭიჭინაძე, ქიმაძე - მამასახლისი, კლიმიაშვილი - კირკიტაძე (51. სიჭინავა), კუხიანიძე, ბრეგვაძე (57. ბაბუნაშვილი) - კვერნაძე (46. შინდაგორიძე).</p><p>სათადარიგოები: ხაინდრავა, ფურცხვანიძე, ნიკონოვი, ოდიკაძე</p><p>მწვრთნელი: ალექსანდრ შტელინი</p><p><span style="text-decoration: underline;">შუქურა (5-4-1):</span> კაკალაძე - გეგეჭკორი, ჭეიშვილი, ცხოვრებოვი, ბაგაევი, კომახიძე - თარხნიშვილი, პუკანიჩი, ჩელებაძე (90. ინგოროყვა), წიქარიძე (82. დოლიძე) - კერძევაძე (46. ურიდია).</p><p>სათადარიგოები: ჯიოევი, ანანიძე, ლობჯანიძე, შარიქაძე</p><p>მწვრთნელი: თემურ შალამბერიძე</p><p><span style="text-decoration: underline;">გაფრთხილება:</span> გეგეჭკორი (49), ჭეიშვილი (56), ნერგაძე (69), შინდაგორიძე (80)</p><p><span style="text-decoration: underline;">არბიტრი:</span> ჯ. ხორავა.</p><p><span style="color: #3366ff;"><strong>ბომბარდირები</strong></span></p><p>ო. მარცვალაძე (დილა) 10</p><p>გ. ქვილითაია (დინამო თბ) 9</p><p>ნ. კაჭარავა (ცხინვალი) 8</p><p>გ. ბერიაშვილი (დინამო ბთ) 8</p><p><span style="color: #3366ff;"><strong>XIII ტური</strong></span></p><p><span style="text-decoration: underline;">27 ნოემბერი, პარასკევი</span></p><p>ლოკომოტივი-დინამო (ბთ)</p><p><span style="text-decoration: underline;">28 ნოემბერი, შაბათი</span></p><p>სამტრედია-კოლხეთი</p><p>გურია-დინამო (თბ)</p><p>სიონი-ჩიხურა</p><p>შუქურა-ცხინვალი</p><p>საპოვნელა-ტორპედო</p><p>მერანი-ზუგდიდი</p><p><span style="text-decoration: underline;">29 ნოემბერი, კვირა</span></p><p>საბურთალო-დილა.</p>
ბოლო წუთების ფასი... "დილამ" და "სამგურალმა" მოიგეს, "იბერია 1999"-"გარეჯი" ფრედ დასრულდა
GEO TEAM: ლევან კორღალიძე "იბერია 1999"-ს მეოთხედ ჩაუდგება სათავეში
ფრე ქუთაისში... და "თელავის" მოგება "გაგრასთან"
არისაბალაგა შეიძლება ფაბრეგასის გუნდში გადაბარგდეს
დუდუ დადიანის მემორიალზე ნახევარფინალისტები დაწყვილდნენ
ბოლო წუთების ფასი... "დილამ" და "სამგურალმა" მოიგეს, "იბერია 1999"-"გარეჯი" ფრედ დასრულდა
გოჩოლეიშვილის კარგი მატჩი - "ჰამბურგი" "უნიონს" ფრედ ეთამაშა
[VIDEO] დრამა "სენტ ჯეიმს პარკზე" - "არსენალმა "ნიუკასლს" ბოლო 10 წუთში თამაში შემოუტრიალა
Le Parisien-ი კვარაცხელიას ტრავმის შესახებ ინფორმაციას ავრცელებს
U17 | საქართველო 3:0 ლიეტუვა
წიტაიშვილი და აბუაშვილი შეცვლაზე და "მეცის" ფრე "ჰავრთან"
GEO TEAM: ლევან კორღალიძე "იბერია 1999"-ს მეოთხედ ჩაუდგება სათავეში
იური ტაბატაძე შეცვალეს - "კადისი" "სეუტასთან" ფრეს დასჯერდა
ლოჩოშვილმა ტრავმა მიიღო - "ნიურნბერგი" სახლში "ჰერტასთან" განადგურდა
გოგლიჩიძე ისევ არ ათამაშეს - "უდინეზე" დამარცხდა
"დარწმუნებული ვარ, სიტუაციის შეცვლა შემიძლია" - ამორიმი "ბრენტფორდთან" მარცხის შემდეგ
"რეალს" გიულერის თაობაზე ორი კლუბი დაუკავშირდა - "სამეფო კლუბმა" გადაწყვეტილება მიიღო
"ვესტ ჰემმა" პოტერი გაათავისუფლა - "ჩაქუჩები" ეშპირიტუ სანტუმ ჩაიბარა
"რეალს" ენდრიკის იჯარით გაშვება უნდა, ბრაზილიელი წასვლის წინააღმდეგია
"დიდებული მწვრთნელია, მაგრამ ფერგიუსონამდე და ანჩელოტიმდე ბევრი უკლია" - ხაბიბმა გვარდიოლაზე ისაუბრა
[VIDEO] სათადარიგოთა სკამიდან შევიდა და ყველაზე შედეგიანი იყო - შერმადინის მაგარი მატჩი "რეალთან"
ფრე ქუთაისში... და "თელავის" მოგება "გაგრასთან"
"ამ ორი ფეხბურთელის წყალობით, "ბარსელონა" მომდევნო 10-15 წელი ჩემპიონთა ლიგის მოგების მთავარი ფავორიტი იქნება" - დეულოფეუ
ეროვნულ ლიგაში ახლად აღზევებული ქობულეთის "შუქურა" დაშლის პირასაა
"კოლხეთის" დირექტორი: 2018 წელს რა დონის გუნდი გვეყოლება, ფინანსებზე იქნება დამოკიდებული
კოლხეთი-დინამო(ბთ) 0:2 - ორმაგი დერბი ბათუმის სასარგებლოდ
ეროვნული ლიგა. XXVII ტურის წინ: ვამთავრებთ "კლასიკოთი"!
გიორგი ბუხაიძე: კლუბთან კონტრაქტი ამომეწურა და არ ვიცი ჯერჯერობით სად წავალ
"შუქურას" ფანებმა ბოთლი მსაჯს ესროლეს, სიგუას მოარტყეს და ბოდიშს იხდიან [VIDEO]
ჩიხურა-კოლხეთი 2:1 - თავით და კლასით [VIDEO]
საქართველო მხოლოდ 5 ქვეყანას უსწრებს - UEFA-მ კლუბების შედეგების მიხედვით, ახალი რეიტინგი გამოაქვეყნა
იმედია, ყველა არ გავარდება - დღეს ქართულ კლუბებს განმეორებითი მატჩები აქვთ
ოთხიდან ოთხივე გავარდა - რა ვიხილეთ ქართული გუნდებისგან ევროტურნირებზე?
გიორგი დემეტრაძე ქართულ ფეხბურთს სპორტულ დირექტორად დაუბრუნდა
ქობულეთის "შუქურას" განცხადება
პლეი-ოფში ეროვნული ლიგის მომავალი მონაწილე გაირკვა [VIDEO]
საბრძოლო ანგარიშებით საპასუხო მატჩებში - კონფერენს ლიგის მეორე რაუნდის პირველი შეხვედრების მიმოხილვა
რა გეგმა აქვს შუსტერს? - დღეს 2 ქართული კლუბი ითამაშებს
დღეს სამი ქართული კლუბი ითამაშებს - წაგებით დავიწყეთ...
ეროვნული ლიგა. XXXV ტური. "შუქურა" - "საბურთალო" [LIVE]
კოლხეთი-დინამო (თბ) 1:1 - "დინამო" ისევ კოჭლობს [VIDEO]