U17. ბოსნია-საქართველო 2:1 - ისწავლეთ, ფეხბურთი მარტივი თამაშია! [VIDEO]

ევროპის 17-წლამდელთა ჩემპიონატი. ელიტრაუნდი. III ჯგუფი. I ტური ვასილ მაისურაძის გაწვრთნილმა 17-წლამდელთა ნაკრებმა ევროპის ჩემპიონატის ელიტრაუნდი მარცხით დაიწყო. ჭაბუკმა ქართველებმა უმნიშვნელოვანესი სასტარტო მატჩი წააგეს ბოსნიასთან და ახლა დიდი ჯაფა დაადგებათ იმისთვის, რომ აზერბაიჯანში გასამართი ევროპის ჩემპიონატის საგზური მოიპოვონ.რამ განაპირობა საქართველოს ნაკრების მარცხი? ჩვენ ჩვენს აზრს დავწერთ და უკეთ ნაკრების სამწვრთნელო შტაბმა იცის.ისე ჩანდა, რომ ჩვენი ფეხბურთელები ძალიან ხშირად ართულებენ სიტუაციას მაშინ, როცა ამის საჭიროება არ არის. ერთ შეხებაშია პასი გასაკეთებელი? ჩვენ ორ-სამ შეხებას ვანდომებთ. თუ კაცი არ არის მოსატყუებელი, მაინცდამაინც მოტყუებას ვცდილობთ... მეტოქემ კი ითამაშა მარტივი, დალაგებული ფეხბურთი და საბოლოოდ, საწადელსაც მიაღწია.იტალიის ნაკრებთან ერთად, ბოსნია ჯგუფის უდავო ფავორიტად იქცა. იტალია კი სულ სხვა თემაა - მისი მჯობი გუნდი თბილისში არ ჩანს...რა თქმა უნდა, წაგება მხოლოდ ერთი ფეხბურთელის ბრალი ვერ იქნება. გუნდის კაპიტანს, მეკარე ლუკა გუგეშაშვილს, ეს თამაში აშკარად ჩაუვარდა, მაგრამ ჯოხს მხოლოდ მასზე ვერ გადავტეხთ. ისიც ფაქტია, რომ მეკარეს სათამაშო პრაქტიკა სჭირდება და ეს სამომავლოდ აუცილებლად გასათვალისწინებელია...მე-11 წუთზე ბალკანელებმა კინაღამ გახსნეს ანგარიში. ბურთის მარტივად ამოტანის ნაცვლად, გუგეშაშვილმა მეტოქის ფორვარდის მოტყუება განიზრახა, რაც გამოუვიდა კიდეც, თუმცა ლუკას რეშიჩმა აართვა ბურთი და ტომას დადიჩს უპასა. მან ახლო მანძილიდან დარტყმულს სიზუსტე დააკლო...სამ წუთში ანგარიში გავხსენით. "საბურთალოს" ფორვარდმა გიორგი ივანიაძემ ძლიერად დაარტყა, ბურთი ბოსნიელთა მცველ მილან მირიჩს მოხვდა და მეკარე ფილიპ ვაცილიმ თავისიანების გადარჩენა ვეღარ მოახერხა.დიდხანს არ გვაცალეს გოლით ტკბობა - ბოსნიამ იქვე გაგვითანაბრა. მე-17 წუთზე რეშიჩმა მარცხენა ფლანგიდან ჩააწოდა ბურთი ქართველთა საჯარიმოში. ყველა საფეხბურთო წესით, ის ბურთი გუგეშაშვილის ადვილი ნადავლი უნდა გამხდარიყო... ლუკამ ბურთი ხელებში კი დაიჭირა, მაგრამ... კარში შევიდა და...მეორე ტაიმში სახიფათო მომენტები ნაკლებად იქმნებოდა. ქართველთაგან ყველაზე მეტად ნიკა ნინუა და გიორგი ჩაკვეტაძე აქტიურობდნენ. თავიდან ახლოს მიზანთან ნინუა იყო, თუმცა მის მიერ დარტყმული ბურთი ბოსნიელთა კარის დარაჯმა მოიხელთა.მაისურაძემ მინდორზე ზურა დავითაშვილი შეუშვა და თამაშიც შედარებით გამწვავდა. ამ ნაკრების მესამე მატჩს ვუყურე და უნდა ვთქვა - ეს გუნდი აშკარად ღარიბია ინდივიდუალისტებით. გამონაკლისია დავითაშვილი, ოღონდ ის პარტნიორებზე 2 წლით უმცროსია...72-ე წუთზე მას შესანიშნავი მომენტი ჰქონდა - კარგად წაიღო ბურთი და ძლიერად დაარტყა. ვაცილიმ ურთულესი ბურთი მოიგერია. რომ არა მისი შესანიშნავი თამაში, ანგარიში აუცილებლად გათანაბრდებოდა...75-ე წუთზე ბოსნიელთა შეტევა ფლანგური ჩაწოდებით დასრულდა. სტეფან კოვაჩი კარგად გაიხსნა, ჩვენს მცველებს დაუსხლტა და ერთი შეხებით გაიტანა ბალკანელთა გამარჯვების გოლი.ბოლო წუთებზე მაისურაძის ბიჭებმა მთელი ძალებით სცადეს ქულის გადარჩენა. ალექსანდრე ანდრონიკაშვილის თავურზე ბოსნიელთა კიპერმა იმარჯვა. იქვე, სტუმართა საჯარიმოში დიდი არეულობა შეიქმნა და პენალტსაც ვითხოვდით, თუმცა - უშედეგოდ.ქომაგებს იმედი გაუცრუვდათ. მატჩის დასრულების შემდეგ იმასაც გაიგონებდით, რას ერჩოდნენ გოჩა ავსაჯანიშვილს, შედეგი დადო, რატომ მოხსნესო?.. ზოგი იმასაც ამბობდა - დროა, საქართველოში ფეხბურთი საერთოდ ავკრძალოთო...მოდი, რადიკალიზმს შევეშვათ. ბიჭებს შუა გზაზე ნუ მოვუკლავთ იმედს, რომელიც ჯერ კიდევ შეგვრჩა. დასრულდება ტურნირი და მტყუან-მართალი მერე გავარჩიოთ...მატჩის შემდეგვასილ მაისურაძე: "თავიდანვე ვიცოდით, რომ რთული თამაში გვექნებოდა. ქარმა დაღი დაასვა თამაშს. ერთ რომელიმე ფეხბურთელზე არ მიყვარს ლაპარაკი, მაგრამ მეკარის შეცდომებმა არია გუნდი...არ მგონია, გუგეშაშვილი თადარიგში გადაჯდეს. ის ჯერ 16 წლისაა და ცხადია, ექნება შეცდომები, მაგრამ უნდა გაითვალისწინოს მომავალში... ფაქტია, გართულდა ჩვენი გზა ევროპის ჩემპიონატისკენ, მაგრამ შანსი არის. ორივე თამაში უნდა მოვიგოთ, რომ გავიდეთ...რაც შეეხება დავითაშვილს, ის არის ერთადერთი პროფესიონალი სათადარიგოთა სკამიდან. მას შეიძლება ბოლომდე დაეყრდნო. სხვაზე ვერ ვიტყვი ამას. იმიტომ დავტოვე თადარიგში, რომ თამაში გაემწვავებინა. ვფიქრობ, მეორე შეხვედრაში ძირითადში მოუწევს თამაში".ევროპის 17-წლამდელთა ჩემპიონატი. ელიტრაუნდი. III ჯგუფი. I ტური15.03. თბილისი. "მიხეილ მესხი"ბოსნია-საქართველო 2:1გოლები: 0:1 ივანიაძე (15), 1:1 რეშიჩი (17), 2:1 კოვაჩი (75)ბოსნია: ვაცილი, პერიჩი, ბეშირევიჩი, ჩელიკოვიჩი, ველიჩი, მირიჩი (75. სადიკუ), რეშიჩი (80. შაბაჯანოვიჩი), კოვაჩი, დადიჩი, ველაჯიჩი, ბ. ჰაჯიჩი (66. ვლადიჩი).სათადარიგოები: დუიმოვიჩი, ნ. ჰაჯიჩი, ვულეტიჩი, მეჰულიჩიმწვრთნელი: საკიბ მალკოჩევიჩისაქართველო: გუგეშაშვილი, კიკალიშვილი, ქაფიანიძე, კასრელიშვილი, ხარაბაძე, კუცია, ნინუა, შეწირული (41. ანდრონიკაშვილი), ქავთარაძე (54. დავითაშვილი), ჩაკვეტაძე, ივანიაძე (74. სპანდერაშვილი).სათადარიგოები: კერესელიძე, გულბანი, ასათიანი, ოზბეთელაშვილიმწვრთნელი: ვასილ მაისურაძეგაფრთხილება: ჩელიკოვიჩი (36), ივანიაძე (58), კუცია (71), რეშიჩი (80)გაძევება: დადიჩი (75)არბიტრი: ფ. კარაკო (უნგრეთი).15.03. თბილისი. "მიხეილ მესხი" (სათადარიგო)რუსეთი-იტალია 0:4გოლები: 0:1 მელეგონი (5), 0:2 კინი (25), 0:3 კინი (66), 0:4 პინამონტი (73)დარჩენილი მატჩები17 მარტი14:00 რუსეთი-საქართველო ("მიხეილ მესხი")16:00 იტალია-ბოსნია ("მიხეილ მესხი", სათ)20 მარტი14:00 ბოსნია-რუსეთი ("მიხეილ მესხი", სათ)14:00 საქართველო-იტალია ("მიხეილ მესხი").(იბეჭდება მცირე ცვლილებით)ყოველდღიური სპორტული გაზეთი "ლელო"

niko

მეკარე მაგარი ბიჭი ხარ შენ და აჩვენე ყველას შენი შესაძLებლობები
mikheili

მეკარე მაგარი ბიჭია მაგრამ ამ თამაშზე რა სჭIრდა არ ვიცი...მხოლოდ მეკარე ნუ დააბრალით ერთი შეცდომა დაუშვა და გუნდმა კიდევ ერთI გოლი ვერ გაიტანა ნორმალური! უფრო მეტი მონდომება ბიჭებო აბა თქვენ იცით თქვენი იმედი მაქვს
zura

ამდენი განაწყენებული ხალხი, გვიხაროდა აქ რო იყო თამაშები მასეთი თამაშისთვის გავიცივებ თავს თქვე საწყლებო იმასაც ვერ ხვდებით რა გჭირთ რას დაგიმსგავსებიათ ეს ბავშვები საგოლ ავსაჯან მაგარი გუნდი გყავდა ამათმა ერთი ხელის მოსმით გაანადგურეს დახარჯულ ფულზე რო ლაპარაკობთ ამაზე მეტი არ იხარჯებოდაო ესეიგი ისევ ისე უნდა გავაგძელოთ რა მოხდა მერე ერთი წაგებაო უბრალო ბოსნიას ვერ მოუგეთ და იტალიის მოგებაზე ოცნებობთ?მე მაშინ მივხვდი რა გუნდი გყავდათ შეკრებილი ბოლო ამხანაგური რო ნიჩია ითამაშეთ ავსაჯანას გუნდმა 4 2 მოუგო სირცხვილი
qutaiseli

ვერც მაისურაძე იზამდა რამეს ეგეთი ფეხბურთელებით და ვერც ბეკენბაუერი ან ეს ჩასაფრებული კრიტიკა რა ჯანდაბაა ვერ გავიგე.მწვრთნელები ყავდა საქართველოს ნაკრებს ანტიკვარები და მილიონებსაც იღებდენ ღირსეულ წაგებებში და ეგეთი კრიტიკა არ მახსოვს რომ ყოფილიყო ერთი თამაშის მერე.
okribeli

ვასილი(მაისურაძე) ხომ გაოცებთ თავისი "შემოქმედებით", ცოტა ხანში გია(გეგუჩაძე) გაგაოგნებთ.
tato

ვასკა არ გცხვენია ქარს როგორ ახსენებ მარტო თქვენთვის ქროდა ქარი ხო არავინ გაგიცივდათ გაციებულს და ვახოს და შენ მალინიანი ჩაი მოგიხდებათ აი მწვრთნელის კომენტარი იაგორაშვილი რას გვეტყვის დაგვიკომენტაროს რამე აზრიანი ... შემძულდა ფეხბურთი რას ველოდი მიხაროდა აქ რო იყო ტთამაშები თქვენთვის გავიცივებ თაბს ... მუჯირს როგორ მოეწონა ნაკრები აგფრთოვანებულია ალბათ
maxo

აი უბედურება ეს არის მწვრთვნელი და მისი მრჩეველი იაგორაშვილი ვერც კი ხვდებიან რა პრობლემა აქვს ნაკრებს ესენი საერთოდ აზრზე არ არიან რომელს ქვია მწვრთნელი ვასკას თუ ვახოს თქვენს პატრონს დაანგრიეთ გუნდი რა შეწყობილი თამაშობდენ ეს იყო გუნდი? ყველა თავის ჭკუაზე დარბოდა მეკარის შეცდომა დაინახეთ არ გცხვენიათ სხვა რომელ რგოლში გქონდათ დაწყობილი საქმე ნეტა ტრიბუნეიდან გენახათ რას გავდით რას თამაშობდით ფეხბურთი უნდა ავკრძალოთ საქართველოში ამაში ფულის დახარჯვა დანაშაულია იტალიის მოგებას ფიქრობტ გულში არ გაივლოთ თქვე საწყლებიო რუსეთი ვაფშე შეგჭამთ რისი და ვისი იმედი გაქვთ ვინ გყავთ სათადარიგოზე თქვე სასაცილოებო ამას ნაგდად არ ველოდით რას გავდა ნინუა რა ბავშვი დაგიმახინჯებიათ ანდრონიკაშვილით და ვიგაც შეწირულით მაგრად გაგიძლიერებიათ ნაკრები საგოლ ვასკა
Irakli Apkhaidze

გუშინდელი წაგება უიღბლობაც იყო, რამდენიმე საგოლე მომენტი შევქმენით და არ შევიდა ბურთი კარში, ბოსნიას მოგება ალოგიკური იყო, საგოლე მომენტები არც ჰქონიათ ისე მოიგეს
123

მაისურაძე თუ იცი ცუდ მოცეკვავეს ხელს რა უშლის?
roma

კარგი წააგე,წააგე,მაგრამ ისიც გასარკვევია სულ ჩვენ რატომ ვაგებთ,დაუშვათ ვის არ წაუგია,მაგრამ უბედურება ის არის,რომ ანალიზის გაკეთება არ შეგვიძლია,ე.ი სწორ დასკვნებს ვერ ვაკეთებთ და შემდგომში არაფერი გამისწორდება,გამოდის განწირულები ვართ მარცხისთვის,მაისურაძე ცოტა აზრზზე მოდი,ნუ აღალატებ ქვეყანას და ბავშვებს,შენ თვითონ აზრზე არ ხარ და შენი დამნიშნავიც აზრზე არაა ფეხბურთში,წადი და სხვა რამე აკეთე,ცხადია ამ საქმის კეთება არ გამოგდის.
Vaso

ნუ შევეშვათ რა, ამ ქარში და წვიმაში ფეგბურთის თამაშს, არ გამოგვდის, არა ისე სიცხეშიც რო არ გამოგვდის???????!!!!!! / მემგონი ღამე უნდა ვეთამაშოთ ამათ, მაინც რაც არ უნდა იყოს უშუქობაში და სიბნელეში გაზრდილი ხალხი ვართ....../// საქართველო 3-1 რუსეთი. ამ თამაშს მოვიგებთ
Joni

და იმმათთვის ქარი არ ქროდა? ... ეს თუ საქართველოს ნაკრებია და საუკეთესო მოთამაშეები ესენი არიან, მაშინ სჯობს საერთოდ დავანებოთ ფეხბურთს თავი. მარტო ტრაბახით სადამდეც მიხვედით კი ხედავთ!
bebe

ქარი მარტო ჩვენთვის იყო?
Ioseb

მთავარი ერთია ამ ბავშვებმა კონკრეტულ მომენტებში უნდა ითამაშონ მარტივად, ეს კი მწვრთნელებმა უნდა ასწავლონ... როცა პროფესიონალები აგდებენ კუთხურზე ბურთს 17 წლისამ რომ გადააგდოს გრეხი არააა!!!
mumu

ხომ ნახეთ რომ ქარი იყო რატომ ითამაშეთ ეგრე როგორ შეიძლება გაცივდებიან ბავშვები ტან ხომ იცით ქარში და ორპირში ვერ თამაშობენ
giga

და რა იმედი უნდა შეგრჩეს, იტალია იმნაირ პორნოს ჩაგვიტარებს იუთუბზე გამოქვეყნებით დააშანტაჟებენ ბარეორს.
giga

ეგ თან ცოტა ვერაა, შეკრული ტრიბუნებია და ქარს რა უნდა დააბრალო ფეხბურთში. გარდასახვას ურტყამდენ? თან კიდე 2-ვე ტაიმში როგორ გიშლიდა ქარი მიმართულეაბს იცვლიდა?
tornike

ეხლა ანტი ზუკა დაწერს კომენტარს და რას დაწერს კიდე მაინტერესებს. ეგ არაფერი ბიჩებო 2ივეს მიგებთ მთავარია მონდომება
........

რომ თქვა რომ გაყიდეს, ვერ იტყვი რადგან ამის შნო უნდა გქონდეს რომ სასურველი შედეგი დადო. აქ საუბედუროდ ბევრად უარესი მდგომარეობაა, რადგან გუნდი არაფრის გამკეთებელია და ეს ყველაფერი ჰაერზე ლაპარაკია, რომ ეს უნდა და ის უნდა ვქნათ. გადაგივლიან იტალიელებიც და რუსებიც სავარაუდოდ.

17-წლამდელებმა თებერვლის შეკრება გამარჯვებით დაასრულეს

17-წლამდე ნაკრებმა ჩრდილოეთ მაკედონიასთან მატჩებისთვის მზადება დაიწყო

17-წლამდე ვაჟთა ნაკრები ჩრდილოეთ მაკედონიას უმასპინძლებს

ქოჩორაშვილის და ლომინაძის გარეშე - "სპორტინგმა" "ეშტორილს" მოუგო

პირველი ტაიმის შემდეგ საქართველოს ნაკრები დანიას 39:32 ამარცხებს

შენგელიამ ნაკრებთან თამაშის დღეს ივარჯიშა | ჯიკიჩმა მატჩისთვის 12 მოთამაშე შეარჩია

ლიპარტელიანი და გადელია ბრინჯაოს მედლებისთვის იბრძოლებენ - ტაშკენტის გრანდ სლემის პირველი საშეჯიბრო დღე

"ცრუ ცხრიანით თამაშობდა, მაშინ როცა სხვებმა არც კი იცოდნენ ეს რა იყო" - "ლიდსის" მწვრთნელმა გვარდიოლასადმი კომპლიმენტები არ დაიშურა

როლანდ გელოვანის ხსოვნის ტრადიციულ ტურნირს ვერის ბაღის დარბაზმა უმასპინძლა

[VIDEO] ნეიმარის დუბლი და ცეკვა ვინისიუსის სტილში - "სანტოსმა" "ვასკო და გამა" დაამარცხა

ევროპა ლიგაზე პლეი-ოფიდან 1/8-ფინალში გასული გუნდები გაირკვა

კონფერენს ლიგა: მორჩილაძის "რიეკა" მერვედფინალში გავიდა, სიგუას "ლოზანა" - ვერა

17-წლამდელებმა თებერვლის შეკრება გამარჯვებით დაასრულეს

კვარაცხელია ჩემპიონთა ლიგის კვირის სიმბოლურში

"არსენალი" კვლავ ჩემპიონთა ლიგის მოგების ფავორიტია - პსჟ მეხუთე პოზიციაზეა

"გალათასარაის" 1/8-ფინალში გასვლა ერდოღანმა მიულოცა

"რომელი გირჩევნიათ მერვედფინალში მეტოქედ, "ჩელსი" თუ "ბარსელონა"? - კვარაცხელიამ კითხვაზე უპასუხა

20 წ. | სამხრეთ აფრიკასთან მეორე მატჩისთვის 23 მორაგბე შეირჩა

"ყველამ ვიცით, 1/8 ფინალში ვინც შეგვხვდება" - ტიბო კურტუა

"ამაზე კითხვებიც კი არ ყოფილა" - სპალეტის მომავალი გაირკვა

"შეგვიძლია თუ არა გასული სეზონის პსჟ გავხდეთ?" - ენრიკემ შეკითხვას უპასუხა

"ვიცოდი, რომ "იუვენტუსი" ჩვენს ცხოვრებას კოშმარად გადააქცევდა

ცვლილებები დაცვით ხაზში - "რეალიდან" ალაბას წასვლა გადაწყვეტილი ამბავია

[VIDEO] გოგლიჩიძის გარეშე და ჩაკვეტაძის ერთი ტაიმი - "უოტფორდმა" სახლში "იფსვიჩთან" წააგო

ვასილ მაისურაძე: ვთვლი, რომ ღირსეულად ვითამაშეთ

[ლელოს სტუმარი] "მთავარია, რომ ტრანსფერის დროს ფულზე ფიქრმა არ გაჯობოს"

ვაჟთა ასაკობრივი გუნდების წილისყრა ნიონში

U17. საქართველოს ნაკრებმა მესამე მატჩიც წააგო

ბუდუ ზივზივაძემ კონფერენს ლიგაზე გაიტანა [VIDEO]

გიორგი ივანიაძე "დილას" ფეხბურთელია

19-წლამდელები პორტუგალიისა და დანიის წინააღმდეგ - მაისურაძე "პორტუსა" და "ბრაგას" ლეგიონერებით

გუგეშაშვილი "პაოკიდან" სხვა ბერძნულ გუნდში გადავა

მაისურაძემ 21-წლამდელთა ნაკრების შემადგენლობა დაასახელა

ევროპა ლიგა. "შტურმი" კიტეიშვილის გარეშე დამარცხდა - გუგეშაშვილი "პაოკმა" განაცხადში არ შეიყვანა

[ოთხშაბათის საკითხავი] ვინ არის დამნაშავე?

გოჩა ავსაჯანიშვილი: დარწმუნებული ვარ, ამ ჯგუფიდან გავიდოდი!

17-წლამდელებმა თებერვლის შეკრება გამარჯვებით დაასრულეს

ნინუას დებიუტის მოლოდინში და ქეცბაია ფორვარდის პრობლემით

კაშია, მექვაბიშვილი, აზაროვი და სიგუა კონფერენს ლიგაზე ითამაშებენ

U17. საქართველო-ბულგარეთი 0:1 - მხოლოდ მეორე ტაიმი არ კმარა

ნინუა კარიერას ბერძნულ გუნდში გააგრძელებს

ოფიციალურად - გუგეშაშვილი "ატრომიტოსის" ფეხბურთელია

საქართველოს 16-წლამდელთა ნაკრები: ...მაგრამ თაობა უდავოდ ნიჭიერია

ნინუა 2-3 კვირაში თამაშში შეძლებს - ნიკა "საკუთარ" გუნდს დაუბრუნდა

დაუცხრომელი ზივზივაძე და კვირკველიას გუნდის გასაოცარი ქამბექი [VIDEO]

[VIDEO] ჩაკვეტაძის წამოწყებული საგოლე კომბინაცია - "უოტფორდმა" სტუმრად "ბრისტოლს" სძლია

[VIDEO] გოგლიჩიძის უიღბლო დებიუტი და "უოტფორდის" წაგება "საუთჰემპტონთან"

U17. საქართველო VS რუსეთი - ნუ დაიზარებთ სტადიონზე წასვლას!

ჰეთ-თრიკი და ქამბექი - მაისურაძის 19-წლამდელების გამარჯვება [VIDEO]

"პანჩო არენა" და საქართველო: გვექნება ანალოგი?

გოგლიჩიძე სასტარტოში, ჩაკვეტაძე შეცვლაზე და "უოტფორდის" ნანატრი გამარჯვება

U17. საქართველოს ნაკრები საბერძნეთთანაც დამარცხდა და ჯგუფში ჩარჩა

ჩაკვეტაძე და გოგლიჩიძე შეცვალეს - "უოტფორდი" "პრესტონს" ფრედ ეთამაშა

საქართველოს 17-წლამდელთა ნაკრებმა "განვითარების თასზე" სომხეთი გაანადგურა

ქეცბაიას ნინუა დააკლდება, კარგ ფორმაში მყოფი კაჭარავა სასტარტოში...

U17. საქართველოს ნაკრებმა ჩრდ. ირლანდია დაამარცხა

"სლოვანის" საბერძნეთში ხელიდან გაშვებული გამარჯვება, ზივზივაძის გოლი და "ლეხის" მორიგი მარცხი [VIDEO]

[VIDEO] U17. საქართველოს ნაკრები ისლანდიასთან დიდი ანგარიშით დამარცხდა

არსებული ინფორმაციით, სუს-მა გოჩა ავსაჯანიშვილი დააკავა [VIDEO]

17-წლამდე ნაკრებმა ჩრდილოეთ მაკედონიასთან მატჩებისთვის მზადება დაიწყო

ნინუას მომავალი გაირკვა - tothemaonline

საქართველოს 19-წლამდელთა ნაკრებმა მოდლოვური ტურნირი სომხეთის განადგურებით დაასრულა

თბილისის "დინამო" უკვე მე-9 ფეხბურთელმა დატოვა

ქეცბაია "ანორთოსისში" საქართველოს ნაკრების მეკარის გადაყვანას ცდილობს

ოფიციალურად - ნინუამ საბერძნეთში გუნდი შეიცვალა

ჩაკვეტაძემ გადამწყვეტი პენალტი ვერ გაიტანა - "სლოვანი" და "ნეფთჩი" გამოვარდნენ, "ლეხი" გავიდა [VIDEO]

საქართველოს ნაკრების მეკარე საბერძნეთში გუნდს გამოიცვლის

17-წლამდე ვაჟთა ნაკრები ჩრდილოეთ მაკედონიას უმასპინძლებს

ქართველების "უოტფორდს" ახალი მთავარი მწვრთნელი ჰყავს

გმადლობთ, მეტის მიღწევაც შეიძლებოდა... დავით სირაძემ კარიერა დაასრულა

U.21 ნაკრებს ახალი მთავარი მწვრთნელი ჰყავს