ჩაძირულები - "ნიუკასლი" საშველის ძიებაში

რას შეძლებს რაფა ბენიტესი "კაჭკაჭებში" საქმეს ისეთი პირი უჩანს, "ნიუკასლ იუნაიტედს" ძალიან გაუჭირდება უძლიერესთა შორის ადგილის შენარჩუნება. გუნდი ისე თამაშობს, რომ ამის შანსი მართლაც მინიმალურია. სიტუაცია ვერც გუნდში რაფა ბენიტესის მისვლამ შეცვალა. თამაშის ხარისხი ისეთია, "ჯორდების" ცქერა მეორედ აღარ მოგინდება.არადა, "ნიუკასლი" ტრადიციული კლუბია. მას ჰყავს ძალიან ერთგული ქომაგი და, ბოლო წლებს თუ არ ჩავთვლით, "სენტ ჯეიმს პარკზე" თამაში ყოველთვის ძალიან ჭირდა. ახლა ასე აღარ არის. ცხოვრებაში უმიზეზოდ არაფერი ხდება და "ნიუკასლის" კრიზისსაც თავისი მიზეზი უნდა ჰქონდეს.კლუბი ვერაფრით იქნება წარმატებული, თუ საქმე საათივით აწყობილი არ არის - თანამედროვე ფეხბურთში ეს აქსიომაა. "ნიუკასლში" დიდი ხანია, ერთის აღმა ფარცხულს მეორე დაღმა ფარცხავს და ეს კლუბის ასპარეზობასაც ეტყობა.არადა, არცთუ დიდი ხნის წინათ "ჯორდებს" ინგლისის ჩემპიონატში ყველა უფრთხოდა. ყველაფერს რომ თავი დავანებოთ, გუნდი ჩემპიონთა ლიგაზე ასპარეზობდა და პრემიერლიგაში უმაღლესი მიზნებისათვის იბრძოდა. რაღა შეხსენება გჭირდებათ, "ნიუკასლში" მაშინ ინგლისური და მსოფლიო ფეხბურთის ცოცხალი ლეგენდა, ალან შირერი ბრწყინავდა.შირერმა დიდი ერთგულების ტესტი ჩააბარა. ის არ წავიდა გუნდიდან, არადა, მას გრანდები უხმობდნენ. შემადგენლობას თუ გადავხედავთ, "ნიუკასლს" დღესაც არ უნდა უჭირდეს. კლუბის ხელმძღვანელობამ დიდი ფული დახარჯა და "სენტ ჯეიმს პარკზე" არაერთი კვალიფიციური ფეხბურთელი მიიყვანა, მაგრამ შედეგი არ ჩანს.წლევანდელ "ლესტერს" გულშემატკივრის წინაშე დამატებითი წარდგენა არ სჭირდება. არადა, შემადგენლობას თუ გადავხედავთ, თავისუფლად შეიძლებოდა, მის ადგილზე სწორედ "ნიუკასლი" აღმოჩენილიყო. ყოველ შემთხვევაში, სახელებით გუნდს ამის პოტენციალი ნამდვილად ჰქონდა.ჩემპიონობას ვინ ჩივის, გუნდი ჩემპიონშიპში ვარდება და ეს უკვე ძალიან ცუდია. ბოლო წლებში "ნიუკასლი" ერთხელ უკვე გავარდა, თუმცა რანგით მეორე დივიზიონს მალევე დააღწია თავი. რა იქნება ამჯერად, ამის წინასწარმეტყველება ძალიან რთულია.რა არის "ნიუკასლის" წარუმატებლობის მთავარი მიზეზი? აქ, უპირველეს ყოვლისა, კლუბის მფლობელი, მაიკ ეშლი უნდა ვახსენოთ. ამბობენ, რომ ამ კაცს არნახულად უყვარს "ნიუკასლი", მაგრამ ისიც ფაქტია, რომ ის კლუბის ცხოვრებაში ქირურგიულად ძალიან ხშირად და უადგილოდ ერევა.მწვრთნელი არ არის გასაშვები და ეშლი უშვებს. ფეხბურთელი არ არის გასაშვები და მფლობელი მას იოლად ელევა. ის იქ ხარჯავს, სადაც დასახარჯი არ არის და ეკონომიას იქ აკეთებს, სადაც გასაკეთებელი არ არის.კლუბის ხელმძღვანელობამ, სხვა რომ ვეღარაფერი მოიფიქრა, საშველად რაფა ბენიტესს უხმო. რაფას სჭირდება თუნდაც ლოკალური წარმატება. ის "რეალიდან" გაუშვეს და ახლა სხვაგან უნდა დაამტკიცოს თავისი კლასი.ეს კია, რომ შედეგები ჯერ უკეთესი არ გამხდარა, დრო კი აღარ ითმენს.გულშემატკივრები კი უკვე უკმაყოფილონი არიან. "ნიუკასლის" ბოლო საშინაო მატჩზე, "სანდერლენდთან" უკვე გამოჩნდა პლაკატები წარწერით "რაფა, წადი". ეს კი საერთო საქმეს არ უხდება.საერთოდ, სამწვრთნელო საკითხი და "ნიუკასლი" ძალიან ფაქიზი თემაა. არავინ იცის, თავის დროზე რატომ მოიშორეს თავიდან ალან პარდიუ. ის არც ეშლის უყვარდა და არც - გულშემატკივრებს. არადა, დღეს რომ გამოცდილი მწვრთნელი პოსტზე იყოს, გუნდს პრემიერლიგაში ადგილის შენარჩუნების პრობლემა ალბათ არ ექნებოდა.მოკლედ, ყველა პრობლემა უსწრაფესად უნდა მოგვარდეს, ამის რესურსი კი ნაკლებად ჩანს. გუნდი, თითქოს, ცალკეულ ნაწილებადაა დაშლილი. რაფა ბენიტესის სამწვრთნელო სტილი იქნებ ბევრისათვის არც იყოს მისაღები, მაგრამ ესპანელს იმხელა კვალიფიკაცია კი აქვს,რომ გუნდი უძლიერესთა შორის დატოვოს.სხვა საქმეა, რომ ამას ხელს გარემოებები არ უწყობს. რაფა ჯერაც არ კარგავს ოპტიმიზმს, თუმცა ხსნა იოლი არ იქნება.მით უმეტეს, გუნდის აღიარებული ლიდერები იმ თამაშს ვერ აჩვენებენ, რასაც გულშემატკივარი მათგან ელის.ავიღოთ თუნდაც გამოცდილი დაცვის ბურჯი, არგენტინელი ფაბრიციო კოლოჩინი. სამხრეთამარიკელს თავისი ქვეყნის ეროვნულ ნაკრებში არაერთი მატჩი ჩაუტარებია. ისეთი შემთხვევებიც გვახსოვს, როცა მას მარტოს გადაურჩენია ქულები "ნიუკასლისათვის". ახლა ის ცუდ ფორმაშია.ერთადერთი, ვის თამაშსაც შეიძლება დამაკმაყოფილებელი ვუწოდოთ, ახალგაზრდა ფორვარდი ალექსანდარ მიტროვიჩია. ეგაა, სერბ შემტევს ძალიან იშვიათად ამარაგებენ ისეთი პასებით, რომლებსაც შეიძლება გოლი მოჰყვეს.მიტროვიჩს მებრძოლ სულისკვეთებას ვერავინ წაართმევს. ყველამ ვნახეთ, როგორ მიილტვოდა ის მინდვრისაკენ "სანდერლენდთან" საშინაო დერბის დროს. არადა, ექიმებმა მას ეს აუკრძალეს."ნიუკასლის" არაერთ ფეხბურთელს სწორედ ეს აკლია. შექმნილ ვითარებას გამოეხმაურა კლუბის ლეგენდა ალან შირერი. მან შემდეგი თქვა: "ახლა ყველა ერთი მიზნის გარშემო უნდა გაერთიანდეს. ახლა არ არის ცალკეული ამბიციების გამოვლენის დრო. ყველამ ერთი რამ უნდა ჩაიბეჭდოს თავში - "ნიუკასლი" უნდა გადარჩეს. სხვანაირად მე ვერ წარმომიდგენია. ეს ნაღდი ტრაგედია იქნება. ფიქრიც კი არ მინდა იმაზე, რა შეიძლება მოხდეს, თუ "ნიუკასლი" გავარდება".ყოველდღიური სპორტული გაზეთი "ლელო"

"ვულვერჰემპტონს" ახალი მწვრთნელი ჰყავს

"ფულჰემმა" შესაძლოა, მთავარი მწვრთნელი გაათავისუფლოს

"ვან დეიკის გოლი უნდა ჩათვლილიყო" - რუნი მსაჯების გადაწყვეტილებას არ ეთანხმება

"ბარსელონას" ვარსკვლავი შეიძლება თურქულ გუნდში გადაბარგდეს

[სიმბოლური ნაკრები. ეროვნული ლიგა. XXXII ტური] იონსენის "პოკერი", ანუ როცა მოდუნება წამითაც არ შეიძლება...

"რეალი" თავდამსხმელს იჯარით "ლიონში" გაუშვებს

"ფულჰემმა" შესაძლოა, მთავარი მწვრთნელი გაათავისუფლოს

უკვე ვარიანტი აქვს - დიდიე დეშამი საფრანგეთის ნაკრებიდან შესაძლოა, საუდის არაბეთში წავიდეს

U21 | საბერძნეთი V საქართველო - პირველი ვარჯიში ათენში

16-წლამდელებმა ნოემბრის შეკრება გამარჯვებით დაასრულეს

ლევანდოვსკიმ შეიძლება კარიერა დაასრულოს

ნაკრები ესპანეთთან და ბულგარეთთან მატჩებისთვის სრული შემადგენლობით ემზადება

18 წ. | ჩეხეთისთვის 26 შეირჩა

"ატალანტას" რაფაელე პალადინო გაწვრთნის

ოფიციალურად: დუდა სანაძე კარიერას ესპანეთის ჩემპიონატში გააგრძელებს

დე ლა ფუენტეს იამალის ნაცვლად თბილისში 28 წლის თავდამსხმელი მოჰყავს

"მილანი" მოდრიჩთან კონტრაქტის გაგრძელებას აპირებს

ოფიციალურად: იამალი საქართველოსთან მატჩს გამოტოვებს

მახაჩევის საუკეთესო ხუთეული: ილია მე-5, მერაბი P4P-ს მიღმა, ისლამი 1-ლი

"ბარსელონამ" მწვრთნელი გაათავისუფლა - პასკუალის დაბრუნება?

“ა” ლიგის საკვალიფიკაციო ტურნირისთვის რეგისტრაცია დაიწყო

"ჩვენ ერთად თამაშიც შეგვიძლია" - ეკიტიკემ ისაკის შესახებ ისაუბრა

"პრემიერლიგის სეზონის საუკეთესო ტრანსფერია" - უეინ რუნიმ "სანდერლენდის" ფეხბურთელი გამოარჩია

"ნიუკასლის" არაბული მილიარდები იქოქება - მწვრთნელად 3 ტოპ სპეციალისტს განიხილავენ

ევროპის ჩემპიონატი. U-19. გამოხმაურება და სტატისტიკა: ორი დებიუტანტის ამბავი

ბანანის სროლა და შეურაცხყოფა - რა მოხდა ბულგარეთში საქართველოსთან მატჩამდე? - პარდიუ სასწრაფოდ წავიდა...

"ნიუკასლი" ბეილის სანაცვლოდ დიდ ფსონს ჩამოდის

დანარჩენი ევროპა: საოცნებო დებიუტი, სიტყვის ფასი და კაპიტნის სიტყვა

ნიუკასლში ბურგერზე რიგები დგას - "შვედურმა ვირთხამ" დიდი მოწონება დაიმსახურა [PHOTO]

მოიესს კიდევ ერთი შანსი მისცეს - ბენიტესი მოლოდინის რეჟიმშია

ისაკი გუნდთან ერთად ვარჯიშს არ აპირებს - "ნიუკასლმა" შვედი დააჯარიმა

ინგლისის ნაკრები: "სამი ლომი" ახალ მწვრთნელს ელის

კვარაცხელიას ბენიტესი გაწვრთნის? - იტალიური პრესა ესპანელის "ნაპოლიში" შესაძლო დაბრუნებაზე წერს

ევროპის ჩემპიონატი. U-19. ფინალი: სერბეთი-საფრანგეთი

პოჩეტინომ "ნიუკასლს" პირობა წაუყენა: იყიდეთ ის და მე გავხდები მწვრთნელი

"ჩელსიმ" ლამაზი თამაშით მოიგო და ჩემპიონთა ლიგის ზონაში დაბრუნდა [VIDEO]

ბრიტანელი პოლიტიკოსები პრემიერს მიმართავენ: არ მიჰყიდო არაბებს "ნიუკასლი"!

რაფაელ ბენიტესი ბერძნულ გუნდს ჩაიბარებს

"კრისტალ პალასი": ალან პარდიუ გაუშვეს

"ვესტ ბრომვიჩის" ფეხბურთელმა გარდაცვლილი შვილის შეგინება ვერ მოითმინა [VIDEO]

"მთხოვა, ეს მეორედ აღარ მეთქვა" - ბენიტესმა სპალეტისა და "ნაპოლიზე" ისაუბრა

მოულოდნელი ვარიანტი - იტალიის ნაკრებს რაფაელ ბენიტესიც დაუკავშირეს

The Sun: ინგლისის ნაკრებს ალან პარდიუ გაწვრთნის

ყველაზე მაღალანაზღაურებადი მწვრთნელი ისტორიაში - ბენიტესმა ბერძნული გუნდი ჩაიბარა