<p>ამ ტურში გახდება თბილისის "დინამო" საქართველოს ჩემპიონი თუ მომდევნოში, აი, ესღაა საკითხავი... <br> ამ ტურში რამდენიმე ისეთი მატჩია, სატურნირო თვალსაზრისით დიდი მნიშვნელობა რომ უნდა ჰქონდეს; თუმცა, მთავარი ინტრიგა, რაღა თქმა უნდა, საჩემპიონო მოლოდინია: მოვლენათა შესაძლო განვითარების შემთხვევაში, სწორედ ამ უქმეებზე (უფრო ზუსტად, კვირას) გაირკვევა ახლი ჩემპიონის ვინაობა!</p><p>ისე, თბილისის "დინამოს" მოსალოდნელი ტრიუმფი, ფაქტობრივად, უკვე გადაწყვეტილი ამბავია და ერთადერთი "ინტრიგა" მხოლოდ და მხოლოდ დროის ფაქტორიღა უნდა იყოს; ამ ტურში გახდება "დინამო" საქართველოს ჩემპიონი თუ მომდევნოში, აი, ესღაა საკითხავი...</p><p>და რა მოვლენათა შესაძლო განვითარებამ უნდა შეუწყოს ხელი "დინამოს" მორიგ საჩემპიონო ზეიმს?</p><p>ამისათვის აუცილებელია, რომ "დინამომ" 3 ქულა მოიპოვოს, ხოლო უახლოესმა მდევრებმა ("სამტრედიამ" და "დილამ") კი თავიანთი მატჩები ვერ მოიგონ. ისე, ჩვენი აზრით, ნაკლებად სავარაუდოდ გვეჩვენება, ყველაფერი სწორედ ასე რომ მოხდეს: "სამტრედიასაც" და "დილასაც" უმოტივაციო მეტოქეებთან მოუწევთ დაპირისპირება, მაშინ, როცა "დინამოს" ბევრად უფრო სერიოზული მოწინააღმდეგე ელოდება...</p><p>...ამ ტურშიც და, საერთოდაც, ჩემპიონატის ფინიშისაკენ მეტად აქტუალური იქნება მოტივაციის თემა; უფრო კონკრეტულად რომ ვთქვათ, "სამართლიანი თამაშის " პრინციპების დაცვა უნდა იყოს აქტუალური და იმედი დავიტოვოთ, რომ ამა თუ იმ მატჩზე მისული გულშემატკივარიც მოედანზე ფეხბურთს იხილავს და არა - უნიჭოდ დადგმულ "საფეხბურთო მასხარაობას".</p><p>ისე, სხვანაირად რომ ვთქვათ, ვერც იმ უმოტივაციო გუნდებს გაემტყუნებათ, სატურნირო თვალსაზრისით რომ აღარაფერი აინტერესებთ, რაღა უნდა "შეაკლას" თავი ყველანაირად მოტივირებულ მეტოქეს?! მაგრამ არა უშავს, როგორმე უნდა ყველამ მოვითმინოთ და 16-გუნდიანი ჩემპიონატის დასრულებას დაველოდოთ...</p><p>და, რაღა თქმა უნდა, კიდევ ერთხელ უნდა ვთქვათ ხმამაღლა, რომ უმაღლეს ლიგაში გუნდების რაოდენობის 16-მდე გაზრდა ძალიან დიდი შეცდომა იყო და ამის დასტურად, ბევრ სხვა მიზეზთან ერთად, "დასაშვებზე" ბევრად მეტი უმოტივაციო მატჩებიც გამოდგება, რომლებიც წინა სეზონშიც ბლომად იყო, მიმდინარე სეზონში კი ჯერ ყველაფერი წინ გველოდება...</p><p><p><div style="text-align: center;"><span style="text-decoration: underline;">15.04. თბილისი. "მიხეილ მესხი". 19:00</span></p><p><strong>ლოკომოტივი-მერანი</strong></p><p>ურთიერთშეხვედრები</p><p>1: +0=0 -1, 0-3</p><p>პირველი წრე 3:0</div></p></p><p>სამდღიანი ტური ამ მატჩით გაიხსნება და საინტერესოა, შეძლებს თუ არა "ლოკომოტივი" ზედიზედ მეორე მატჩის მოგებას, რაც, ფაქტობრივად, უმაღლეს ლიგაში დარჩენის გარანტია უნდა აღმოჩნდეს.</p><p>აი, "მერანს" კი ამ შეხვედრაში წაგება სატურნირო მდგომარეობას სერიოზულად გაურთულებს.</p><p><p><div style="text-align: center;"><span style="text-decoration: underline;">16.04. ბოლნისი. "თამაზ სტეფანია". 16:00 </span></p><p><strong>სიონი-დინამო (ბთ)</strong></p><p>ურთიერთშეხვედრები</p><p>39: +13 =10 -16, 37-47</p><p>დისკვალიფიკაცია: ალექსანდრე გოგობერიშვილი, ლაშა გვალია (ორივე სიონი) - ნიკოლა კომაზეცი (დინამო)</p><p>პირველი წრე 5:3</div></p></p><p>ამ ტურის ერთ-ერთი ცენტრალური მატჩი იმითაც არის საინტერესო, რომ ორივე გუნდს ახალი მწვრთნელები გაიყვანენ მოედანზე -<strong> არმაზ ჯელაძე</strong> ("სიონი") და <strong>ლევან ხომერიკი</strong> ("დინამო").</p><p>ამას გარდა, აუცილებლად გასათვალისწინებელია სატურნირო მოტივაციაც: მასპინძლებს ხომ ჩემპიონატიდანაც შეუძლიათ ევროტურნირების საგზურის მოპოვება და თასიდანაც, თანაც, პირველი ნახევარფინალური მატჩი ბოლნისელებს ოთხ დღეში ელოდებათ.</p><p>აი, ტრავმებმოძალებული ბათუმის "დინამო" კი უსიამოვნო სერიის (ზედიზედ ოთხი წაგება) შეწყვეტასაც შეეცდება და პირველ წრეში "სიონთან" საშინაო მატჩში განცდილი მარცხისათვის რევანშსაც.</p><p><p><div style="text-align: center;"><span style="text-decoration: underline;">16.04. ივანწმინდა. ცენტრალური. 16:00</span></p><p><strong>ჩიხურა-დინამო (თბ)</strong></p><p>ურთიერთშეხვედრები</p><p>13: +1=3 -9, 9-37</p><p>პირველი წრე 0:2</div></p></p><p>წინა სეზონი იყო, "ჩიხურამ" პირველად რომ შეძლო ჩვენი ყველაზე ტიტულიანი გუნდის დამარცხება (ჩემპიონატის ეგიდით ჩატარებულ შეხვედრებს ვგულისხმობთ - გ.ტ.) და ეს მხოლოდ მე-11 ცდაზე მოახერხა, როცა <strong>თორნიკე მუმლაძის</strong> ერთადერთი გოლით მოიგო. მანამდე და მას მერე კი "დინამოს" პრობლემა არასდროს ჰქონია და გამონაკლისი არც პირველი წრე იყო, როცა <strong>ოთარ კიტეიშვილის</strong> დუბლით მოიგო.</p><p>"დინამოსთვის" ამ მატჩს თუ რა მნიშვნელობა აქვს, ამაზე უკვე ზემოთ ვისაუბრეთ.</p><p>თუმცა, "ჩიხურასაც" არანაკლები მოტივაცია ექნება: <strong>სოსო ფრუიძის</strong> გუნდი ხომ ევროტურნირების საგზურისათვის იბრძვის.</p><p>და კიდევ ერთი საინტერესო დეტალი ამ წყვილთან დაკავშირებით: ეს ორი გუნდი 20 აპრილს კიდევ დაუპირისპირდება ერთმანეთს, ოღონდ ამჯერად საქართველოს თასის ნახევარფინალში!</p><p>ჰოდა, ერთსა და იმავე გუნდთან ოთხი დღის ინტერვალში ორი მატჩის ჩატარება როგორი საქმეა?!.</p><p><p><div style="text-align: center;"><span style="text-decoration: underline;"> 17.04. ქობულეთი. "ჩელე არენა". 16:00</span></p><p><strong>შუქურა-დილა</strong></p><p>ურთიერთშეხვედრები</p><p>3: +2 =0 -1, 8-6</p><p>დისკვალიფიკაცია: აზამატ ჯიოევი (შუქურა) - თეიმურაზ ღონღაძე (დილა)</p><p>პირველი წრე 3:1</div></p></p><p>"შუქურას" უმაღლეს ლიგაში დარჩენა, ფაქტობრივად, გარანტირებული აქვს, "დილას" კი ზედა სამეულში ადგილის შესანარჩუნებლად გამარჯვება ესაჭიროება და <strong>უჩა სოსიაშვილის</strong> გუნდს ამ გამარჯვების მოპოვება, წესით, არ უნდა გაუჭირდეს.</p><p><p><div style="text-align: center;"><span style="text-decoration: underline;">17.04. ზესტაფონი. "დავით აბაშიძე". 16:00 </span></p><p><strong>საპოვნელა-ზუგდიდი</strong></p><p>ურთიერთშეხვედრები</p><p>1: +0 =0 -1, 1-2</p><p>პირველი წრე 1:2</div></p></p><p>სატურნირო სიტუაციიდან გამომდინარე, ეს მატჩი ძალიან ბევრს უნდა წყვეტდეს: აუტსაიდერთა დაპირისპირებაში დამარცხებულ გუნდს უმაღლეს ლიგაში დარჩენის მხოლოდ თეორიული შანსი დარჩება...</p><p><p><div style="text-align: center;"><span style="text-decoration: underline;">17.04. სამტრედია. "ეროსი მანჯგალაძე". 16:00</span></p><p><strong>სამტრედია-ცხინვალი</strong></p><p>ურთიერთშეხვედრები</p><p>11: +4 =3 -4, 12-12</p><p>დისკვალიფიკაცია: ლევან კაკუბავა (ცხინვალი)</p><p>პირველი წრე 0:1</div></p></p><p>წინა ტურში "სამტრედიის" მართლაც შთამბეჭდავი სერია შეწყდა და <strong>გია ცეცაძის</strong> გუნდიც ამ საშინაო მატჩში შეეცდება ახალი სერიის დაწყებას.</p><p>თუმცა, პრობლემებმოძალებული "ცხინვალისგან" განსხვავებით, მომდევნო ტურებში "სამტრედიას" ერთიმეორეზე რთული მეტოქეები ჰყავს...</p><p><p><div style="text-align: center;"><span style="text-decoration: underline;">17.04. ლანჩხუთი. "ევგრაფი შევარდნაძე". 16:00</span></p><p><strong>გურია-ტორპედო</strong></p><p>ურთიერთშეხვედრები</p><p>28: +8 =3 -17, 35-61</p><p>დისკვალიფიკაცია: გია ჩადუნელი (გურია) - ბაქარ მირცხულავა, ვანო წილოსანი (ორივე - ტორპედო)</p><p>პირველი წრე 1:2</div></p></p><p>ძველი მეტოქეების დაპირისპირებები ყოველთვის საინტერესოდ მიმდინარეობს და გამონაკლისი არც პირველი წრის მატჩი იყო, როცა "ტორპედომ" მეორე ტაიმში "შემოატრიალა" თამაში.</p><p>ვნახოთ, როგორ განვითარდება მოვლენები ამ შეხვედრაში, სადაც, მეტოქისგან განსხვავებით, მასპინძლები ნამდვილად არ უნდა უჩიოდნენ მოტივაციის ნაკლებობას.</p><p><p><div style="text-align: center;"><span style="text-decoration: underline;">17.04. თბილისი. "მიხეილ მესხი" (სათადარიგო). 16:00 </span></p><p><strong>საბურთალო-კოლხეთი</strong></p><p>ურთიერთშეხვედრები</p><p>1: +0=0 -1, 0-1</p><p>დისკვალიფიკაცია: გიორგი კოხრეიძე (საბურთალო)</p><p>პირველი წრე 0:1</div></p></p><p>ამ ტურის, ალბათ, ყველაზე "მშვიდობიანი" მატჩი, სადაც ის გუნდები ხვდებიან ერთმანეთს, უმაღლეს ლიგაში დარჩენა რომ, ფაქტობრივად, გარანტირებული აქვთ. თუმცა, ვიმედოვნებთ, რომ ფსიქოლოგიური წნეხისგან გათავისუფლებული გუნდები აქცენტს სანახაობაზე გააკეთებენ და გულშემატკივრებსაც ასიამოვნებენ.</p><p>(იბეჭდება მცირე ცვლილებით)</p><p><strong>ყოველდღიური სპორტული გაზეთი "ლელო"</strong></p>
ზაზა
გოლის ავტორი რევიშვილის კარში გიორგი ჯიქია,21წლის ამკარის მარცხენა ფლანგელი.არ იმსახურებს საქართველოს ნაკრების მწვრთნელთა,ფედერაციისგან ყურადღებას?..იქნებ მაისის ამხანაგურებზე გამოიძახოთ?რას ველოდებით?ბევრი გვყავს 21წლის ბიჭები ამ დონეზე მოთამაშე?
VIDEO | ეროვნული ლიგა | გაგრა 1-2 იბერია 1999. "გაგრას" ბოლომდე ბრძოლამ არ უშველა, "იბერიას" შეცვლამ გაუმართლა...
VIDEO | ეროვნული ლიგა | ტორპედო 3-0 მეშახტე. როგორც ძველი არაბიძე...
VIDEO | ეროვნული ლიგა | დინამო (ბთ) 4-1 სპაერი. ნანატრი შოუ ბათუმში
Eureka. მამარდაშვილის სახით ყველა პრობლემის მიზეზი მოძებნეს - რას წერს ინგლისური გამოცემა ალისონის არყოფნაზე
ბონუსი მუნდიალზე გასვლისთვის - იტალიის ნაკრების ფეხბურთელები ფულს ითხოვდნენ
ფლიკმა გადაწყვეტილება მიიღო - კანსელო "ბარსელონასთვის" მნიშვნელოვანი მოთამაშეა
"ბაიერნი" ნოიერის შემცვლელად 23 წლის ნიდერლანდელი მეკარის ვარიანტს განიხილავს
ინძაგიმ გამორიცხა - იტალიის ნაკრების მთავარი მწვრთნელის პოსტზე მანჩინის ვარიანტი რჩება
კვერნაძის 74 წუთი და "ფროზინონეს" მორიგი გამარჯვება
[VIDEOS] გულიაშვილმა ესპანეთში დუბლი შეასრულა
სამწუხარო მარცხი ფინალში - ბასილაშვილი მონტეკარლოს ძირითად ბადეში ვერ მოხვდა
პაოლო მადლინი შესაძლოა, იტალიის ფეხბურთის ფედერაციის პრეზიდენტი გახდეს
[VIDEO] ლუკა გადრანმა "ბეითარში" სადებიუტო გოლი გაიტანა
[VIDEO] ყაზაიშვილმა ჩინეთის ჩემპიონატში ეფექტური გოლი გაიტანა
პეპ გვარდიოლამ "ლივერპულთან" პირადი რეკორდი დაამყარა
ოჩხიკიძის 21 პასი და ბათუმის რეკორდული გამარჯვება | თსუ რეგულარულის მოგების ზღვარზეა
ფუტსალის ნაკრები აზერბაიჯანთან ორ ამხანაგურ მატჩს გამართავს
[VIDEO] "ბარსელონა" "რეალს" 7 ქულით გაექცა
U16. სახვაძის დუბლი, კვარაცხელიას ორი საგოლე პასი - საქართველოს ნაკრებმა სამხრეთ აფრიკას მოუგო
[VIDEO] მორიგი გამარჯვება პირველივე რაუნდში - ღვინიაშვილი MMA-შიც შეუჩერებელია!
18 წ. | 3 ლელო საფრანგეთთან
"მამარდაშვილი მთავარი დამნაშავე არ არის" - ინგლისური მედია
დე ბრუინს ჩემპიონობის ამ სეზონშიც სჯერა - ბელგიელმა "ნაპოლიში" გადასვლის მიზეზი ახსნა
ეროვნული ლიგა 2026 | ზამთრის სატრანსფერო კამპანია. ვინ გაძლიერდა, ვინ დასუსტდა...
თბილისის "დინამომ" გამბიელი ფეხბურთელები დაიმატა
სიონი-დინამო (ბთ) 0:3 - ელგუჯას თამაში [VIDEO]
ფრუიძე: ეს იქნება ერთგვარი ილუსტრაცია იმ რეალობის, რომელიც დღეს საქართველოში დგას
ბათუმის "დინამო": მწვრთნელობის მეხუთე კანდიდატი ალექსანდრ შტელინია
ბოლნისის "სიონში" მთავარ მწვრთნელად კობა ჟორჟიკაშვილს უხმეს?
"ტორპედომ" ცეცაძის გადადგომის შესახებ დაწერილი განცხადება არ დააკმაყოფილა
სიონი-სამტრედია 0:3 - "სამტრედიამ" "სიონი" დააქვეითა [VIDEO]
"სამგურალის" მწვრთნელად უჩა სოსიაშვილი დანიშნეს
სეზონის დაწყებიდან ეროვნული ლიგის გუნდი მეორე მწვრთნელმა დატოვა
"სიონის" მწვრთნელად სოსიაშვილი დანიშნეს
"თელავის" მწვრთნელად დანიშნეს
დინამო(ბთ)-დილა 2:3 - სასწაული ბათუმში [VIDEO]
"ტორპედოს" ცეცაძე აღარ გაწვრთნის, "დილასთან" გუნდს ანალიტიკოსი გაიყვანს
მხოლოდ 2 მატჩი გუნდის სათავეში - სოსო ფრუიძემ "ლოკომოტივი" დატოვა
უმაღლესი ლიგის X ტურის წინ: ყოველმხრივ არაპროგნოზირებადი...
კანკავას ოპერაცია წარმატებით ჩაუტარდა
თბილისის "დინამომ" ზარია და "ბენფიკას" აღზრდილი ნახევარმცველი დაიმატა
სოსო ფრუიძე ფეხბურთში დაბრუნდა და უმაღლესი ლიგის გუნდს ჩაიბარებს
"ფეხბურთი არ არის ის სპორტი, სადაც ერთმანეთს გინებაში ეჯიბრებიან" - კერესელიძემ ცეცაძესა და ფანებს შორის მომხდარ კონფლიქტზე ვრცლად ისაუბრა
"რუსთავში" რევაზ ძოძუაშვილი იმუშავებს
ეროვნული ლიგა. XIII ტურის წინ: ჩემპიონი თუ ლიდერი?
თბილისის "დინამომ" "ტოტენჰემისა" და "ასტონ ვილას" ყოფილი ფეხბურთელი დაიმატა
ბათუმის "დინამოს" მთავარმა მწვრთნელმა ლევან ხომერიკმა თანამდებობა დატოვა
"შუქურა" უჩა სოსიაშვილმა დატოვა
სოსო ფრუიძე: 6 ქულა კარგია, მაგრამ ყველაფერი თავიდან დასაწყებია
"სოსო ფრუიძის მწვრთნელად მოსვლას არ დავუშვებთ" - "ტორპედოს" გულშემატკივრის განცხადება
"პროტესტი იქამდე გაგრძელდება სანამ ცეცაძე გუნდს არ დატოვებს" - "ტორპედოს" ფან-კლუბი "ჯუნგლები" განცხადებას ავრცელებს
უმაღლესი ლიგის VIII ტურის წინ: ლიდერთა ჯახი "წითელ ჯგუფში"
ბათუმის "დინამო": ვინ შეცვლის ხომერიკს? ოთხი სავარაუდო კანდიდატურა
"ვის აგინებ, შე ნაბო***რო" - "ტორპედოს" თამაშის მიმდინარეობისას, ცეცაძესა და გულშემატკივრებს შორის დაპირისპირება მოხდა [VIDEO]
ლადო ბურდული: ბოლნისის "სიონი" არ გავარდება!
"სიონი" გიორგი ჭელიძემ ჩაიბარა
სოსო ფრუიძე: მოსაგებად ძალა აღარ გვეყო
რთულია, მაგრამ შესაძლებელი - ლევან ხომერიკი ქართული გუნდების ევროშანსებზე
კალანდაძე თბილისის "დინამოში" დაბრუნდა