<p>სპეციალისტს საქართველოს ეროვნული ნაკრების ბოლო ორი მატჩის შეფასება ვთხოვეთ <br> ბავშვობიდანვე ძალიან "გაზიანი" იყო და რაც მალე გაუვა ეს "გაზი", მით უკეთესი იქნება მისთვის</p><p>საქართველოს ეროვნული ნაკრების ბოლო ორი მატჩის შეფასება <strong>გიორგი დევდარიანს</strong> ვთხოვეთ. არცთუ შემთხვევით, დღეს ეროვნული გუნდის ლიდერები ის ფეხბურთელები (<strong>თორნიკე ოქრიაშვილი</strong> და <strong>ვაკო ყაზაიშვილი</strong>) არიან, რომელთაც მის ხელში გამოიარეს.</p><p><span style="font-size: x-small;"><a href="/fexburti/qarthuli-fekhburthi/erovnuli-nakrebi/97188-uelsi-saqarthvelo-11-chveni-imedis-thamashi-da-kithkhva-vin-dagvtsyevla-videophoto.html" target="_blank"><span style="color: #0000ff;">- უელსი-საქართველო 1:1 - ჩვენი იმედის თამაში და კითხვა: ვინ დაგვწყევლა? [VIDEO+PHOTO]</span></a></p><p><a href="/fexburti/qarthuli-fekhburthi/erovnuli-nakrebi/97098-irlandia-saqarthvelo-10-tradiciulad-qarthulad-videophoto.html" target="_blank"><span style="color: #0000ff;">- ირლანდია-საქართველო 1:0 - ტრადიციულად, ქართულად... [VIDEO+PHOTO]</span></a></span></p><p>დევდარიანი ქართულ ფეხბურთში რიგითი მწვრთნელი არ არის. ის წარმატებით მუშაობდა ჩვენს კლუბებსა და ასაკობრივ ნაკრებებში. ამიტომ, "ლელოს" მკითხველისთვის მისი აზრი საინტერესო უნდა იყოს...</p><p><strong>- მოდით, შევაფასოთ საქართველოს ნაკრების ბოლო ორი მატჩი...</strong></p><p>- უპირველეს ყოვლისა, ვიტყვი იმას, რომ საქართველოს ნაკრების ბოლო ორმა თამაშმა იმედი გააჩინა. რა თქმა უნდა, ეს არ არის ის, რაც ყველას დაგვაკმაყოფილებს, მაგრამ უკეთესობა ჩანს.</p><p>მახარებს ისიც, რომ დღეს საქართველოს ნაკრებში წინა პლანზე გამოდიან ის ფეხბურთელები, რომლებმაც ჩემთან არაერთი წელი იმუშავეს. ეს ფეხბურთელები თანდათან იხსნებიან - ვაკო ყაზაიშვილი, თორნიკე ოქრიაშვილი...</p><p>მჯერა, ისინი ბოლომდე გამოავლენენ თავიანთ პოტენციალს და ამით ჩვენი ნაკრები კიდევ უფრო ძლიერი გახდება. მაგალითად, მე ღრმად ვარ დარწმუნებული, რომ დავით სხირტლაძეს მეტი შეუძლია და ამაში ის მალე ვლადიმირ ვაისსაც დაარწმუნებს. აუცილებლად უნდა ვახსენო გიორგი აბურჯანიაც. მასაც ასევე ძალიან ბევრი შეუძლია...</p><p>დღეს საქართველოს ნაკრებში არ არის გიორგი ჭანტურია. თავისი პოტენციალით მას შეუძლია, ეროვნულ გუნდს დიდი სარგებლობა მოუტანოს და ეს ფაქტია. ასევე მჯერა, რომ საქართველოს ნაკრებში აუცილებლად ითამაშებენ დავით ხოჭოლავა და მამუკა კობახიძე. მათაც აქვთ ამის პოტენციალი. ჩემი აზრით, ეს თაობა ახლა შედის სიმწიფის ასაკში - იმ ასაკში, როცა მკაფიოდ უნდა გამოავლინოს საკუთარი შესაძლებლობები. ეს გარემოება საშუალებას მაძლევს, ოპტიმისტურად ვუყურო საქართველოს ნაკრების მომავალს...</p><p>აუცილებლად ცალკე უნდა ვთქვა ვაკო გვილიაზე. ეს ფეხბურთელი ძალიან მოუხდა საქართველოს ნაკრებს. რამდენიმე შეცდომა ჰქონდა ბურთის ამოტანის დროს, მაგრამ ეს გამოსწორებადია.</p><p>მე მტკიცედ მჯერა, რომ სულ მალე ლუკა ზარანდიასაც ექნება ეროვნულ გუნდში მოხვედრის ჯანსაღი ამბიცია. როგორც ჩანს, პატარა ბელგიურმა წარუმატებლობამ მასზე ძალიან კარგად იმოქმედა. ყოველდღე ვხედავ მას "ლოკომოტივში" და მიხარია, საქმისადმი ასეთი დამოკიდებულება რომ აქვს...</p><p>ვაისის სასახელოდ უნდა ითქვას, რომ მან მოკლე დროში მოახერხა გუნდში ადაპტაცია. ისე, ვისურვებდი, რომ უფრო სწრაფად გადავიდეთ დაცვიდან შეტევაში და ბევრი რამ მხოლოდ ჩვენს ინდივიდუალიზმზე არ იყოს დამოკიდებული. უელსთან მატჩში ოქრიაშვილმა მშვენიერი პასით მეკარესთან პირისპირ დატოვა მჭედლიძე, მაგრამ ეს უფრო ინდივიდუალური ქმედების შედეგი იყო, ვიდრე - გუნდურის.</p><p><strong>- რა ტაქტიკური სიახლეები შენიშნეთ საქართველოს ნაკრების თამაშში?</strong></p><p>- დღევანდელი ფეხბურთი ისეა, რომ განსაკუთრებულ ტაქტიკურ სიახლესთან შეხვედრა, ალბათ, აღარ მოგვიწევს. ვაისის ტაქტიკური სქემა იყო 4-2-3-1. დაახლოებით ამავე სქემით თამაშობდა საქართველოს ნაკრები თემურ ქეცბაიას მწვრთნელობის დროსაც. სხვა საქმეა, როგორ თამაშზე გააკეთებ აქცენტს, როგორ მოამზადებ შეტევას და ასე შემდეგ...</p><p><strong>- ცალკე უნდა გკითხოთ იმ ფეხბურთელებზე, რომლებმაც თქვენს ხელში გაიარეს. დავიწყოთ თორნიკე ოქრიაშვილით, ვინც, ჩემი აზრით, საქართველოს ნაკრების გამოკვეთილ ლიდერად ყალიბდება...</strong></p><p>- თორნიკე უდიდესი შესაძლებლობების მქონე ფეხბურთელია. ვისურვებდი, რომ მას უფრო უკეთ ჰქონოდა აწყობილი საკლუბო კარიერა.</p><p>ბავშვობიდანვე ძალიან "გაზიანი" იყო და რაც მალე გაუვა ეს "გაზი", მით უკეთესი იქნება მისთვის. აუცილებლად ბოლომდე უნდა მოერიოს საკუთარ თავს. მე დარწმუნებული ვარ: ოქრიაშვილისათვის ეს არ არის მაქსიმუმი. მას შეუძლია, მოუმატოს და ეს აუცილებლად უნდა გააკეთოს. ოქრიაშვილს აქვს ბევრი ისეთი თვისება, რომელიც დღევანდელ ფეხბურთში განსაკუთრებით ფასობს.</p><p><strong>- ვაკო ყაზაიშვილზეც გკითხავთ...</strong></p><p>- ვაკოს აღმოჩენაში უდიდესი წვლილი მიუძღვის თემურ ფოცხვერიას. მას ბახმაროში შეკრებაზე ჰყავდა წაყვანილი ბავშვთა გუნდი. ვაკო ოზურგეთიდან იყო იქ ასული ფეხბურთის სათამაშოდ. ფოცხვერიამ თბილისში წამოიყვანა. ის არის ძალიან კარგი პიროვნული თვისებების მქონე ადამიანი.</p><p>მთელი ოთხი წლის განმავლობაში, გარდატეხის ასაკში ვიმუშავე მასთან და უნდა გითხრათ, ძალიან ბედნიერი ვარ, რომ ასე მოხდა. სხვათა შორის, ბავშვობაში არ იყო ისე გამორჩეული, როგორიც დღეს არის. მალევე გამოავლინა თავისი ნიჭი. იმთავითვე ვენდობოდი მას, ძირითად შემადგენლობაში ვაყენებდი...</p><p>რად ღირს თუნდაც ის, რომ პირდაპირ დუბლშემადგენლობიდან წავიდა "ვიტესში". ისე წავიდა, რომ უმაღლეს ლიგაში მხოლოდ რამდენიმე შეხვედრა ჰქონდა ჩატარებული. ეს განსაკუთრებული ამბავია.</p><p><strong>- საქართველოს ნაკრებმა ბოლო ორი მატჩი კარგად ჩაატარა, მაგრამ მაინც მგონია, რომ გიორგი ჭანტურიასთან ერთად ამ გუნდს შეუძლია, უკეთესი იყოს...</strong></p><p>- გიორგი ჭანტურიას შესაძლებლობები ძალიან კარგად ვიცი. გეტყვით პირდაპირ: საქართველოს ნაკრებში ჭანტურიას შეუძლია იყოს არა რიგითი ფეხბურთელი, არამედ ლიდერი. მას ეს აშკარად შეუძლია. უბრალოდ, ისიც საკუთარ თავს უნდა მოერიოს.</p><p>ეს არ არის იოლი, მაგრამ გიორგი ვალდებულია, ეს გააკეთოს. სადაც უთამაშია, ყველა გუნდში ლიდერი იყო. უბრალოდ, მან საქართველოს ნაკრებში უნდა ითამაშოს ისეთი ფეხბურთი, როგორიც სურს ვლადიმირ ვაისს და არა ისეთი, როგორიც თვითონ უნდა. ესაა მთავარი. ასეთ შემთხვევაში ჭანტურია საქართველოს ნაკრებში შეუცვლელი ფეხბურთელი გახდება.</p><p><strong>- არ იქნება, საქართველოს ასაკობრივი ნაკრებების ბოლოდროინდელ შედეგებზე არ გკითხოთ...</strong></p><p>- ფაქტია, შედეგები ჩვენს დროს უკეთესი იყო. "ჩვენს დროს" რომ ვამბობ, ვგულისხმობ იმ პერიოდს, როცა ასაკობრივ ნაკრებებში ვმუშაობდით მე, ვასილ მაისურაძე და გია ცეცაძე. ჩვენ გვქონდა ერთნაირი ხედვა და აზრები.</p><p>მოგეხსენებათ, რაც ასაკობრივ ნაკრებებში თამაშს მორჩა 1988 წელს დაბადებული თაობა, დადგა დაახლოებით ხუთწლიანი ჩავარდნა და ჩვენ შევძელით, რომ ამ ასაკში წარმატებები კანონზომიერებად გვექცია. მერე ისე მივეჩვიეთ პირველი შესარჩევი ციკლის დაძლევას, რომ ეს უკვე იოლი გვგონია, მაგრამ იოლი არ არის.</p><p><strong>- ვთქვათ, ფეხბურთის ფედერაციიდან მიიღეთ შეთავაზება თუნდაც რომელიმე ასაკობრივ ნაკრებში მუშაობაზე. დათანხმდებით?</strong></p><p>- მე, პირველ რიგში, ვარ ქართველი და ჩემი ყველა გადაწყვეტილება აქედან მომდინარეობს. თავის დროზე ძალიან მიმზიდველი შეთავაზება მქონდა ისრაელიდან, მაგრამ არ წავედი. არ წავედი, რადგან ჩავთვალე, რომ მქონდა ვალდებულება ქართული ფეხბურთის მიმართ. ალბათ, მალე მაინც წავალ და საზღვარგარეთ მოვსინჯავ ძალას. ყველამ იცის, რომ არასოდეს დამიზოგავს თავი ჩვენი ფეხბურთისთვის.</p><p>დღევანდელ ხელმძღვანელობასთან და არცერთ სანაკრებო სამწვრთნელო შტაბთან პირადული პრობლემა არ მაქვს. უნდა გითხრათ გულწრფელად: საქართველოს ფეხბურთის ფედერაციის წინა პრეზიდენტთან, ზვიად სიჭინავასთან, არ მქონია დათაფლული ურთიერთობა, თუმცა ჩვენ ვახერხებდით საქმის კეთებას... თავის დროზე, ყველამ იცოდა, რომ გიორგი დევდარიანი გიორგი ნემსაძეს უჭერდა მხარს. მივიტანე 1993 წელს დაბადებულ ფეხბურთელთა განვითარების გეგმა უმცროს ახალკაცთან და მან უპირობოდ დამიჭირა მხარი. დღეს ამ ფეხბურთელებიდან ბევრი თამაშობს საქართველოს ნაკრებში...</p><p>(იბეჭდება მცირე ცვლილებით)</p><p><strong>ყოველდღიური სპორტული გაზეთი "ლელო"</strong></p>
ლუკა
წარმატებები დევდარიანს. დროა საზღვარგარეთ წავიდეს სამუშაოდ და შეიძინოს მეტი გამოცდილება. მას აქვს პოტენციალი რომ ჩემპიონთა ლიგა მოიგოს და მომავალში საქართველოს ნაკრების მწვრთნელად მოგვევლინოს. მას ეს შეუძლია და აუცილებლად უნდა გააკეთოს. ეს ადვილი არ არის, მაგრამ უნდა იმუშაოს ახალი მწვერვალების დასაპყრობად. წარმატება არ დააყოვნებს.
გიგი
მაგარი კაცია ერთხელ შემხვდა ბიბლიოთეკაში წიგნებით დაგრუზული .მე მგონი 17 წლამდელები ჰყავდა შეკრებაზე,
გიორგი
გაიხარე გიორგი. შენისთანა ტრენერიც და კაცი ორი რომ იყოს კიდევ ფეხბურთში, რაღა გვიჭირს.ისრაელში რო იყო, აქეთ უნდა გიხმობდნენ,მარა გვესმის შენი
dato
ჯიგარი ხარ გიო,ეჩვი არავის ეპარება რომ სენ ხარ მარტლაც კარგი ცპეციალისტი, რაც მტავარია გიყვარს სენი საკმე და გულუთ ეკიდები ყველაპერს რაც ფეხბურთს შეეხება
niko
რა პროფესიაა ეს არის, ყველას წლები ერთი და იგივ კითხვა უნდა დაუსვა.
სოსო
ფედერაცია სულელი იქნება,თუ დევდარიანს არ გამოიყენებს და უცხოეთში გაუშვებს.ასეთების დაკარგვის ფუფუნება ქართულ ფეხბურთს არა აქვს.
"ბარსელონას" იამალის საქართველოს ნაკრებთან სათამაშოდ გაშვება არ უნდა
"საქართველოს ნაკრები სამაგალითოა" - ამბობს სომხეთის ეროვნული გუნდის ყოფილი კაპიტანი
თბილისური მატჩი ბოლო აღმოჩნდა - ილიევს ბულგარეთის ნაკრებიდან უშვებენ
არისაბალაგა შეიძლება ფაბრეგასის გუნდში გადაბარგდეს
დუდუ დადიანის მემორიალზე ნახევარფინალისტები დაწყვილდნენ
ბოლო წუთების ფასი... "დილამ" და "სამგურალმა" მოიგეს, "იბერია 1999"-"გარეჯი" ფრედ დასრულდა
გოჩოლეიშვილის კარგი მატჩი - "ჰამბურგი" "უნიონს" ფრედ ეთამაშა
[VIDEO] დრამა "სენტ ჯეიმს პარკზე" - "არსენალმა "ნიუკასლს" ბოლო 10 წუთში თამაში შემოუტრიალა
Le Parisien-ი კვარაცხელიას ტრავმის შესახებ ინფორმაციას ავრცელებს
U17 | საქართველო 3:0 ლიეტუვა
წიტაიშვილი და აბუაშვილი შეცვლაზე და "მეცის" ფრე "ჰავრთან"
GEO TEAM: ლევან კორღალიძე "იბერია 1999"-ს მეოთხედ ჩაუდგება სათავეში
იური ტაბატაძე შეცვალეს - "კადისი" "სეუტასთან" ფრეს დასჯერდა
ლოჩოშვილმა ტრავმა მიიღო - "ნიურნბერგი" სახლში "ჰერტასთან" განადგურდა
გოგლიჩიძე ისევ არ ათამაშეს - "უდინეზე" დამარცხდა
"დარწმუნებული ვარ, სიტუაციის შეცვლა შემიძლია" - ამორიმი "ბრენტფორდთან" მარცხის შემდეგ
"რეალს" გიულერის თაობაზე ორი კლუბი დაუკავშირდა - "სამეფო კლუბმა" გადაწყვეტილება მიიღო
"ვესტ ჰემმა" პოტერი გაათავისუფლა - "ჩაქუჩები" ეშპირიტუ სანტუმ ჩაიბარა
"რეალს" ენდრიკის იჯარით გაშვება უნდა, ბრაზილიელი წასვლის წინააღმდეგია
"დიდებული მწვრთნელია, მაგრამ ფერგიუსონამდე და ანჩელოტიმდე ბევრი უკლია" - ხაბიბმა გვარდიოლაზე ისაუბრა
[VIDEO] სათადარიგოთა სკამიდან შევიდა და ყველაზე შედეგიანი იყო - შერმადინის მაგარი მატჩი "რეალთან"
ფრე ქუთაისში... და "თელავის" მოგება "გაგრასთან"
"ამ ორი ფეხბურთელის წყალობით, "ბარსელონა" მომდევნო 10-15 წელი ჩემპიონთა ლიგის მოგების მთავარი ფავორიტი იქნება" - დეულოფეუ
დევდარიანი, ფრუიძე თუ ისევ ჭიაბრიშვილი? - მწვრთნელის ვარიანტები "საბურთალოსთვის"
"საქართველოს ნაკრები სამაგალითოა" - ამბობს სომხეთის ეროვნული გუნდის ყოფილი კაპიტანი
სომხეთმა ირლანდიას სძლია - აზერბაიჯანი და უკრაინა დაზავდნენ
Geo Team: "სლოვანს" გაგუას დამატება სურს - ტრანსფერის ინიციატორი ვლადიმირ ვაისია
გიორგი დევდარიანი: ღირსეული წაგებებით დავიღალეთ, მე ოპტიმიზმის საფუძველს ვერ ვხედავ
უკრაინა და პოლონეთი ევროპის ჩემპიონატზე გავიდნენ
ევრო 2024-ის 21-ე მონაწილე გახდა ცნობილი
"ხვიჩას ვუყურებ და ვტკბები... მისთვის ვარსკვლავური სენის შეყრა? მგონია, რომ..." - დევდარიანმა კვარაცხელიას შესახებ ისაუბრა
ინციდენტი მუნდიალის ფინალში: Pussy Riot-ი მოედანზე, დაკითხვა და შეურაცხყოფა [VIDEO]
თითქმის ნახევარი სტანდარტებიდან - სულ რამდენი გოლი გავიდა მუნდიალზე
ოფიციალურად: თორნიკე ოქრიაშვილი ეროვნულ ლიგაში დაბრუნდა
ირლანდიელები სანიოლის ლოდინით დაიღალნენ და მწვრთნელად ჰადლგრიმსონი დანიშნეს
"ვეცდები, სანიოლი დავარწმუნო, რომ ეროვნულ ნაკრებში თამაშის ღირსი ვარ" - თორნიკე ოქრიაშვილი
[VIDEO] ვაისი მსაჯს შეუვარდა, შეაგინა და მოედნიდან ძლივს გაიყვანეს - "სლოვანს" 16 წლის თავდამსხმელმა გაუტანა
The Sun: ირლანდიის ნაკრები სანიოლის პასუხს ელოდება
დიდ კაცთან პატარა კაცსა, როდის გასვლია მართალი? - ანუ მსოფლიოს ჩემპიონატი ჩამთავრდა
მსოფლიო ჩემპიონატის "სასწაული": ირანში სტადიონზე ქალები შეუშვეს [PHOTO]
უკრაინის გასაოცარი ქამბექი - პლეი-ოფის ყველა ფინალისტი გაირკვა
ბეილმა უელსს აშშ-სთან ფრე მოუპოვა [VIDEO]
თურქეთმა უნგრეთს მოუგო - ისევ ესპანეთთან თამაში მოგვიწევს? [VIDEO]
ჩემპიონთა ლიგის ახალი ფორმატის ლიდერები, აუტსაიდერები, ორი ქართველი დღეს და მთავარი ინტერესი "რეალის" მიმართ
"უეფა უკრაინას პატიოსნად არ მოექცა" - შოტლანდიელთა მწვრთნელი
დღეს - "შახტარის" ქართველების მატჩი და კაშია, კანკავა, ვაისი კიტეიშვილის წინააღმდეგ!..
ქეცბაია ტრიბუნაზე, ჩვეული კანკავა, ნაკლებად დასამახსოვრებელი ოქრიაშვილი - 19 წლის ბრაზილიელის ლამაზი გოლი... [VIDEO]
"საუკეთესო გუნდია, რაც კი ოდესმე მინახავს" - ვაისი "სიტისთან" მარცხის შემდეგ
დევდარიანი: კვარაცხელია ორფაზიანი მოთამაშეა; ავხსნი, რას ვგულისხმობ...
ჩემპიონთა ლიგის ახალი ფორმატი, ორი გარანტირებული ადგილი ქართველებს და მესამის შანსი...
ფიფამ გულშემატკივართა ვერსიით მუნდიალის სიმბოლური ნაკრები შეადგინა
რონალდოს დუბლი და რეკორდი - პორტუგალიამ ირლანდია გაანადგურა [VIDEO]
გიორგი დევდარიანი: ჩვენ ვცდებით, როცა ვამბობთ, რომ ჩემპიონატის დონემ აიწია
ბულგარელთა მწვრთნელი: კვარაცხელია ფანტასტიკურია, ახლა ამ დონის ფეხბურთელები არ გვყავს
ხიზანიშვილი: საუკეთესო გაგნიძე იყო - კაშიამ ართამაშის გადაწყვეტილება ისე მიიღო, როგორც უნდა მიეღო
პლეი-ოფში ინგლისი და აშშ გავიდნენ [VIDEO]
[VIDEO] ესპანეთმა თურქეთი გააბითურა - საქართველოს ნაკრები მეორე ადგილზეა
მსოფლიოს 2018 წლის ჩემპიონატის ულამაზესი ფანები [PHOTO]
10 გამორჩეული მოქმედი ქართველი მწვრთნელი - ვინ არის საუკეთესო?
"ყოვლად მიუღებელია ის რეალობა, რაც ჩვენს ქვეყანაში ხდება!" - თორნიკე ოქრიაშვილი [PHOTO]
"ბარსელონას" იამალის საქართველოს ნაკრებთან სათამაშოდ გაშვება არ უნდა
სანიოლის აუხდენელი სურვილი - საქართველოს ნაკრები კვლავ ესპანეთს შეხვდება [VIDEO]
რატომ მოვიგეთ და როდის გავიმარჯვებთ "არმოსაგებში" - ბავშვებო, ისწავლეთ ხვიჩასგან!..
"სანიოლი საპრესკონფერენციო ოთახში ვნახე და ასეთი რამ მითხრა" - რა განაცხადა თორნიკე ოქრიაშვილმა?
"მე რომ "გენკში" მივედი, ტროსარი გუნდიდან გაუშვეს, ახლა კი..." - რა განაცხადა ოქრიაშვილმა "არსენალის" შემტევზე?