არჩილ არველაძე: გროზნი? ძალიან მინდა ვცდებოდე, მაგრამ...

არჩილ არველაძე ნაკრებზე, თბილისის "დინამოს" ახალ მწვრთნელსა და არველაძეების ფონდზე საუბრობს კარგა ხანია, არჩილ არველაძესთან არ გვისაუბრია. სასაუბრო კი მართლაც ბოლომად დაგროვდა დამოუკიდებელი ქართული ფეხბურთის ერთ-ერთ ვარსკვლავთან, ვინც "ფონდი არველაძის" სათავეებთან დგას და ძმებთან ერთად კარგ საქმეს აკეთებს...მოდი, აღარ შეგაწყენთ თავს და პირდაპირ ინტერვიუზე გადავალთ...- ალბათ, თვალი ადევნეთ საქართველოს ნაკრების ბოლო ორ თამაშს. საინტერესო იქნებოდა თქვენეული შეფასება...- რა თქმა უნდა, შედეგი არ არის დამაკმაყოფილებელი, თამაშის ხარისხმა კი ყველა ძალიან დაგვაიმედა. განსაკუთრებით უელსთან ვითამაშეთ კარგად. მართლა ძალიან მომეწონა საქართველოს ნაკრები იმ შეხვედრებში.- ცალკე უნდა გკითხოთ ვაკო გვილიაზე, ეროვნული გუნდის დებიუტანტზე...- ძალიან კარგი შთაბეჭდილება დატოვა. უზომოდ კმაყოფილი დავრჩი მისი თამაშით. შუა ხაზში ასე კარგად მოთამაშე ფეხბურთელის გამოჩენამ გამოიწვია ის, რომ ის მოთამაშეებიც კი, რომელთაც აქამდე ბურთთან ურთიერთობაში პრობლემები ჰქონდათ, გათამამდნენ. ერთი სიტყვით, ჩვენს ნაკრებში ძალიან კარგი ფეხბურთელი გამოჩნდა გვილიას სახით და დარწმუნებული ვარ, ასევე გააგრძელებს თამაშს.- როგორ ფიქრობთ, ირლანდიასა და უელსთან ჩატარებული მატჩები მხოლოდ მორიგი ეპიზოდური გამონათება ხომ არ იყო?- მინდა მჯეროდეს, რომ ეს არ იყო ეპიზოდური გამონათება. ჩვენ ასეთი მილიონი გამონათება გვქონია, მაგრამ ახლა მთავარია, სტაბილურად გაგრძელდეს ეს პროცესი. საქართველოს ნაკრებს აქვს ამის პოტენციალი.ეგ არის, ერთი-ორი ფეხბურთელი რომ გვაკლდება, ეს მაშინვე აისახება გუნდის თამაშზე. ასე იყო თუნდაც ირლანდიასთან შეხვედრაში. აქვე მინდა ვთქვა, რომ გული მწყდება ჭაბუკთა ნაკრებების მიერ ნაჩვენებ შედეგებზე. ადრე ჩვენი იუნიორები ისეთი ჯგუფიდანაც კი ახერხებდნენ გასვლას, საიდანაც ერთი გუნდი გადიოდა. ახლა ორი გუნდი გადიოდა და მაინც ჩავრჩით ჯგუფში.- ახლა აქტიურად საუბრობენ საქართველოს ნაკრებში აკაკი გოგიასა და გიორგი ჯიქიას გამოძახების შესახებ. თქვენ რას ფიქრობთ ამასთან დაკავშირებით?- ფაქტი ერთია: რაც მეტი კარგი ფეხბურთელი იქნება საქართველოს ნაკრებში, მით უკეთესი - ჩვენი გუნდისთვის. ახლაც ვნახეთ: არ იყო ჯაბა კანკავა და საუკეთესო კუთხით წარმოჩნდა გვილია...მაგალითების მოყვანა კიდევ შეიძლება. ერთიცაა: ნაკრებში მოსახვედრად მხოლოდ კარგი თამაში არ კმარა. უნდა აჯობო იმას, ვინც იმ პოზიციაზე თამაშობს. საერთოდ, როცა ნაკრებს ეხება საქმე, დაახლოებით თანაბარი დონის ფეხბურთელებიდან ხდება არჩევანის გაკეთება.მე კარგად ვიცი საქართველოს ნაკრების ისტორია და ვერ ვიხსენებ, რომ რომელიმე ფეხბურთელი ბრწყინავდა და მას არ დაუძახეს ნაკრებში. შეიძლება, მხოლოდ ოდნავ უკეთესი იყო იმ ეტაპზე ნაკრებს გარეთ დარჩენილი იმაზე, ვინც ეროვნულ გუნდში თამაშობდა.- ძალიან გვაინტერესებს თქვენი აზრი გიორგი ჭანტურიაზე. ვლადიმირ ვაისმა გასახდელში მომხდარის გამო ის ნაკრებში არ გამოიძახა ბოლო ორი თამაშისთვის, თუმცა, იქვე აღნიშნა, რომ ჭანტურიასთვის ეროვნული ნაკრების კარი ღიაა...- გიორგი ძალიან ნიჭიერია და ეს ფაქტია. მე ვიტყოდი, ის იმდენად ნიჭიერია, რომ მისი გვარის შემდეგ უნდა იყოს სიტყვა - "ექსტრა". აი, ამ "ექსტრას" შემდეგ მოდის მრავალწერტილი და ყველას შეუძლია, თავად შეავსოს ეს ცარიელი ადგილი. იქ შეიძლება ბევრ პრობლემაზე დაიწეროს.მაგალითად, ხასიათზე, მეტ გუნდურობაზე... ჩემი აზრით, ეს ის ფეხბურთელია, რომელმაც ნებისმიერ შემთხვევაში სარგებლობა უნდა მოუტანოს საქართველოს ნაკრებს.- გკითხავთ თორნიკე ოქრიაშვილზეც, რომელმაც ნაღდი ლიდერივით ითამაშა უელსთან მატჩში...- ვითომ პრეტენზიული ხასიათის მიუხედავად, მე ვერ ვიხსენებ ოქრიაშვილის მიერ ჩაგდებულ მატჩს საქართველოს ნაკრების შემადგენლობაში და ეს ძალიან მახარებს. არ აქვს მნიშვნელობა, როგორ მისდის საკლუბო კარიერა - კარგადაა თუ ცუდად, მაინც ბოლომდე იხარჯება ნაკრებისთვის და არ შეიძლება, ეს არ დაინახო. ის ძალიან სასარგებლო ფეხბურთელია ჩვენი გუნდისთვის.- როგორ გგონიათ, რისთვის იბრძოლებს საქართველოს ნაკრები მსოფლიოს ჩემპიონატის შესარჩევ ციკლში?- რა თქმა უნდა, ფინალურ ეტაპზე გასვლა ძალიან რთული იქნება, მაგრამ გუნდმა ბოლომდე უნდა იბრძოლოს. ჩვენ ვნახეთ, რომ ამ ჯგუფში ყველასთან შეიძლება თამაში. თუ რამეზე გვაქვს პრეტენზია, ორივე მატჩი უნდა მოვუგოთ მოლდოვას და ეს სავსებით შესაძლებელია. თბილისში წარმატებით თამაში შეგვიძლია უელსთანაც და ირლანდიასთანაც.ორივე ნაკრებს ვეთამაშეთ გასვლაზე და ეს კარგად გამოჩნდა. სერბეთიც კარგადაა დაკომპლექტებული, მაგრამ მასთანაც შეიძლება მოგება...- არ იქნება, თქვენს მშობლიურ კლუბში, თბილისის "დინამოში" ბოლო დროს განვითარებულ მოვლენებზე არ გკითხოთ...- წინათგრძნობა მკარნახობს, რომ ვიაჩესლავ გროზნის მოყვანა არ იყო მთლად გამართლებული ნაბიჯი. ამას რომ ვამბობ, ძალიან მინდა, ვცდებოდე. გულწრფელად მინდა წარმატებები ვუსურვო თბილისის "დინამოსა" და გროზნის.როგორც ითქვა, იყო ევროპული ვარიანტებიც. გარდა ამისა, ალბათ შესაძლებელი იყო, ძალიან სერიოზულად განხილულიყო ერთ-ორი ქართველი სპეციალისტის კანდიდატურაც.- შოთა როგორ გრძნობს თავს ისრაელში? შედეგების მიხედვით, თითქოს, ყველაფერი კარგადაა...- შოთა თავდადებით მუშაობს. ევროპალიგაზე "მაკაბიმ" სტუმრად "ალკმაარს" რომ მოუგო, ამ ამბავს ძალიან დადებითი გამოხმაურება მოჰყვა. ერთი ეგაა, ისრაელის ჩემპიონატის ბოლო ტურის მატჩში წააგო ჰაიფას კლუბთან. არადა, არ იყო წასაგები თამაში. ხომ იცით, ხშირად ფეხბურთში როგორც ხდება? მთელი მატჩის განმავლობაში აშკარად სჯობდა შოთას გუნდი მეტოქეს. არაერთი დარტყმა იყო მოწინააღმდეგის კარის მიმართულებით, მაგრამ გოლი არა და არ გავიდა.- შოთა მიმზიდველი მწვრთნელი უნდა იყოს ბევრი გუნდისთვის...- ახლა ამაზე არ არის ლაპარაკი. სანამ "მაკაბიში" წავიდოდა, მაშინაც ჰქონდა ვარიანტები, თუნდაც იმავე "ალკმაარისგან", მაგრამ ახლა უკვე მუშაობს და მთლიანად "მაკაბიზეა" კონცენტრირებული.- გვერდს ვერ ავუვლით თქვენი ფონდის საქმიანობას. რომ იტყვიან, საშვილიშვილო პროექტია და მას "ლელოც" აშუქებს...- მოგეხსენებათ, პანკისის ხეობაში დავიწყეთ ამ პროექტის განხორციელება. იქ საფეხბურთო ინფრასტრუქტურა ვერ არის ისეთი, როგორიც უნდა იყოს, თუმცა ადგილობრივებმა ძალიან დიდი ენთუზიაზმი გამოიჩინეს. ერთი სტადიონია სულ. მოასწორეს მოედანი, რომ ფეხბურთის თამაში ყოფილიყო შესაძლებელი.ოთხ სოფელში - ომალოში, დუისში, ბირკიანსა და ჯოყოლოში ვარჯიშობენ ბავშვები და ამას ადგილობრივი სპეციალისტები ხელმძღვანელობენ. მწვრთნელთა მუშაობას ჩვენს ფონდში კოორდინაციას გოჩა ტყებუჩავა უწევს. ის წერს პროგრამებს მწვრთნელებისთვის და ყოველ ორ კვირაში ატარებს მონიტორინგს. ხელფასსაც ჩვენი ფონდი უხდის მწვრთნელებს.- პანკისის ხეობის მცხოვრებთ ყოველთვის ჰქონდათ სხვადასხვა პროექტებში ადაპტაციის პრობლემა...- როგორც გითხარით, ინტერესი და ენთუზიაზმი მართლაც ძალიან დიდია. უნდა ნახოთ, ბავშვებს როგორ უხარიათ... სხვათა შორის, ვმუშაობთ საფეხბურთო წრეებში გოგონების ინტეგრაციაზეც.დამეთანხმებით, იოლი არ არის, როცა საქმე ფეხბურთში გოგონების ჩართვას ეხება, მით უმეტეს - პანკისის ხეობაში, მაგრამ სასიკეთო ძვრები ამ კუთხითაც შეიმჩნევა.- სხვა პროექტებზეც თუ მუშაობს ფონდი? ახალი სტიპენდიანტები თუ გყავთ?- ამჟამად ჩვენი ფონდის მთავარი საზრუნავი ის პროექტია, რომელიც უკვე ხორციელდება. ვგრძნობთ დიდ მხარდაჭერას სხვადასხვა ორგანიზაციების მხრიდანაც და ეს მხოლოდ მისასალმებელია.(იბეჭდება მცირე ცვლილებით)ყოველდღიური სპორტული გაზეთი "ლელო"

zura

პანკისი კარგია მაგრამ სხვა ახმეტის სოპლებმა რა დააშავეს, ბურტებიც რომ არ აკვტ, ამას მიხედეტ ჯობია
ელკიაერ ლარსენი

წარმოიდგინეთ გროზნი ყიფიანის,ჩივაძის,გუცაევის,შენგელიას,დარასელიას მწვრთნელად
........

ეგრე რაა, კეთილი საქმის კეთება და ხალხის სიყვარული გერჩივნოთ ფედერაციაში ჯდომას და ზოგ შემთხვევაში ალბათ ვიღაცის გამო დაუმსახურებლად ლანძღვას.
odala

ყოჩაღ ფონდს! გამიხარდა თუ პანკისში საქმიანობთ. ჯიჰადიზმის მაგივრად ბავშვები თუ სპორტში ჩაებმებიან ნამდვილად დადებითია. თან თუ გოგონებისთვისაც აკეთებთ, უფრო უკეთესი. აი ეგ არის ნაღდად თანამედროვე წამოწყება - ასეთ რეგიონში, ფეხბურთი გოგონებისთვის.
giga

kak minimum shota arveladzeze kai mtvrtnelia groznia, kazi jer ar mosula da imdeni negativia, eg sakarvelos senia.
svani

კიდევ კარგი მარტო მე არ ვფიქრობ ასე! და მართლაც ვინ არის გროზნი..?! საქართველოშიც დარჩა 1-2 მწვრთნელი ვისაც შეუძლია დინამოს მთავარი მწვრთნელობა! და ამას რატომ ვამბობ რომ, თუ არ გაქვთ იმის ფინანსები რომ, მოიყვანოთ მაღალკვალიფიციური უცხოელი მწრთნელი, მაშინ ქართველი უნდა დანიშნო! მაგალითი: დევდარიანი თუნდაც, ეს უკანასკნელი არ მუშაობდა დღესდღეისობით მაგრამ უკვე..)) ისე არიან გამოცდილი მწვრთნელები რომელსაც გამოვარჩევ, იგივე ცეცაძე და ფრუიძე!)))

GEO TEAM: ხიზანიშვილმა სანიოლის თანაშემწის პოსტი დატოვა

თურქების მეტოქეები გაირკვა - რა გზა ექნებოდა საქართველოს ნაკრებს მუნდიალამდე, ჯგუფში მეორე ადგილი, რომ დაეკავებინა

ავა ვინმე სანიოლის ნაცვლად ეშაფოტზე? - გულშემატკივარი სფფ-სგან მეტ პატივისცემას იმსახურებს

"ტოტენჰემის" მეკარემ შესაძლოა, კარიერა "ინტერში" გააგრძელოს

"ახლა გუნდებს სჯერათ, რომ ჩვენთან დადებითი შედეგის მიღწევა შეუძლიათ" - სლოტმა "სანდერლენდთან" მატჩი შეაფასა

კიტეიშვილის "შტურმი" სახლში დამარცხდა და ვერ გალიდერდა

მესი იჯარით "ბარსელონაში" დაბრუნდება? - კომენტარი დეკომ გააკეთა

ფუტსალის ნაკრები საერთაშორისო ტურნირზე იასპარეზებს

"ბორჯღალოსნების" მეტოქეები - მსოფლიოს ჩემპიონი სამხრეთ აფრიკა, იტალია და რუმინეთი ავსტრალიის მსოფლიო თასზე

[VIDEO] პარაგვაის ჩემპიონატის შეხვედრაში ცვლილებაზე 51 წლის კლუბის პრეზიდენტი შევიდა

პირველად "ბარსელონას" ისტორიაში - ლევანდოვსკიმ ანტი-რეკორდი დაამყარა

კვარაცხელია Globe Soccer Awards-ის ფინალისტებშია - როგორ მივცეთ ხმა ქართველ ფეხბურთელს

[VIDEO] დიდი პატივისცემა - რა გააკეთა ფლიკმა "ატლეტიკოსთან" საფინალო სასტვენის შემდეგ

[VIDEO] ნიკოლოზ ბასილაშვილი და მისი გერმანელი მეგობარი გოგონა ქართულად ამღერდნენ

ჩაკვეტაძის გაუმჯობესებული თამაში და მეტი დრო მოედანზე - "უოტფორდის" მწვრთნელმა ქართველზე ისაუბრა

მობილიზაცია შეეხო - უკრაინის ნაკრების ყოფილ ფეხბურთელს ფრონტის ხაზზე გააგზავნიან

სრულ მზადყოფნაშია - 2 თვეზე მეტის გასვლის შემდეგ, პალმერს დღეს "ჩელსის" ძირითადში ელიან

"შავი ლომი" ჩელენჯ თასს "მონპელიეთი" იწყებს

[VIDEO] "ბარსელონამ" სახლში "ატლეტიკოს" მოუგო

20 წ. | დიდი სხვაობით "კუდუსთან"

"კვარაცხელიას აშკარად ორი სახე აქვს" - ფრანგმა ჟურნალისტებმა პსჟ-ს ფეხბურთელების საქმისადმი განსხვავებულ დამოკიდებულებაზე ისაუბრეს

"სსრკ-ს ნაკრები წარმოსახვაში: მამარდაშვილი, კვარაცხელია, მიქაუტაძე, მწვრთნელი კლოპი" - რუსული გამოცემა ფანტაზიაში გადავარდა

მამის ნაკვალევზე - ისაგო სილვამ "ჩელსისთან" კონტრაქტი გააფორმა

არჩილ არველაძე: ვლადიმირ ვაისი უნდა დარჩეს, რადგან...

ვაკო გვილიამ პოლონური გუნდი დატოვა

"დინამო თბილისი" საქართველოს 15 და 17-წლამდე ლიგების გამარჯვებულია

GEO TEAM: ხიზანიშვილმა სანიოლის თანაშემწის პოსტი დატოვა

"უოტფორდმა" ჩიქოვანი "შარლერუაში" გაანათხოვრა

ცხადაძეს "ორდაბასიში", სავარაუდოდ, თბილისის "დინამოს" ყოფილი მწვრთნელი შეცვლის

შუა თითი და უხამსი ჟესტები მატჩის შემდეგ - ვინ არის გონსალო ფეიო, რომელიც ქართველ ფეხბურთელსაც ავარჯიშებდა

ვაკო გვილიამ პოლონურ კლუბთან კონტრაქტი გააფორმა

Mundo Deportivo: შენგელია თბილისში მაინც გაფრინდება - ეს სამშობლოსადმი უსაზღვრო სიყვარული და ერთგულებაა

თბილისის "დინამოს" ახალგაზრდულმა გუნდმა ჩემპიონთა ლიგაზე ისევ გაიმარჯვა

შოთა და არჩილ არველაძეები თურქეთის პრეზიდენტს შეხვდნენ

თბილისის "დინამოს" ექსთავკაცი ვიაჩესლავ გროზნი ყაზახეთში დასაქმდა

"ცხინვალში" კაჭარავა გოჩა ჩიქოვანმა შეცვალა - სელექცია გრძელდება შეიძლება, ლეგიონერებიც მოვიდნენ...

ვაკო გვილია თბილისის "დინამოს" ფეხბურთელია

"თუ ხვიჩა ამ შედეგს მიაღწევს, ძალიან მაგარი იქნება" - არჩილ არველაძე

"ლაშას მამა გარდაიცვალა და მოგვიანებით გნახავთ..." - არჩილ არველაძე ჟურნალისტის შეკითხვას იუმორით პასუხობს [VIDEO]

არველაძეების "ფახთაკორი" უზბეკეთის ჩემპიონი გახდა და ჩვენებურებმა ქართული სიმღერა შემოსძახეს [VIDEO]

"თუ ჯანმრთელი იქნება, სასურველ ფორმას დაუბრუნდება..." - აჩი არველაძე "ჩაკვეზე" საუბრობს

ატყდა დავიდარაბა. "სლოვანმა" რუსულ გუნდთან საიდუმლო მატჩი ჩაატარა - კანკავამ გაიტანა, გვილიამ ითამაშა [VIDEO]

გროზნი: თბილისის "ლოკომოტივი" თავს ზემოთ გადახტომას მოინდომებს

თბილისის "დინამო" ახალგაზრდული ლიგის მესამე რაუნდის ორივე მატჩს სახლში გამართავს

"ძალიან სარისკოა იქ თამაში, ჩემს შემდეგ "ჩელე არენაზე" ოთარ კობახიძემ მიიღო მძიმე ტრავმა"

გვილია "ლეგიაში" ვარჯიშობს და დიდი ალბათობით, ახალ კონტრაქტსაც გააფორმებს

საქართველოს ნაკრებმა ფიფას რეიტინგში რეგრესი განიცადა

"შოთა არველაძის სამშობლოში ვართ და სამწუხაროა, რომ ის ვერ ითამაშებს" - ფრანკ დე ბური ლეგენდების მატჩის წინ

ლეგენდების მატჩში თბილისის "დინამომ" "აიაქსი" 5:2 დაამარცხა

სანიოლის კაპიტულაცია

ლუკა ლოჩოშვილი: მინდა, კახა კალაძის გზა გავიარო