<p>იტალიური ფეხბურთის ლეგენდა 75 წლის გახდა <br> 28 თებერვალს ლეგენდარული მეკარე <strong>დინო ძოფი</strong> 75 წლის გახდა. ბუნებრივია, რომ იტალიურ საფეხბურთო სამყაროში ეს დღე განსაკუთრებულად აღინიშნა. ძოფი ყურადღების ცენტრში იყო მოქცეული, მოგვიანებით კი მისი საინტერესო ინტერვიუ გამოქვეყნდა.</p><p><strong>- როგორ გრძნობთ თავს?</p><p></strong>- შესანიშნავად. ვისვენებ, ვუყურებ ფეხბურთს და ვტკბები ცხოვრებით. თუმცა, ხანდახან ახალგაზრდობა მენატრება და კარში ჩადგომის სურვილი მიჩნდება.</p><p><strong>- როდესაც ჯანლუიჯი ბუფონს უყურებთ, საკუთარი თავი გახსენდებათ?</p><p></strong>- ბევრ რამეში ვგავართ ერთმანეთს, თუმცა, მთავარია, რომ ჩვენ ორივეს უზომოდ გვიყვარს ფეხბურთი. ბუფონის ოცნებაა, რომ ჩემსავით, 40 წლის ასაკში გახდეს მსოფლიოს ჩემპიონი, რასაც მთელი გულით ვუსურვებ.</p><p><strong>- აზრთა სხვადასხვაობაა იმის შესახებ, თუ ვინ არის იტალიის ყველა დროის საუკეთესო მეკარე: ბუფონი თუ ძოფი...</p><p></strong>- ასეთი საუბრები მხოლოდ ღიმილს მგვრის. არიან უმაღლესი კლასის მეკარეები, რომელთა ერთმანეთთან შედარება შეუძლებელია. ბუფონი მოვლენაა და მისი სახელი დარჩება ფეხბურთის ისტორიას, თუმცა მე არანაკლებ მომწონს, მაგალითად, იკერ კასილიასი და მანუელ ნოიერი, რომელმაც ბევრი სიახლე შეიტანა მეკარის თამაშში. თუმცა, არის ერთი მეკარე, რომელსაც შეუძლია მართლა აჯობოს ყველას და ეს ჯიჯი დონარუმაა...</p><p><strong>- დონარუმას თქვენც დიდ მომავალს უწინასწარმეტყველებთ?</p><p></strong>- ის ჩემზე ძლიერია და ვფიქრობ, მას უდიდესი მომავალი აქვს. ვერ წარმომედგინა, თუ 17 წლის ასაკში მეკარეს ასე დამაჯერებლად შეეძლო თამაში. დონარუმას სახით, იტალიას ძალიან საიმედო მეკარე ეყოლება ბევრი წლის განმავლობაში.</p><p><strong>- რომელმა მეკარემ ვერ გაამართლა თქვენი მოლოდინი?</p><p></strong>- ჩემთვის "ლაციო" განსაკუთრებული გუნდია, რომლის კარსაც უკვე წლებია ფედერიკო მარკეტი იცავს. შესანიშნავი მეკარეა, რომელსაც შეგიძლია დაეყრდნო, თუმცა ვფიქრობ, რომ მას გაცილებით მეტი შეეძლო. როდესაც ახალგაზრდა იყო, მასზე დიდ იმედებს ამყარებდნენ, რაც მხოლოდ ნაწილობრივ გაამართლა. თუმცა, ჯერ კიდევ ახალგაზრდაა და აქვს დრო, რომ მოუმატოს.</p><p><strong>- მარკეტი უკვე 34 წლისაა...</p><p></strong>- მართლა? რა სწრაფად გარბის დრო. ნებისმიერ შემთხვევაში, ფედერიკოს წარმატებებს ვუსურვებ.</p><p><strong>- როგორ შეიცვალა ფეხბურთი მას შემდეგ, რაც კარიერა დაასრულეთ?</p><p></strong>- იმდენ ხანს ვითამაშე, რომ ფეხბურთი ჩემი თამაშის დროსაც იცვლებოდა. რეალურად, ნამდვილი რევოლუცია სწორედ მაშინ მოხდა. იტალიის ნაკრებთან ერთად 1968 წლის ევროპის ჩემპიონი და 1982 წლის მსოფლიოს ჩემპიონი ვარ. ამ ორ ტურნირზე ორ სხვადასხვა სპორტის სახეობაში ვითამაშე, რადგან ფეხბურთი კარდინალურად შეიცვალა. მაშინ ტოტალური ფეხბურთი გაბატონდა და ეს მართლაც ნამდვილი რევოლუცია იყო. დღეს უფრო სწრაფი ტემპია, ფეხბურთელები კი კიდევ უფრო ათლეტურები და ფიზიკურად ძლიერები არიან.</p><p><strong>- ზემოთ თქვით, რომ ბუფონს 40 წლის ასაკში მუნდიალის მოგებას უსურვებთ. რამდენად აქვს იტალიას მსოფლიოს ჩემპიონატზე გამარჯვების შანსი?</p><p></strong>- იტალია მსოფლიო ფეხბურთის გრანდია და შანსები, რა თქმა უნდა, გვაქვს. შესაძლოა, მთავარი ფავორიტები არ ვიყოთ, მაგრამ ეს ბევრს არაფერს ნიშნავს. 1982 წლის მუნდიალზე იტალიას ფავორიტად არავინ მიიჩნევდა, მაგრამ რაც მოხდა, ყველამ ვიცით.</p><p><strong>- რომელი გუნდი უფრო ძლიერი იყო: 1970 წლის თუ 1982 წლის იტალიის ნაკრები?</p><p></strong>- 1982 წელს მსოფლიოს ჩემპიონები გავხდით, თუმცა 1970 წელსაც ფანტასტიკური გუნდი გვყავდა. ფინალში არ წაგვივიდა თამაში, რისგანაც დაზღვეული არავინაა. ხომ ნახეთ, რა დაემართა ბოლო მუნდიალზე ბრაზილიის ნაკრებს გერმანიასთან? არის მატჩები, როდესაც ერთ გუნდს ყველაფერი გამოსდის და მეორეს - არაფერი.</p><p><strong>- კარიერის დიდი ნაწილი "იუვენტუსში" გაატარეთ. როგორ ახერხებს ეს გუნდი, რომ მუდმივად პირველი იყოს?</p><p></strong>- ეს "იუვენტუსის" სისხლშია და ვისაც ტურინულ გრანდთან შეხება ჰქონია, კარგად გამიგებს, რას ვამბობ. როდესაც "იუვეს" მაისური გაცვია, თითქოს, უფლება არ გაქვს, რომ დამარცხდე.</p><p><strong>ყოველდღიური სპორტული გაზეთი "ლელო"</strong></p>
"შახტარს" "ნაპოლის" მიერ სუდაკოვში შეთავაზებული თანხა ეცოტავა
100 მილიონი ევრო ფაბრეგასის შესანარჩუნებლად - "კომოს" დიდი მიზნები აქვს
ოსიმენის "იუვენტუსში" გადასვლა ჩაიშალა - რჩება საუდის არაბეთი
20 წ. | მსოფლიომდე ინგლისთან
თოფურია vs ოლივეირა: დიდ დაპირისპირებამდე – წინასწარი ანალიზი და მოლოდინები
"მათ კომპლექსები არ გააჩნიათ" - ლაპორტა "ბარსელონას" ფეხბურთელებზე
ხვიჩას დაჯილდოება, მიქაუტაძისა და დავითაშვილის გადამწყვეტი მატჩი და სხვა ამბები
[VIDEO] ბრწყინვალე იამალის გოლი და საგოლე პასი - "ბარსელონა" ვადამდე გახდა ჩემპიონი
[VIDEO] უმძიმესი კადრები "ელ პრატიდან" - "ესპანიოლი" "ბარსელონას" მატჩი რამდენიმე წუთით შეჩერდა
ლეგენდა მიდის - "ლიონის" მთავარი თავდამსხმელი მიქაუტაძე გახდება
ევროპის ჩემპიონატზე საქართველოს ნაკრების მეტოქეები ცნობილია
Ballon d'Or 2025: კვარაცხელია რეიტინგში კიდევ უფრო დაწინაურდა
მოურინიოს პორტუგალიის ნაკრების მწვრთნელად არ დანიშნავენ
მარადიშვილი საქართველოს ნაკრების ფეხბურთელი უნდა გამხდარიყო, ახლა კი შეიძლება კარიერის დასრულება მოუწიოს
"ესპანელი ბიჭუნა ხარ" - მახაჩევმა თოფურიას მიმართა
პსჟ გოლების მანქანის შეძენას გეგმავს
"რეალისთვის" ყველაფერი გავაკეთე" - კარლო ანჩელოტი
სუპერლიგის ფინალურ სერიაში "ქუთაისი" და თსუ შეერკინებიან
ფეხბურთელი, რომელმაც კვარასთან ერთად სკუდეტო მოიგო, სერია C-ში ითამაშებს
"დე ბრუინს "ნაპოლის" შესახებ ეს უთხრეს" - ცნობილმა იტალიელმა ჟურნალისტმა ბელგიელზე ისაუბრა
"ქართული ფეხბურთის ხარისხი იზრდება და ეს შთაგონება სხვა პატარა ქვეყნებისთვისაცაა" - სავიოლა ლეგენდების მატჩის წინ
"იცით, "ალავესის" ფეხბურთელმა რა მითხრა?" - მამარდაშვილი
უარი "ლივერპულს" და "ჩელსის" - ალონსოს ინიციატივით "რეალმა" პირველი ტრანსფერი შეათანხმა
ხვიჩას გუნდის რუსი მეკარე სუპერგმირის წოდებით, იაშინის პრიზით, ევრო 2020-ითა და ყოფილ მეუღლესთან პრობლემებით...
ჯანლუიჯი ბუფონი და სხვები - დიდი სკოლა და რთული არჩევანი
დონარუმა "ტულუზასთან" არ ითამაშებს
იტალიელ მეკარეთა "მშრალი სერიების" ათეული - რეკორდსმენი ბუფონი
მეკარეები, რომლებიც "ოქროს ბურთისთვის" იბრძოდნენ
"მეამბოხე "კვარა" ბედნიერია და დონარუმასთან ერთად პარიზელები გააგიჟა" - იტალიური მედია
დონარუმას ძვირფასი საჩუქარი გულშემატკივარს - რა გააკეთა ჩემპიონთა ლიგის ფინალში გასვლის შემდეგ პსჟ-ის მეკარემ [VIDEO]
ᓛᓣᓜᓓᓘᓐᓚᓘᓡ ᓧᓕᓔᓚᓐ ᓤᓘᓜᓐᓚᓘ: ᓛᓐᓢᓩᓔᓑᓘ, ᓠᓝᓛᓔᓚᓗᓐᓪ ᓥᓕᓔᓧᓜᓔᓑᓘᓡ ᓘᓡᓢᓝᓠᓘᓐ ᓨᓔᓪᓕᓐᓚᓔᓡ
[VIDEO] "ამ ჯილდოს არ ვიმსახურებ" - დემბელეს ღირსეული საქციელი
დინო ძოფის ვერდიქტი "ბარსა"-"იუვეს" მატჩზე: რის ქამბექი, რა ქამბექი?!
უეფას წყალქვეშა დინებები - რამდენად რეალურია პსჟ-ს მეოთხედფინალში გასვლა?
დინო ძოფი: "იუვენტუსი" ამ სეზონში "რეალზე" უკეთესია