<p>ვინუს უილიამსი ისევ დამაჯერებელი იყო <br> ქალებმა მაიამიში დაასრულეს 1/16 ფინალში ურთიერთობის გარკვევა.</p><p>ისევ უჭირს ანჟელიკ კერბერს, რომელმაც, მართალია, დაიბრუნა ლიდერობა კლასიფიკაციაში, მაგრამ მხოლოდ იმის ხარჯზე, რომ სერენა უილიამსი ტოვებს მნიშვნელოვან სტარტებს.</p><p>ახლაც, გერმანელმა სერიოზული პრობლემებით გაიარა 1/16 ფინალის ბარიერი, როცა ამერიკელ შელბი როჯერსთან მატჩის ორივე სეტში ბრეიკით იყო ჩამორჩენილი, მაგრამ ორივეჯერ მოახერხა პარტიის ბედის თავის სასარგებლოდ შემოტრიალება - 6:4, 7:5.</p><p>როჯერსი ხელწამოსაკრავი მეტოქე არ არის, რაც მან შარშან დაამტკიცა, როცა საფრანგეთის ღიას მეოთხედფინალში გავიდა, წელს კი ავსტრალიის ღიაზე სიმონა ჰალეპს მოუგო. შელბის კერბერთანაც კარგი შანსი ჰქონდა, მაგრამ გერმანელი ყველაზე კრიტიკულ მომენტში უმატებდა თამაშს, თან საიმედოდ თამაშობდა, რაზეც მხოლოდ 22 უნებლიე შეცდომა მეტყველებს.</p><p>* * *</p><p>კერბერის მსგავსად, ამ სეზონში ცუდად მისდის საქმეები სიმონა ჰალეპს. მაიამის ტურნირამდე, რუმინელს წელს ზედიზედ ორი მატჩი მოგებული არ ჰქონდა და ნავსი სწორედ ახლა გატეხა. თან, მესამე ნომრად განთესილმა ძალიან დამაჯერებლად დაამარცხა ესტონელი ანეტ კონტავეიტი - 6:3, 6:0.</p><p>მატჩი მხოლოდ 55 წუთი გაგრძელდა. ჰალეპი ძალიან აკურატულად მოქმედებდა და მხოლოდ 13 უნებლიე შეცდომა დაუშვა. მის ანგარიშზე ხუთი ბრეიკი იყო. სიმონას შემდეგი მეტოქე ავსტრალიელი სამანტა სტოსური იქნება, რომელთანაც რევანში აქვს ასაღები შარშან, როლან გაროსზე მარცხის გამო.</p><p>* * *</p><p>აგრძელებს კარგი ფორმის დემონსტრირებას ვინუს უილიამსი, ვისაც სამჯერ აქვს მოგებული მაიამის ტურნირი. ამერიკელმა ვეტერანმა გაანადგურა რუმინელი პატრისია მარია ტიგი - 6:3, 6:0 და მერვედფინალში რუს სვეტლანა კუზნეცოვაზე გავიდა. ტიგმა შარშან, მადრიდის ტურნირზე გაითქვა სახელი, როცა სლოუნ სტივენსი და მედისონ კისი დაამარცხა, მაგრამ გუშინ შანსი არ ჰქონია. ვინუსმა მეტოქის მეორე მოწოდებაზე 17-დან 15 ქულა აიღო, საკუთარ პირველ მოწოდებაზე კი მხოლოდ ხუთი ქულა დათმო.</p><p>* * *</p><p>მოულოდნელად ძალიან იოლად დაამარცხა ბრიტანელმა იოჰანა კონტამ ფრანგი პოლინ პარმენტიე - 6:4, 6:0. ეს ის პარმენტიეა, რომელმაც ორი კვირის წინ, ინდიან უელსის ტურნირზე ანჟელიკ კერბერი დაამარცხა. მაგრამ, გუშინ, კონტამ თითქმის იდეალური ჩოგბურთი ითამაშა. საკმარისია აღინიშნოს, რომ ბრიტანელმა მხოლოდ ხუთი უნებლიე შეცდომა დაუშვა. მისი შემდეგი მეტოქე ლარა არუაბარენა იქნება, რომელმაც სენსაციურად მოუგო მედისონ კისს.</p><p><strong>1/16 ფინალი</p><p></strong>არუაბარენა (ესპ)-კისი (აშშ, 8) 7:5, 7:5</p><p>კონტა (ბრიტ, 10)-პარმენტიე (საფ) 6:4, 6:0</p><p>სტოსური (ავსტრა, 14)-პენგი (ჩინ) 4:6, 6:3, 7:5</p><p>ჰალეპი (რუმ, 3)-კონტავეიტი (ესტ) 6:3, 6:0</p><p>კერბერი (გერ, 1)-როჯერსი (აშშ) 6:4, 7:5</p><p>ოზაკი (იაპ)-გორგესი (გერ) 7:6(5), 6:3</p><p>კუზნეცოვა (რუს, 7)-თაუნსენდი (აშშ) 6:4, 6:2</p><p>ვ. უილიამსი (აშშ, 11)-ტიგი (რუმ) 6:3, 6:0</p><p><strong>1/8 ფინალი</p><p></strong>კერბერი (1)-ოზაკი</p><p>კუზნეცოვა (7)-ვ. უილიამსი (11)</p><p>ჰალეპი (3)-სტოსური (14)</p><p>კონტა (10)-არუაბარენა</p><p>მუგურუსა (6)-ვოზნიაცკი (12)</p><p>ციბულკოვა (4)-საფაროვა</p><p>ლუჩიჩი (26)-მატეკი</p><p>კარ. პლიშკოვა (2)-სტრიკოვა (15)</p><p><strong>ყოველდღიური სპორტული გაზეთი "ლელო"</strong></p>
უიმბლდონის პირველ წრეში ბასილაშვილის მეტოქე ცნობილია
ბასილაშვილმა გაიმარჯვა, ფურცელაძე დამარცხდა - უიმბლდონის საკვალიფიკაციო ეტაპზე ასპარეზობას ერთი ქართველი გააგრძელებს
უიმბლდონის საკვალიფიკაციო ეტაპზე 2 ქართველი იასპარეზებს
20 წ. | ირლანდია ირლანდიამდე
"უდინეზეს" მეკარეს 4-წლიანი დისკვალიფიკაცია ემუქრება
"სპაერმა" "ტორპედო" დაამარცხა და სუპერთასის ფინალში ითამაშებს
სუპერკომპიუტერმა საკლუბო მუნდიალის ფავორიტი დაასახელა
ერთი ქართველი წავიდა, მეორე მიდის - ჩაკვეტაძის დამატება "ვალენსიას" სურს
გუგეშაშვილი "პაოკში" წარადგინეს - ძირითადი მეკარე გუნდს ტოვებს
"ყველას ვეტყვი, სანაპიროზე რას აკეთებდი და ვისთან ერთად" - ცნობილი ფრანგი რეპერი მბაპეს დაემუქრა
38 წლის ჟირუ MLS-დან ლიგა 1-ში ბრუნდება - ცნობილია სად ითამაშებს ვეტერანი
უიმბლდონის პირველ წრეში ბასილაშვილის მეტოქე ცნობილია
კონტემ რასპადორის თაობაზე მოულოდნელი გადაწყვეტილება მიიღო
ილია თოფურიამ სასურველი მეტოქე დაასახელა
"ამ ფეხბურთელს ვაღმერთებ" - ბრედ პიტი
[VIDEO] "რეალის" ლამაზი გოლები "ზალსბურგთან" - ალონსოს გუნდმა ჯგუფში პირველი ადგილი დაიკავა და "იუვენტუსს" შეხვდება
"ლივერპულმა" "ნაპოლის" თავდამსხმელი ძვირად დაუფასა
პსჟ-ს სერიოზული პრობლემა აქვს - "კვარა" და პსჟ ჯორჯიის მწველი მზის ქვეშ
"დილა" სუპერთასის პირველი ფინალისტია
ბრწყინვალე ჟესტი - ჯანო ანანიძემ ეთერ ლიპარტელიანს საჩუქრად ბინა გადასცა
Tutto Juve: ეს შანსი გამოსაყენებელია - მიქაუტაძის შეძენის სურვილი იტალიურ გრანდსაც აქვს
ლუნინი "რეალს" მხოლოდ ერთ შემთხვევაში დატოვებს
თოფურია vs ოლივეირა: დიდ დაპირისპირებამდე – წინასწარი ანალიზი და მოლოდინები
მაიამის "მასტერსი": კონტას პირველი დიდი ტიტული
რეიტინგები: ამიერიდან, ბრიტანეთი მხოლოდ მარეით არ იამაყებს
ლეგენდარულმა სერენა უილიამსმა კარიერაში ყველაზე მძიმე მარცხი იწვნია
როლან გაროსი. III დღე: კონტა კერბერის გზას გაუყვა
უიმბლდონი. VII დღე: ახალი ისტორიები
მაიამის "მასტერსი": კერბერი დამაჯერებელი იყო