[ექსკლუზივი] თბილისის "ამერის" აღდგენა ფინელ ინვესტორს სურს

პროექტთან დაკავშირებით, Sportall.ge-ს მისი მენეჯერი კახი გონენაშვილი ესაუბრა, რომელიც 6 წლიდან კოსტა რიკაში ცხოვრობს ცოტა არ იყოს, დაუჯერებელია, მაგრამ ფაქტია - ქართული ფეხბურთის ერთ-ერთი გამორჩეული კლუბის, თბილისის "ამერის" აღდგენით უცხოელი ინვესტორია დაინტერესებული.2002 წელს დაარსებული ეს კლუბი საქართველოს ჩემპიონატის პირველ ლიგაში 2003 წელს ჩაერთო, 2004-05 წლების სეზონში კი უმაღლესშიც აღზევდა. ამ სეზონის შემდეგ "ამერმა" ზედიზერ ორჯერ თასი მოიგო, მაგრამ შემდეგ ფინანსური პრობლემების გამო ჯერ პირველ ლიგაში დაქვეითდა, 2008-09 წლების სეზონში კი გუნდი სულაც დაიშალა.მას შემდეგ 8 წელი გავიდა და როგორც შევიტყვეთ, არსებობს ხალხი, ვისაც აქვს პროექტი, თუ როგორ დააბრუნოს "ამერი" ქართული ფეხბურთის მწვერვალზე. პროექტის მენეჯერი ემიგრანტი კახი გონენაშვილია, ინვესტორი კი - ფინელი.გონენაშვილი 6 წლის ასაკიდან კოსტა რიკაში ცხოვრობს და ამ ქვეყნის საფეხბურთო სამყაროს საკმაოდ კარგად იცნობს. Sportall.ge ამ პროექტთან დაკავშირებით სწორედ მას ესაუბრა. <div style="text-align: center;">ვინ არიან ინვესტორები?</div> "ექვსი წლის ვიყავი, საქართველოდან კოსტა რიკაში რომ წავედი. მალე 30 წლის გავხდები და შეიძლება ითქვას, რომ კარიერა ამ ქვეყანაში ავიწყე. რაღაც პერიოდი იტალიაში ვიმუშავე, სამხრეთ ამერიკაშიც ვიყავი. ფეხბურთი ძალიან მიყვარს. მწვრთნელის ლიცენზიაც მაქვს, ოღონდ მხოლოდ კლუბის გაწვრთნა შემიძლია, ნაკრების - არა. თუმცა დღეს ფეხბურთში სხვა კუთხით ვარ ჩართული.საქართველოში 2012 წელს ჩამოვედი. ჯერ კიდევ მაშინ გვსურდა კარგი პროექტის განხორციელება, რომელიც რამდენიმე ადამიანს წარვუდგინე. პროექტის მიხედვით, რომელშიც ჩემთან ერთად ჩართულია ხუთი სხვადასხვა ქვეყნის: ფინეთის, კოსტა რიკის, შვედეთის, ჩილესა და მექსიკის წარმომადგენელი, საქართველოში აკადემიის დაფუძნება გვსურდა. მთავარი ინვესტორი ფინელია.ეს ადამიანები ჩემი მეგობრები არიან, რომლებსაც დიდი სურვილი ჰქონდათ აკადემიის დაფუძნების, მაგრამ პოლიტიკური საკითხების გამო ეს ვერ მოხერხდა. საქართველოში პოლიტიკა არასტაბილურია და ამას უცხოელები კარგი თვალით არ უყურებენ. ამიტომ გადავედით მეორე გეგმაზე... <div style="text-align: center;">გეგმა 2 - "ამერის" დაბრუნება</div> გეგმა მიზნად ერთ-ერთი ქართული კლუბის, თბილისის "ამერის" შესყიდვას ისახავს. ამაზე უკვე საქართველოს ფეხბურთის ფედერაციის მოქმედ პრეზიდენტ ლევან კობიაშვილს ვესაუბრეთ. ის ძალიან კარგი ადამიანია და იდეამ დააინტერესა. მასაც აქვს ინტერესი. სფფ-ს ნამდვილად სურს ქართულ ფეხბურთში "ამერის" დაბრუნება.რამდენიმე დღეში ჩვენი ერთ-ერთი წარმომადგენელი თბილისში ჩამოვა, კობიაშვილთან შეხვედრას გამართავს და სწორედ იმ შეხვედრიდან უნდა გავიგოთ, თუ რა სტატუსი აქვს დღეს "ამერს", რამდენია კლუბის დავალიანება, როგორ მუშაობდა კლუბის წინა ხელმძღვანელობა, რა პირობით შეიძლება მის სათავეში მოსვლა და ა.შ.თუკი კლუბს დავალიანება სფფ-ის მიმართ აქვს, მზად ვართ, ნაწილ-ნაწილ გავისტუმროთ ის. <div style="text-align: center;">რატომ "ამერი" და არა რომელიმე მოქმედი კლუბი?</div> სამი მიზეზია. პირველ რიგში, სიმპათია! "ამერი" ძალიან საინტერესო პროექტი იყო, კლუბს გულშემატკივარი მრავლად ჰყავდა, სტადიონიც კარგი ჰქონდა და გულდასაწყვეტია, რომ ვერ მოინახა ამ პროექტის გაგრძელების გზა.მეორე მიზეზი ისაა, რომ დღეს მოქმედ კლუბებს თავიანთი ადმინისტრაცია ჰყავთ. მოგვწონს ეს თუ არა, ასეა და ისინი თავიანთი გზით ვითარდებიან.მესამე კი ისაა, რომ არ გვსურს კიდევ ერთი ახალი კლუბის შექმნა თბილისში, სადაც ისედაც ბევრი კლუბია. მით უმეტეს, რომ არის პერსპექტიული კლუბი, რომელსაც სათავეში არავინ უდგას და გვირჩევნია, მას მივხედოთ.სხვა კლუბი რომ შევქმნათ და "ამერი" დავარქვათ, არ იქნება კარგი. ფერებსაც ვერ შევინარჩუნებთ. ამ ეტაპზე გვსურს, კარგად გავერკვიოთ ამ კლუბის დღევანდელობაში. ინვესტორებს კი ძალიან უნდათ მისი შესყიდვა. <div style="text-align: center;">როდის და რატომ დაინტერესდნენ ინვესტორები ქართული ფეხბურთით? <div style="text-align: left;">პოტენციურმა ინვესტორებმა რამდენიმე წლის წინ ქართული კლუბების გამოსვლა ნახეს ევროასპარეზზე. მოეწონათ ალექს გარსიას გაწვრთნილი თბილისის "დინამო" და გია გეგუჩაძის - "ზესტაფონი". შემდეგ ანალიზის გაკეთება გადაწყვეტეს იმის დასადგენად, თუ რატომ ვერ ხვდებიან ქართული კლუბები ევროტურნირებზე და ამისთვის საქართველოშიც ჩამოვიდნენ, მატჩებს დაესწრნენ.დაასკვნეს, რომ ქართულ კლუბებში ფსიქოლოგიური და ფიზიკური პრობლემებია. ნახეს, რომ უკონკურენტო ჩემპიონატია.მათ გადაწყვიტეს "ამერის" შესყიდვა და მისი თანამედროვე, ძლიერ კლუბად გადაქცევა. 5-6 ლეგიონერის ჩამოყვანაც უნდათ. საჭირო იქნება სტადიონის რეკონსტრუქციაც. ვიცით, რომ ეს ყველაფერი ძვირი დაჯდება, მაგრამ ფული არაა მთავარი პრობლემა.მთავარია, ყველაფერი გამჭვირვალე იყოს. ინვესტორებს არ სურთ პოლიტიკური ჩარევები. ეს თუ ნახეს, ერთ ლარსაც არ ჩადებენ, სხვა შემთხვევაში კი, "ამერს" იმდენს მოახმარებენ, რამდენიც საჭირო იქნება.</div> </div><div style="text-align: center;">სააგენტო, რომელიც ქართულ კლუბებს ფეხბურთელს სთავაზობს</div> აქ სააგენტო გვაქვს - Professional Soccer Players. მერწმუნეთ, მართლა ძლიერი ფეხბურთელები გვყავს ცენტრალური, ჩრდილო ამერიკიდან და მათ ტრანსფერებს ვახორციელებთ. ამ ფეხბურთელებით ჰოლანდიის, ბელგიის, პორტუგალიის ჩემპიონატების კლუბები ინტერესდებიან. მათი უმეტესი ნაწილი თავისი ქვეყნის ნაკრებში თამაშობს.ქართველი ვარ და მინდა, რამდენიმე საქართველოში ჩამოვიყვანო, ეგებ ქართული ფეხბურთის განვითარებას ხელი შეუწყონ. რამდენიმე ქართულ კლუბს მივწერე, მაგრამ არავინ მიპასუხა. ცუდად არ გამიგოთ, მაგრამ ფეხბურთელი, რომელიც, ვთქვათ, ჰონდურასის ნაკრებში მუდმივად თამაშობს, მონაწილეობს ოლიმპიადაზე, მსოფლიოს ჩემპიონატებზეც, ის საქართველოს ჩემპიონატს აუცილებლად გამოადგება.ერთ-ერთი ჩვენი ფეხბურთელი ახლახან ამსტერდამის "აიაქსში" გადადიოდა, მაგრამ, სამწუხაროდ, მოლაპარაკებები ბოლოს ჩაიშალა. 17 წლის ბიჭია და სამუშაო ვიზასთან დაკავშირებით პრობლემები შეექმნა.თუ რომელიმე ქართული კლუბიდან იქნება დაინტერესება, სიამოვნებით შევუწყობთ ხელს ასეთი ფეხბურთელების შეძენაში".

kako

და ევრო ტურნირებში არ გაიყვანოს
zesta

რა ამერი,ზესტაფონია აღსადგენი ჯერ
giorgi

იმედია ფედერაციაში აღარ არიან ...მესვეურები ადრე რომ იყვნენ არველაძის დროს...და ამ საქმეს თუ დასჭირდა შეღავათებიც უნდა მისცენ .
anzorika-s

თბილისში არ გვინდა გუდის გაკეთებაო რა გლდანი რის გლდანი?
amer-imeri

კაია თუ რამე კარგი საქმე დატრიალდება მაგრამ მაინ მგონია რომ სურვილების დონეზე ვართ თორე ბრაზილია-რუსტავის კომბინაციაც გვახსოვს და პერუ-ლოკომოტივი ხეირი მე არ მასოვს
Jango

მოდერატორ , შენ ისევ გართულება გაქვს ჩემს პოსტებთან? მგონი მიზანმიმარტულ კამპანიას ეწევი და ფრთხილად იყავი,ე მანდ ცოტა ტვინიც ჩართე.
luk

ჩემი ოცნებაა კლუბის ყოლა მაგრამ ვაი რომ ასე ადვილი არ არის კლუბის მართვა.თუნდაც საქართველოში. ამერი თუ აღდგება მაგარი იქნება,ჯერ მარტო ჰერტასთან ნათამაშები 2-2 რად ღირს. უნდა იყოს ყველა უბანში ერთი კლუბი სამოყვარულო და ითამაშონ ჩემპიონატი.უბანთაშორისი ან რაიმე მაგდაგვარი. წარმოიდგინეთ ვაზისუბანი,ვარკეთილი ,ვაკე , გლდანი, რომელი უბნებიც ახლო ახლო არიან ერთობლივ გუნდს შექმნიან და ა.შ.
Unity - Jango s

არცერთი სახელმწოფო კლუბის მართველი არ არის დაინტერესებული გუნდში პატიოსანი ინვესტორის მისვლით. კერძო კლუბებს კი ყველას თავისი "დღის წესრიგი" აქვთ. მეც ვარ (ვიყავი) დაინტერესებული კლუბის აყვანით, მაგრამ არ გამოვიდა. თუ მართლა გაინტერესებს საფეხბურთო კლუბში ინვესტირება,იქნებ გაგვესაუბრა...
კახა ქირია

მე მინახია კოსტა-რიკის ჩემპიონატის თამაში და ურიგო გუნდები არ ჰყავთ,საკმაოდ სანახაობრივ ფეხბურთს თამაშობენ და ჯანზეც არიან.აი რამდენად წამოვლენ საქართველის ჩემპიონატში სათამაშოდ ეგ საკითხავია აი ნაკრები ურიგო ნამდვილად არ ჰყავთ.
ნოდი

კარგია ამერის დაბრუნება იქნებ ახალ საფეხბურთო კლუბ სამაჩაბლოს მივხედოდ.სადაც მთელი დევნილების ჯარი არის.ეგ ცხინვალი და ლიახვი .სულ ტყვილა არსებობს.მარტო მთავრობის ფულს ჭამენ არც ბავშვებს ზდიან არც ინფრასტრუკტურა აქვთ. აზრი მაგით არსებობისა.მივმართავ ფედერაციას მიხედოს ნამდვილ დევნილებს სამაჩაბლოს გუნდს და სკოლას.დანარჩენები ნუ ვაჭრობენ დევნილების სახელით.
anzorika.

როგორ ჯგერს გლდანი-მილანის ცნორი....კახელებო კენიტ რამე.....ეს ხუმრობიტ...ტორე კარგი იდეა არის..გლდანი დიდი რაიონია..ამერი მესიმპატიურებოდა ზალიან,,,და მივესალმები აგდგენას,,,იკიტ ვარკეტილი,,,საბურტალო,,,,გლდანი...ნახალოვკამ რა კნას?ავლაბარს სტადიონი არ აკვს ტორე სკაზე იტამასჰებდა,,ეხლა კი მოდასჰია კორპუსები,,,დანებეტ ტავი კორპუსებს სტადიონები ასჰენეტ
anzorika

იკნებ გლდანი დავარკვატ,,,გადავარკვატ სახელი
Jango

თქვე კაი ხალხო, ადექით და პირდაპირ გამოაცხადეთ- ვიყიდით საფეხბურთო კლუბს, პირველ რიგში "ამერი"-ს, მაგრამ მოგვმართეთ სხვებმაც,პირობა - მესამე ლიგა, მეორე ლიგა ამ მეოთხე ლიგა. ჰო მართლა, კლუბზე მიბმის გარეშე, მე თვითონ ვაცხადებ ინტერესს რომ მესამე ან მეორე ლიგის კლუბის კერძო ხელში (51% და მეტი წილის) გადასვლას აქტიურად შევუწყო ხელი,მომწერეთ მხოლოდ კლუბის ხელმძღვანელებმა თქვენი პირობები,რა გაგაჩნიათ,რა ვალი გაქვთ, რა ბაზა და როგორი ხედვები.განიხილება ყველა, მაგრამ პრიორიტეტულად საინტერესო იქნება დასავლეთ საქართველოს წარმომადგენლები. ნებისმიერი არაუფლებამოსილი შუამავალი იქნება გამორიცხული მყისიერად. ემეილი : geogagua@gmail.com
S.P

am proeqts exla vinmem xeli rom heuhalos imas qveknisatvis unda raime sikete?
gela

მაგარი გუნდი იყო ამერი!
არტურ ანტუნეშ კოიმბრა ზიკო

კარგია. საბურთალო გყავს, გლდანიც იქნება. მიბაძონ ლოკომოტივმა და დინამომ. დაიდოს უბნური დაყოფა თბილისში. ეს იქნება ჩვენი ჩემპიონატის აღორძინების დასაწყისი.
ქომაგი

კარგი ადამიანი ხარ, წარმატებები. იქნებ დაინტერესდნენ ჩვენი ფეხბურთის მამები ამ პროექტით. ამერს მთელი გლდანი ვგულშემატკივრობდით, 1500 კაცი მინიმუმ დადიოდა ყველა თამაშზე, სავსე იყო სტადიონი. იმედი მაქვს აღდგება ეს კლუბი და კონკურეციაც გაიზრდება ჩვენ ჩემპიონატში.
data

გენაცვალეთ, აუცილებელია ...
temo43

მთავარია იყოს ამბიციური და არა ფულის საკეთებლად აგდენილი კლუბი
sabonis

კი მარა ამ ინვესტორს თუ ასეთ ინტერესი აქ აღდგენილებში მოძებნოს გუნდი რაღა აღსადგენს ეძებს? თუ სიზმრებში დიდი ბაბუა არ ასვენებს მაინდამაინც ამერი აღადგინეო?DDD
გიოსვანი

ამერის აღდგენა კარგი იდეაა, გლდანი საკმაოდ დიდი რაიონია თბილისის და ბევრი მოსახლეობა ცხოვრობს , გულშემატკივარი არასდროს აკლდა ამერს , ასე რომ არ წააგებს ინვესტორი ამ პროექტში თუ ჩაებმება.

ტური 14: დაძაბულობა, ბოლო წუთების დრამა, სადებიუტო გოლები

"იბერია 1999" და "ტორპედო" კვლავ იგებენ

"სამგურალს" ფალკაოს და სკოლარის ყოფილი თანაშემწე ჩაუდგა სათავეში

20 წ. | მსოფლიომდე ინგლისთან

თოფურია vs ოლივეირა: დიდ დაპირისპირებამდე – წინასწარი ანალიზი და მოლოდინები

"მათ კომპლექსები არ გააჩნიათ" - ლაპორტა "ბარსელონას" ფეხბურთელებზე

[VIDEO] ბრწყინვალე იამალის გოლი და საგოლე პასი - "ბარსელონა" ვადამდე გახდა ჩემპიონი

[VIDEO] უმძიმესი კადრები "ელ პრატიდან" - "ესპანიოლი" "ბარსელონას" მატჩი რამდენიმე წუთით შეჩერდა

ლეგენდა მიდის - "ლიონის" მთავარი თავდამსხმელი მიქაუტაძე გახდება

ევროპის ჩემპიონატზე საქართველოს ნაკრების მეტოქეები ცნობილია

Ballon d'Or 2025: კვარაცხელია რეიტინგში კიდევ უფრო დაწინაურდა

მოურინიოს პორტუგალიის ნაკრების მწვრთნელად არ დანიშნავენ

მარადიშვილი საქართველოს ნაკრების ფეხბურთელი უნდა გამხდარიყო, ახლა კი შეიძლება კარიერის დასრულება მოუწიოს

"ესპანელი ბიჭუნა ხარ" - მახაჩევმა თოფურიას მიმართა

პსჟ გოლების მანქანის შეძენას გეგმავს

"რეალისთვის" ყველაფერი გავაკეთე" - კარლო ანჩელოტი

სუპერლიგის ფინალურ სერიაში "ქუთაისი" და თსუ შეერკინებიან

ფეხბურთელი, რომელმაც კვარასთან ერთად სკუდეტო მოიგო, სერია C-ში ითამაშებს

"დე ბრუინს "ნაპოლის" შესახებ ეს უთხრეს" - ცნობილმა იტალიელმა ჟურნალისტმა ბელგიელზე ისაუბრა

"ქართული ფეხბურთის ხარისხი იზრდება და ეს შთაგონება სხვა პატარა ქვეყნებისთვისაცაა" - სავიოლა ლეგენდების მატჩის წინ

"იცით, "ალავესის" ფეხბურთელმა რა მითხრა?" - მამარდაშვილი

უარი "ლივერპულს" და "ჩელსის" - ალონსოს ინიციატივით "რეალმა" პირველი ტრანსფერი შეათანხმა

[VIDEO] "გოლდენ სტეიტი" პლეი-ოფს გამოეთიშა - "მინესოტა" კონფერენციის ფინალშია

"ზურაბ ფოცხვერია წაგებული შეხვედრის შემდეგაც პრემიას გვაძლევდა" - "ამერის" გახსენება [VIDEO+PHOTO]

[იდეა] როგორ უნდა იმატოს მაყურებელმა - სალხინოს დერბი, როგორც მოდელი

[ოთხშაბათის საკითხავი] სად არის კერძო სექტორი?

ვისაც წუმპეში ყოფნა უჯობს - ანუ გზა, რომელიც დიდ ფეხბურთამდე ვერ მიგვიყვანს