<p>"მას შემდეგ არც ერთ ნაკრებში არ მითამაშია"</p><p><br> უცნაური ჩემპიონატი გვაქვს: ორი ტურის წინ ბათუმის "დინამო" მე-9 ადგილზე იყო, მაგრამ ჯერ ზესტაფონში საჩხერის "ჩიხურა" დაამარცხა (1:0), შემდეგ აჭარულ დერბიში - ქობულეთის "შუქურა" (2:0) და <strong>ლევან ხომერიკის</strong> გუნდი სატურნირო ცხრილის მესამე საფეხურზე დაწინაურდა. ამაში დიდი წვლილი <strong>ვაკო თევდორაძემ</strong> შეიტანა - მან ორივე შეხვედრაში გოლები გაიტანა.</p><p>ბათუმელთა ნახევარმცველი 23 წლისაა და ამის ფონზე გასაოცარი ფაქტია - ის "დინამოს" ფორმით უკვე მე-7 წელია თამაშობს. თავი ხშირად გამოუჩენია არაორდინარული და საინტერესო ფეხბურთით. ბოლო ტურებში კი ლევან ხომერიკის გუნდს მხსნელად მოევლინა.</p><p>"ლელომ" ბათუმელთა 23 წლის ფეხბურთელს ინტერვიუ ჩამოართვა:</p><p>- რა თქმა უნდა, სასიამოვნო იყო, ზედიზედ ორ მნიშვნელოვან შეხვედრაში გოლები რომ გავიტანე - ეს "დინამოს" წინსვლაში დაეხმარა. პირადად მე კი ძალიან მჭირდებოდა, რადგან ბოლო დროს ხშირად თამაში აღარ მიწევდა. მაგრამ თემურ შონიას მცირე ტრავმა აწუხებს, მწვრთნელი მენდო, ძირითადში დამაყენა და მიხარია, რომ ნდობა გავუმართლე.</p><p><strong>- ერთი ხანობა, ბათუმის "დინამოს" შეუცვლელი მოთამაშე იყავი, მაგრამ მერე შემადგენლობაში იშვიათად ჩნდებოდი - რა იყო ამის მიზეზი? </strong></p><p>- ყველაფრის თავი ტრავმები იყო. ჩვენ ქობულეთის "ჩელე-არენაზე" ვვარჯიშობდით, რომლის საფარზეც ბევრი თქმულა და მე ახალს ვერაფერს დავამატებ. იქ გასვლაც კი ცუდად მოქმედებდა - დატვირთვებზე უკანა კუნთები ეგრევე მეჭიმებოდა, ბოლოს კი სერიოზულად დავშავდი და ექვსი თვე გამიცდა. მერე დრო დამჭირდა, ცალკე ფორმის აღსადგენად და ცალკე - ძირითადში დასაბრუნებლად. არადა, ამ დროს მოვიდა თემურ შონია, რომელმაც მშვენიერი სეზონი ჩაატარა. სხვათა შორის, ბოლო ტურში "შუქურას" რომ მოვუგეთ, საზარდული ისევ დამეჭიმა.</p><p>ექიმები ამ საფარზე დატვირთვას მიკრძალავენ, მაგრამ აჭარაში სხვა სტადიონი აღარ დარჩა და რა ვქნა, თამაშზე უარს ხომ არ ვიტყვი? იმედია, სერიოზული არაფერია და ცუდი პერიოდი უკან ჩამოვიტოვე.</p><p><strong>- თქვენ ბათუმის სარაგბო სტადიონზე ვარჯიშობთ და საინტერესოა, იქ უკეთესი საფარია? </strong></p><p>- შედარებაც არ შეიძლება. იქ ბურთის გაგორებაც გაცილებით ადვილია, სირბილზე კუნთები არ გეჭიმება და ფეხებისთვის გაცილებით უკეთესია. ქობულეთის სტადიონზე კი კაუჩუკი ყრია და ბატუტივით არის. შეგვპირდნენ, რომ თბილისის "დინამოს" რაგბის სტადიონზე ვუმასპინძლებდით. ახლა ეს ვერ ხერხდება, მაგრამ ყველას ძალიან გვინდა, რომ იქ დროულად გადავიდეთ და არა მხოლოდ საკუთარ ქალაქში ვითამაშოთ, არამედ - შედარებით ნორმალურ საფარზეც.</p><p>გრუნტის ხშირი ცვლისა და უხარისხო საფარის გამო ჩვენთან ბევრი ტრავმირებულია და იმედია, ეს საკითხი მალე მოგვარდება.</p><p><strong>- ბათუმის "დინამო" საკმაოდ კარგი გუნდია, მაგრამ არასტაბილურიც. მიმდინარე სეზონი ამას კიდევ ერთხელ ამტკიცებს...</strong></p><p>- ეს ფაქტია. დაკვირვებული ვარ - ძლიერ გუნდებთან უფრო კარგად ვთამაშობთ და მოგება რომ გვჭირდება, ამას ხშირად ვახერხებთ კიდეც. გაიხსენეთ, პლეი ოფში თბილისის "დინამოს" მოვუგეთ და ევროპის ლიგაზე გავედით. წლეულს კი საჩხერის "ჩიხურა" და გორის "დილა" დავამარცხეთ, რაც იოლი ნაღდად არ ყოფილა. "ელ მანდარინოც" პრინციპული იყო და მისმა მოგებამაც ძალიან გამახარა.</p><p><strong>- "ელ მანდარინო"? ეს რა არის?!</strong></p><p>- არ იცოდით, აჭარულ დერბის ყველა "ელ მანდარინოს" რომ ვეძახით? რეზო ჩელებაძე ენაკვიმატი კაცია და ერთხელ მისგან გავიგეთ. ბათუმის "დინამოს" და "შუქურას" თამაშს "ელ მანდარინო" უწოდა და ისე მოგვეწონა, მაშინვე ავიტაცეთ.</p><p><strong>- რას ფიქრობ, წლეულს ბათუმის "დინამო" სამეულში მოხვედრას მოახერხებს?</strong></p><p>- იმედი მაქვს, რადგან შემადგენლობითაც გავძლიერდით და რაც მთავარია, ერთსულოვანი და ძალიან მეგობრული გუნდი ვართ. წაუგებელი გუნდი საქართველოში არაა და ჩვენც ყველა შეხვედრას ვერ ვიგებთ, მაგრამ მოედანზე ნებისმიერ მეტოქესთან მოსაგებად გავდივართ.</p><p><strong>- როგორც ვიცი, ბათუმის "დინამოს" გაზრდილი ხარ...</strong></p><p>- ფაქტობრივად, ასე გამოვიდა. ადრე ჩვენი პრეზიდენტი სულხან გოგიბერიძე იყო, რომელმაც საფეხბურთო სკოლა "ლუკა" ჩამოაყალიბა. ზუსტად 16 წლის გავხდი, იქიდან ბათუმის "დინამოში" რომ გადამიყვანეს. მაშინ გუნდი უკვე პირველ ლიგაში იყო და მეც შეცვლებზე მათამაშებდნენ - ჯერ იშვიათად, მერე უფრო ხშირად და აგერ, უკვე მე-7 წელია, გუნდის წევრი ვარ.</p><p><strong>- ასაკობრივ ნაკრებებში თუ გითამაშია?</strong></p><p>- მხოლოდ ერთხელ გამომიძახეს, 17-წლამდელთა ნაკრებს გელა შეყილაძე, ასლან ბალაძე და ლევან ხომერიკი რომ ავარჯიშებდნენ. პორტუგალიაში ოთხთა ტურნირზეც წამიყვანეს და მათამაშეს. მაგრამ მას შემდეგ არც ერთხელ არც ერთ ნაკრებში აღარ მიწვევდნენ.</p><p>(იბეჭდება მცირე ცვლილებით)</p><p><strong>ყოველდღიური სპორტული გაზეთი "ლელო"</strong></p>
სარეკორდო ტრანსფერი - "ტორპედომ" მამუჩაშვილი დაიმატა და გიგაური გაუშვა
"იბერია 1999"-მა კოტ-დ'ივუარის ნაკრების ფეხბურთელი დაიმატა
"დილას" იტალიელი მწვრთნელი ჩაუდგა სათავეში
38 წლის ჟირუ MLS-დან ლიგა 1-ში ბრუნდება - ცნობილია სად ითამაშებს ვეტერანი
ილია თოფურიამ სასურველი მეტოქე დაასახელა
"ლივერპულმა" "ნაპოლის" თავდამსხმელი ძვირად დაუფასა
"დილა" სუპერთასის პირველი ფინალისტია
Tutto Juve: ეს შანსი გამოსაყენებელია - მიქაუტაძის შეძენის სურვილი იტალიურ გრანდსაც აქვს
ლუნინი "რეალს" მხოლოდ ერთ შემთხვევაში დატოვებს
ფედელე: კვარაცხელიას შეცვლა? - მხოლოდ ღმერთის იმედი უნდა გვქონდეს
2022 წლის შემდეგ პირველად - ნიკოლოზ ბასილაშვილი უიმბლდონის ძირითად ბადეში ითამაშებს
რონალდომ "ალ ნასრთან" კონტრაქტი გაახანგრძლივა
ისტორიული დაპირისპირება: საქართველო ირლანდიის წინააღმდეგ მიხეილ მესხის სტადიონზე - ემოციები და მოლოდინები
კასანომ "ნაპოლის" კვარაცხელიას შემცვლელი ურჩია
"ალ ნასრმა" სტეფანო პიოლი გაათავისუფლა
"მანჩესტერ იუნაიტედმა" და "ჩელსიმ" შესაძლოა ფეხბურთელები გაცვალონ
ზაზა ფაჩულიას აკადემია 14-წლამდელთა ჩემპიონატის გამარჯვებულია | მენსანა ვერცხლს დასჯერდა
"თუ მოიგებ, ოქტაგონს შენი სახით მოვწმენდ" - რატომ დაუპირისპირდნენ თოფურია და ცარუკიანი ერთმანეთს?
ქომაგის რეაქცია, მას შემდეგ, რაც დრაფტზე მისმა გუნდმა რუსი კალათბურთელი აირჩია - ვიდეო სოციალურ ქსელში ვირუსულად ვრცელდება [VIDEO]
მესიც საუდის არაბეთში? - "ალ ჰილალის" პრეზიდენტმა მოლაპარაკებები დაიწყო
ტეო ერნანდესი "მილანიდან" "ალ ჰილალში" გადავა
"წაეთრიე" - "ლიონის" ფანები კლუბის ამერიკელ მფლობელს აუმხედრდნენ
"განავალი უნდა შეჭამო და მოინელო" - "ინტერის" მწვრთნელი პსჟ-სთან მარცხზე
"1980 წელს "მარაკანაზე" სსრკ-ის ნაკრები ბრაზილიას ვუპირისპირდებოდით და ვფიქრობდით..." - ჩელებაძემ საქართველო-პორტუგალიის მატჩის წინ სსრკ-ბრაზილიის თამაში გაიხსენა
დაბრუნებაც, დებიუტიც... "იბერია 1999"-მა და "დინამო ბათუმმა" მოიგეს, ერთი მატჩი ფრედ დასრულდა
ეროვნული ლიგა. I ტური. "დინამო" (ბთ) - "დინამო" (თბ) [LIVE]
დინამო (ბთ)-იასი 2:2 - ბათუმელთა ახალი გართობა
ბათუმის "დინამო": მწვრთნელობის მეხუთე კანდიდატი ალექსანდრ შტელინია
"გაუწევს თუ არა მამარდაშვილი კონკურენციას "ლივერპულის" მეკარეებს?" - ჩელებაძის ინტერვიუ რუსულ მედიასთან
ერთი გოლის ფასი: ბათუმელებმა, ფოთელებმა და გორელებმა მოიგეს [VIDEO]
რატომ ადარებს რევაზ ჩელებაძე ანანიძეს პირლოს და რის გამო გარიცხეს ჯანო კიევის "დინამოს" აკადემიიდან
კოლხეთი-დინამო (ბთ) 0:5 - ასე თუ გავაგრძელებთ, სტადიონსაც აგვიშენებენო...
დინამო(ბთ)-დილა 2:3 - სასწაული ბათუმში [VIDEO]
ეროვნული ლიგა. V ტური. "დინამო" (ბთ) - "ტორპედო" [LIVE]
ეროვნული ლიგა. XIII ტურის წინ: ჩემპიონი თუ ლიდერი?
ბათუმის "დინამოს" მთავარმა მწვრთნელმა ლევან ხომერიკმა თანამდებობა დატოვა
ღირსეული საქციელი - ბათუმის "დინამოს" კაპიტანმა ვიცე ჩემპიონის მედალი უსინათლო ფანს გადასცა [VIDEO]
ვიტ ჯორჯია-დინამო (ბთ) 3:2 - ღირსეული "ვეტერინარები"
ეროვნული ლიგა. IV ტური. "იბერია 1999" - "დინამო" (ბთ) [LIVE]
დინამო (ბთ)-შუქურა 2:0 - დერბი ლოგიკური ფინალით [VIDEO]
"ნაპოლიში" მონასავით იყენებენ... არ ვფიქრობ, რომ პსჟ საუკეთესო ვარიანტია" - რევაზ ჩელებაძემ ხვიჩა კვარაცხელიაზე ისაუბრა
"ვინც ყომარზე ლაპარაკობთ, პასუხს პირადად გაგცემთ!" - თევდორაძე ჭორებმა გააბრაზა
"დილამ" სტუმრად "ტორპედოს" მოუგო; ორი მატჩი ფრედ დასრულდა
ბათუმის "დინამო": ვინ შეცვლის ხომერიკს? ოთხი სავარაუდო კანდიდატურა
რევაზ ჩელებაძემ ქობულეთის "შუქურას" დირექტორის თანამდებობა დატოვა
"საბჭოთა კავშირის დაშლის შემდეგ, ეს დღეს პირველად შეგვიძლია ვთქვათ" - ჩელებაძე უკრაინა საქართველოს მატჩზე
რთულია, მაგრამ შესაძლებელი - ლევან ხომერიკი ქართული გუნდების ევროშანსებზე