<p>მეოთხედფინალების კონტურები იკვეთება <br> აშშ-ის ნაკრები აგრძელებს ბრძოლას პირველი ადგილისთვის რუსეთის ნაკრებთან. დიდი ალბათობით, A ჯგუფის გამარჯვებული ბოლო ტურში სწორედ ამ გუნდების მატჩში გაირკვევა.</p><p>მეექვსე ტურში ამერიკელებმა გაანადგურეს სლოვაკეთი, რომელმაც მხოლოდ პერიოდნახევარი იბრძოლა. 31-ე წუთზე გერნატმა სხვაობა მინიმუმამდე შეამცირა და თითქოს, თავის გუნდს შანსი მისცა. მაგრამ, მეორე პერიოდის ბოლოს, ამერიკელებმა სწრაფად მოამთავრეს საქმე, როცა გოდრომ კარის უკნიდან შესანიშნავი პასი მისცა დვორაკს, შემდეგ კი ტრაუბამ გაიტანა შთამბეჭდავი გოლი - ოთხი მოთამაშე მოატყუა და ახლო კუთხეში შეაცურა შაიბა. მესამე პერიოდში ამერიკელებმა, უბრალოდ, ბოლო მოუღეს დემორალიზებულ მეტოქეს.</p><p>ისედაც ძლიერმა შვედეთის ნაკრებმა კიდევ ორი ვარსკვლავი დაიმატა - ჰენრიკ ლუნდკვისტი და ნიკლას ბექსტრიომი. "რეინჯერსის" ვარსკვლავი მეკარე ნაკრებში თავის უმცროს ძმას ჯოელ ლუნდკვისტს შეუერთდა, რომელიც "ფრიოლუნდაში" თამაშობს. როგორც ირკვევა, ძმებს 12 წელია ერთად არ უთამაშიათ.</p><p>როგორც ჩანს, ჯოელს ისე გაუხარდა ძმასთან შეხვედრა, რომ მესამე წუთზე გაუტანა დანიას. მეორე პერიოდში ბექსტრიომმაც შეგვახსენა თავი - მისი პასით ნიულანდერმა დუბლი შეასრულა. ამ მომენტისთვის, ტაბლოზე 3:0 ეწერა და ნერვულ დასასრულს არაფერი მოასწავებდა.</p><p>მაგრამ, დანიელებმა შეძლეს გაბრძოლება - მადსენმა და ლაურიდსენმა ორჯერ გაუტანეს ლუნდკვისტს. და როცა სიტუაცია თითქოს დაიძაბა, საქმეში ბექსტრიომი ჩაერთო - მისმა გოლმა გამარჯვებულის საკითხი დღის წესრიგიდან მოხსნა. შვედეთმა რუსეთთან და აშშ-სთან ერთად გაინაღდა A ჯგუფიდან მეოთხედფინალში თამაში.</p><p>* * *</p><p>ფრანგები ძალიან თამამად არიან საშინაო ჩემპიონატზე - მოუგეს ფინეთს, უგებდნენ კანადას და ახლა, ჩეხეთის დამარცხებაც მოინდომეს. პირველ პერიოდში ისინი არაფერში ჩამოუვარდებოდნენ ფავორიტს და ერთადერთი გოლი რიცხობრივ უმცირესობაში გაუშვეს.</p><p>მეორე პერიოდის დასაწყისში, სტეფან და კოსტამ სწრაფად გაათანაბრა ანგარიში, მაგრამ მასპინძლები დააღალატა მეკარე არდიმ. მან იოლი გოლი გაუშვა რჟეპიკის შორეული დარტყმის შემდეგ, ვერ მოასწრო რუტას გასროლაზე რეაგირება, რასაც მესამე სულელური გოლი მოჰყვა იმავე რჟეპიკისგან. დარჩენილ დროში გუნდებმა გოლები გაცვალეს და ამ წაგების შემდეგ, ფრანგების მეოთხედფინალში გასვლის შანსები მიზერული გახდა.</p><p>კანადის დამარცხების შემდეგ, შვეიცარიელებმა საკუთარი უძლეველობა ირწმუნეს და პირველ ტაიმში ფინელებს ცუდი დღე აყარეს - ჰერცოგმა ანგარიში გახსნა მას შემდეგ, რაც ფინეთმა ვერაფერი შექმნა ორწუთიანი რიცხობრივი უპირატესობისას, ხოლო ჯენაცის გოლის შემდეგ, "სუომიმ" მეკარე გამოცვალა.</p><p>შვეიცარიას კარგი შანსი ჰქონდა, საბოლოოდ მოეღო ბოლო მეტოქისთვის, მაგრამ "ხუთი სამზე" უპირატესობა ვერ გამოიყენა. ეს ყველაფერი ძვირად დაუჯდა ამ გუნდს. ფინელთა ახალმა მეკარემ სიატერიმ ბრწყინვალედ ითამაშა, მისმა პარტნიორებმა კი დაალაგეს თამაში რიცხობრივ უპირატესობაში.</p><p>ჰიეტანენმა პირველი პერიოდის ბოლოს გაიტანა, რანტანემა კი მესამე პერიოდის შუაში. ოვერტაიმში ყველაფერი გადაწყვიტა ფინელთა ლიდერების ინდივიდუალურმა ოსტატობამ - ფილპულამ დააბრუნა თავისი გუნდი მეოთხე ადგილზე.</p><p><strong>A ჯგუფი</p><p><em>სლოვაკეთი-აშშ 1:6</p><p></em></strong>0:1, 1:3, 0:2</p><p>გოლები: 0:1 კელერი-5 (ა. ლი-3, სკიეი-1), 0:2 გოდრო-5 (ჰეიესი-1), 1:2 გერნატი-2 (ჰუდაჩეკი-1, დრავეცკი-4), 1:3 დვორაკი-1 (გოდრო-3), 1:4 ტრაუბა-1, 1:5 გოდრო-6 (ჰეიესი-2), 1:6 ა. ლი-4 (აიკელი-4, ჰანიფინი-2).</p><p><strong><em>დანია-შვედეთი 2:4</p><p></em></strong>0:1, 0:2, 2:1</p><p>გოლები: 0:1 ჯ. ლუნდკვისტი-1 (კრიუგერი-2, ერიქსონ ეკი-2), 0:2 ვ. ნიულანდერი-3 (კლინგბერგი-2, ლინდბერგი-1), 0:3 ვ. ნიულანდერი-4 (ბექსტრიომი-1), 1:3 მორ. მადსენი-2 (ელერსი-3), 2:3 ლაურიდსენი-1 (ელერსი-4, რეგინი-1), 2:4 ბექსტრიომი-1 (კლინგბერგი-3, ვ. ნიულანდერი-5).</p><p>თ მ ომ ოწ წ შ ქ</p><p>1. აშშ 6 5 0 0 1 26:11 15</p><p>2. რუსეთი 5 4 1 0 0 27:5 14</p><p>3. შვედეთი 6 4 0 1 1 25:11 13</p><p>4. ლატვია 5 3 0 0 2 11:9 9</p><p>5. გერმანია 6 2 1 1 2 16:20 9</p><p>6. დანია 6 0 2 0 4 11:22 4</p><p>7. სლოვაკეთი 6 0 1 2 3 10:24 4</p><p>8. იტალია 6 0 0 1 5 6:30 1</p><p><strong>B ჯგუფი</p><p><em>საფრანგეთი-ჩეხეთი 2:5</p><p></em></strong>0:1, 1:2, 1:2</p><p>გოლები: 0:1 პასტრნაკი-1 (ჰორაკი-2, ვორაჩეკი-5), 1:1 ს. და კოსტა-6 (ფლერი-2), 1:2 რჟეპიკი-2 (კუნდრატეკი-2), 1:3 რუტა-1 (ჩერვენკა-3), 1:4 რჟეპიკი-3 (კემპნი-1), 2:4 რუსელი-3, 2:5 ზოგორნა-1 (ჰორაკი-3).</p><p><strong><em>შვეიცარია-ფინეთი 2:3</p><p></em></strong>2:1, 0:0, 0:1, 0:1</p><p>გოლები: 1:0 ჰერცოგი-3 (რიხარდი-3, უნტერზანდერი-5), 2:0 ჯენაცი-1 (ლოფელი-4), 2:1 ჰიეტანენი-2 (სავინაინენი-2, აჰო-5), 2:2 რანტანენი-2 (ლაიუნენი-2, აჰო-6), 2:3 ფილპულა-2 (სავინაინენი-3, ჰიეტანენი-1).</p><p>თ მ ომ ოწ წ შ ქ</p><p>1. კანადა 5 4 0 1 0 22:8 13</p><p>2. ჩეხეთი 6 3 2 0 1 22:11 13</p><p>3. შვეიცარია 6 2 2 2 0 19:13 12</p><p>4. ფინეთი 6 2 2 1 1 18:17 11</p><p>5. ნორვეგია 5 2 0 2 1 10:10 8</p><p>6. საფრანგეთი 6 1 2 0 3 19:18 7</p><p>7. ბელარუსი 6 1 0 1 4 11:24 4</p><p>8. სლოვენია 6 0 0 1 5 12:32 1</p><p><strong>ყოველდღიური სპორტული გაზეთი "ლელო"</strong></p>
მიშა63
რაღა დროს ეს ინფორმაციაა ???
საქართველოს თასის პირველი და მეორე ეტაპის წილისყრა
მეორე ლიგის "სპაერმა" თბილისის "დინამოს" მოუგო და თასის მფლობელი გახდა [VIDEO]
საქართველოს თასის ნახევარფინალური ეტაპის წილისყრა
"ნაპოლიმ" სიმეონე "ტორინოში" გაანათხოვრა
ფიფას ტალანტების განვითარების სქემის კოორდინატორის ვიზიტი საქართველოში
დარვინ ნუნიესი კარიერას საუდის არაბეთში გააგრძელებს
"ბარსელონას" ხელმძღვანელობის გადაწყვეტილებით ტერ-შტეგენს კაპიტნის სამკლაური ჩამოართვეს
"მესმის, რომ "მანჩესტერ იუნაიტედი" უდიდესი კლუბია, მაგრამ არა დღესდღეობით" - შირერმა შეშკოს "მანკუნიანელებში" შესაძლო ტრანსფერზე ისაუბრა
"არ მესმის, ისაკის ტრანსფერი მბაპეს ფასი რატომ უნდა დაგვიჯდეს?" - კარაგერის მოსაზრება შვედის ტრანსფერთან დაკავშირებით
[VIDEO] ისეთი ჩხუბი ატყდა, გუნდელმა გუნდელს დაარტყა - არეულობა "ბეტისისა" და "კომოს" ამხანაგურ მატჩში
პსჟ-მ შეკრება დაიწყო - "ლივერპული" მათი ორი შემტევის შეძენას გეგმავს
ოდიშარია განაცხადში არ იყო - რფს სახლში "კუპსთან" დამარცხდა
ოფიციალურად - ტომას მიულერი "ვანკუვერ უაიტკეპსის" ფეხბურთელი გახდა
ქართველი მსაჯები კონფერენს ლიგის მატჩს მოემსახურებიან
არაბიძემ კორეულ კლუბს ფიფაში უჩივლა და 2.88 მილიონს მიიღებს
საქართველოს ნაკრების კალათბურთელმა "ბაიერნში" გადასვლის შემდეგ განცხადება გააკეთა: ევრობასკეტზე ჯგუფური ეტაპი უნდა დავძლიოთ და შემდეგ ყველაფერია შესაძლებელი
თანამდეობაზე მხოლოდ რამდენიმე თვე დაჰყო - საქართველოსთან განადგურებული ვან'ტ სხიპი სომხეთის ნაკრებიდან დაითხოვეს
შეშკომ არჩევანი გააკეთა - "ლაიფციგის" ფორვარდი კარიერას პრემიერ ლიგაში განაგრძობს
"ბარსელონა" ლა ლიგაში სეზონის დაწყებას საკუთარ სტადიონზე გეგმავს
დარვინ ნუნიესმა მამარდაშვილის "ლივერპული" დატოვა - ფეხბურთელი კარიერას საუდის არაბეთში განაგრძობს
ლუკა იოვიჩი კარიერას საბერძნეთის ჩემპიონატში განაგრძობს
Geo Team: გიორგი გოჩოლეიშვილი კარიერას გერმანიის ბუნდესლიგაში განაგრძობს
[VIDEO] "ძალიან დამწუხრებული ვარ... ახლა მას ჩემთან საუბარი, რომ შეძლებოდა, ამას მეტყოდა..." - მოურინიო პრესკონფერენციაზე ატირდა