<p>ბათუმის "დინამოს" ახალი მთავარი მწვრთნელი კონსტანტინ ფროლოვია</p><p><br> ბათუმის "დინამოს" ახალი მთავარი მწვრთნელი <strong>კონსტანტინ ფროლოვია</strong>. უკრაინელი სპეციალისტის დანიშვნაზე პირველად "ლელო" იუწყებოდა, გუშინ კი ინფორმაცია ოფიციალურად დაგვიდასტურა კლუბის სპორტულმა დირექტორმა <strong>მალხაზ მახარაძემ</strong>.</p><p>შეგახსენებთ, რომ კონსტანტინ ფროლოვი საქართველოში უკვე მუშაობდა - 2014 წლის ოქტომბერში ქობულეთის "შუქურა" ჩაიბარა, მაგრამ ოდესის "ჩერნომორეცის" დუბლებისა და ყაზახეთის 17-წლამდელთა ნაკრების ყოფილმა დამრიგებელმა კლუბი მოულოდნელად, ზამთრის მოსამზადებელ ეტაპზე დატოვა, თუმცა წასვლის შემდეგ საქართველოზე თბილად ილაპარაკა. ბოლოს 44 წლის უკრაინელი სპეციალისტი ოდესის "ჩერნომორეცის" საფეხბურთო აკადემიის სპორტული დირექტორი გახლდათ.</p><p>რამდენიმე კანდიდატს შორის ფროლოვზე არჩევანის შეჩერება რამ განაპირობა? ეს კითხვა მახარაძეს დავუსვით.</p><p>"ფროლოვს ქობულეთში მუშაობის დროს ვაკვირდებოდით და ძალიან კარგი შთაბეჭდილება დატოვა. მთავარი მწვრთნელის შესახებ კლუბის ხელმძღვანელობამ რომ ითათბირა, უმრავლესობამ ფროლოვის კანდიდატურა არჩია. ჯერ იმიტომ, რომ მცოდნე და კვალიფიციური მწვრთნელია; მეორე - მას ყველა დადებითად ახასიათებს, საქართველოშიც აქეს და უკრაინაშიც.</p><p>სხვათა შორის, ქობულეთში მუშაობისას გულშემატკივრებს ძალიან მოსწონდათ და მესამე და მნიშვნელოვანი ფაქტორი ისაა, რომ "შუქურაში" ხანმოკლე მუშაობის მიუხედავად, გუნდს საკუთარი ხელწერა სწრაფად დაატყო და სტადიონზე მაყურებელი შეაბრუნა", - ამბობს ბათუმელთა სპორტული დირექტორი.</p><p>მახარაძის თქმით, ფროლოვი ბათუმის "დინამოს" ხანმოკლე ვადით არ ჩაიბარებს:</p><p>"მას პარასკევს ველოდებით და საკითხი საბოლოოდ გადაწყდება, თუმცა სიტყვიერად ყველაფერზე მოვილაპარაკეთ. საქართველოში კონტრაქტის გაფორმება წელიწადზე ნაკლები ვადით არ შეიძლება და მინიმუმ, სეზონის ბოლომდე იმუშავებს, მაგრამ ხანმოკლე თანამშრომლობა თავადაც არ გვსურს. განათლებული სპეციალისტია და გვინდა, რომ სერიოზული საქმიანობა ჩაატაროს და ისეთი გუნდი ჩამოაყალიბოს, რომელსაც საკუთარი სახე გააჩნია.</p><p>რომ იცოდეთ, უკრაინული სტილის დიდი მოყვარული არ არის. ცხადია, ფეხბურთელებს ფიზიკურად მოღონიერება სჭირდებათ და ამაზე უკვე გვითხრა კიდეც, მაგრამ - მას ტექნიკური ფეხბურთი ხიბლავს. არც მიკვირს, ოდესელი კაცია, "ჩერნომორეცი" კი, უკრაინული გუნდებისგან განსხვავებით, ყოველთვის ტექნიკურ ფეხბურთს თამაშობდა".</p><p>ცნობილია, რომ ფროლოვი "ჩიხურასთან" შეხვედრას დაესწრო. მახარაძე ამბობს, რომ მან გუნდის პოტენციალზე წარმოდგენა შეიქმნა:</p><p>"ევროპალიგისთვის გუნდს გაძლიერება რომ სჭირდება - ამ შემადგენლობით გაგვიჭირდება, მაგრამ ეს მთლიანად ფროლოვის გადასაწყვეტია. ის მალე ჩამოვა და ეროვნულ ლიგაში 1-დან 16 ივნისამდე სანაკრებო პაუზაც დაიწყება.</p><p>ამ პერიოდში საშუალება ექნება, გუნდი მოამზადოს და ფეხბურთელები სასურველ ფიზიკურ კონდიციებამდე მიიყვანოს, მეორე ნახევარს უკეთეს მდგომარეობაში რომ შევხვდეთ, მაგრამ "ჩიხურასთან" მატჩის შემდეგ ფროლოვმა თქვა, რომ საკმაოდ დიდ რესურსს ხედავს და ფეხბურთელების სახით კარგი "მასალა" დახვდება".</p><p>ამასობაში, ბათუმის "დინამოს" ანგისას საფეხბურთო ბაზის მშენებლობა აქტიურ ფაზაში შევიდა. კლუბის მიერ გამოქვეყნებული ინფორმაციის თანახმად, კომპლექსი ბათუმელებს წლის ბოლომდე უნდა ჩაბარდეთ. "დინამოს" დირექტორი <strong>ოთარ ფედიჩკინი</strong> "ლელოსთან" ამბობს, რომ დაიმედებულია:</p><p><img src="pictures/artimages/image17/f5380154a47617ccf2c530ba6732a59a.jpg" border="0" alt="Sportall.Ge" title="ბათუმის "დინამო": ფროლოვი პარასკევიდან, ანგისა აგვისტოდან" /></p><p>"მშენებლობა ძალიან კარგი ტემპით მიმდინარეობს. სადრენაჟო სისტემა დაგებულია, ტრიბუნების კონსტრუქციები ამოყვანილია, სადაც გასახდელები, საშხაპეები და მსაჯისა და დელეგატის ოთახები მოეწყობა.</p><p>ამას გარდა, მოედნის პერიმეტრი შემოიღობა და ხალიჩის დასაგებად ემზადებიან. რომ იცოდეთ, ყველაზე ბოლო თაობის საფარი დაიგება. საქმე ხარისხიანად რომ შესრულდეს, თურქი სპეციალისტები იმუშავებენ, რომლებსაც დიდი ცოდნა და გამოცდილება გააჩნიათ.</p><p>არაა გამორიცხული, ანგისაში უკვე აგვისტოს დასაწყისში ვივარჯიშოთ. მერე კი მეორე, ბუნებრივსაფარიან მოედანსაც დააგებენ. ამ სამუშაოების დასრულების შემდეგ კი ტრიბუნაზე 1500 ინდივიდუალური სკამი დამონტაჟდება, რასაც დიდი დრო ნამდვილად არ სჭირდება".</p><p><img src="pictures/artimages/image17/92993e0da084cfb288181cbd4bba39bd.jpg" border="0" alt="Sportall.Ge" title="ბათუმის "დინამო": ფროლოვი პარასკევიდან, ანგისა აგვისტოდან [PHOTO]" /></p><p><img src="pictures/artimages/image17/39280fc362b5e3bc40e5c0113d2d46c2.jpg" border="0" alt="Sportall.Ge" title="ბათუმის "დინამო": ფროლოვი პარასკევიდან, ანგისა აგვისტოდან [PHOTO]" /></p><p>(იბეჭდება მცირე ცვლილებით)</p><p><strong>ყოველდღიური სპორტული გაზეთი "ლელო"</strong></p>
Dragonfly
აუცილებლად ბუნებრივი მინდორი გააკეთეთ არ დაიზაროთ მოვლა.თუ ცუდი ამინდი იქნება იმ რამდენიმე ვარჯიშს რაგბის ხელივნორს გამოიუენებთ!
zaza
ბუნებრივს რა სჯობია მაგრამ,რაც არ უნდა კარგი კლიმატი იყოს მინდორს მოვლა უნდა რაც ძვირი სიამოვნებაა... ხელოვნურის დაგება და შენახვაც ბევრად იაფი ჯდება და მაგიტომ გაიგიჟეს თავი!!!
კახა ქირია
არ მესმის რატომ საქართველოში, მითუმეტეს ბათუმში ხელოვნურ საფარიანი მოედანი.არა აქვს მნიშვნელობა რომელი თაობის,ბუნებრივს არ ჯობია არაფერი.ღმერთმა ასეთი კლიმატური პირობები მოგვცა და ესენი კიდევ ხელოვნურს აწვებიან.ციმბირია ვერ გავიგე.
MD
Ise simartle rom vtqvat bolo tamashebma kargad achvena rom 1500 kaciani trubuna dzalian pataraaa. Kide pexze dgomit unda ayurebinot xalxs fexburti sanam stdadions ashenebt? Da eg stadioni kide rodis iqneba kacma ar icis da rasac ashenebt is mainc iyos normaluri. P.s didi madloba imistvisac rasac ashenebt mtlad umaduri ar viqnebi.
ნიკალა
რა ფროლოვი.კიდევ ერთი თვალში ნაცრის შეყრა.ვერც სოსიაშვილს და ვერც ჟვანიას ვერ აუბედავთ იმას რასაც ამას და ალბათ იმიტომ.
გოჩა
საქართველოში, მითუმეტეს ბათუმში, სავაჯიშოდ რატომ უნდა იყოს ხელოვნური საფარი მოედანზე? ამის შემდეგ მიდი და მოთხოვე ფეხბურთელებს ზრდა და შედეგი... შედეგიც გაქვთ სახეზე...
ზაზა
კარგი იქნება თუ ევროლიგისთვის გაძლიერდება ბათუმი,თორემ .. კარგია თუ წელს ბაზა მაინც ეღირსება ბათუმს....პ.ს. ბაზაა და შეიძლება არ იყოს მნიშვნელოვანი,მაგრამ რასაც ფოტოზე ვხედავ,იმის მიხედვით მხოლოდ ერთი ტრიბუნაა...?....არ ჯობდა უფრო მცირე ტრიბუნა და მოედნის მეორე მხარესაც მეორე ტრიბუნაც?
სარეკორდო ტრანსფერი - "ტორპედომ" მამუჩაშვილი დაიმატა და გიგაური გაუშვა
"იბერია 1999"-მა კოტ-დ'ივუარის ნაკრების ფეხბურთელი დაიმატა
"დილას" იტალიელი მწვრთნელი ჩაუდგა სათავეში
38 წლის ჟირუ MLS-დან ლიგა 1-ში ბრუნდება - ცნობილია სად ითამაშებს ვეტერანი
ილია თოფურიამ სასურველი მეტოქე დაასახელა
[VIDEO] "რეალის" ლამაზი გოლები "ზალსბურგთან" - ალონსოს გუნდმა ჯგუფში პირველი ადგილი დაიკავა და "იუვენტუსს" შეხვდება
"ლივერპულმა" "ნაპოლის" თავდამსხმელი ძვირად დაუფასა
"დილა" სუპერთასის პირველი ფინალისტია
Tutto Juve: ეს შანსი გამოსაყენებელია - მიქაუტაძის შეძენის სურვილი იტალიურ გრანდსაც აქვს
ლუნინი "რეალს" მხოლოდ ერთ შემთხვევაში დატოვებს
ფედელე: კვარაცხელიას შეცვლა? - მხოლოდ ღმერთის იმედი უნდა გვქონდეს
2022 წლის შემდეგ პირველად - ნიკოლოზ ბასილაშვილი უიმბლდონის ძირითად ბადეში ითამაშებს
რონალდომ "ალ ნასრთან" კონტრაქტი გაახანგრძლივა
ისტორიული დაპირისპირება: საქართველო ირლანდიის წინააღმდეგ მიხეილ მესხის სტადიონზე - ემოციები და მოლოდინები
კასანომ "ნაპოლის" კვარაცხელიას შემცვლელი ურჩია
"ალ ნასრმა" სტეფანო პიოლი გაათავისუფლა
"მანჩესტერ იუნაიტედმა" და "ჩელსიმ" შესაძლოა ფეხბურთელები გაცვალონ
ზაზა ფაჩულიას აკადემია 14-წლამდელთა ჩემპიონატის გამარჯვებულია | მენსანა ვერცხლს დასჯერდა
"თუ მოიგებ, ოქტაგონს შენი სახით მოვწმენდ" - რატომ დაუპირისპირდნენ თოფურია და ცარუკიანი ერთმანეთს?
ქომაგის რეაქცია, მას შემდეგ, რაც დრაფტზე მისმა გუნდმა რუსი კალათბურთელი აირჩია - ვიდეო სოციალურ ქსელში ვირუსულად ვრცელდება [VIDEO]
მესიც საუდის არაბეთში? - "ალ ჰილალის" პრეზიდენტმა მოლაპარაკებები დაიწყო
ტეო ერნანდესი "მილანიდან" "ალ ჰილალში" გადავა
"წაეთრიე" - "ლიონის" ფანები კლუბის ამერიკელ მფლობელს აუმხედრდნენ
ოთარ ფედიჩკინი: ბათუმის "დინამოს" ყიდვაზე მერიაში განაცხადი შეტანილია
დაბრუნებაც, დებიუტიც... "იბერია 1999"-მა და "დინამო ბათუმმა" მოიგეს, ერთი მატჩი ფრედ დასრულდა
ეროვნული ლიგა. I ტური. "დინამო" (ბთ) - "დინამო" (თბ) [LIVE]
ჯაბა დვალი: გადავწყვიტე, დავრჩე!..
დინამო(ბთ)-ტორპედო 0:5 - ნულოვანი მაჩვენებელი [VIDEO]
ეროვნული ლიგის XXIII ტურის მიმოხილვა და სიმბოლური ნაკრები
ერთი გოლის ფასი: ბათუმელებმა, ფოთელებმა და გორელებმა მოიგეს [VIDEO]
"ჩერნომორეცი" პრემიერლიგიდან გავარდა და გულშემატკივრებმა მწვრთნელი გალახეს
ბათუმის "დინამო": საევროპო განაცხადის სიურპრიზები
გოლის აღნიშვნა მესის სტილში და შოკირებული ფედიჩკინი - ეროვნული ლიგის პლეი-ოფები [VIDEO]
ინფრასტრუქტურა: "შევარდენს" "შევარდენზე" უნდა, ანგისას ბაზაზე მშენებლობა განახლდა
ეროვნული ლიგა. V ტური. "დინამო" (ბთ) - "ტორპედო" [LIVE]
ოთარ ფედიჩკინი: როცა ბათუმის "დინამო" გქვია, მხოლოდ უმაღლეს ლიგაში დასარჩენად ვერ იბრძოლებ...
ოთარ მარცვალაძე ბათუმის "დინამოშია", მაგრამ "იაგელონიასთან" პირველ მატჩს გამოტოვებს
მალხაზ მახარაძე: "იაგელონიას" შარშან 1:0 მოვუგეთ...
ეროვნული ლიგა. IV ტური. "იბერია 1999" - "დინამო" (ბთ) [LIVE]
"დილამ" სტუმრად "ტორპედოს" მოუგო; ორი მატჩი ფრედ დასრულდა
ოთარ ფედიჩკინი: ოთარ მარცვალაძე "იაგელონიასთან" პირველ მატჩშიც ითამაშებს
ეროვნული ლიგა. XXIII ტურის წინ: სიმშვიდის მოლოდინში
ბათუმის "დინამო": ვინ შეცვლის ხომერიკს? ოთხი სავარაუდო კანდიდატურა
ბათუმის "დინამომ" სტადიონი აკურთხა - მსგავსი ფაქტები ქართულ ფეხბურთში
ეროვნული ლიგის XXIX ტურის მიმოხილვა და სიმბოლური ნაკრები
20 000-იანი გადახურული სტადიონი - ბათუმის "დინამო" ექსპერტიზის პასუხს ელის
ბათუმის "დინამოს" ახალი მთავარი მწვრთნელი ჰყავს