<p>სპორტისა და ახალგაზრდობის საქმეთა სამინისტროში 26 აპრილს საქართველოს ჩოგბურთის ფედერაციის რიგგარეშე საარჩევნო ყრილობა გაიმართა <br> სპორტისა და ახალგაზრდობის საქმეთა სამინისტროში 26 აპრილს საქართველოს ჩოგბურთის ფედერაციის რიგგარეშე საარჩევნო ყრილობა გაიმართა - ორგანიზაციის ახალი თავკაცი აირჩიეს.</p><p>ამ პოსტზე ბიზნესმენ <strong>ხვიჩა მაქაცარიას</strong> კანდიდატურა ფედერაციის აწ უკვე ყოფილმა ხელმძღვანელმა და ამჟამად პირველმა ვიცე პრეზიდენტმა <strong>ალექსანდრე მეტრეველმა</strong> წარადგინა.</p><p>ყრილობის დელეგატებმა, რომელთა შორის იყვნენ ცნობილი და ვეტერანი ჩოგბურთელები - ალექსანდრე მეტრეველი-უფროსი, ირაკლი ლაბაძე, მაკა ჩახნაშვილი, გურამ თოხაძე, მარინე მალაციძე, ვლადიმერ გაბრიჩიძე და სხვები, ერთხმად დაუჭირეს მხარი ხვიჩა მაქაცარიას ჩოგბურთის ფედერაციის პრეზიდენტად არჩევას, იგი ამ ორგანიზაციას მომდევნო ოთხი წლის განმავლობაში უხელმძღვანელებს.</p><p>პირველ ვიცე პრეზიდენტად ალექსანდრე მეტრეველი, ვიცე პრეზიდენტად გიორგი ტყემალაძე, გენერალურ მდივნად კი ზურაბ ქაცარავა დაამტკიცეს.</p><p>ყრილობის შემდეგ ფედერაციის ახალარჩეულ პრეზიდენტს ვესაუბრეთ.</p><p>- დიდი მადლობა ყველას, ვინც მენდო და მხარი დამიჭირა, - გვითხრა მან. - ყველაფერს გავაკეთებ საიმისოდ, რომ ისინი არ გავაწბილო.</p><p>მოგეხსენებათ, საქართველოში ჩოგბურთს სასახელო ტრადიციები აქვს და მათი აღორძინება აუცილებელია, სპორტის ამ სახეობის პოპულარობა უნდა ავამაღლოთ და ქართველებისთვის ის რაგბივით საყვარელი გავხადოთ.</p><p>საამისოდ აუცილებელია უკვე არსებული ინფრასტრუქტურიდან ზოგიერთის თანამედროვე სტანდარტების დონეზე კეთილმოწყობა, კერძოდ, თბილისში, ბათუმში, თელავში; შესაქმნელია ახალი ბაზები.</p><p>უყურადღებოდაა დარჩენილი ისეთი დიდი რეგიონები, როგორებიცაა სამეგრელო და იმერეთი, სხვებზე რომ არაფერი ვთქვათ.</p><p>ზუგდიდში უკვე შევიძინეთ ტერიტორია, სადაც სულ მალე დაიწყება საჩოგბურთო სკოლის მშენებლობა, რომელსაც თანამედროვე სტანდარტების შესაბამისი ბაზა ექნება, მის კორტებზე საერთაშორისო ტურნირებს ჩავატარებთ.</p><p>ახლახან სამი მანდილოსნებისა და ერთი ვაჟების 15.000-იანი საერთაშორისო შეჯიბრება გავმართეთ თელავში. წლის ბოლომდე კიდევ მსგავს სამ ასპარეზობას მოვაწყობთ. გაისად მათი რაოდენობა საგრძნობლად გაიზრდება, რომ ჩვენს ახალგაზრდებს დაოსტატების მეტი საშუალება მიეცეთ.</p><p>მათთვის ცალკე ტურნირებიც იქნება. ჩვენი მათავარი მიზანია, ჩოგბურთელთა ეროვნულ ნაკრებ გუნდებს ღირსეული ცვლა მოვუმზადოთ, რომ ფედერაციისა და დევისის თასებზე კონკურენტუნარიანი გუნდებით წარვდგეთ და უფრო მაღალი ადგილებისთვის ვიბრძოლოთ, ვიდრე დღეს გვაქვს.</p><p>ცხადია, საამისოდ სახსრები იქნება საჭირო. ამჟამად ფედერაციისთვის გამოყოფილი 500.000 ლარი საკმარისი არ არის. რა თქმა უნდა, კერძო სექტორიდან სპონსორების მოსაზიდად ვიზრუნებ. იმასაც ვეცდებით, რომ ჩოგბურთი საქართველოში სახელმწიფო ზრუნვის საგნადაც ვაქციოთ და მთავრობასთან ერთად მისი განვითარების გრძელვადიანი სახელმწიფო პროგრამა შევიმუშაოთ.</p><p>მჯერა, რომ ამ საქმეში სპორტის სამინისტრო და ეროვნული ოლიმპიური კომიტეტიც აქტიურად დაგვიჭერენ მხარს.</p><p><strong>ალექსანდრე მეტრეველი</strong>: ჩოგბურთის განვითარებას იმ ადამიანების გვერდში დგომა სჭირდება, ვისაც ძალიან უყვარს სპორტის ეს სახეობა. ბატონი ხვიჩა ასეთ პიროვნებად მიგვაჩნია და მის კანდიდატურას ამიტომაც დავუჭირეთ ერთხმად მხარი. მეც ისევ ჩოგბურთში ვრჩები და ფედერაციის სხვა წევრებთან ერთად მისი პოპულარიზაცია-განვითარებისთვის არაფერს დავიშურებ.</p><p>(იბეჭდება მცირე ცვლილებით)</p><p><strong>ყოველდღიური სპორტული გაზეთი "ლელო"</strong></p>
უიმბლდონის პირველ წრეში ბასილაშვილის მეტოქე ცნობილია
ბასილაშვილმა გაიმარჯვა, ფურცელაძე დამარცხდა - უიმბლდონის საკვალიფიკაციო ეტაპზე ასპარეზობას ერთი ქართველი გააგრძელებს
უიმბლდონის საკვალიფიკაციო ეტაპზე 2 ქართველი იასპარეზებს
38 წლის ჟირუ MLS-დან ლიგა 1-ში ბრუნდება - ცნობილია სად ითამაშებს ვეტერანი
"ლივერპულმა" "ნაპოლის" თავდამსხმელი ძვირად დაუფასა
"დილა" სუპერთასის პირველი ფინალისტია
ლუნინი "რეალს" მხოლოდ ერთ შემთხვევაში დატოვებს
2022 წლის შემდეგ პირველად - ნიკოლოზ ბასილაშვილი უიმბლდონის ძირითად ბადეში ითამაშებს
ისტორიული დაპირისპირება: საქართველო ირლანდიის წინააღმდეგ მიხეილ მესხის სტადიონზე - ემოციები და მოლოდინები
კასანომ "ნაპოლის" კვარაცხელიას შემცვლელი ურჩია
"ალ ნასრმა" სტეფანო პიოლი გაათავისუფლა
"მანჩესტერ იუნაიტედმა" და "ჩელსიმ" შესაძლოა ფეხბურთელები გაცვალონ
ზაზა ფაჩულიას აკადემია 14-წლამდელთა ჩემპიონატის გამარჯვებულია | მენსანა ვერცხლს დასჯერდა
"თუ მოიგებ, ოქტაგონს შენი სახით მოვწმენდ" - რატომ დაუპირისპირდნენ თოფურია და ცარუკიანი ერთმანეთს?
ქომაგის რეაქცია, მას შემდეგ, რაც დრაფტზე მისმა გუნდმა რუსი კალათბურთელი აირჩია - ვიდეო სოციალურ ქსელში ვირუსულად ვრცელდება [VIDEO]
მესიც საუდის არაბეთში? - "ალ ჰილალის" პრეზიდენტმა მოლაპარაკებები დაიწყო
ტეო ერნანდესი "მილანიდან" "ალ ჰილალში" გადავა
"წაეთრიე" - "ლიონის" ფანები კლუბის ამერიკელ მფლობელს აუმხედრდნენ
"განავალი უნდა შეჭამო და მოინელო" - "ინტერის" მწვრთნელი პსჟ-სთან მარცხზე
"ტოტენჰემი", "რომა" და სხვები - მიქაუტაძის შეძენის სურვილი რამდენიმე კლუბს აქვს
მოისწრაფიშვილმა "სპარტაკთან" კონტრაქტი გააფორმა
ნიკოლოზ ბასილაშვილი უიმბლდონის კვალიფიკაციის ფინალში გავიდა
გაირკვა სად ჩატარდება თურქეთისა და საქართველოს ნაკრებების მატჩი
ATP CUP: ქართველი ჩოგბურთელის პირველი გამარჯვება ერთეულებში! [VIDEO]
სიკვდილის ჯგუფში - ATP CUP-ზე საქართველოს ნაკრების მეტოქეები გაირკვა
"ეს პოლიტიკაა და არა სპორტი" - ალექსანდრე მეტრეველი უიმბლდონზე რუსი ჩოგბურთელების შესაძლო მოკვეთაზე
ფედერაციის ახალმა ვიცე-პრეზიდენტმა მოჭიდავეებს 1000-1000 დოლარი აჩუქა
წყვილთა თანრიგში დავმარცხდით, ესტონელები დაწინაურდნენ
ზურა ტყემალაძე ATP-ის რეიტინგში 449 ადგილით დაწინაურდა, მეტრეველი - 121-ით
ალექსანდრე მეტრეველი: ჩოგბურთის ფედერაციას ახალი პრეზიდენტი ეყოლება
ალექსანდრე მეტრეველი დაძაბულ ბრძოლაში დამარცხდა