- ქართველი სპორტსმენები ფეხბურთი
- ეროვნული ნაკრები
- ეროვნული ლიგა
- ეროვნული ლიგა 2
- ლეგიონერები
- თასი
- ასაკობრივი ნაკრები
- სხვადასხვა
- ევროპა ლიგა
- კონფერენს ლიგა
- ინგლისი
- ესპანეთი
- იტალია
- გერმანია
- საფრანგეთი
- მსოფლიო
- ჩემპიონთა ლიგა
- ევროპის ჩემპიონატი
- სხვადასხვა
- ქალთა ფეხბურთი
- ტრანსფერები კალათბურთი
- ეროვნული ნაკრები
- სუპერლიგა
- თასი
- NBA
- ლეგიონერები
- ევრო ლიგა
- ევროპის ჩემპიონატი
- მსოფლიოს ჩემპიონატი
- ასაკობრივი ნაკრები
- სხვადასხვა ჩოგბურთი
ტრანსფერ-online: 28 აგვისტოს ტრანსფერები და ჭორები
<p>იარმოლენკო "დორტმუნდში", იოვეტიჩი "მონაკოში", დე იონგი "აიაქსში"... <br> 13:45. ჯერ კიდევ გუშინ The Guardian წერდა, რომ "ლივერპული" მონაკოელი ლემარის სანაცვლოდ 60 მილიონ ევროს იხდიდა, ახლა კი L'Equipe-ი ირწმუნება, რომ თანხა 72 მილიონ ევრომდე გაიზარდა.</p><p>13:52. "მონაკო" ლემარს შეცვლის სტევან იოვეტიჩით "ინტერიდან". L'Equipe-ი წერს, რომ იოვეტიჩი "მარსელთან" მატჩს "ლუი II"-ის ტრიბუნებიდან უყურებდა და მალე დაასრულებს "მონაკოში" გადასვლას.</p><p>14:00. "ვესტ ბრომვიჩის" მცველ ჯონი ევანსისთვის ბრძოლაში "ლესტერიც" ჩაერთო. ინგლისის ყოფილი ჩემპიონი ცენტრალურ მცველში 25 მილიონ ევროს იხდის. შეგახსენებთ, რომ უფრო ადრე ევანსით ინტერესდებოდა "მანჩესტერ სიტი".</p><p>14:11. "საუთჰემპტონმა" გამოაცხადა, რომ ჰოლანდიელი მცველი ვირჯილ ვან დეიკი არ წავა კლუბიდან ამ საზაფხულო ფანჯრისას.</p><p>14:16. "ლივერპულის" მეკარე სიმონ მინოლე არ მონაწილეობდა "არსენალთან" საკვირაო მატჩში, რადგან, შესაძლოა, "ნაპოლიში" ამოჰყოს თავი.</p><p>14:17. პეპე რეინა "ნაპოლიდან" პსჟ-ში შეიძლება გადავიდეს და სწორედ მის შემცვლელად სურთ იტალიელებს მინოლე, თუმცა გამოჩნდა კიდევ ერთი ვარიანტი - ხერონიმო რული "სოსიედადიდან".</p><p>14:21. TeleFoot-ი წერს, რომ "ლიონმა" უარი თქვა 18 წლის ფორვარდ მიზიან მაოლიდას "ბარსელონაში" 8 მილიონად გაშვებაზე.</p><p>14:42. მუსა სისოკომ "ტოტენჰემიდან", შესაძლოა, "ინტერის" შემადგენლობა შეავსოს. მილანელებს სურთ ბალდე კეიტა "ლაციოდან", ხოლო სისოკოს ვარიანტი სათადარიგოა.</p><p>15:00. "ინტერის" კონკურენტი ბალდე კეიტასთვის ბრძოლაში არის "იუვენტუსი". ტურინელებმა 25 მილიონამდე გაზარდეს წინადადება.</p><p>15:04. ინტერნეტში გაჟონა სტევან იოვეტიჩის ფოტომ "მონაკოს" მაისურით. მას ზურგზე "ათიანი" აწერია, ეს კი "მონაკოში" კილიან მბაპეს ნომერია... L'Equipe-ი ადასტურებს, რომ იოვეტიჩი 11 მილიონად გადავიდა საფრანგეთის ჩემპიონის რიგებში.</p><p>15:14. "ლესტერმა" კიდევ ერთ ცენტრალურ მცველს დაუმიზნა - "მანჩესტერ იუნაიტედის" კრის სმოლინგს, რომელსაც ძირითადში ადგილი წაართვა ლინდელოფმა.</p><p>15:22. "ბარსელონას" სათადარიგო მარლონ სანტოსი "ნიცაში" გადაბარგდება. ამაში დარწმუნებულია Mundo Deportivo. ორწლიანი იჯარა მალე გაფორმდება.</p><p>15:28. პატრიკ კლუივერტის ცხრა წლის ვაჟი შეინი პსჟ-დან "ბარსელონას" აკადემიაში გადავიდა.</p><p>15:43. Le Parisien-ი აღნიშნავს, რომ იულიან დრაქსლერი - "დორტმუნდის" ახალი სამიზნეა. გერმანელის წარმომადგენლები შეხვდნენ ფეხბურთელს პარიზში, თუმცა, თავად ნახევარმცველს არ სურს ბუნდესლიგაში დაბრუნება.</p><p>16:24. "სამპდორიას" ფეხბურთელი პატრიკ შიკი "რომაში" გადავა იჯარით, რის შემდეგაც, 2018 წელს, რომაელები მას 33 მილიონად გამოისყიდიან.</p><p>16:36. "ფიორენტინამ" იჯარით აიყვანა "ემპოლიდან" ვენსან ლორინი. ფრანგი ფლორენციელებს მხოლოდ 2 მილიონი ევრო დაუჯდათ.</p><p>16:51. უსმან დემბელეს გაშვების შემდეგ "დორტმუნდის" პირველი შენაძენი გახდა კიევის "დინამოს" კაპიტანი ანდრეი იარმოლენკო. ფორვარდმა გერმანულ კლუბთან 2021 წლის ზაფხულამდე გააფორმა კონტრაქტი.</p><p>"იარმოლენკო ის მოთამაშეა, რომელზეც დიდი ხანი ვნადირობდით, - განაცხადა დორტმუნდელთა სპორტულმა დირექტორმა მიხაელ ცორკმა. - ის უმაღლეს დონეზე თამაშობს კლუბშიც და უკრაინის ნაკრებშიც".</p><p>27 წლის უკრაინელი ახალ კლუბში მეცხრე ნომრით ითამაშებს. ჟურნალისტებისთვის უცნობი დარჩა ტრანსფერის თანხა, თუმცა პრესაში დაიწერა 25 მილიონი ევროს შესახებ.</p><p>17:11. "პარი სენ-ჟერმენის" მცველმა სერჟ ორიემ ხუთწლიანი კონტრაქტი შეათანხმა "ტოტენჰემთან". ახლა ფეხბურთელი ინგლისში მუშაობის ნებართვას ელოდება, - წერს ESPN.</p><p>17:23. "ვალენსიას" ფორვარდი სანტი მინა "ბეტისში" გადავა. სევილიურ კლუბს მესამე ფორვარდი სურს ანტონიო სანაბრიასთან და სერხიო ლეონთან ერთად.</p><p>17:30. პაპე შეიხ დიოპი "სელტადან" "ლიონში" გადავა. ფრანგულმა კლუბმა უკვე გააკეთა 15-მილიონიანი წინადადება და ესპანეთის 19-წლამდელთა ნაკრების წევრი მალე ჩაფრინდება ლიონში სამედიცინო შემოწმების გასავლელად. ადრე ამ ნახევარმცველით "ტოტენჰემიც" ინტერესდებოდა, მაგრამ ესპანურ კლუბს არ მოეწონა ლონდონელთა შეთავაზება - 9 მილიონი ევრო.</p><p>17:35. ლუიშ ნეტო "ზენიტიდან" "ფენერბაჰჩეში" გადადის. თურქულ კლუბს პორტუგალიელის იჯარა ერთი მილიონი ევრო დაუჯდება, ხელფასი კი წელიწადში 2 მილიონი ევრო იქნება. Fanatik-ის ინფორმაციით, ნეტო დღეს ჩავა სტამბოლში კონტრაქტის გასაფორმებლად.</p><p>17:49. იარმოლენკოს ტრანსფერი "დორტმუნდში" იმას ნიშნავს, რომ ემრე მორი არ დაბრუნდება გერმანულ გუნდში. Marca თურქულ მედიაზე დაყრდნობით წერს, რომ მორი "სელტაში" გაემგზავრება. ფეხბურთელის აგენტი აცხადებს, რომ ფორვარდი კმაყოფილია ამგვარი ვარიანტით.</p><p>17:51. გაზეთ The Times-ის ინფორმაციით, გადაწყდა ნაბი კეიტას გადასვლა "ლაიპციგიდან" "ლივერპულში". ყველაფერი შემდეგნაირად მოხდება: "ლივერპული" გადაიხდის კეიტაში 52 მილიონ ევროს, ერთი წლით დატოვებს ნახევარმცველს გერმანიაში და 2018-19 წლების სეზონში გაიფორმებს.</p><p>18:05. "იუვენტუსმა", შესაძლოა, იტალიის ნაკრების მცველით შეავსოს შემადგენლობა. ლეონარდო სპინაცოლას "ატალანტას" დატოვება სურს და უკვე დაწერა "ინსტაგრამზე", რომ ტურინში უნდა გადაბარგება.</p><p>18:17. Sky Sports-ის წყარო იუწყება, რომ "ტოტენჰემმა" შეათანხმა "ესტუდიანტესის" მცველის, ხუან ფოიტის ტრანსფერი. გარიგება დასრულდება სამედიცინო შემოწმების შემდეგ, რომელსაც დღეს ჩაატარებენ.</p><p>18:25. ზორან ტოშიჩმა ამ ზაფხულს დატოვა მოსკოვის ცსკა თავისუფალი აგენტის სტატუსით და გუშინ "პარტიზანში" ჩაირიცხა. მშობლიურ გუნდთან მან სამწლიანი კონტრაქტი გააფორმა.</p><p>18:35. "იუვენტუსი" ჯერ ისევ ეძებს ლეონარდო ბონუჩის შემცვლელს და ინგლისისკენ იყურება. ტურინელებმა, შესაძლოა, გადაიბირონ შკოდრან მუსტაფი "არსენალიდან", რომელზეც "ინტერიც" ნადირობს. ESPN იმასაც წერს, რომ "იუვენტუსი" ბენედიკტ ჰიოვედესთანაც აწარმოებს მოლაპარაკებებს.</p><p>18:44. "სამპდორიას" პრეზიდენტმა მასიმო ფერერომ დაადასტურა პატრიკ შიკის ტრანსფერი "რომაში".</p><p>18:52. "სუონსი" 14 მილიონ ევროს სთავაზობს "მანესტერ სიტის" ფორვარდ ვილფრედ ბონში, - ამის შესახებ წერს Daily Mail-ი. ეს "გედების" მეორე მცდელობაა.</p><p>18:56. სიმ დე იონგი ტოვებს "ნიუკასლს" და ბრუნდება "აიაქსში" სრულფასოვანი ტრანსფერის უფლებით. 28 წლის ჰოლანდიელმა სამწლიანი კონტრაქტი გააფორმა.</p><p>19:00. "ლაციოს" სპორტულმა დირექტორმა იგლი ტარემ უარყო ყველანაირი ჭორი ბალდე კეიტასთან დაკავშირებით - არანაირი შეთანხმება "მონაკოსთან" ან "ინტერთან" არ არსებობს.</p><p>19:15. "მონაკომ" განაახლა თავისი ინტერესი "ტორინოს" ფორვარდ ანდრეა ბელოტისთან დაკავშირებით. საფრანგეთის ჩემპიონს მალე ბევრი ფული ექნება კილიან მბაპეს გაყიდვით. ამიტომაც მონაკოელებს ძლიერი ფორვარდის შეძენა სურთ, - წერს Calciomercato.com-ი.</p><p>19:22. რენატო სანჩესმა, რომელსაც "ლივერპულში" გადასვლას უწინასწარმეტყველებენ, შესაძლოა, უელსში ამოჰყოს თავი! Wales Online-ი წერს, რომ "სუონსი" სერიოზულ წინადადებას ამზადებს "ბაიერნისთვის" პორტუგალიელთან დაკავშირებით.</p><p>19:30. ფილიპე კოუტინიო მაინც გადავა "ბარსელონაში". წყარო beIN Sports-დან იტყობინება, რომ გარიგება სატრანსფერო ბაზრის დახურვამდე შედგება.</p><p>19:36. "ჩელსი" მოელაპარაკა "არსენალს" ალექს ოქსლეიდ-ჩემბერლენზე! Sky Sports-ის ინფორმაციით, კლუბებმა ყველაფერი შეათანხმეს. ნახევარმცველი, რომელიც ამჟამად ინგლისის ნაკრებშია შეკრებაზე, "სტემფორდ ბრიჯზე" 38 მილიონ ევროდ გადადის.</p><p>19:40. ამასობაში, "ჩელსი" დატოვა ჟერემი ბოგამ. მან ლონდონურ კლუბთან სამწლიანი კონტრაქტი გააფორმა და იჯარით "ბირმინგემში" წავიდა.</p><p>19:44. "რენმა" კონტრაქტი გააფორმა ჩეხ გოლკიპერ ტომაშ კუბეკთან. პრაღის "სპარტას" ყოფილმა მეკარემ ოთხწლიანი ხელშეკრულება მიიღო.</p><p>19:47. "მანჩესტერ იუნაიტედისა" და "ლაციოს" ყოფილი ნახევარმცველი რეიველ მორისონი მექსიკის "ატლასში" გადავა. გასული სეზონი 24 წლის ფეხბურთელმა "ქუინზ პარკში" გაატარა.</p><p>20:00. როგორც ჩანს, კეიტას ნაცვლად "ლაიპციგში" "ლევერკუზენის" ნახევარმცველი კევინ კამპლი გადავა. "ფარმაცევტებს" უკვე მიმართეს პირველი წინადადებით - 20 მილიონი ევრო, რომელიც უარყვეს, - წერს "კიკერი".</p><p>20:10. საფრანგეთის ნაკრების მთავარმა მწვრთნელმა დიდიე დეშამმა გამოაცხადა, რომ კილიან მბაპემ, შესაძლოა, "პარი სენ-ჟერმენისთვის" სამედიცინო შემოწმება ნაკრებში ყოფნისას გაიაროს.</p><p>20:14. ცნობილი გახდა, რომ "ნაპოლი" მზად არის, "სოსიედადის" მეკარე ხერონიმო რულისთვის 26 მილიონი ევრო დახარჯოს.</p><p>20:20. ავსტრიელმა კევინ ვიმერმა სამედიცინო შემოწმება გაიარა "სტოკ სიტისთვის". "ტოტენჰემის" ყოფილი მცველის ტრანსფერის ღირებულება 16 მილიონი ევროა.</p><p>20:33. "გალათასარაიმ" გააუმჯობესა წინადადება "იუვენტუსის" განელი გარემარბისთვის, კვადვო ასამოასთვის. ახლა მასში 10 მილიონ ევროს იხდიან. ტრანსფერი შედგება მაშინ, როცა "შალკე" გაყიდის ტურინში ბენედიკტ ჰიოვედესს.</p><p>20:52. ამ სატრანსფერო ფანჯრისას როს ბარკლი "ევერტონს" დატოვებს. ინგლისის ნაკრების ფეხბურთელზე მთავარ პრეტენდენტად "ჩელსი" და "ტოტენჰემი" სახელდება.</p><p>21:03. "ტორინო" გეგმავს "სტოკ სიტიდან" ჟანელი იმბულას გაფორმებას. Gazzamercato.it-ის ცნობით, იტალიური კლუბი ამ გზით აპირებს შუა ხაზის გაძლიერებას. ინგლისელები ნახევარმცველს მხოლოდ 16 მილიონ ევროდ გაუშვებენ.</p><p>21:35. "მანჩესტერ სიტის" ფორვარდი პატრიკ რობერტსი კიდევ ერთ წელს გაატარებს იჯარით შოტლანდიურ "სელტიკსში".</p><p>(იბეჭდება მცირე ცვლილებით)</p><p><strong>ყოველდღიური სპორტული გაზეთი "ლელო"</strong></p>
ალვარესი "ბარსელონაში"? არგენტინელს ლევანდოვსკის შემცვლელად განიხილავენ
AS: 2024 წლის ზაფხულში "რეალი" ალფონსო დევისის შესაძენად ყველაფერს გააკეთებს
"ბარსელონა" და "რეალი" სანეს დამატებით დაინტერესდნენ - ფეხბურთელი გადაწყვეტილებას ზაფხულის სატრანსფერო ფანჯარამდე მიიღებს
20 წ. | მსოფლიომდე ინგლისთან
თოფურია vs ოლივეირა: დიდ დაპირისპირებამდე – წინასწარი ანალიზი და მოლოდინები
"მათ კომპლექსები არ გააჩნიათ" - ლაპორტა "ბარსელონას" ფეხბურთელებზე
ხვიჩას დაჯილდოება, მიქაუტაძისა და დავითაშვილის გადამწყვეტი მატჩი და სხვა ამბები
[VIDEO] ბრწყინვალე იამალის გოლი და საგოლე პასი - "ბარსელონა" ვადამდე გახდა ჩემპიონი
[VIDEO] უმძიმესი კადრები "ელ პრატიდან" - "ესპანიოლი" "ბარსელონას" მატჩი რამდენიმე წუთით შეჩერდა
ლეგენდა მიდის - "ლიონის" მთავარი თავდამსხმელი მიქაუტაძე გახდება
ევროპის ჩემპიონატზე საქართველოს ნაკრების მეტოქეები ცნობილია
Ballon d'Or 2025: კვარაცხელია რეიტინგში კიდევ უფრო დაწინაურდა
მოურინიოს პორტუგალიის ნაკრების მწვრთნელად არ დანიშნავენ
მარადიშვილი საქართველოს ნაკრების ფეხბურთელი უნდა გამხდარიყო, ახლა კი შეიძლება კარიერის დასრულება მოუწიოს
"ესპანელი ბიჭუნა ხარ" - მახაჩევმა თოფურიას მიმართა
პსჟ გოლების მანქანის შეძენას გეგმავს
"რეალისთვის" ყველაფერი გავაკეთე" - კარლო ანჩელოტი
სუპერლიგის ფინალურ სერიაში "ქუთაისი" და თსუ შეერკინებიან
ფეხბურთელი, რომელმაც კვარასთან ერთად სკუდეტო მოიგო, სერია C-ში ითამაშებს
"დე ბრუინს "ნაპოლის" შესახებ ეს უთხრეს" - ცნობილმა იტალიელმა ჟურნალისტმა ბელგიელზე ისაუბრა
"ქართული ფეხბურთის ხარისხი იზრდება და ეს შთაგონება სხვა პატარა ქვეყნებისთვისაცაა" - სავიოლა ლეგენდების მატჩის წინ
"იცით, "ალავესის" ფეხბურთელმა რა მითხრა?" - მამარდაშვილი
უარი "ლივერპულს" და "ჩელსის" - ალონსოს ინიციატივით "რეალმა" პირველი ტრანსფერი შეათანხმა
იოვეტიჩის ტრანსფერი დადასტურდა, რიგში მბაპეა
მეორე ფეხბურთელი 21-ე საუკუნეში - კლუივერტმა იოვეტიჩის შედეგი გაიმეორა
ანდრეი იარმოლენკო: უნდათ უკრაინას მსოფლიო ჩემპიონატის საგზური აჩუქონ
"ცხოველები შეიძლება გაგვინაწყენდნენ, რომ რუსებს შევადარე" - მიხაილიჩენკო
"ფიორენტინა" სტევან იოვეტიჩის დაბრუნებას ცდილობს
ლიგა 1. VII ტური: ფალკაო ევროპის საუკეთესო ბომბარდირია [VIDEO]
ვინ სად გადავიდა? - ბოლო სატრანსფერო დღის გარიგებები
დანარჩენი ევროპა: საოცნებო დებიუტი, სიტყვის ფასი და კაპიტნის სიტყვა
48 მლნ ევრო მცველში - მადრიდის "რეალმა" მესამე ტრანსფერი განახორციელა
"სულელური ნაბიჯი იყო..." - იარმოლენკო ოჯახის უკრაინაში გაგზავნაზე საუბრობს
უკრაინის ნაკრების ვარსკვლავები 2008 წლის ომს იხსენებენ
ერედივიზიე. I ტური: როტერდამი ყოფილმა როტერდამელმა დაამარცხა
"განდო**ებო!!!" - იარმოლენკო ოკუპანტების მორიგ აგრესიას ეხმაურება
"მონაკომ" მბაპეს ნომერი იოვეტიჩს უკვე გადასცა
"ოკლაჰომა-სიტი" მონსტრი ხდება: კარმელო უესტბრუკთან და ჯორჯთან წავიდა
პსჟ-ს, შესაძლოა, ტრანსფერების განხორციელება აეკრძალოს
სკანდალი უკრაინის ნაკრებში - რებროვმა კაპიტან იარმოლენკოს არც კი დაურეკა, ახალი ტრავმები და უკრაინელთა მწვრთნელის დიდი თავსატეხი საქართველოსთან მატჩის წინ
ყველაზე რთული ზაფხული "სევილიას" ისტორიაში
მიხაილ გორელიშვილი გორის "დილაში" დაბრუნდა
დუეინ უეიდმა "კლივლენდი" აირჩია
"აიაქსმა" იოჰან კრუიფის სახელობის სუპერთასი მოიგო [VIDEO]