<p>ქალებში ოთხივე ნახევარფინალისტი მასპინძელია <br> აშშ-ის ღია პირველობის მამაკაცთა ტურნირზე ბოლო ნახევარფინალისტი არგენტინელი ხუან მარტინ დელ პოტრო გახდა. ტურნირის 2009 წლის ჩემპიონმა მეოთხედფინალში მსოფლიოს მესამე ჩოგანი, შვეიცარიელი როჯერ ფედერერი დაამარცხა ოთხ სეტში - 7:5, 3:6, 7:6(8), 6:4. შეხვედრა 2 საათი და 55 წუთი გაგრძელდა.</p><p>პირველი ორი პარტია ჩოგბურთელებმა თითო ბრეიკის წყალობით მოიგეს. მესამე სეტი დელ პოტრომ ბრეიკით დაიწყო, მაგრამ ფედერერმა დაიბრუნა დაკარგული მოწოდება და შემდეგ, ძალიან ახლოს იყო ამ პარტიის მოგებასთან - როჯერმა ერთბაშად ოთხი სეტბოლი გაანიავა ტაი-ბრეიკზე, დელ პოტრომ კი პირველივე ასეთი შანსი გამოიყენა და მე-13 გეიმი 10:8 მოიგო.</p><p>მეოთხე სეტში ყველაფერი მეხუთე გეიმში გადაწყდა, როცა დელ პოტრომ მესამე ცდიდან აიღო მეტოქის მოწოდება და ეს უპირატესობა იოლად შეინარჩუნა.</p><p>არგენტინელს ამ მატჩში ექვსი ბრეიკ-პოინტი ჰქონდა და სამი გამოიყენა, ფედერერმა სამი ასეთი შანსი მიიღო და ორჯერ შეძლო მეტოქის მოწოდების აღება.</p><p>"ოთხი სეტბოლი ვერ გამოვიყენე მესამე პარტიაში. ასე ხდება. არ ვიცი, რთული ასახსნელია. ხანდახან, ყველაფერს სწორად აკეთებ, მაგრამ მეტოქეც ასევეა. და მაშინ, სიტუაცია შენს სასარგებლოდ აღარ არის. ჩემი აზრით, ცუდად არ მითამაშია. არ მგონია, რომ იმ ოთხმა გათამაშებამ იქონია გადამწყვეტი გავლენა. ბევრმა სხვა ფაქტორმაც იმოქმედა, რომ სეტებში 1:2 ჩამოვრჩი და მეოთხე გეიმში ბრეიკით ვაგებდი. ძალიან ბევრს ვცდებოდი", - განუცხადა შვეიცარიელმა ტურნირის ოფიციალურ ვებგვერდს.</p><p>"საჭირო მომენტებში დელ პოტრო ძალიან კარგად თამაშობდა, და ხანდახან, მე თვითონ ვეხმარებოდი მას. ხუან მარტინმა დაიმსახურა გამარჯვება, მას უფრო მეტი შანსი ექნება ნადალთან. მე საკმარისად კარგად არ ვთამაშობდი იმისთვის, რომ ტურნირი მომეგო. ამიტომაც, კარგია, რომ გავვარდი და ახლა, სხვას აქვს შანსი ჩემზე უკეთ ითამაშოს", - დაამატა ფედერერმა.</p><p>ნახევარფინალში დელ პოტრო ესპანელ რაფაელ ნადალს შეხვდება, რომელმაც მხოლოდ ხუთი გეიმი გაიმეტა რუსი ანდრეი რუბლიოვისთვის - 6:1, 6:2, 6:2. შეგახსენებთ, რომ მეორე ნახევარფინალში სამხრეთაფრიკელი კევინ ანდერსონი ესპანელ პაბლო კარენიო ბუსტას დაუპირისპირდება. სხვათა შორის, პირველად ტურნირის ისტორიაში, ნახევარფინალურ ეტაპზე ორი ესპანელი ჩოგბურთელი ითამაშებს.</p><p>* * *</p><p>ასევე ყველა ნახევარფინალისტია ცნობილი ქალებს შორის. დაფიქსირდა იშვიათი შემთხვევა - ნახევარფინალში გასული ოთხივე ჩოგბურთელი ამერიკის შეერთებული შტატებიდანაა.</p><p>ყველაზე ბოლოს ამ ეტაპზე თამაშის უფლება მოიპოვა მედისონ კისმა, რომელმაც საათსა და 11 წუთში 6:3, 6:3 გაანადგურა ესტონელი კაია კანეპი.</p><p>სხვათა შორის, ეს არის მეექვსე "დიდი სლემის" ტურნირების ისტორიაში, როცა ნახევარფინალში გასული ოთხივე ჩოგბურთელი ამერიკელია:</p><p>1985. უიმბლდონი: კრის ევერტი,ზინა გარისონი, მარტინა ნავრატილოვა, კეტი რინალდი</p><p>1983. ავსტრალია: კეტი ჯორდანი,ზინა გარისონი, მარტინა ნავრატილოვა, პემ შრაივერი</p><p>1982. ავსტრალია: კრის ევერტი,ანდრეა ჯაგერი, მარტინა ნავრატილოვა, პემ შრაივერი</p><p>1981. აშშ: ტრეისი ოსტინი, კრის ევერტი, მარტინა ნავრატილოვა, ბარბარა პოტერი</p><p>1979. აშშ: ტრეისი ოსტინი, კრის ევერტი, მარტინა ნავრატილოვა, ბილი ჯინ კინგი</p><p><strong>კაცები</p><p>1/4 ფინალი</p><p></strong>ნადალი (ესპ, 1)-რუბლიოვი (რუს) 6:1, 6:2, 6:2</p><p>დელ პოტრო (არგ, 24)-ფედერერი (შვეიც, 3) 7:5, 3:6, 7:6(8), 6:4</p><p><strong>1/2 ფინალი</p><p></strong>ნადალი (ესპ, 1)-დელ პოტრო (არგ, 24)</p><p>ანდერსონი (ს. აფრ, 28)-კარენო ბუსტა (ესპ, 12)</p><p><strong>ქალები</p><p>1/4 ფინალი</p><p></strong>ვანდევეგე (აშშ, 20)-კარ. პლიშკოვა (ჩეხ, 1) 7:6(4), 6:3</p><p>კისი (აშშ, 15)-კანეპი (ესტ) 6:3, 6:3</p><p><strong>1/2 ფინალი</p><p></strong>ვანდევეგე (აშშ, 20)-კისი (აშშ, 15)</p><p>ვ. უილიამსი (აშშ, 9)-სტივენსი (აშშ)</p><p><strong>ყოველდღიური სპორტული გაზეთი "ლელო"</strong></p>
ბასილაშვილი როლან გაროსზე პირველივე წრეში დამარცხდა
რამდენი გამოიმუშავა "როლან გაროსის" ძირითად ბადეში შესვლით ბასილაშვილმა და კიდევ რა თანხის შოვნა შეუძლია - ყველაფერი წლის მეორე დიდ სლემზე
[VIDEO] ბასილაშვილს 10 000-ზე მეტი გულშემატკივარი და მოწინააღმდეგეც ტაშს უკრავდა - რა ბრწყინვალე სპორტული საქციელი ჩაიდინა ქართველმა კვალიფიკაციის ბოლო მატჩში
7-კაცა | მაკარსკაში კლოდ სორელის ხსოვნის პატივსაცემად
რეგიონების განვითარების პროექტის ფარგლებში თანამედროვე ტაბლოები თელავისა და ლაგოდეხის დარბაზებმაც მიიღეს
ამაზე უარის თქმა რთული იქნება - "ფენერბაჰჩემ" სანეს ზღაპრული შეთავაზება გაუკეთა
"ტოტენჰემმა" პოსტეკოგლუ დაითხოვა და მის შემცვლელთან მოლაპარაკებებს უკვე აწარმოებს
[VIDEO] დონარუმას პირველ ტაიმში სამი გაუტანეს - იტალია ნორვეგიასთან განადგურდა
კალანდაძის ლიდერობით - საქართველოს ნაკრებმა ლუქსემბურგსაც მოუგო
პსჟ-ს მძიმე დანაკლისი - ესპანეთთან პარიზელთა ორმა ფეხბურთელმა ტრავმა მიიღო
სომხეთის ნაკრები ისევ დიდი ანგარიშით დამარცხდა
ზედიზედ მესამედ - ვახტანგ ახობაძე ევროპის ჩემპიონია!
ისტორიული ოქრო პარაკაიაკის ევროპის ჩემპიონატზე
კიმი შეიძლება იტალიაში დაბრუნდეს
საბო: რა ჯანდაბა უნდოდა შევჩენკოს უკრაინის ფეხბურთის ასოციაციაში?
ანშლაგი ქუთაისში - საქართველო - კაბო-ვერდე | 7 ივნისის განრიგი
უარი "სიტის" - მიქაუტაძის თანაგუნდელის გოლი და საგოლე პასი ესპანეთთან
ევრობასკეტისთვის მოსამზადებელ პერიოდში საქართველოს ნაკრები 6 ამხანაგურ მატჩს გამართავს
საქართველოს რაგბის ეროვნული ნაკრები, სულ რაღაც, ერთ თვეში თბილისში ირლანდიის ნაკრებს ხვდება!
"ვერ ვხვდები, ჩემგან უპატივცემულობა სად დაინახა" - სპალეტიმ აჩერბის უპასუხა
"მბაპე ცენტრფორვარდია და ამ პოზიციაზე თამაშს გააგრძელებს" - დეშამი ესპანეთთან მარცხის შემდეგ
უარი "ალ ჰილალს" - ოსიმენისთვის ბრძოლაში ახალი კლუბი ჩაერთო
დვალიშვილი VS ომალი 2 - დიდ ბრძოლამდე სულ ცოტა დრო რჩება
"ბატონო ნადალ, ფოტო შეიძლება?!" - ფედერერმა გულშემატკივრებთან საუბარში სასაცილო ისტორია გაიხსენა
აშშ-ის ღია: სუპერმატჩი ახლოვდება
"მგრძნობიარე ადამიანი ვარ, განსაკუთრებით მაშინ, თუ საქმე ეხება პიროვნებას, რომელსაც ძალიან ვაფასებ" - რაფაელ ნადალის ემოციური ინტერვიუ
მაგიური ჯოკოვიჩი - ნოვაკი 2028 წლის ოლიმპიადაზე თამაშს გეგმავს
ნადალი: "რეალის" ფანი ვარ, მაგრამ მესი რონალდოზე უკეთესია [VIDEO]
დღეს შანხაიში: ბასილაშვილი VS დელ პოტრო
ნადალი: როდესაც მესიმ ექსტრა-ტაიმში გაიტანა, ცრემლები წამომივიდა
ნოვაკ ჯოკოვიჩი US Open-ის გამარჯვებული გახდა [VIDEO]
ფერდინანდმა ყველა დროის საუკეთესო ოთხ სპორტსმენში არცერთი ფეხბურთელი არ შეიყვანა
აშშ-ის ღია: ზემოთ ნადალი, ფედერერი, დელ პოტრო, ქვემოთ ფავორიტი აღარ დარჩა
"როჯერ, ახლახან ჩამოვფრინდი ბაზელში, საიდანაც..." - როგორ გაეხუმრა მარი ფედერერს
ყველა დროის ყველაზე ხანგრძლივი პირველობა მამაკაცებსა და ქალებშიც - ჯოკოვიჩმა ისტორიული მიღწევა დააფიქსირა
ინდიან უელსის ტურნირი: ხუან მარტინ დელ პოტრომ როჯერ ფედერერი შეაჩერა
"მადლობა, რომ იყავი მაგალითი კორტსა და მის მიღმა" - დელ პოტრო ფედერერს დაემშვიდობა
როჯერი საჩოგბურთო სამყაროს დაემშვიდობა - ატირებული ნადალი და ჯოკოვიჩი... ემოციური საღამო ლონდონში [VIDEO]
ფედერერის შემდეგ ნადალიც - ჩოგბურთიდან რაფაც მიდის