- ქართველი სპორტსმენები ფეხბურთი
- ეროვნული ნაკრები
- ეროვნული ლიგა
- ეროვნული ლიგა 2
- ლეგიონერები
- თასი
- ასაკობრივი ნაკრები
- სხვადასხვა
- ევროპა ლიგა
- კონფერენს ლიგა
- ინგლისი
- ესპანეთი
- იტალია
- გერმანია
- საფრანგეთი
- მსოფლიო
- ჩემპიონთა ლიგა
- ევროპის ჩემპიონატი
- სხვადასხვა
- ქალთა ფეხბურთი
- ტრანსფერები კალათბურთი
- ეროვნული ნაკრები
- სუპერლიგა
- თასი
- NBA
- ლეგიონერები
- ევრო ლიგა
- ევროპის ჩემპიონატი
- მსოფლიოს ჩემპიონატი
- ასაკობრივი ნაკრები
- სხვადასხვა ჩოგბურთი
ამერიკის ახალი დედოფალი -ვინ არის სლოუნ სტივენსი?
<p>გავიცნოთ ახალი ჩემპიონი <br> სლოუნ სტივენსს პირველი წარმატება "დიდი სლემის" ტურნირებზე 2013 წელს ჰქონდა, როცა მეოთხედფინალში თვით სერენა უილიამსი დაამარცხა. ამერიკელს ფინალში გასვლაც შეეძლო, მაგრამ ვიქტორია აზარენკას წინააღმდეგ მატჩზე ჩაწოდება ვერ შეძლო.</p><p>ოთხი წლის შემდეგ, 2017 წლის იანვარში სლოუნი ავსტრალიის ღიას ტელევიზორში უყურებდა, მოტეხილ ფეხზე კორსეტი ეკეთა და ვერც კი წარმოიდგენდა, რომ ნახევარი წლის შემდეგ, "დიდი სლემის" ტურნირის გამარჯვებული გახდებოდა. სტივენსმა ტრავმის გამო 11 თვე გამოტოვა და კორტზე მხოლოდ 2017 წლის აპრილში დაბრუნდა.</p><p>აშშ-ის ღია მან მსოფლიოს 931-ე ჩოგანის რანგში დაიწყო, ჯამში მოიგო 15-დან 13 მატჩი და ფინალში მოხვდა, თან გზად ლეგენდა დაამარცხა - ვინუს უილიამსი.</p><p>სლოუნ სტივენსი სპორტისთვის არის შექმნილი. 1988 წელს, დედამისი სიბილი პირველი აფროამერიკელი ქალი გახდა, ვინც აშშ-ის ცურვის ნაკრებში მოხვდა. ბოლო 20 წელია, ის მწვრთნელის ასისტენტად მუშაობს ჰარვარდში. სტივენსის მამა პროფესიულ დონეზე თამაშობდა ამერიკულ ფეხბურთს - ექვსი სეზონი გაატარა "ნიუ ინგლენდ პეტრიოტში". 2009 წელს, ჯონმა ავტომობილი ვერ დაიმორჩილა, ხეს შეეჯახა და ადგილზე დაიღუპა. სლოუნმა მძიმედ გადაიტანა ტრაგედია, მიუხედავად იმისა, რომ მამასთან თითქმის არ ჰქონდა ურთიერთობა: მშობლები ერთმანეთს დაშორდნენ, როცა გოგონას სიარული ახალი ნასწავლი ჰქონდა.</p><p>სტივენსს ცხრა წელი შეუსრულდა და დედამ ჩოგბურთზე შეიყვანა. "უბრალოდ, მინდოდა სლოუნს ნაკლები დრო დაეხარჯა კომპიუტერულ თამაშებზე", - აღიარა სიბილმა. მწვრთნელებმა მალე დაინახეს მოძრავ და მოქნილ გოგონაში ტალანტი. 12 წლისა, სტივენსი საშინაო განათლებაზე გადავიდა და კრის ევერტის აკადემიაში ჩაირიცხა. "მან პირველივე ვარჯიშზე განმაცვიფრა. ძალიან იშვიათია ასე სუფთად და სტაბილურად ურტყამდეს ვინმე ბურთს", - აღფრთოვანებული იყო ცნობილი სპეციალისტი ნიკ სავიანო.</p><p>იუნიორებში ამერიკელმა წყვილებში "დიდი სლემის" სამი ტურნირი მოიგო, სერენას დამარცხების შემდეგ კი სერიოზული აღმასვლა დაიწყო. 2013 წლის ოქტომბერში, სლოუნი რეიტინგში მე-11 ადგილზე ავიდა - გოგონას დაახლოებით 200 ქულა არ ეყო წლის შემაჯამებელ ტურნირზე მოსახვედრად. პრესამ სტივენსს "ახალი უილიამსი" უწოდა, ის გაჩნდა ჟურნალ Vogue-ის გარეკანზე, დაარიგა ასობით ინტერვიუ და შეიძინა აპარტამენტები მანჰეტენზე. ჟურნალისტები განიხილავდნენ სლოუნის რომანს ჩოგბურთელ ჯეკ სოკთან და ხარობდნენ ახალი ვარსკვლავის გულახდილობისა და პირდაპირობის გამო.</p><p>სტივენსმა გამოაცხადა, რომ ვოზნიაცკი ყალბ ბრილიანტებს ატარებს, საკუთარი თავი შეადარა ცნობილ მილიარდერს ჰოვარდ ჰიუზს, რომელიც, სლოუნის მსგავსად, ჰერმოფობიით იტანჯებოდა; და უსაყვედურა სერენას პირფერობის გამო. "მას შემდეგ, რაც უილიამსმა ჩემთან ავსტრალიაში წააგო, ერთხელაც არ მომსალმებია, არ დამლაპარაკებია და "ტვიტერიდანაც" კი წამშალა. არადა, ყველას ჰგონია, რომ ის სასიამოვნო პიროვნებაა, სინამდვილეში კი ეს ასე არ არის", - განაცხადა ჩოგბურთელმა.</p><p>დიდებამ ძალიან დააზარალა სლოუნი. ის უფრო ხშირად მოდების ჩვენებაზე ჩნდებოდა, ვიდრე ვარჯიშებზე და უკვე კორტზეც აღარ იყო ისეთი ჰაეროვანი და შემართული. რეგრესის შესაჩერებლად, ამერიკელი ხშირად იცვლიდა ცნობილ მწვრთნელებს (როგორც ამას ეჟენი ბუშარი აკეთებს).</p><p>2014-16 წლებში სლოუთან მუშაობდა როჯერ ფედერერის ყოფილი დამრიგებელი პოლ ანაკონი და კიდევ ორი ტოპ-სპეციალისტი - ტომას ჰოგსტედი და სავიანო. სტივენსის ტვინის გამორეცხვა მხოლოდ კამაი მარეიმ მოახერხა, რომელთანაც 2015 წლის ბოლოდან თანამშრომლობს. ახალი მწვრთნელი სლოუნს მაღალმთიან ბოგოტაში ამზადებდა, მასთან ერთად მისდევდა იოგას და ამან შედეგი გამოიღო - მომდევნო ნახევარ წელიწადში მოიგო ტიტულები ჩარლსტონსა და აკაპულკოში.</p><p>ტოპ-დონეზე დაბრუნებას ხელი შეუშალა სტივენის 86 წლის ბებიის გულის შეტევამ. რეალურად, სწორედ ის იყო დაკავებული გოგონას აღზრდით: დედას ქალიშვილისთვის არ ეცალა სამსახურისა და პირადი ცხოვრების გამო. სლოუნმა ერთი თვით მიატოვა ვარჯიშები და ყველაზე ახლობელ ადამიანს უვლიდა. ბებია გამოჯანმრთელდა, ჩოგბურთელი კი უვარჯიშებელი გაემგზავრა როლან გაროსსა და ოლიმპიადაზე - რიოში მან ფეხის სტრესული მოტეხილობა მიიღო და თითქმის ერთი წლით გამოვიდა მწყობრიდან.</p><p>ოპერაციის შემდეგ, სლოუნი საშინლად გრძნობდა თავს, მაგრამ სიყვარულმა გადაარჩინა - 2016 წლის შემოდგომიდან ის ხვდება "ტორონტოსა" და აშშ-ის ნაკრების ფეხბურთელს ჯოზი ალტიდორს. ისინი სარეაბილიტიცაო ცენტრში გადაეყარნენ ერთმანეთს, სადაც ფორვარდი აღდგენით კურსს გადიოდა მუხლის ტრავმის შემდეგ. "ჯოზი ძალიან მხიარული, პოზიტიური და კარგად აღზრდილია! ალბათ, მასზე უკეთესი მხოლოდ ფედერერია", - ირონიით თქვა ამერიკელმა.</p><p>აშშ-ის ღიას წინ, სტივენსი მიზნად არ ისახავდა შორს გასვლას. "მწვრთნელმა მითხრა: "შენ მხოლოდ ფორმას აკრიფავ. ეს კი იმას ნიშნავს, რომ არსებობს კარგი შესაძლებლობა - არ იფიქრო შედეგზე და კარგად გაერთო ამ დიდ ტურნირზე", - აღიარა სლოუნმა. გართობა მართლაც შესანიშნავი გამოვიდა. მან ფინალში უახლოესი მეგობარი მედისონ კისი დაამარცხა და აშშ-ის ღიას ახალი დედოფალი გახდა.</p><p><strong>ყოველდღიური სპორტული გაზეთი "ლელო"</strong></p>
ძველი ბასილაშვილი ბრუნდება - ნიკოლოზმა ტოპ 30-ის წევრი 2022 წლის შემდეგ პირველად დაამარცხა
ბასილაშვილის ბრწყინვალე შეხვედრა - ნიკოლოზმა სახელოვანი ესპანელი მეტოქე 2 სეტში გაანადგურა
პირველი მოგება 6 მარცხის შემდეგ - ბასილაშვილმა პრაღის ტურნირი გამარჯვებით დაიწყო
"ვილა პარკზე" ბოლო მატჩი ჩაატარა და ცრემლები ვერ შეიკავა - მარტინესი "ასტონ ვილას" ტოვებს
დე ძერბი: პსჟ - "ინტერის" მატჩისას კინოს ვუყურებ
20 წ. | მსოფლიომდე ინგლისთან
თოფურია vs ოლივეირა: დიდ დაპირისპირებამდე – წინასწარი ანალიზი და მოლოდინები
"მათ კომპლექსები არ გააჩნიათ" - ლაპორტა "ბარსელონას" ფეხბურთელებზე
"შედარება მესისთან?" - რა თქვა ლამინ იამალმა
"იცი ჩვენს შორის რა განსხვავებაა?" - თოფურიამ მახაჩევს უპასუხა
დღეს საფრანგეთის ჩემპიონატი დასრულდება - ხვიჩას ოქრო და სხვა ქართველების ამბები...
[VIDEO] სერიამ კულმინაციას მიაღწია - იოკიჩს მხარი მარიმ აუბა და "დენვერმა" "ოკლაჰომა" დაამარცხა
[VIDEO] ბრწყინვალე იამალის გოლი და საგოლე პასი - "ბარსელონა" ვადამდე გახდა ჩემპიონი
[VIDEO] უმძიმესი კადრები "ელ პრატიდან" - "ესპანიოლი" "ბარსელონას" მატჩი რამდენიმე წუთით შეჩერდა
ლეგენდა მიდის - "ლიონის" მთავარი თავდამსხმელი მიქაუტაძე გახდება
ევროპის ჩემპიონატზე საქართველოს ნაკრების მეტოქეები ცნობილია
Ballon d'Or 2025: კვარაცხელია რეიტინგში კიდევ უფრო დაწინაურდა
მოურინიოს პორტუგალიის ნაკრების მწვრთნელად არ დანიშნავენ
მარადიშვილი საქართველოს ნაკრების ფეხბურთელი უნდა გამხდარიყო, ახლა კი შეიძლება კარიერის დასრულება მოუწიოს
"ესპანელი ბიჭუნა ხარ" - მახაჩევმა თოფურიას მიმართა
პსჟ გოლების მანქანის შეძენას გეგმავს
"რეალისთვის" ყველაფერი გავაკეთე" - კარლო ანჩელოტი
სუპერლიგის ფინალურ სერიაში "ქუთაისი" და თსუ შეერკინებიან