<p>ზურაბ აზმაიფარაშვილი მორიგ სკანდალში <br> თბილისის მსოფლიოს თასის III რაუნდის წინ ინციდენტი მოხდა - ორგანიზატორებმა ასპარეზობაში არ დაუშვეს კანადელი დიდოსტატი <strong>ანტონ კოვალიოვი</strong>, რომელმაც წინა წრეში თვით <strong>ვიშვანათან ანანდი</strong> დაამარცხა და ახლა <strong>მაქსიმ როდშტეინს</strong> (ისრაელი) უნდა შეხვედროდა.</p><p><a href="/sport/tcadraki/tcadraki/96877-nazi-paikidze-ar-arsebobs-tsesi-romelic-thavisufal-qals-aidzulebs-ataros-hijabi.html" target="_blank"><span style="color: #0000ff;">ნაზი პაიკიძე: არ არსებობს წესი, რომელიც თავისუფალ ქალს აიძულებს, ატაროს ჰიჯაბი!</span></a></p><p>მიზეზი დრესკოდის დარღვევაა - კოვალიოვი ასპარეზობაზე შორტებით გამოცხადდა. როდესაც კოვალიოვი მთავარ არბიტრ <strong>ტომაშ დელეგას </strong>შენიშვნას არ დაემორჩილა, საქმეში ევროპის საჭადრაკო კავშირის პრეზიდენტი <strong>ზურაბ აზმაიფარაშვილი </strong>ჩაერია და კოვალიოვს დარბაზი დაატოვებინეს.</p><p>ინციდენტს დიდი გამოხმაურება მოჰყვა უცხოურ მედიაში, რადგან კოვალიოვი ამტკიცებს, რომ მას "ბოშა" უწოდა. "როცა მთავარმა ორგანიზატორმა ზურაბ აზმაიფარაშვილმა მას ტანსაცმლის გამოცვლა მოსთხოვა, კოვალიოვმა იკითხა, რატომ. "იმიტომ, რომ ბოშას ჰგავხარ", - იყო აზმაიფარაშვილის პასუხი", - წერს chess.com.</p><p>კოვალიოვი ამტკიცებს, რომ მან წინა ორი რაუნდიც შორტებში ითამაშა და მისთვის შენიშვნა არავის გამოუცხადებია.</p><p>სხვათა შორის, მთავარმა არბიტრმა აღნიშნულ გამოცემას უთხრა, რომ მისი ინიციატივა არ იყო კოვალიოვის დარბაზიდან გაძევება, იგი ამას არც აპირებდა. მსოფლიოს თასის რეგულაცია მოითხოვს დრესკოდის დაცვას, თუმცა კონკრეტულად შორტზე იქ არაფერი წერია.</p><p>"აუცილებლად დაველაპარაკები მსაჯებს, თუ რატომ ვერ შეამჩნიეს აქამდე ის, რომ კოვალიოვი შორტებით ასპარეზობდა", - განუცხადა გამოცემას აზმაიფარაშვილმა. მან ასევე დასძინა, რომ სიტყვა "ბოშა" რასისტული კონტექსტით არ უხსენებია, მან ეს განაცხადა, როგორც "უსახლკაროს" სინონიმი.</p><p><img src="pictures/artimages/original/227dd2ee9e8618a691ec843a9968bbb5.jpg" border="0" alt="Sportall.Ge" title="სკანდალი თბილისის მსოფლიოს თასზე: რატომ გააძევეს კანადელი დიდოსტატი?" width="100%" style="border: 0px;" /></p><p><img src="pictures/artimages/original/d108ad55f6325530aca5edf0e82c27cb.jpg" border="0" alt="Sportall.Ge" title="სკანდალი თბილისის მსოფლიოს თასზე: რატომ გააძევეს კანადელი დიდოსტატი?" width="100%" style="border: 0px;" /></p><p>შეგახსენებთ, რომ აზმაიფარაშვილი ადრეც გახვეულა სკანდალებში. გავიხსენოთ 2004 წელი, როცა მაშინ ფიდეს ვიცე-პრეზიდენტი აზმაიფარაშვილი ესპანურ კალვიაში საჭადრაკო ოლიმპიადაზე დაიჭირეს. მაშინ მას ფიზიკური დაზიანებაც მიაყენეს.</p><p>თბილისის მსოფლიოს თასი 3-27 სექტემბერს იმართება საქართველოს დედაქალაქში. გამარჯვებული 120 ათას დოლარს მიიღებს, სრული საპრიზო ფონდი კი 1,6 მილიონი დოლარია.</p><p>"ლელო" მალე შემოგთავაზებთ ვრცელ ინტერვიუს ზურაბ აზმაიფარაშვილთან აღნიშნულ ინციდენტთან დაკავშირებით.</p>
zurabi
სამარცხვინოები....
ვაჟა
არც აზმაიფარაშვილს აცვია დრეს-კოდის შესაბამისად /მაისური და ჯინსის შარვალი/, როგორს ევროპის საჭადრაკო კავშირის პრეზიდენტს და ტურნირის მასპინძელს. კიდევ ერთხელ მოვიჭერით თავი!
kote
აქ შორტები მეორეხარისხოვანია, მთავარი პრობლემა ისაა რომ ბოშა უწოდა მოჭადრაკეს. წესით სერიოზული პრობლემები უნდა შეექმნას აზმაიფარაშვილს, თუმცა ალბათ ბოდიშით გამოძვრება
gia
ამ ტურნირის ორგანიზებისთვის რამდენიმე წლით ადრე რომ აიღეს 20 მილიონი და ჯიპები იყიდეს 2 წლით ადრე სტუმრებს უნდა დავხვდეთო ეგ გამოიძიეთ ჟურნალისტებო
Lado
დრესკოდი არსებობს სპორტის ბევრ სახეობაში. კალათბურთში შარშანდელ ევროპის შესარჩევზე მაიკლ დიქსონს წარწერიანი წინდები(წარმოიდგინეთ, რა მცირე ნიუანსია) ეცვა და საქართველოს კალათბურთის ფედერაცია 2 ათასი ევროთი დააჯარიმეს. წელს ძიუდოისტთა მსოფლიო ჩემპიონატზე, ქართველი ძიუდოისტი ნინო ოძელაშვილი, იმის გამო, რომ ძეწკვი ეკეთა ტურნირიდან მოხსნეს. უიმბლდონის საჩოგბურთო ტურნირზე ტანსაცმლის ფერებიც კი განსაზღვრულია. ასეთი უამრავი ფაქტია სპორტის სხვადასხვა სახეობებში. ასე რომ, ზურაბ აზმაიფარაშვილმა სწორი გადაწყვეტილება მიიღო.
ჯოჯო
რატომ არ შეიძლება შორტებოთ?? აზმაიფარაშვილი მამაოა მგონი..
დავით
მართალია აზმაიფარაშვილი, ჩაცმულობის კოდი სწორედ იმას მოიაზრებს, რომ შეჯიბრის დონის ტანსაცმელი უნდა გეცვას. სხვა საკითხია "პლაჟის" ჭადრაკის შეჯიბრება რომ იმართებოდეს. აღვირახსნილი თავისუფლება არაფერში არ ვარგა, მათ შორის ჩაცმულობაში. მითუმეტეს ჭადრაკში, სადაც ყველა პირობა უნდა არსებობდეს, რომ მოპაექრეებს ხელი არ შეეშალოთ. ფიშერი გაიხსენეთ, რომლის ვითომდა "უცნაურმა" მოთხოვნებმა საბოლოო ჯამში ჭადრაკი აქცია პატივსაცემ სახეობად.
guga
შემეცოდა საწყალი საქართველოც არ ანახეს ნორმალურად
iura andropov
აზმაიფარაშვილი, ვონ იზ შახმატა. სად წერია, რომ შორტებით არ შეუძლია ასპარეზობა? ახსენი ერთი, შე უგვანო, შენა!!!!
მონტენეგროში მიმდინარე 20 წლამდელთა მსოფლიო ჩემპიონატზე, ყველა ქართველმა მოიგო!
ყველაზე ახალგაზრდა ჭადრაკის ისტორიაში - თინეიჯერი ინდოელი მსოფლიო ჩემპიონობისთვის იბრძოლებს
თბილისის ჭადრაკის სასახლეში დასრულდა ლეგენდარული ქართველი ჩემპიონის, მაია ჩიბურდანიძის თასის გათამაშება
"ნაპოლიმ" სიმეონე "ტორინოში" გაანათხოვრა
ფიფას ტალანტების განვითარების სქემის კოორდინატორის ვიზიტი საქართველოში
"ბარსელონას" ხელმძღვანელობის გადაწყვეტილებით ტერ-შტეგენს კაპიტნის სამკლაური ჩამოართვეს
"მესმის, რომ "მანჩესტერ იუნაიტედი" უდიდესი კლუბია, მაგრამ არა დღესდღეობით" - შირერმა შეშკოს "მანკუნიანელებში" შესაძლო ტრანსფერზე ისაუბრა
"არ მესმის, ისაკის ტრანსფერი მბაპეს ფასი რატომ უნდა დაგვიჯდეს?" - კარაგერის მოსაზრება შვედის ტრანსფერთან დაკავშირებით
პსჟ-მ შეკრება დაიწყო - "ლივერპული" მათი ორი შემტევის შეძენას გეგმავს
ოდიშარია განაცხადში არ იყო - რფს სახლში "კუპსთან" დამარცხდა
ოფიციალურად - ტომას მიულერი "ვანკუვერ უაიტკეპსის" ფეხბურთელი გახდა
ქართველი მსაჯები კონფერენს ლიგის მატჩს მოემსახურებიან
არაბიძემ კორეულ კლუბს ფიფაში უჩივლა და 2.88 მილიონს მიიღებს
საქართველოს ნაკრების კალათბურთელმა "ბაიერნში" გადასვლის შემდეგ განცხადება გააკეთა: ევრობასკეტზე ჯგუფური ეტაპი უნდა დავძლიოთ და შემდეგ ყველაფერია შესაძლებელი
თანამდეობაზე მხოლოდ რამდენიმე თვე დაჰყო - საქართველოსთან განადგურებული ვან'ტ სხიპი სომხეთის ნაკრებიდან დაითხოვეს
შეშკომ არჩევანი გააკეთა - "ლაიფციგის" ფორვარდი კარიერას პრემიერ ლიგაში განაგრძობს
"ბარსელონა" ლა ლიგაში სეზონის დაწყებას საკუთარ სტადიონზე გეგმავს
დარვინ ნუნიესმა მამარდაშვილის "ლივერპული" დატოვა - ფეხბურთელი კარიერას საუდის არაბეთში განაგრძობს
ლუკა იოვიჩი კარიერას საბერძნეთის ჩემპიონატში განაგრძობს
Geo Team: გიორგი გოჩოლეიშვილი კარიერას გერმანიის ბუნდესლიგაში განაგრძობს
[VIDEO] "ძალიან დამწუხრებული ვარ... ახლა მას ჩემთან საუბარი, რომ შეძლებოდა, ამას მეტყოდა..." - მოურინიო პრესკონფერენციაზე ატირდა
ერთი ნაბიჯი ტურნირის ძირითად ბადემდე - ბასილაშვილი ცინცინატის მასტერსის კვალიფიკაციის ფინალშია
U19 | მონტენეგრო 2:1 საქართველო
"მამა მაშინ გარდაცვლილა, მსოფლიოს ექსჩემპიონ მუზიჩუკს რომ ვხვდებოდი..."
ჭადრაკი. მსოფლიოს თასი: ცუდი სტარტი
დრესკოდი, შორტი და კოვალიოვი - ინტერვიუ ზურაბ აზმაიფარაშვილთან
ჭადრაკი - მსოფლიო თბილისში, ოლიმპიადა ბათუმში
პირველად ევროპის საჭადრაკო სამყაროში - დაჯილდოება "ევროპის ოქროს პაიკი" გაიმართება
ზურაბ აზმაიფარაშვილი ევროპის საჭადრაკო კავშირს მეორე ვადით უხელმძღვანელებს