მუნირს მსოფლიოს ჩემპიონატზე მაროკოს ნაკრებში თამაშის უფლება არ დართეს

მუნირს მსოფლიოს ჩემპიონატზე მაროკოს ნაკრებში თამაშის უფლება არ დართეს
სპორტულმა საარბიტრაჟო სასამართლომ "ალავესის" 22 წლის თავდამსხმელს მუნირ ელ ჰადადის მუნდიალზე მაროკოს ეროვნულ გუნდში ასპარეზობის უფლება არ მისცა.

საქმე იმაშია, რომ მუნირმა 2014 წლის სექტემბერში ესპანეთის ნაკრების შემადგენლობაში მაკედონიასთან ითამაშა, მას შემდეგ ფურია როხაში არ გამოუძახიათ, ზაფხულში კი თავისი ისტორიული სამშობლოს მაროკოს მოქალაქეობა მიიღო და ცდილობდა მაროკოს ნაკრების სამუნდიალო შემადგენლობაში მოხვედრილიყო, მაგრამ ამის წინააღმდეგი ესპანეთის ფეხბურთის ფედერაცია წავიდა.

ფიფას წესდებით, ფეხბურთელს არ შეუძლია ნაკრების 10 წლის განმავლობაში გამოცვლა.

მუნირი "ალავესში" "ბარსელონადანაა" გაიჯარებული და ამ სეზონში 32 მატჩში 10 გოლი გაიტანა და 6 საგოლე გადაცემა გააკეთა.