<p>30 ივლისს რომში ახალგაზრდა მოჭიდავეთა შორის ევროპის ჩემპიონატი დაიწყო, რომელშიც თავდაპირველად "ბერძენ-რომაელები" ჩაებნენ.</p><p>შეჯიბრებაში წარმატებული სტარტი აიღო <strong>რევაზ ლაშხის</strong> დამოძღვრილმა საქართველოს ნაკრებმა: გუშინ გამართული ხუთი წონიდან ჩვენები სამის ნახევარფინალში გავიდნენ, მთლიანობაში კი მედლისთვის ბრძოლას ოთხი ფალავანი აგრძელებს.</p><p>მათგან ხვალ ფინალურ ბლოკში ოქროსთვის ერთი იჭიდავებს - <strong>თემურ ჭკუასელიძე</strong> (87). <strong>ლერი აბულაძე</strong> (63) და <strong>ბექა მაკარიძე</strong> (130) ნახევარფინალში დამარცხდნენ და დამამშვიდებლის ფინალში არიან, ხოლო <strong>ბექა გურული</strong> (77) სანუგეშო წრეში აგრძელებს ბრინჯაოსთვის ბრძოლას.</p><p>ჭკუასელიძეს ლაშხი იმთავითვე ძალიან ემადლიერებოდა და თურმე, არცთუ უსაფუძვლოდ: ნახევარფინალში ულამაზესი ფანდით, თავზე გადახტომით ბოლო წამს დაამარცხა რუსი საიდ მაგომედ აბუბაქაროვი და ხვალ ფინალში უნგრელ ალექს ჟოკეს შეხვდება.</p><p>ბორჯომელი ათლეტი ფინალამდეც დამაჯერებლად მივიდა: შვეიცარიელი რამონ ბეჩარტი - 5:0; სერბი ბორის პეტრუსიჩი სუფთად, 8:0 დაამარცხა, ნახევარფინალში კი რაც გააკეთა, უკვე გითხარით. შეიძლება ითქვას, იმ შეხვედრაში ახალგაზრდა ათლეტი მეტოქესთან ერთად საკუთარ თავსაც გადაახტა, ისეთი შეხვედრა ამოქაჩა და 12:9 მოიგო.</p><p>ხულოელი აბულაძე ნახევარფინალში ბელორუს მაქსიმ ნეჰოდასთან 2:7 დამარცხდა, მანამდე კი აქტივში ორი შეხვედრა მიითვალა და ორივე - დიდი ანგარიშით: აზერბაიჯანელ კამრან მირზალიევთან 8:1 და თურქ აბდულა ტოპრაკთან - 11:1. ბრინჯაოსთვის დასკვნით პაექრობაში მისი მეტოქე ესტონელ დენის ბოლუნოვსა და რუს ემილ ზიგანშინს შორის გამარჯვებული იქნება.</p><p>თერჯოლელმა მაკარიძემ ის ერთადერთი პაექრობა გერმანელ ფრანც რიხტერთან დათმო: 2:8. მას თავდაპირველად ბულგარელი იგნატ მილენოვი არ გამოუცხადდა, მეოთხედფინალში კი თურქ იაკუპ ერლიქაიას 7:1 მოუგო. დამამშვიდებლის ფინალში მისი მოცილე უკრაინელი ალექსანდრ იევდოკიმოვი ან რუმინელი ლენარდ ბერეი იქნებიან.</p><p>რუსთაველი გურული მერვედფინალში ბულგარელ ზაჰარი ზაშევთან დამარცხდა - 3:4, მანამდე კი ფინელ ვალტერ ლატვალას 10:2 მოუგო. დამამშვიდებელში მისი პირველი მეტოქე ჩეხი დავიდ პრუსა იქნება.</p><p>გუშინ ჩვენგან რამაზ სილაგავაც (55) ჭიდაობდა, მაგრამ პირველივე შეხვედრაში რუმინელ ფლორინ ტიტასთან 4:5 დამარცხდა და რაკი რუმინელმაც მალევე წააგო, ჩემპიონატსაც გამოეთიშა.</p><p><span style="color: #3366ff;"><strong>დღეს იჭიდავებენ </strong></span></p><p>"მარადიულ ქალაქში" დღეს ევროპირველობაში მორიგი ხუთეული ჩაებმება. ჩვენგან <strong>ირაკლი ძიმისტარაშვილი</strong> (60), <strong>ჯონი ხეცურიანი</strong> (67), <strong>ნიკოლოზ ჭიკაიძე</strong> (72), <strong>აივენგო რიკაძე</strong> (82) და <strong>ლუკა ხუციშვილი</strong> (97) იასპარეზებენ.</p><p>ძიმისტარაშვილს საკვალიფიკაციო ეტაპზევე ძლიერი კონკურენტი ერგო - რუსი აბუ მუსლიმ ამაევი. მოგების შემთხვევაში ჩვენებური ბერძენ კირიაკოს ზურნაციდისსა და პოლონელ სებასტიან ნოვიცკის შორის უძლიერესს შეხვდება.</p><p>ხეცურიანი საკვალიფიკაციოში თავისუფალია, პირველ პაექრობას კი ფინელ ელმერ მატილასთან ჩაატარებს. ჭიკაიძე საკვალიფიკაციოში პოლონელ გევორქ გრიგორიანს დაეჭიდება. ჭკუასელიძის დარად, ჩვენი გუნდის კიდევ ერთი გამოკვეთილი ლიდერი რიკაძე პირველ შეხვედრას ხორვატ კარლო კოდრიჩთან გამართავს. ხუციშვილი მერვედფინალში რუს არტურ სარქისიანს დაეჭიდება.</p><p>(იბეჭდება მცირე ცვლილებით)</p><p><strong>ყოველდღიური სპორტული გაზეთი "ლელო"</strong></p><p><br></p>
სოსო
ძალიან მაგარი ბრძოლა ყოფილა,დასასრული კი კინოსათვისაც გამოდგება.ის კი სასიხარულოა,რომ კლასიკური ჭიდაობა თამდათან ისევ სანახაობრივი ხდება.ერთი პერიოდი ყურებაც კი შევწყვიტე,იმ საზიზღრობის საყურებლად,ნერვები აღარ მყოფნიდა.კიდევ ერთი საკითხავი კი ისაა,სტრიმს რატომ არ უჩვენებთ,დავიჯერო არ არის?
B-52
მართლა შოუ დადგა ჩვენმა ფალავანმა.
auee
)))) ეგ რა იყო ნეტავ აა...იმას რომ ჭიდაობა შეაუძულა უკვე მგონი უეჭველია...და თვოთონ ხომ ჩემპიონთა ჩემპიონია რა ...უბრალოფ ყველაზე მოსაწყენი ჭიდაობა გადააქცია სანახაობად ...უფალი გფარავდეთ და მადლობაა....!!!
ლაშა გობაძე რეპეშაჟში დამარცხდა და ოლიმპიური თამაშები მედლის გარეშე დაასრულა
ლაშა გობაძე ოლიმპიური თამაშების მეოთხედფინალში ბულგარელ მეტოქესთან დამარცხდა
რობერტ კობლიაშვილი ოლიმპიადის პირველივე შეხვედრაში დამარცხდა
38 წლის ჟირუ MLS-დან ლიგა 1-ში ბრუნდება - ცნობილია სად ითამაშებს ვეტერანი
"ლივერპულმა" "ნაპოლის" თავდამსხმელი ძვირად დაუფასა
"დილა" სუპერთასის პირველი ფინალისტია
ლუნინი "რეალს" მხოლოდ ერთ შემთხვევაში დატოვებს
2022 წლის შემდეგ პირველად - ნიკოლოზ ბასილაშვილი უიმბლდონის ძირითად ბადეში ითამაშებს
ისტორიული დაპირისპირება: საქართველო ირლანდიის წინააღმდეგ მიხეილ მესხის სტადიონზე - ემოციები და მოლოდინები
კასანომ "ნაპოლის" კვარაცხელიას შემცვლელი ურჩია
"ალ ნასრმა" სტეფანო პიოლი გაათავისუფლა
"მანჩესტერ იუნაიტედმა" და "ჩელსიმ" შესაძლოა ფეხბურთელები გაცვალონ
ზაზა ფაჩულიას აკადემია 14-წლამდელთა ჩემპიონატის გამარჯვებულია | მენსანა ვერცხლს დასჯერდა
"თუ მოიგებ, ოქტაგონს შენი სახით მოვწმენდ" - რატომ დაუპირისპირდნენ თოფურია და ცარუკიანი ერთმანეთს?
ქომაგის რეაქცია, მას შემდეგ, რაც დრაფტზე მისმა გუნდმა რუსი კალათბურთელი აირჩია - ვიდეო სოციალურ ქსელში ვირუსულად ვრცელდება [VIDEO]
მესიც საუდის არაბეთში? - "ალ ჰილალის" პრეზიდენტმა მოლაპარაკებები დაიწყო
ტეო ერნანდესი "მილანიდან" "ალ ჰილალში" გადავა
"წაეთრიე" - "ლიონის" ფანები კლუბის ამერიკელ მფლობელს აუმხედრდნენ
"განავალი უნდა შეჭამო და მოინელო" - "ინტერის" მწვრთნელი პსჟ-სთან მარცხზე
"ტოტენჰემი", "რომა" და სხვები - მიქაუტაძის შეძენის სურვილი რამდენიმე კლუბს აქვს
მოისწრაფიშვილმა "სპარტაკთან" კონტრაქტი გააფორმა
ნიკოლოზ ბასილაშვილი უიმბლდონის კვალიფიკაციის ფინალში გავიდა
გაირკვა სად ჩატარდება თურქეთისა და საქართველოს ნაკრებების მატჩი
ბ/რ ჭიდაობა. ბაქოს ტურნირი: საქართველოს ახალგაზრდული ნაკრების რვა მედალი
ჭიდაობა. ევროპის ჭაბუკთა ჩემპიონატი: ბოლო დღეს იყოჩაღეს - 6 მედალი სერბეთიდან!
ზოიძე ევროპის ჩემპიონატის ფინალში გავიდა - ლოლუას ბრინჯაოს შანსი აქვს
ბერძნულ-რომაული სტილით მოჭიდავეთა ნაკრებს ახალი მთავარი მწვრთნელი ჰყავს
ლერი აბულაძე მსოფლიოს ჩემპიონატის ფინალში გავიდა
ჭიდაობა. მსოფლიოს ჩემპიონატი: ბექა ლომთაძე მსოფლიომდე ამაღლდა [VIDEO]
ქართველმა მოჭიდავე ჭაბუკებმა ირანში გამართულ ტურნირში 6 მედალი დაისაკუთრეს
ბ/რ ჭიდაობა. მსოფლიოს ჩემპიონატი ჭაბუკებში: ბრინჯაოს ხანა
დათუნაშვილის ოქრო სერბეთისთვის - საქართველოს ნაკრებმა მსოფლიოს ჩემპიონატზე 5 მედალი მოიპოვა [VIDEO]
ლერი აბულაძე მსოფლიოს ჩემპიონი გახდა [VIDEO]
ბერძნული როქი - რევაზ ლაშხი ბეგი დარჩიას ნაცვლად
"ველოდებით უკეთესს შედეგს, ვიდრე შარშან" - ახალგაზრდა ქართველი მოჭიდავეები ევროპის ჩემპიონატზე გაეგმზავრნენ
17 მედალი! - ახალგაზრდა ქართველი მოჭიდავეების წარმატება რუმინეთში
თემურ ჭკუასელიძე ევროპის ახალი ჩემპიონია! - "ბერძენ-რომაელთა" ფანტასტიკური სვლა გრძელდება [VIDEO]
მსოფლიოს ჩემპიონატი ახალგაზრდებში: ზვიად პატარიძის ოქროს დასასრული [VIDEO]
ევროპის ახალგაზრდული ჩემპიონატი: კიდევ 2 ოქროსა და 2 ბრინჯაოს შანსი
ლერი აბულაძე ზედიზედ მეორედ გახდა ევროპის ჩემპიონი
ჭიდაობა. მსოფლიოს ჩემპიონატი: ოლიმპიადის კომპენსაციად
ლერი აბულაძე ევროპის ჩემპიონი გახდა
ახალგაზრდა ქართველმა "ბერძენ-რომაელებმა" ევროპის ჩემპიონატზე გუნდური მეორე და 4 მედალი მოიპოვეს
ევროპის ახალგაზრდული ჩემპიონატი: ქართველებმა 1 ოქრო, 1 ვერცხლი და 2 ბრინჯაო მოიპოვეს
ბ/რ ჭიდაობა. მსოფლიოს ჩემპიონატი ჭაბუკებში: 5 მედალი, ოქროს გარეშე
ლერი აბულაძე მსოფლიოს ჩემპიონი გახდა [VIDEO]
ევროპის ახალგაზრდული ჩემპიონატი: არნახული წარმატება - 8 კაცი და 8 მედალი! [VIDEO]