<p>ბათუმის სპორტის სასახლეში გრძელდება 43-ე საჭადრაკო ოლიმპიადა.</p><p>25 სექტემბერს მეორე ტურის პარტიები გათამაშდა და ისე მოხდა, რომ საქართველოს ქალთა და ვაჟთა ნაკრებიც ნორვეგიელებს დაუპირისპირდა.</p><p>მწვრთნელთა გადაწყვეტილებით, ჩვენმა გუნდებმა ლიდერების, პირველ დაფაზე მოთამაშე მოჭადრაკეების - <strong>ნანა ძაგნიძის</strong> და <strong>ბაადურ ჯობავას</strong> გარეშე ითამაშეს. მოთამაშეების დასვენება და როტაციის პრინციპით მოქმედება ოლიმპიადაზე ჩვეულებრივი ამბავია. მით უმეტეს, ახლა, როცა შეჯიბრი ახალი დაწყებულია და მთავარი ბრძოლები ჯერ წინ არის. ნაკრების მწვრთნელები ლიდერებს დასვენების საშუალებას აძლევენ.</p><p>ქალთა ნაკრების პირველ დაფაზე ადგილი <strong>ლელა ჯავახიშვილმა</strong> დაიკავა, რომელმაც თავისი პარტია დათმო და მეორე დღეს კიდევ უფრო მეტი მოტივაციით ითამაშა. ჯავახიშვილმა, ისევე, როგორც სხვა მოჭადრაკეებმა, თავისი პარტიები მოიგო და საქართველოს ნაკრებმა დამაჯერებელი გამარჯვება ჩაიწერა - 4:0.</p><p>ვაჟთა პირველ დაფაზე <strong>მიხეილ მჭედლიშვილმა</strong> გადაინაცვლა, ხოლო მისი ადგილი მეორე დაფაზე ბულგარელმა ივან ჩეპარინოვმა დაიკავა, რომელიც მწვრთნელებმა საწყის ტურში დაასვენეს. სამწუხაროდ, მჭედლიშვილმა თავისი პარტია დათმო. ჩეპარინოვმა გამარჯვებით ანგარიში გაათანაბრა. მეოთხე დაფაზე <strong>ჯოჯუამ</strong> ყაიმი ითამაშა და შეხვედრის ბედი <strong>ლევან ფანცულაიას</strong> და სებასტიან-იოჰან კრისტიანსენის შეხვედრაში გაირკვა - მოჭადრაკეები ყაიმზე შეთანხმდნენ და საბოლოდ 2:2.</p><p>ჩვენი სხვა ნაკრებებიდან განსაკუთრებით საინტერესო ვაჟთა მესამე გუნდის აშშ-სთან დაპირისპირება გახლდათ, რომელიც ტურნირის პირველი ნომერი და ჩემპიონობის ერთ-ერთი უმთავრესი ფავორიტია.</p><p>აშშ-ს პირველ დაფაზე მსოფლიოს რეიტინგის მეორე ნომერი და ამ ოლიმპიადაზე პირველ ნომრად განთესილი ფაბიანო კარუანა ჰყავს, რომელიც 9 ნოემბრიდან, ლონდონში მსოფლიოს პირველ ნომერთან, ნორვეგიელ მაგნუს კარლსენთან ბრძოლაში ჩაებმება და მსოფლიოს ჩემპიონის ვინაობას გამოავლენს. ასეთ ძლიერ ნაკრებს დაუპირისპირდა საქართველოს მესამე ნაკრები, რომელიც 20-წლამდელთა ნაკრების მოჭადრაკეებით არის დაკომპლექტებული. ჩვენმა გუნდმა შეხვედრა 1.5:2.5 დათმო, თუმცა ახალგაზრდა მოჭადრაკეებმა დიდი გამოცდილება მიიღეს. პირველ დაფაზე <strong>ნოე თუთისანმა</strong> ყაიმი ითამაშა ფაბიანო კარუანასთან, რომელიც გამორიცხული არ არის, ნოემბერში მსოფლიოს ჩემპიონი გახდეს.</p><p>აღსანიშნავია, რომ ამ შეხვედრის სიმბოლური სვლა <strong>ნონა გაფრინდაშვილმა</strong> გააკეთა. გაიმარჯვა ვაჟთა მეორე ნაკრებმაც დანიასთან 2.5:1.5. ქალთა მეორე გუნდმა კი შვედეთს 3.5:0.5 აჯობა. ცხადია, აღსანიშნავია მესამე ნაკრების ყაიმიც გერმანიის ნაკრებთან - 2:2.</p><p><span style="color: #3366ff;"><strong>ბათუმი. 23 სექტემბერი-5 ოქტომბერი. საჭადრაკო ოლიმპიადა</strong></span><strong><span style="color: #3366ff;">. II ტური</span></p><p></strong><span style="text-decoration: underline;">ქალები</p><p></span><em><strong>საქართველოს პირველი ნაკრები - ნორვეგია 4:0</strong></em></p><p>1. ლელა ჯავახიშვილი - ოლგა დოლჟიკოვა 1:0</p><p>2. ნინო ბაციაშვილი - ელენ ჰაგესატერი 1:0</p><p>2. ბელა ხოტენაშვილი - ბარფ შეილა საჰლი 1:0</p><p>4. მერი არაბიძე - მონიკა მაჩლიკი 1:0</p><p><em><strong>საქართველოს მეორე ნაკრები - შვედეთი 3.5:0.5</p><p></strong></em>1. სალომე მელია - ინნა აგრესტი 0.5:0.5</p><p>2. ინგა ჭარხალაშვილი - ჯესიკა ბენგსტონი 1:0</p><p>3. სოფიო გვეტაძე - ანჟელინა ფრანსონი 1:0</p><p>4. მირანდა მიქაძე - მარგარიტა ზარიტოვსკაია 1:0</p><p><em><strong>საქართველოს მესამე ნაკრები - გერმანია 2:2</p><p></strong></em>1. ნინო ხომერიკი - ელიზაბეტ პაეტზი 1:0</p><p>2. მარიამ ჯანიაშვილი - ფილიზ ოსმანოდჟა 0:1</p><p>3. ლილე ქორიძე - სარა ჰოლტი 0.5:0.5</p><p>4. თამარ ესაძე - იუდიტ ფუქსი 0.5:0.5</p><p><span style="text-decoration: underline;">ვაჟები</p><p></span><em><strong>საქართველოს პირველი ნაკრები - ნორვეგია 2:2</p><p></strong></em>1. მიხეილ მჭედლიშვილი - არიან ტარი 0:1</p><p>2. ივან ჩეპარინოვი - ოლსენ ოლავ ფროდე ურკედალი 1:0</p><p>3. ლევან ფანცულაია - სებასტიან-იოჰან კრისტიანსენი 0.5:0.5</p><p>4. დავით ჯოჯუა - იოჰან სალომონი 0.5:0.5</p><p><em><strong>საქართველოს მეორე ნაკრები - დანია 2.5:1.5</p><p></strong></em>1. ლუკა პაიჭაძე - ვანგ იაკობ გლადი 0.5:0.5</p><p>2. დავით მაღალაშვილი - სიმონ იენსენ-ბეიკერი 0.5:0.5</p><p>3. თორნიკე სანიკიძე - მიოლერ ბიორნ ოლშნერი 0.5:0.5</p><p>4. გიგა ყუფარაძე - ბუჰლ იონას ბჟერე 1:0</p><p><em><strong>საქართველოს მესამე ნაკრები - აშშ 1.5:2.5</p><p></strong></em>1. ნოე თუთისანი - ფაბიანო კარუანა 0.5:0.5</p><p>2. ლუკა ობოლაძე - ვესლი სო 0:1</p><p>3. ნიკოლოზ პეტრიაშვილი - სამუელ შანკლანდი 0.5:0.5</p><p>4. ნიკოლოზ კაჭარავა - რეი რობსონი 0.5:0.5</p><p>ბათუმი 2018-ზე ვაჟთა შორის მეორე ნომრად განთესილმა რუსეთმა (სერგეი კარიაკინი, იან ნეპომნიაშჩი, ნიკიტა ვიტიუგოვი, დმიტრი იაკოვენკო) ირლანდიას (66) სძლია - 3:1, ოლიმპიადის კიდევ ერთმა ფავორიტმა ჩინეთმა კი 3,5:0,5 აჯობა კოლუმბიას.</p><p>ოლიმპიადაზე პირველად ითამაშა ლეგენდარულმა ინდოელმა დიდოსტატმა, ბათუმი 2018-ის კეთილი ნების ელჩმა ვიშვანათან ანანდმა (2771, გუშინ ის ისვენებდა). სწრაფ ჭადრაკში მსოფლიოს მოქმედმა ჩემპიონმა ავსტრიელ მარკუს რაგერს (2686) მოუგო, ოლიმპიადაზე მე-5 ნომრად განთესილმა ინდოეთმა კი 3,5:0,5 სძლია მეტოქეს.</p><p>კიდევ ერთმა ფავორიტმა აზერბაიჯანმა (შახრიარ მამედიაროვი, ტეიმურ რაჯაბოვი, არკადი ნაიდიჩი, რაუდ მამედოვი) 3:1 მოუგო იტალიას.</p><p>მოულოდნელი შედეგის გარეშე არც ქალთა ტურნირს ჩაუვლია: ფავორიტ რუსეთის მარცხი უზბეკეთთან - 1,5:2,5 - ბათუმი 2018-ის ერთ-ერთ მთავარ მოულოდნელობად უნდა ჩაითვალოს.</p><p>რუსეთის ქალთა ოთხეული - ალექსანდრა კოსტენიუკი, ალექსანდრა გორიაჩკინა, ვალენტინა გუნინა, ნატალია პოგონინა - ოლიმპიადის პირველი ნომერია, მეტოქე კი 31-ე ნომრად გახლავთ განთესილი. ამის მიუხედავად, ფავორიტებმა პარტია ვერ მოიგეს: კოსტენიუკმა, გორიაჩკინამ და გუნინამ ქულები გაიყვეს, თეთრი ფიგურებით მოთამაშე პოგონინა კი ნოდირა ნადირიანოვასთან ვერაფერს გახდა.</p><p>კონკურენტის მარცხით უმალ ისარგებლეს ქალთა მეორე ნომერმა უკრაინამ (თურქმენეთთან 2,5:1,5) და მესამე ნომრად განთესილმა ჩინეთმა. აზიელებმა 3:1 მოუგეს კოლუმბიელებს.</p><p><strong>მომზადებულია batumi2018.fide.com-ის მიხედვით</strong><br></p>
მონტენეგროში მიმდინარე 20 წლამდელთა მსოფლიო ჩემპიონატზე, ყველა ქართველმა მოიგო!
ყველაზე ახალგაზრდა ჭადრაკის ისტორიაში - თინეიჯერი ინდოელი მსოფლიო ჩემპიონობისთვის იბრძოლებს
თბილისის ჭადრაკის სასახლეში დასრულდა ლეგენდარული ქართველი ჩემპიონის, მაია ჩიბურდანიძის თასის გათამაშება
"უდინეზეს" მეკარეს 4-წლიანი დისკვალიფიკაცია ემუქრება
სუპერკომპიუტერმა საკლუბო მუნდიალის ფავორიტი დაასახელა
გუგეშაშვილი "პაოკში" წარადგინეს - ძირითადი მეკარე გუნდს ტოვებს
"ყველას ვეტყვი, სანაპიროზე რას აკეთებდი და ვისთან ერთად" - ცნობილი ფრანგი რეპერი მბაპეს დაემუქრა
38 წლის ჟირუ MLS-დან ლიგა 1-ში ბრუნდება - ცნობილია სად ითამაშებს ვეტერანი
უიმბლდონის პირველ წრეში ბასილაშვილის მეტოქე ცნობილია
კონტემ რასპადორის თაობაზე მოულოდნელი გადაწყვეტილება მიიღო
ილია თოფურიამ სასურველი მეტოქე დაასახელა
"ამ ფეხბურთელს ვაღმერთებ" - ბრედ პიტი
[VIDEO] "რეალის" ლამაზი გოლები "ზალსბურგთან" - ალონსოს გუნდმა ჯგუფში პირველი ადგილი დაიკავა და "იუვენტუსს" შეხვდება
"ლივერპულმა" "ნაპოლის" თავდამსხმელი ძვირად დაუფასა
პსჟ-ს სერიოზული პრობლემა აქვს - "კვარა" და პსჟ ჯორჯიის მწველი მზის ქვეშ
"დილა" სუპერთასის პირველი ფინალისტია
Tutto Juve: ეს შანსი გამოსაყენებელია - მიქაუტაძის შეძენის სურვილი იტალიურ გრანდსაც აქვს
ლუნინი "რეალს" მხოლოდ ერთ შემთხვევაში დატოვებს
ფედელე: კვარაცხელიას შეცვლა? - მხოლოდ ღმერთის იმედი უნდა გვქონდეს
2022 წლის შემდეგ პირველად - ნიკოლოზ ბასილაშვილი უიმბლდონის ძირითად ბადეში ითამაშებს
რონალდომ "ალ ნასრთან" კონტრაქტი გაახანგრძლივა
კასანომ "ნაპოლის" კვარაცხელიას შემცვლელი ურჩია
თოფურია vs ოლივეირა: დიდ დაპირისპირებამდე – წინასწარი ანალიზი და მოლოდინები