"უბრალოდ სხვა გზა არ მქონდა" - გიორგი ზურაბიშვილი "პირველ არხს" ტოვებს

"საზოგადოებრივი მაუწყებლის" სპორტული დეპარტამენტის ხელმძღვანელმა გიორგი ზურაბიშვილმა თანამდებობა დატოვა.ამის შესახებ მან საკუთარ Facebook-გვერდზე დაწერა."სამწლიანი მუშაობის შემდეგ მივიღე გადაწყვეტილება, დავტოვო საზოგადოებრივი მაუწყებელი.უთანხმოების დეტალებზე საუბარი, ვფიქრობ, ჩემი მხრიდან არაეთიკური საქციელი იქნება, ამიტომ ამას არ გავაკეთებ. უბრალოდ ვიტყვი, რომ ტოპ-მენეჯმენტთან პრაქტიკულად ვერცერთ პრინციპულ საკითხზე შეთანხმებას ვერ მივაღწიე და უბრალოდ სხვა გზა აღარ მქონდა, გარდა იმისა, რომ განცხადება დამეწერა და წამოვსულიყავი სამსახურიდან. სხვანაირად, ჩემს თავმოყვარეობას გადავაბიჯებდი, რაც არც მიღირს და არც შემიძლია.პირველ არხზე მუშაობის განმავლობაში უდიდესი გამოცდილება მივიღე. ჩამოვაყალიბე სპორტული რედაქცია, ძალიან კარგი ადამიანებით დაკომპლექტებული. 25 კაცს აღარ დაგთაგავთ, თითოეულს მინდა უდიდესი მადლობა გადაგიხადოთ - ნდობისთვის, სიყვარულისთვის, გაძლებისთვის! =) ამ სამი წლის განმავლობაში გავაშუქეთ არაერთი უმნიშვნელოვანესი სპორტული ღონისძიება. ბევრი ბავშვობის ოცნებაც ამიხდა. რამდენიმე წლის წინ ვერც კი წარმოვიდგენდი, რომ მსოფლიოს და ევროპის ჩემპიონატების ფინალებს სტადიონიდან წავიყვანდი, გავაშუქებდი ჩემს საყვარელ ზამთრის ოლიმპიურ თამაშებს, ევროპის ჩემპიონატს კალათბურთში, დავესწრებოდი ჩემპიონთა ლიგის ფინალებს და ასე შემდეგ. უდიდესი მადლობა ამ შესაძლებლობებისთვის. ჩემთვის განსაკუთრებით ძვირფასია ის დოკუმენტური ფილმები და ჩანახატები, რომლებიც ჩემი სამწლიანი მუშაობის დროს გაკეთდა. კარგია, რომ ამის შესაძლებლობაც მქონდა. კიდევ ბევრი საინტერესო რამის გაკეთება მინდოდა, მაგრამ აღარ გამოვიდა.სხვა რა გითხრათ, იყო ძალიან ბევრი სტრესი და ძალიან დიდი გამოცდილება. უამრავ კარგ და დადებით ემოციასთან ერთად იყო ბევრი უსიამოვნებაც. დავინახე და შევესწარი ადამიანის ბუნების ყველაზე ცუდ გამოვლინებებს, რაც ჩემთვის ძალიან მძიმე საყურებელი იყო და როგორც კაცობრიობის წარმომადგენელს, აწი დიდ ტვირთადაც გამყვება მთელი ცხოვრება. მაგრამ, როგორც ამბობენ, რაც არ გვკლავს, ის გვაძლიერებს! მთლიანობაში ძალიან მადლიერი ვარ ყველაფრისთვის. მხოლოდ 25 წლის ვიყავი, როდესაც ასეთი სერიოზული და უაღრესად საპასუხისმგებლო საქმე ჩავიბარე. მესმის, რომ ჩემს სფეროში ბევრისთვის საოცნებო სამსახურზე ვამბობ უარს, მაგრამ ვფიქრობ, ჩემი სულისთვის და ყოფისთვის ცვლილებების დროა. თუ ერთი ადამიანი მაინც არის ისეთი, ვინც ამ სამი წლის განმავლობაში ჩემგან სულ მცირედი ინსპირაცია მაინც მიიღო, მე უკვე ბედნიერი კაცი ვარ!" - წერს გიორგი ზურაბიშვილი სოციალურ ქსელში.<img src="/media/images/new_photo/2018/SEP18-30/zurabishvili.png" border="0" alt="Sportall.Ge" title=""უბრალოდ სხვა გზა არ მქონდა" - გიორგი ზურაბიშვილი "პირველ არხს" ტოვებს" width="792" />

გილოცავთ!

სწორი გადაწყვეტილებაა, ადრ ეუნდა წასულიყავი! ისე ეს ე.წ. საზოგადოებრივი მაუწყებელი სინამდვილეში კი თავლა საბოლოოდ როდის გაიწმინდება ამნაირი ბალასტისაგან?? რის დეპარტამენტი? რა დეპარტამენტი? აა კარგად ჟღერს არა? თანაც ხელფასიც დეპარტამენტის უფროსის შესაფერისიი, რა კარგი რაჟა სარჩიმელიას ქამარ-ხანჯალიი:)) თქვენს გამო სპორტულ გადაცემებს ხმა გათისულს ვუყურებდიიი!
შიშველი სიმართლე

თავმოყვარეობა მაშინ არ შელახვია, მოსკოვში რომ ჩავიდა პირაპირი რეპორტაჟის წასყვანად და გასამართლებელ საბუთად წვრილი შრიფტით დაწერილი ანტისაოკუაციო მაისური მოიშველია.
ucnobi

ადრე იყო წასასვლელი და როგორც იქნა დაადგა საშველი გვიან მაგრამ მაინც წადი მამა უკეტეს ადგილს გიშოვის ესეც ხომ მამა გიშოვა და შენი ბანდძი სასტავით მოაჯექი რედაქცია
ყური მიგდე

მეც ვუერთდები ყველა ზემოთ თქმულს... ადრე უნდა წასულიყავი ბიძიკო შენ.. სპორტში შენ ვერ ერკვევი, დიქცია შენ არ გივარგა და ხმის ტემბრი... მეც სულ ჩაწეული მქონდა ხმა , როცა ამას ,,მიყავდა,, გადაცემა...
დიმა

ნეტავ ყველა ქართველმა სპორტულმა "კომენტატორმა" ამას მიბაძოს. ამათ მოსმენას ჩუმად იჯდე და უყურებდე ის ჯობია
aleko

აუ ძლივს აღარ მომიწევს ფეხბურთის ყურება უხმოდ
klimenti

თუ ამას მოვესწრებოდი, არ მეგონა! საბედნიეროდ, ჩემი ტელევიზორის პულტს აქვს ღილაკი MUTE-ც. როცა ზურაბიშვილს მიჰყავდა ფეხბურთი, მასზე ხელის დაჭერა გარანტირებული იყო. რამდენი გაგვიძლია - გმირობის ორდენები გვეკუთვნის ძმაო შენი მოსმენისთვის. ცალკე ნერვებს გვიშლიდი და ცალკე ჩვენი გადასახადებით შედგენილი ბიუჯეტიდან ათასობით ლარს იღებდი ხელფასად. თანაც, არ დაგიკლია მსოფლიო, ოლიმპიადის ფინალები. დიდი უსამართლობაა პროფანების წაყვანილი ფეხბურთის რეპორტაჟები - უყურეთ ხშირად რუსულ არხებს ფეხბურთების დროს და იგრძნობთ, რა დღეში გყავთ მაყურებელი :)
ნოდო

დიმას ხო ბევრჯერ შეშლია გვარი მარა მაინც კლასი იყო ამას არცერთხელ შეშლია მარა ჩაწევა მოგინდებოდა ხმის ბოლომდე ფეხბურთი კალათბურთი წყალბურთი რაც კი რეპორტაჟეი იყო სხვადასხვა სახეობაში ყველა მიყავდა :D წარმოიდგინეთ ნიაზმა ჩოგბურთი რო წაიყვანოსხო არ იკადრებს არა პური უნდა აცხოს მეპურემ ყველა სახეობა რატო უნდა მიგყავდეს ?
odala

ან აქამდე რა გინდოდა?! ბიძია, დაიწყეთ ქვემოდან და ადით მერე თავში. გახდით ჩემპიონები თქვენი საქმის, ყველას გაგვიხარდება პროფესიონალი კადრები. ასე უკუღმა დაწყება ჩვენისთანა უკუღმართ ქვეყნებში ხდება მხოლოდ - ჩაწყობით, მოწყობით, მამიკოს ბიჭობით.

მაუროს თავს ცუდი ამბებია, შვილები აღარ ელაპარაკებიან და ერთ-ერთმა გვარის შეცვლა გადაწყვიტა

[VIDEO] ზურაბ კახაბრიშვილის გმირობა - მადლიერი უნგრელი სპორტსმენის ინტერვიუ

"ჯერ არ გადაგვიწყვეტია" - ოლიმპიური კომიტეტის პრეზიდენტი რუსი სპორტსმენების ოლიმპიადაზე მონაწილეობასთან დაკავშირებით

"ნაპოლიმ" სიმეონე "ტორინოში" გაანათხოვრა

ფიფას ტალანტების განვითარების სქემის კოორდინატორის ვიზიტი საქართველოში

"ბარსელონას" ხელმძღვანელობის გადაწყვეტილებით ტერ-შტეგენს კაპიტნის სამკლაური ჩამოართვეს

"მესმის, რომ "მანჩესტერ იუნაიტედი" უდიდესი კლუბია, მაგრამ არა დღესდღეობით" - შირერმა შეშკოს "მანკუნიანელებში" შესაძლო ტრანსფერზე ისაუბრა

"არ მესმის, ისაკის ტრანსფერი მბაპეს ფასი რატომ უნდა დაგვიჯდეს?" - კარაგერის მოსაზრება შვედის ტრანსფერთან დაკავშირებით

პსჟ-მ შეკრება დაიწყო - "ლივერპული" მათი ორი შემტევის შეძენას გეგმავს

ოდიშარია განაცხადში არ იყო - რფს სახლში "კუპსთან" დამარცხდა

ოფიციალურად - ტომას მიულერი "ვანკუვერ უაიტკეპსის" ფეხბურთელი გახდა

ქართველი მსაჯები კონფერენს ლიგის მატჩს მოემსახურებიან

არაბიძემ კორეულ კლუბს ფიფაში უჩივლა და 2.88 მილიონს მიიღებს

საქართველოს ნაკრების კალათბურთელმა "ბაიერნში" გადასვლის შემდეგ განცხადება გააკეთა: ევრობასკეტზე ჯგუფური ეტაპი უნდა დავძლიოთ და შემდეგ ყველაფერია შესაძლებელი

თანამდეობაზე მხოლოდ რამდენიმე თვე დაჰყო - საქართველოსთან განადგურებული ვან'ტ სხიპი სომხეთის ნაკრებიდან დაითხოვეს

შეშკომ არჩევანი გააკეთა - "ლაიფციგის" ფორვარდი კარიერას პრემიერ ლიგაში განაგრძობს

"ბარსელონა" ლა ლიგაში სეზონის დაწყებას საკუთარ სტადიონზე გეგმავს

დარვინ ნუნიესმა მამარდაშვილის "ლივერპული" დატოვა - ფეხბურთელი კარიერას საუდის არაბეთში განაგრძობს

ლუკა იოვიჩი კარიერას საბერძნეთის ჩემპიონატში განაგრძობს

Geo Team: გიორგი გოჩოლეიშვილი კარიერას გერმანიის ბუნდესლიგაში განაგრძობს

[VIDEO] "ძალიან დამწუხრებული ვარ... ახლა მას ჩემთან საუბარი, რომ შეძლებოდა, ამას მეტყოდა..." - მოურინიო პრესკონფერენციაზე ატირდა

ერთი ნაბიჯი ტურნირის ძირითად ბადემდე - ბასილაშვილი ცინცინატის მასტერსის კვალიფიკაციის ფინალშია

U19 | მონტენეგრო 2:1 საქართველო

გაოცებულ-გაოგნებულ მდგომარეობაში ვარ - ინტერვიუ სანდრო ცნობილაძესთან

"იქ იყავით, ბასილაშვილი ცოლს რომ ურტყამდა?!" - გიორგი ზურაბიშვილი ნიკას გამარჯვებაზე

ბევრი სიახლე და კონტაქტი ქომაგთან - საზოგადოებრივი მაუწყებელი სპორტულ ტალღაზე

დავით მინაშვილი "საზ. მაუწყებელზე" პირდაპირ რეპორტაჟებს აღარ წაიყვანს

თემურ ქეცბაიას რისხვა კომენტატორებს: ყველას გვინდა, რომ სხვას ვასწავლოთ ჭკუა [VIDEO]

"პირველი არხი" "ტორპედოს" მატჩის ტრანსლირებასთან დაკავშირებით განცხადებას ავრცელებს

დავით მინაშვილი: მე ჯერჯერობით შვებულებაში ვარ და ვერაფერს გეტყვით

"არ შეიძლება ტალახის სროლა, როდესაც საქმის ვითარებაში გარკვეული არ ხარ"