თავისუფალი სტილით ჭიდაობაში მსოფლიო ჩემპიონ ძმებს, ავთანდილ (74 კგ) და ნიკოლოზ (79 კგ) კენჭაძეებს თბილისში ოროთახიანი ბინა საჩუქრად გადაეცემათ.

ამის შესახებ ინფორმაციას რაჭა-ლეჩხუმისა და ქვემო სვანეთის მხარის Facebook-გვერდი ავრცელებს.

"ძმებ კენჭაძეებს დეპუტატის - გოჩა ენუქიძის ინიციატივითა და შუამდგომლობით, თბილისში ოროთახიანი ბინა გადაეცემათ.

ამის შესახებ განცხადება მან ჭრებალოს სპორტულ დარბაზში გააკეთა. საჩუქარი ყველასთვის მოულოდნელი აღმოჩნდა და განსაკუთრებული აღფრთოვანება გამოიწვია, რადგან ბიჭებს ამ დრომდე თბილისში საკუთარი სახლი არ ჰქონდათ.

გუბერნატორისა და მუნიციპალიტეტის ხელმძღვანელების გადაწყვეტილებით კი, ახლად აშენებულ ჭრებალოს საჭიდაო დარბაზს მათი სახელი მიენიჭება", - ვკითხულობთ რაჭა-ლეჩხუმისა და ქვემო სვანეთის მხარის Facebook-გვერდზე.

ძმები ამბროლაურის მუნიციპალიტეტის სოფელ პირველი ტოლიდან არიან და გარკვეული პერიოდის განმავლობაში ჭრებალოს საჯარო სკოლაში სწავლობდნენ.

მომზადებულია რაჭა-ლეჩხუმისა და ქვემო სვანეთის მხარის Facebook-გვერდის მიხედვით

U23. კენჭაძე და მაჭარაშვილი მსოფლიოს ჩემპიონები გახდნენ [VIDEO]

თეგები:

ნიკოლოზ კენჭაძე

ავთანდილ კენჭაძე

გაზიარება:

(0)

/

(0)