22 მარტს ზაზა ფაჩულიას "დეტროიტ პისტონსი" "ფინიქს სანსს" ესტუმრა და ანგარიშით 118:98 დაამარცხა.

ქართველმა ცენტრმა მოედანზე მხოლოდ 4 წუთი ითამაშა და აქტივში 1 პასი ჩაიწერა.

შეხვედრაში ყველაზე მეტი, 26 ქულა ფინიქსელთა გამთამაშებელმა დევინ ბუკერმა ჩააგდო. "დეტროიტიდან" კი ყველაზე მეტი, 25 ქულა ვეინ ელინგტონმა მოაგროვა.

ბლეიკ გრიფინმა 17 ქულა, 8 პასი და 7 მოხსნა მოაგროვა, ხოლო ანდრე დრამონდმა, როგორც ყოველთვის, ყველაზე მეტი, 19 მოხსნა მოიპოვა და 16 ქულა ჩააგდო.

"დეტროიტს" 37 მოგება და 34 მარცხი მოუგროვდა. ამ მაჩვენებლით "პისტონსი" აღმოსავლეთ კონფერენციაში მე-6 ადგილს იკავებს.

მომდევნო მატჩს ზაზა ფაჩულიას გუნდი 24 მარტს სტუმრად "პორტლენდთან", ჩვენი დროით 06:00 საათზე გამართავს.

დღის სხვა მატჩები ასე დასრულდა:

გოლდენ სტეიტი-ინდიანა 112 : 89

საკრამენტო-დალასი 116:100

ატლანტა-იუტა 117:114

შარლოტი-მინესოტა 113:106

ვაშინგტონი-დენვერი 108:113

თეგები:

ზაზა ფაჩულია

ბლეიკ გრიფინი

ანდრე დრამონდი

დეტროიტ პისტონსი

გაზიარება:

(0)

/

(0)