პაატა ღუდუშაურის დედა: ჩემი შვილი თანაგუნდელების, გეთიაშვილისა და მაისურაძის მხრიდან ზეწოლის მსხვერპლია

სადისციპლინო კომიტეტს აბსოლუტურად არ შეუსწავლია საქმის მასალები. გონივრული ეჭვი მაქვს, რომ ეს გადაწყვეტილება წინასწარ ჰქონდათ მიღებული და უბრალოდ, ფორმალურად ჩაატარეს კომიტეტის სხდომა, - ამის შესახებ "ინტერპრესნიუსს" "ვიტ ჯორჯიას" ფეხბურთელის, პაატა ღუდუშაურის დედამ, ხათუნა მწითურმა განუცხადა. ამით იგი გამოეხმაურა ფეხბურთის ფედერაციის სადისციპლინო კომიტეტის გადაწყვეტილებას ხუთი ფეხბურთელისთვის საფეხბურთო საქმიანობის სამუდამოდ აკრძალვის შესახებ.როგორც ხათუნა მწითური ჰყვება, საქმის მასალებით მტკიცდება, რომ მისი შვილი პაატა ღუდუშაური საკუთარი თანაგუნდელების - გიორგი გეთიაშვილისა და ნიკოლოზ მაისურაძის - მხრიდან ფსიქოლოგიური ზეწოლის მსხვერპლია. მისივე ინფორმაციით, ფეხბურთის ფედერაციის სადისციპლინო კომიტეტის სხდომაზე გეთიაშვილმა და მაისურაძემ მის შვილზე ზეგავლენის ფაქტები დაადასტურეს. როგორც ხათუნა მწითური აღნიშნავს, ის ფედერაციის გადაწყვეტილებას გაასაჩივრებს და სამართლებრივ ბრძოლას გააგრძელებს."ძალიან უსამართლოა, ძალიან გულდაწყვეტილი ვარ. სიმართლე გითხრათ, ნამდვილად არ ველოდი ასეთ გადაწყვეტილებას. ისე გამოვიდა, რომ უსაფრთხოების სამსახური და პროკურატურა უფრო გულშემატკივრობს პაატა ღუდუშაურს, ვიდრე მისი ოჯახი - ფეხბურთის ფედერაცია. ეს არის ძალიან დიდი საქმე, რომელსაც ჩემს ადვოკატთან ერთად 3 დღის განმავლობაში შევისწავლიდი. არ გამიკეთებია არცერთი საჯარო განცხადება, სანამ საქმის მასალებს ბოლომდე არ გავეცნობოდი, რომ მე მორალური უფლება მქონოდა, პაატაზე საერთოდ რამე მეთქვა. აღმოჩნდა, რომ ეს ბავშვი თავისი თანაგუნდელების მხრიდან მორალური წნეხის და ზეწოლის მსხვერპლია.კომიტეტის სხდომაზე მე სიტყვით გამოვედი. ალბათ, იმ ჩანაწერებს არ წაშლიან, სადაც ასახულია, რომ პაატას თანაგუნდელებს, ფაქტობრივად, აღიარებითი ჩვენება ვათქმევინე, რადგან პაატა მათი მხრიდან ფსიქოლოგიური ზეგავლენისა და მორალური წნეხის ქვეშ იყო მოქცეული.სხდომაზე გიორგი გეთიაშვილს ვკითხე, მართალია თუ არა, რომ ის პაატას ტელეფონზე ურეკავდა და ეუბნებოდა, რომ თუ არ დაეხმარებოდა, თავს ჩამოიხრჩობდა, რაზეც გეთიაშვილმა განაცხადა, რომ მართალია.ასევე, საქმის მასალებით მტკიცდება, რომ ნიკოლოზ მაისურაძეც ძალიან ხშირად ურეკავდა პაატას და ეუბნებოდა, რომ სადღაც ბინაში უნდა ავიდეს, რომ თუ ასე არ მოიქცეოდა, ამით ფაქტობრივად ყველას გაწირავდა. ანუ ადვილად მოწყვლადი და ემოციური ბავშვი შეარჩიეს იმიტომ, რომ ეს იმ თამაშებში სასურველი შედეგის დადებაში, სავარაუდოდ, ხელს შეუშლიდა", - განაცხადა ხათუნა მწითურმა.პაატა ღუდუშაურის დედის განცხადებით, სადისციპლინო კომიტეტის წევრებს საქმის მასალების გაცნობის სურვილი და ინტერესი არ ჰქონიათ. მწითური კომიტეტის სხდომის ვიდეოჩანაწერის გასაჯაროებას ითხოვს, სადაც ის სიტყვით გამოვიდა. მისი თქმით, აღნიშნულ ჩანაწერში ჩანს გეთიაშვილისა და მაისურაძის აღიარება პაატა ღუდუშაურზე ფსიქოლოგიურ ზეწოლასთან დაკავშირებით."პაატა, ფაქტობრივად, გიორგი გეთიაშვილისა და ნიკოლოზ მაისურაძის გაზრდილია. ზეწოლის ბრალი იყო თუ წნეხის, პაატა მაინც აღმოჩნდა იმ მხარეს, სადაც არ იყო სიმართლე. შესაბამისად, მე თავად მოვითხოვე კომისიის სხდომაზე, რომ პაატა ადეკვატურად დასჯილიყო, იქნებოდა ეს 6 თვით თუ 9 თვით საქმიანობის შეჩერება.საქმე იმაშია, რომ ეჭვიც არ მეპარება, რომ ფეხბურთის ფედერაციამ არ შეისწავლა საქმის მთელი მტკიცებულებები. გარდა ამისა, კომიტეტის სხდომაზე დავინტერესდი, რატომ არ იყო დაბარებული საქმის უშუალო მწარმოებელი, სუს-ის თანამშრომელი ბატონი დავითი. მას რატომ არ მოუსმინეს? აშკარა იყო, რომ კომიტეტის წევრები საქმის მასალებს არ იყვნენ გაცნობილნი, არც ინტერესი ჰქონდათ. გონივრული ეჭვი მაქვს, რომ ეს გადაწყვეტილება წინასწარ ჰქონდათ მიღებული და უბრალოდ, ფორმალურად ჩაატარეს კომიტეტის სხდომა.შეიძლება სენსაციურ განცხადებას ვაკეთებ, მაგრამ ძალიან მადლობელი ვარ უსაფრთხოების სამსახურის. ისინი ვერაფერს ვერ იზამდნენ, მათი მოვალეობა იყო. ფეხბურთის ფედერაციამ და ლევან კობიაშვილმა კი გული დამწყვიტეს. მე კობიაშვილის კარგი გადაწყვეტილებებიც მინახავს და ნამდვილად არ ველოდი, რომ ასე გაიმეტებდა მის მიერ დასაცავ, საკუთარი ოჯახის წევრ ბავშვებს. მოხევე კაცს ეგ არ შეეფერება, არ ეკადრებოდა,," - განაცხადა ხათუნა მწითურმა.ფეხბურთის ფედერაციის სადისციპლინო კომიტეტმა მატჩების გარიგების საქმის გამო , თბილისის "ვიტ ჯორჯიას" ხუთ მოთამაშეს - გიორგი გეთიაშვილს, ჯონი შეროზიას, ნიკოლოზ მაისურაძეს, ნოდარ კიკნაველიძესა და პაატა ღუდუშაურს საფეხბურთო საქმიანობა სამუდამოდ აუკრძალა, ხოლო თავად კლუბს ექვსი ქულა დააკლდა და 50 ათასი ლარით დაჯარიმდა. აღსანიშნავია, რომ ყველა მათგანი საქმეზე ბრალდებულია, თუმცა აღკვეთის ღონისძიების სახით გირაოს საფუძველზე გათავისუფლდნენ. წყარო: IPN.GE <a href="https://www.interpressnews.ge/ka/article/549109-pexburteli-giorgi-getiashvili-bodishs-vuxdi-sazogadoebas-vit-jorjias-arc-ert-pexburtels-garigebul-matchebze-tanxa-ar-agvigia/" target="_blank" style="margin: 0px; padding: 0px; color: #000000; text-decoration: none; font-family: bpg_arialregular; font-size: 16px; font-style: normal; font-variant-ligatures: normal; font-variant-caps: normal; font-weight: 400; letter-spacing: normal; orphans: 2; text-align: left; text-indent: 0px; text-transform: none; white-space: normal; widows: 2; word-spacing: 0px; -webkit-text-stroke-width: 0px; background-color: #ffffff;"></a>

ანი ანის

თანაც ლამაზად აწყობს თამაშებს,ჰოდა ესეთი ბინძური ადამიანები ფეხბურთისგან შორს უნდა იყვნენ,მოსიარულე გვამები ტომ იძახი შენი ღუდუშაურის ფასი ნაკრებში აქვთ ნათამაშები ნახევარი ტაიმი,ისე ლამაზი მაინცც იყო,ცოტა საკუთარ თავს მიხედე,
ვაი ვაი

ვერაფერი რომ ვერ გაიგეთ, გონებაც რომ არ გყოფნით რამე გაიგოთ ან გაიაზროთ. პაატა ღუდუშაურია ერთადერთი ამ 11 კაციდან ვისთანაც არ იკვეთება ანგარება, გასაგებია??, ხოდა 203-ე მუხლი თუ ანგარება არ არის საერთოდ ჩამოშლილია, ყველას უნდა ფული პაატა ღუდუშაურის გარდა. ამას იმიტომ კი არ ვწერ, რომ მე მინდა ასე იყოს, იმიტომ რომ საქმის მტკიცებულებებიდან ასეა.
ანი ანი

საცოდავო ბოღმიანებო კომენტარების წერის მეტი ცხოვრებაში არაფერი რო არ გიკეთბიათ რა გჭირთ რამ გაგაბოროტათ ესე ?? გინახავთ გუდუშაურის თამაში ეს ბიჭიალამაზებს ქაღთულ ფეხბურთს ნიჭი ტალანტი აქვს რომელიც ერთულებია დღეს მოსიარულე გვამე რო დარბიან სტადიონზე იმასმიხედეთ პაატ ითამაშებს დიდ ფეხბურტს და იტყვის თავის სიტყვას
გოგლიკა

"ბავშვზე" კომენტარები უკვე საკმარისად გაკეთდა და აღარ შევჩერდები. რაც შეეხება საქმის მასალების გაცნობა/არგაცნობის საკითხს, ძალიანაც კარგი, რომ არ გაეცვნენ. ფაქტია, რომ ქალბატონი ხათუნი თვითონაც ადასტურებს მისი შვილის ამ საგმირო საქმეში მონაწილეობის ფაქტს და მანდ დაისვას წერტილი. იარაღის მუქარის ქვეშ არ მიუღია ბავშვს ეს გადაწყვეტილება და სხვა ფაქტორები ნაკლებად მნიშვნელოვანია. სულ რაღაც მიზეზებით რომ აპრავებდნენ ადრე მსგავს დანაშაულზე, იმიტომაც უბერავენ ბავშვები ჯიგრულად. მადლობა თქვან რო არ იჭერენ და ფეხბურთს არ გაეკარონ უბნის დონეზეც. ერთხელ და სამუდამოდ უნდა მივიდეთ იქამდე, რომ მსგავსი ტიპის დამნაშავეები უმკაცრესად დაისაჯონ ფედერაციის მხრდან მაინც!!!
kote

იმედია, ხვალ ბავშვებს არ დააყენებენ და საჯაროდ არ ატირებენ, მშივრები ვრჩებითო... დისკვალიფიკაცია მისცეს, ხომ არ დაუჭერიათ, წავიდეს, სხვა საქმე მონახოს. სამომავლოდ სხვებისთვის მაინც იქნება ჭკუის სასწავლებელი, "ხათრით" რომ არ აკეთონ ეგეთი რამეები. აბა ესენი საკუთარი ამბიდანაც დასკვნებს ვერ აკეთებენ.
დავითი

მკაცრი და საჭირო გადაწყვეტილება იყო... მაგრამ არა სასტიკი. 18 წელს ზევით ადამიანი სრულწლოვანია და ბავშვი ბავშვის ძახილით მკვლელობის, ძარცვის და გაუპატიურების გამართლებაც შეიძლება
გიორგი

რა ბავშვი, ხალხო, როდის გაიგებთ, რომ კანონის წინაშე არათუ 18, არამედ 16 წლის მოზარდიც ბავშვი აღარაა? დედის ტკივილის მესმის, მაგრამ კითხვას ვსვამ იქვე, ეს თანხა უმტკივნეულოდ რომ მოეტანა შინ, პროტესტის გრძნობა გაგიჩნდებოდათ?
Mero

ბჟუტურია, მაგნაირი "ზეწოლით" შეიძლება მოიპარო, მოკლა ... და "მერე რა?"

სამი ფრე და "დილას" მოგება ბათუმში

ტური 14: დაძაბულობა, ბოლო წუთების დრამა, სადებიუტო გოლები

"იბერია 1999" და "ტორპედო" კვლავ იგებენ

20 წ. | მსოფლიომდე ინგლისთან

თოფურია vs ოლივეირა: დიდ დაპირისპირებამდე – წინასწარი ანალიზი და მოლოდინები

"მათ კომპლექსები არ გააჩნიათ" - ლაპორტა "ბარსელონას" ფეხბურთელებზე

ხვიჩას დაჯილდოება, მიქაუტაძისა და დავითაშვილის გადამწყვეტი მატჩი და სხვა ამბები

[VIDEO] ბრწყინვალე იამალის გოლი და საგოლე პასი - "ბარსელონა" ვადამდე გახდა ჩემპიონი

[VIDEO] უმძიმესი კადრები "ელ პრატიდან" - "ესპანიოლი" "ბარსელონას" მატჩი რამდენიმე წუთით შეჩერდა

ლეგენდა მიდის - "ლიონის" მთავარი თავდამსხმელი მიქაუტაძე გახდება

ევროპის ჩემპიონატზე საქართველოს ნაკრების მეტოქეები ცნობილია

Ballon d'Or 2025: კვარაცხელია რეიტინგში კიდევ უფრო დაწინაურდა

მოურინიოს პორტუგალიის ნაკრების მწვრთნელად არ დანიშნავენ

მარადიშვილი საქართველოს ნაკრების ფეხბურთელი უნდა გამხდარიყო, ახლა კი შეიძლება კარიერის დასრულება მოუწიოს

"ესპანელი ბიჭუნა ხარ" - მახაჩევმა თოფურიას მიმართა

პსჟ გოლების მანქანის შეძენას გეგმავს

"რეალისთვის" ყველაფერი გავაკეთე" - კარლო ანჩელოტი

სუპერლიგის ფინალურ სერიაში "ქუთაისი" და თსუ შეერკინებიან

ფეხბურთელი, რომელმაც კვარასთან ერთად სკუდეტო მოიგო, სერია C-ში ითამაშებს

"დე ბრუინს "ნაპოლის" შესახებ ეს უთხრეს" - ცნობილმა იტალიელმა ჟურნალისტმა ბელგიელზე ისაუბრა

"ქართული ფეხბურთის ხარისხი იზრდება და ეს შთაგონება სხვა პატარა ქვეყნებისთვისაცაა" - სავიოლა ლეგენდების მატჩის წინ

"იცით, "ალავესის" ფეხბურთელმა რა მითხრა?" - მამარდაშვილი

უარი "ლივერპულს" და "ჩელსის" - ალონსოს ინიციატივით "რეალმა" პირველი ტრანსფერი შეათანხმა

"ერთი სული გვქონდა, როდის დასრულდებოდა ეს ყველაფერი" - ექსკლუზიური ინტერვიუ მატჩების გარიგებაში ბრალდებულ ფეხბურთელთან

გიორგი გეთიაშვილი: ჩემ მიმართ გადაწყვეტილება სამართლიანია, მაგრამ ღუდუშაურსა და კიკნაველიძეს ბრალი არ მიუძღვით

გიორგი გეთიაშვილი გარიგებულ მატჩებზე: ეს "ვერგაკეთებული თამაშის ვალი" იყო - ფული არ აგვიღია

"გაგრა": ანატოლი პისკოვეცის ახალი ხუთეული

"ᓕᓘᓢ ᓯᓝᓠᓯᓘᓐᓛ" ᓐᓛᓮᓐᓜᓐᓒᓣᓠ ᓛᓐᓢᓩᓨᓘ ᓗᓑᓘᓚᓘᓡᓘᓡ "ᓓᓘᓜᓐᓛᓝᓡ" ᓓᓣᓑᓚᓔᓑᓡ ᓛᓝᓣᓒᓝ

გარიგებული მატჩების საქმე - ლაშა ჩაფიძეს გირაო შეეფარდა, 3 დაკავებული პატიმრობაში რჩება

ნიკა მაისურაძემ შესაძლოა, სადისციპლინო კომიტეტის გადაწყვეტილება გაასაჩივროს

U17. ქართველმა მოჭიდავეებმა ევროპის ჩემპიონატზე 6 მედალი მოიპოვეს

ჯონი შეროზიას ადვოკატი ფეხბურთის ფედერაციას უდანაშაულობის პრეზუმფციის დარღვევაში ადანაშაულებს

ადვოკატი: ჯონი შეროზიამ გარიგებულ მატჩში მონაწილეობა სხვისი სიცოცხლის გადასარჩენად მიიღო

"თავს ვალდებულად ვთვლი, ე.წ. გარიგებული მატჩების საქმეზე გავაკეთო განცხადება და პირველ რიგში..."

დილა-ვიტ ჯორჯია 4:2 - უხვგოლიანი სპარინგი გორში

გარიგებული მატჩების საქმეზე ბრალდებული 11 ფეხბურთელის სასამართლო პროცესი დღეს გაიმართება