<p><p><p>ქართველი რიკიში გაგამარუ მასარუ, იგივე თეიმურაზ ჯუღელი, უმძიმესი ტრავმის შემდეგ სუმოდან წავიდა და ამის შესახებ სოციალურ ქსელ "ფეისბუქში" დაწერა, შემდეგ კი ინტერვიუ "პირველ არხს" მისცა.</p></p></p><p><p><p>"მოგესალმებით, ჩემო ძვირფასო გულშემატკივრებო. მინდა დიდი მადლობა გადაგიხადოთ 15-წლიანი გულშემატკივრობისთვის. იყო ბევრი გამარჯვება, ბევრი დამარცხება, მაგრამ თქვენი გულშემატკივრობა იყო ის, რაც ყოველთვის მაძლიერებდა, მამხნევებდა და მუდამ შემართებით მაბრუნებდა დოჰიოზე. 2005 წლის ნოემბერში დაიწყო ჩემი პირველი ბაშო და ზუსტად 15 წლის შემდეგ, სამწუხაროდ, მომიწია სპორტიდან წასვლა. ვთვლი, რომ ეს ჩემს ცხოვრებაში საუკეთესო წლები იყო. იმედია, სუმოსთვის თავის დანებების შემდეგაც შევძლებ ფეხზე წამოდგომას და ჩემი ქვეყნის სიყვარულში კიდევ სხვა კარგი საქმეების კეთებას. მადლობა დიდი კიდევ ერთხელ და ყოველთვის ❤️" - დაწერა გაგამ.</p></p></p><p><p><p>"ყველას მადლობა გულშემატკივრობისა და გვერდში დგომისთვის, რომელიც მე რთულ პერიოდში თქვენგან ვიგრძენი. კარიერის მანძილზე ბევრი ტრავმა მიმიღია, თუმცა ყველაზე მძიმე გასული წლის ნოემბერში იყო. პრობლემა ორივე მუხლზე შემექმნა და კარიერაში პირველად გამოვტოვე ბაშო.</p><p>ბევრ ექიმთან ვიყავი, ოპერაციაზეც ვფიქრობდი, თუმცა ყველა მეუბნებოდა, რომ სპორტში დაბრუნება ძალიან გამიჭირდებოდა, რადგან არცერთ მუხლში ხრტილი აღარ მაქვს...</p><p>კარგი ფორმის დაბრუნება შეუძლებელი იქნებოდა, ისე კი სუმოში გაჩერებას აზრი არ აქვს.</p><p>6 წლიდან სპორტში ვარ და ახლა უფრო მეტი თავისუფალი დრო მექნება. ჯერ დაგეგმილი არაფერი მაქვს, ზუსტად არ ვიცი, რას გავაკეთებ.</p><p>მე მაკუუშიტას დივიზიონიდან ელიტაში დაბრუნება გულშემატკივრების მხარდაჭერით შევძელი და კიდევ ერთხელ დიდი მადლობა იაპონელ გულშემატკივრებს და ორჯერ დიდი მადლობა ქართველებს.</p><p>როცა ვფიქრობ, რომ იაპონიაში 15-წლიანი ცხოვრების შემდეგ აქაურობა უნდა დავტოვო, გული მწყდება აქაურობაზე, თუმცა გამორიცხულია, სულ იაპონიაში ვერ დავრჩები.</p><p>წინ თმის შეჭრა მელოდება და ეს პროცესიც, ვიცი, ცალკე სტრესი იქნება", - უთხრა გაგამარუმ "პირველ არხს".</p><p>გაგამარუ პირველად ბაშოზე 2006 წელს გავიდა. უმაღლეს, მაკუუჩის დივიზიონში კი დებიუტი 2010 წელს ჰქონდა. 2012 წელს ჰაცუ ბაშოს ვიცე-ჩემპიონი გახდა და კომოსუბის ტიტულიც დაიმსახურა. ბოლო ბაშო კი მაკუუჩის დივიზიონში 2017 წელს ჩაატარა.</p><p>გაგას ორჯერ აქვს მიღებული სპეციალური პრიზი მებრძოლი სულისათვის და ერთხელ კი "ოქროს ვარსკვლავიც" დაიმსახურა იოკოძუნა ჰარუმაფუჯის დამარცხების სანაცვლოდ.</p><p><p></p></p><br></p>
ვახტანგ ეზიეშვილი
მადლობა გაგა ყველაფრისთვის რაც ქართველ გულშემატკივარს აჩუქე შენი თავდადებული სუმოთი. წარმატებას გისურვებ .
კ ო მ ბ ლ ე
რა თავს იკლავდი, ვერ მიბაძე ფეხბურთელებს?
ჟორა გაბრიჭიძე
თემურ ძვირფასო, სუმოსა და მაყურებლის წინაშე მართალი კაცი ხარ, 15 წელი იცხოვრე მათთვის. ცხოვრება გრძელი გზაა, ამიტომ ჯანმრთელობასაც უნდა მიხედო. მადლობა სიხარულისთვის, წარმატებები დარჩენილ ცხოვრებაში.
თენგაბი
რაღაცა მთავრდება, რაღაც ახალი იწყება. წარმატებები ხვალინდელ გზაზე
geo
მადლობა.
giabar
მადლობა გულიანი და კაცური ასპარეზობისთვის. ოდესღაც ყველაფერი მთავრდება და გული არ უნდა გაიტეხოთ. წარმატებები....
"ბიჭების გამო მაინც დარჩი, შენთან ერთად ვარჯიში მათთვის დიდი გამოცდილებააო" - ტოჩინოშინის ინტერვიუ კვირის პალიტრასთან
ტოჩინოშინმა საიუბილეო, მე-100 ბაშო ნაადრევად შეწყვიტა
ტოჩინოშინმა ტაკარაფუჯი მარტივად დაამარცხა [VIDEO]
ერთი ქართველი წავიდა, მეორე მიდის - ჩაკვეტაძის დამატება "ვალენსიას" სურს
გუგეშაშვილი "პაოკში" წარადგინეს - ძირითადი მეკარე გუნდს ტოვებს
38 წლის ჟირუ MLS-დან ლიგა 1-ში ბრუნდება - ცნობილია სად ითამაშებს ვეტერანი
"ლივერპულმა" "ნაპოლის" თავდამსხმელი ძვირად დაუფასა
"დილა" სუპერთასის პირველი ფინალისტია
ლუნინი "რეალს" მხოლოდ ერთ შემთხვევაში დატოვებს
2022 წლის შემდეგ პირველად - ნიკოლოზ ბასილაშვილი უიმბლდონის ძირითად ბადეში ითამაშებს
ისტორიული დაპირისპირება: საქართველო ირლანდიის წინააღმდეგ მიხეილ მესხის სტადიონზე - ემოციები და მოლოდინები
კასანომ "ნაპოლის" კვარაცხელიას შემცვლელი ურჩია
"ალ ნასრმა" სტეფანო პიოლი გაათავისუფლა
"მანჩესტერ იუნაიტედმა" და "ჩელსიმ" შესაძლოა ფეხბურთელები გაცვალონ
ზაზა ფაჩულიას აკადემია 14-წლამდელთა ჩემპიონატის გამარჯვებულია | მენსანა ვერცხლს დასჯერდა
ქომაგის რეაქცია, მას შემდეგ, რაც დრაფტზე მისმა გუნდმა რუსი კალათბურთელი აირჩია - ვიდეო სოციალურ ქსელში ვირუსულად ვრცელდება [VIDEO]
მესიც საუდის არაბეთში? - "ალ ჰილალის" პრეზიდენტმა მოლაპარაკებები დაიწყო
ტეო ერნანდესი "მილანიდან" "ალ ჰილალში" გადავა
"წაეთრიე" - "ლიონის" ფანები კლუბის ამერიკელ მფლობელს აუმხედრდნენ
"ტოტენჰემი", "რომა" და სხვები - მიქაუტაძის შეძენის სურვილი რამდენიმე კლუბს აქვს
მოისწრაფიშვილმა "სპარტაკთან" კონტრაქტი გააფორმა
ნიკოლოზ ბასილაშვილი უიმბლდონის კვალიფიკაციის ფინალში გავიდა
გაირკვა სად ჩატარდება თურქეთისა და საქართველოს ნაკრებების მატჩი
ახალი ბანძუკე გამოქვეყნდა - ტოჩინოშინი რეიტინგში მნიშვნელოვნად დაწინაურდა!
ახალი ბანძუკე გამოქვეყნდა - ტოჩინოშინის პოზიცია შეიცვალა
ტოჩინოშინის შანსი - სუმოს ისტორიაში ბაშო მესამედ გაუქმდა
ბანძუკე განახლდა - ტოჩინოშინის ახალი რეიტინგი ცნობილია
ჰარუ ბაშოს ამბები - ტოჩინოშინის პირველი ორი მეტოქე ცნობილია
ჰარუ ბაშო. დღე II [LIVE]