TOP.GE
ფეხბურთიინგლისი
"მანჩესტერ სიტი" მორიგი ტიტულისკენ სრული სვლით მიემართება [VIDEO]
Russ
14:30/01-05-2021
+-
00:00 / 00:00

დღეს, 1-ელ მაისს, პრემიერ ლიგის 34-ე ტურში "კრისტალ პალასმა" "მანჩესტერ სიტის" უმასპინძლა. შეხვედრა სტუმართა გამარჯვებით 2:0 დასრულდა.

უგოლო პირველი ტაიმის შემდეგ "ქალაქელებმა" საქმეს ხელი სერიოზულად მოკიდეს და 2 წუთში 2 გოლით შეხვედრაში გარდატეხა შეიტანეს. თავი სერხიო აგუერომ და ფერან ტორესმა გამოიჩინეს.

ამრიგად, "კრისტალ პალასი" 38 ქულით მე-13 ადგილზე იმყოფება, "მანჩესტერ სიტი" 80 ქულით პირველ ადგილს იკავებს და მორიგი პრემიერ ლიგის ტიტულისკენ მიიწევს.

"პალასი" მომდევნო შეხვედრას 8 მაისს, "შეფილდის" წინააღმდეგ გამართავს, "ქალაქელები" იმავე რიცხვში "ჩელსის" უმასპინძლებენ, ამ შეხვედრამდე კი პეპ გვარდიოლას შეგირდებს ჩემპიონთა ლიგის ნახევარფინალური ეტაპის განმეორებითი მატჩი პსჟ-სთან მოუწევს, ეს შეხვედრა 4 მაისსაა ჩანიშნული. შეგახსენებთ, პირველი მატჩი ინგლისელებმა 2:1 მოიგეს.


(0)
/
Dislike(0)
კომენტარები
0
კომენტარი ჯერ არ გაკეთებულა
სიახლეები
პრემიერ ლიგა
გუნდი
სტატისტიკა
პრემიერ ლიგა
ბომბარდირებიგოლები | ასისტები
სატრანსფერო სიახლეები
Ad c2