საქართველოს ფეხბურთის ფედერაციის სპორტული ღონისძიებების ხელმძღვანელი და უეფას დელეგატი ირაკლი ნაკაიძე, ევროპული ფეხბურთის მმართველი ორგანოს გადაწყვეტილებით, 2020 წლის ევროპის ჩემპიონატის ფინალურ ეტაპზე დელეგატის რანგში იმუშავებს.

ქართველი დელეგატი გათამაშების ერთ-ერთ მასპინძელ ქალაქში, ბაქოში იმუშავებს, სადაც ჯგუფური ეტაპის სამ (უელსი 12.06 შვეიცარია, თურქეთი 16.06 უელსი, შვეიცარია 20.06 თურქეთი) და მეოთხედფინალის (3 ივლისი) ერთ მატჩს მოემსახურება. ქართველი საფეხბურთო მენეჯერი უეფას მიერ შერჩეულ 11 დელეგატს შორისაა.

წარსულში ირაკლი ნაკაიძეს დელეგატის რანგში უეფას ეგიდით გამართულ სხვადასხვა ტურნირზე უმუშავია. მათ შორის, ჩემპიონთა ლიგის 2019 წლის სეზონის მეოთხედფინალურ მატჩზე, სადაც "ბარსელონამ" საკუთარ მოედანზე "მანჩესტერ იუნაიტედს" უმასპინძლა და მეტოქე ანგარიშით - 3:0 დაამარცხა.

წყარო: GFF

ქართველი მსაჯები 21-წლამდელთა ევროპის ჩემპიონატზე

ცუდი ამბავი - საბა გოგლიჩიძე ტრავმის გამო ევროპის ჩემპიონატს გამოტოვებს

დეშამმა კანტე დააბრუნა - ევროპის ჩემპიონატზე საფრანგეთის ნაკრების შემადგენლობა ცნობილია

რომელ ნაკრებს გულშემატკივრობთ და ვინ მოიპოვებს ჩემპიონის ტიტულს?!

თეგები:

ევროპის ჩემპიონატი

ირაკლი ნაკაიძე

გაზიარება:

(0)

/

(0)