00:00 / 00:00

• Play
• Mute
• Fullscreen

ტოკიოს 2020 წლის ოლიმპიადის ოფიციალურ გახსნამდე, ტრადიციულად, საფეხბურთო ტურნირმა სტარტი აიღო.

პირველ შეხვედრაში C ჯგუფის გუნდები, ესპანეთისა და ეგვიპტის ოლიმპიური ნაკრებები ერთმანეთს უგოლოდ დაშორდნენ.

ესპანელთა შემადგენლობა, რომელთაც დე ლა ფუენტე წვრთნის, საკმაოდ საინტერესო იყო. მათი რამდენიმე ფეხბურთელი ცოტა ხნის წინ დასრულებულ ევროპის ჩემპიონატზეც მონაწილეობდა - მეკარე უნაი სიმონი, ერიკ გარსია, პაუ ტორესი, პედრი, დანი ოლმო და მიკელ ორიასაბალი.

ამავე ჯგუფში არგენტინა და ავსტრალიაც დაუპირისპირდებიან ერთმანეთს.

მექსიკის ოლიმპიურმა ნაკრებმა საფრანგეთს 4:1 სძლია. ფრანგების ერთადერთი გოლის ავტორი 35 წლის ანდრე-პიერ ჟინიანკი გახდა. მექსიკის ნაკრების კარს 36 წლის გილერმო ოჩოა იცავდა.

A ჯგუფის დანარჩენი წევრები იაპონია და სამხრეთი აფრიკა არიან.

B ჯგუფში კი ახალი ზელანდიის ნაკრებმა სამხრეთი კორეა 1:0 დაამარცხა. ოთხეულის კიდევ 2 წევრს რუმინეთი და ჰონდურასი შეადგენენ.

კოტ დ'ივუარმა საუდის არაბეთს 2:1 სძლია. გამარჯვებულთა შორის გოლით "მილანის" 24 წლის ნახევარმცველი ფრანკ კესი გამოირჩა. D ჯგუფის მთავარი მონაწილეები მოქმედი ჩემპიონი ბრაზილიისა და გერმანიის ოლიმპიური ნაკრებები არიან.

ბრაზილია - გერმანია: ოლიმპიადა მშვენიერი შეხვედრით იწყება

ქართველი ძიუდოისტები ოლიმპიადისთვის მზად არიან [PHOTOS]

ბრაზილია - გერმანია: ოლიმპიადა მშვენიერი შეხვედრით იწყება

"მიზანია ოლიმპიური თამაშების გენდერულად დაბალანსება" - "ტოკიო 2020" ახლებურად გაიხსნება

თეგები:

ტოკიოს ოლიმპიადა

გაზიარება:

(0)

/

(0)