რაგბი ევროპის სუპერ თასი - ქართველ მსაჯთა ბრიგადა ესპანეთში

"შავი ლომის" პარალელურად, რაგბი ევროპის ახალ საკლუბო ტურნირ სუპერ თასში ქართველი მსაჯებიც ჩაერთვებიან.ქართულ სამსაჯო ბრიგადას, შოთა თევზაძის ხელმძღვანელობით, მიწვევა პირველსავე ტურში ჰქონდა და პორტუგალიაში უნდა ემსაჯა, მაგრამ ქართველი რეფერი ორმაგი დოზით აცრას ვერ ასწრებდა და ის მეორე ტურში, ესპანეთში იმსაჯებს.26 სექტემბერს "იბერიანზი" ვალიადოლიდში "ლუსიტანოსს" უმასპინძლებს და მოედნის მსაჯი თევზაძე იქნება. კიდეებიდან მას გელა ლემონჯავა და სოსო ჯაფარიძე დაეხმარებიან. 27 წლის რეფერი ამბობს, რომ მისი მიზანი სუპერ თასის ფინალური შეხვედრის მსაჯობაა:„კარგია, რომ ახალი ტურნირის დასაწყისშივე რაგბი ევროპის ყურადღების ცენტრში ვართ და პირველსავე ტურში მივიღეთ დანიშვნა. პორტუგალიაში უნდა მემსაჯა, მაგრამ ორი აცრის გაკეთებას ვერ ვასწრებდი და რეგულაციებიდან გამომდინარე, იგივე გუნდების თამაშს ესპანეთში განვსჯი. უფრო მაღალი დონის შეხვედრებიც მიმსაჯია და საკმაო გამოცდილება მაქვს იმისათვის, რომ მიზნად ფინალის მსაჯობა დავისახო, თუმცა ეს ბევრ რამეზე იქნება დამოკიდებული“ – განაცხადა თევზაძემ და დაამატა:„უმნიშვნელოვანესია, რომ ესპანეთში ქართველი ასისტენტები მეყოლება, რომლებიც საერთაშორისო რაგბში პირველ ნაბიჯებს დგამენ. სოსო ჯაფარიძე დებიუტანტია. ის ცოტა ხნის წინ შემოუერთდა სამსაჯო კორპუსს და უმოკლეს დროში ისეთი პროგრესი განიცადა, პირველსავე წელს დიდი 10-ის ფინალში იმსაჯა (გვერდითი). გელა ლემონჯავა დიდი ხანია მსაჯობს, თუმცა ასაკით პატარაა და მნიშვნელოვანია, რომ ასე ნაადრევად იღებს საერთაშორისო გამოცდილებას“.24 წლის გელა ლემონჯავამ გვერდით მსაჯად რაგბი ევროპის „ალაფაზე“, გერმანიისა და შვეიცარიის ნაკრებების შეხვედრაში იმუშავა, ახლა კი უფრო მაღალი დონის შეხვედრას მოემსახურება:„უბედნიერესი ვიყავი, როდესაც ამ დანიშვნის შესახებ გავიგე. მთელი ეს პერიოდი დიდი შემართებით ვვარჯიშობდი, ვემზადებოდი და შრომა დამიფასდა, რამაც სამომავლო პერსპექტივები კიდევ უფრო ნათლად დამანახა. საერთაშორისო თამაშებით განებივრებული არ ვარ და ამ დონის შეხვედრასაც პირველად ვიმსაჯებ. ესპანელებისა და პორტუგალიელების შეხვედრა ყველა დონეზე კარგი საყურებელია და იმედია, ამჯერადაც სანახაობრივი მატჩი იქნება“.„საზღვრებს გარეთ მსაჯობა განსაკუთრებული წნეხია, თუმცა შოთას გამოცდილება არ აკლია და ეს დაგვეხმარება. ამ სამეულს ერთად არაერთხელ გვიმუშავია და ვფიქრობ, დასახულ ამოცანას თავს კარგად გავართმევთ. მინდა მადლობა გადავუხადო შოთას და ნიკა ამაშუკელს, რომლებიც განვითარებაში გვეხმარებიან. ასევე დევიდ მაკქიუს, რომელსაც ჩვენთან მუშაობა ლოკდაუნის დროსაც არ შეუწყვეტია და ახლაც აქტიურად გვეხმარება. ასევე ოლეგ კასოევს. მისი დამსახურებით ფიზიკურად საუკეთესოდ ვართ მომზადებული“.25 წლის იოსებ ჯაფარიძემ მსაჯობა ორი წლის წინ დაიწყო და მიუხედავად პანდემიით გამოწვეული სირთულეებისა, ამ მცირე მონაკვეთში უდიდესი პროგრესი განიცადა. შედეგად, დიდ 10-ში გამოჩენიდან რამდენიმე თვეში, მას ფინალურ შეხვედრაში გვერდითი მსაჯობა ანდეს, ახლა კი საერთაშორისო დებიუტის მოლოდინშია:„პირველ რიგში მინდა სამსაჯო კორპუსის თითოეულ წევრს მადლობა გადავუხადო იმისათვის, რომ მისვლის დღიდან ასე მენდობიან და მეხმარებიან განვითარებაში. სულ ორი წელია რაც მსაჯობა დავიწყე და ამ პერიოდში, დიდი 10-ის ფინალთან ერთად, ეს დანიშვნა ჩემს კარიერაში საუკეთესოა. სიმართლე რომ გითხრათ, თავიდან ვერც კი დავიჯერე აღნიშნული ფაქტი. ყველაზე მთავარი ისაა, რომ მადრიდში გასამართ შეხვედრაში არა მხოლოდ საკუთარი, არამედ ქვეყნის სახელით გავდივართ, რაც ორმაგი მოტივაცია და პასუხისმგებლობაა“.„ისტორიას თუ გადავხედავთ, ესპანელებს და პორტუგალიელებს არცთუ მშვიდობიანი დამოკიდებულება აქვთ ერთმანეთთან და ნებისმიერ დონეზე, ამ ქვეყნის გუნდების დაპირისპირება საინტერესო გამოდის. ორივე გუნდი სწრაფი, ხელდახელ რაგბის მიმდევარია. სავარაუდოდ, მსაჯებზე დიდი წნეხი იქნება, მაგრამ შოთასნაირ გამოცდილ და მაღალი დონის მსაჯთან ერთად, ვფიქრობ, ნაკისრ ვალდებულებას თავს იოლად გავართმევთ“.rugby.ge

„შავი ლომის“ ბრიტანული ტურნე: მატჩები შოტლანდიაში და შემადგენლობაში ცვლილებები

"შავი ლომი" | 30 მორაგბით შოტლანდიაში

სარაგბო კლუბის ვარსკვლავი ტრაგიკულად დაიღუპა

20 წ. | მსოფლიომდე ინგლისთან

თოფურია vs ოლივეირა: დიდ დაპირისპირებამდე – წინასწარი ანალიზი და მოლოდინები

"მათ კომპლექსები არ გააჩნიათ" - ლაპორტა "ბარსელონას" ფეხბურთელებზე

ხვიჩას დაჯილდოება, მიქაუტაძისა და დავითაშვილის გადამწყვეტი მატჩი და სხვა ამბები

[VIDEO] ბრწყინვალე იამალის გოლი და საგოლე პასი - "ბარსელონა" ვადამდე გახდა ჩემპიონი

[VIDEO] უმძიმესი კადრები "ელ პრატიდან" - "ესპანიოლი" "ბარსელონას" მატჩი რამდენიმე წუთით შეჩერდა

ლეგენდა მიდის - "ლიონის" მთავარი თავდამსხმელი მიქაუტაძე გახდება

ევროპის ჩემპიონატზე საქართველოს ნაკრების მეტოქეები ცნობილია

Ballon d'Or 2025: კვარაცხელია რეიტინგში კიდევ უფრო დაწინაურდა

მოურინიოს პორტუგალიის ნაკრების მწვრთნელად არ დანიშნავენ

მარადიშვილი საქართველოს ნაკრების ფეხბურთელი უნდა გამხდარიყო, ახლა კი შეიძლება კარიერის დასრულება მოუწიოს

"ესპანელი ბიჭუნა ხარ" - მახაჩევმა თოფურიას მიმართა

პსჟ გოლების მანქანის შეძენას გეგმავს

"რეალისთვის" ყველაფერი გავაკეთე" - კარლო ანჩელოტი

სუპერლიგის ფინალურ სერიაში "ქუთაისი" და თსუ შეერკინებიან

ფეხბურთელი, რომელმაც კვარასთან ერთად სკუდეტო მოიგო, სერია C-ში ითამაშებს

"დე ბრუინს "ნაპოლის" შესახებ ეს უთხრეს" - ცნობილმა იტალიელმა ჟურნალისტმა ბელგიელზე ისაუბრა

"ქართული ფეხბურთის ხარისხი იზრდება და ეს შთაგონება სხვა პატარა ქვეყნებისთვისაცაა" - სავიოლა ლეგენდების მატჩის წინ

"იცით, "ალავესის" ფეხბურთელმა რა მითხრა?" - მამარდაშვილი

უარი "ლივერპულს" და "ჩელსის" - ალონსოს ინიციატივით "რეალმა" პირველი ტრანსფერი შეათანხმა

10 მსაჯით ევროპაში

სანკტ-მორიცში, მსოფლიოს ჩემპიონატზე ხუთი ქართველი მოთხილამურე იასპარეზებს

სამი მსაჯით ჩემპიონთა და ჩელენჯ თასებზე

ქართველი მსაჯები სუპერთასის ნახევარფინალში

საბა აბულაშვილი - მესამე ქართველი მსაჯი რაგბი ევროპის ჩემპიონატზე

კვარცხლბეკზე იასონ აბრამაშვილი და ჯაბა გელაშვილი

სუპერთასი | საბა აბულაშვილი დასავლეთ კონფერენციის ცენტრალურ მატჩში

ᓘᜢ

მსოფლიოს საუკეთესო მსაჯი საქართველოს ჰყავს