ლონდონის "არსენალს" ფლორენციის "ფიორენტინას" სერბი ფორვარდის, დუშან ვლაჰოვიჩის შეძენა ძალიან სურს და უკან დახევას არ აპირებს.

"მეთოფეებმა" მოლაპარაკებების პირველი ეტაპი იტალიელებთან უკვე გამართა. "ფიორენტინას" გენდირექტორი ჯო ბარონე და სპორტული დირექტორი დანიელე პრადე ლონდონში "კანონირების" მიზნების გასაგებად გაფრინდნენ.

"არსენალი" მზადაა "ფიორენტინას" მიერ მოთხოვნილი 80 მილიონი ევრო იანვარშივე გადაიხადოს. ლონდონელები ნაწილს ფიქსირებულად გაიღებენ, ნაწილს კი - ბონუსებად.

კლუბები კი არიან ახლოს შეთანხმებასთან, მაგრამ ფეხბურთელსა და მის აგენტს "არსენალში" გადასვლა დიდად არ ხიბლავთ. ვლაჰოვიჩის მხარე უფრო მიმზიდველ წინადადებას ელოდება და ზაფხულამდე მოსაცდელად მზადაა.

მიმდინარე სეზონში 21 წლის ფორვარდმა სერია A-ში ჩატარებულ 11 შეხვედრაში 8 გოლი გაიტანა და 1 საგოლე გადაცემა შეასრულა.

მომზადებულია gianlucadimarzio.com-ის მიხედვით

თეგები:

ლონდონის არსენალი

ფლორენციის ფიორენტინა

დუშან ვლაჰოვიჩი

გაზიარება:

(0)

/

(0)