- ქართველი სპორტსმენები ფეხბურთი
- ეროვნული ნაკრები
- ეროვნული ლიგა
- ეროვნული ლიგა 2
- ლეგიონერები
- თასი
- ასაკობრივი ნაკრები
- სხვადასხვა
- ევროპა ლიგა
- კონფერენს ლიგა
- ინგლისი
- ესპანეთი
- იტალია
- გერმანია
- საფრანგეთი
- მსოფლიო
- ჩემპიონთა ლიგა
- ევროპის ჩემპიონატი
- სხვადასხვა
- ქალთა ფეხბურთი
- ტრანსფერები კალათბურთი
- ეროვნული ნაკრები
- სუპერლიგა
- თასი
- NBA
- ლეგიონერები
- ევრო ლიგა
- ევროპის ჩემპიონატი
- მსოფლიოს ჩემპიონატი
- ასაკობრივი ნაკრები
- სხვადასხვა ჩოგბურთი
მთავარი პოზიტივი, საკადრო საკითხები და თავდაჯერებული სანიოლი
<p>საქართველოს ნაკრებმა საფეხბურთო წელი კარგი განწყობით დაასრულა - ჩვენთვის ზედიზედ 3 გამარჯვება მარტივად მისაღწევი არასდროს ყოფილა. სამწუხარო ისაა, რომ პრაქტიკული თვალსაზრისით, ეს შედეგები მხოლოდ მომავლის რწმენას გვაძლევს. ცოტა ადრე გამოფხიზლების შემთხვევაში იმას მაინც მოვახერხებდით, სატურნირო ცხრილში ბევრი არაფრით გამორჩეული საბერძნეთის ნაკრებისთვისაც გვეჯობნა.</p><p><p><div style="text-align: center;"><span style="color: #0000ff;"><strong>სტაბილურობის მნიშვნელობა</strong></span></div></p></p><p>იმ ფონზე, რაც სექტემბრის შეხვედრებში ვნახეთ, რთულად დასაჯერებელია, რომ ამხანაგურ მატჩში ვილი სანიოლმა მოგებული შემადგენლობის დიდი ნაწილი არ დაასვენა. რა თქმა უნდა, ნებისმიერი შეკრების წინ ფეხბურთელების ფორმას მნიშვნელობა ექნება, თუმცა მაინც გამოიკვეთა ბირთვი, რომელზე დაყრდნობასაც ფრანგი სპეციალისტი აპირებს. ბუნებრივია, ახალი ფეხბურთელების გამოცდაც მუდმივად ვერ მოხდება.</p><p><p><div style="text-align: left;"><strong></strong></div></p> <strong> <p><p><strong><span style="color: #0000ff;"></p><p><span style="border-style: initial; border-color: initial; border-image: initial;"><strong><img src="pictures/artimages/original/47aa170677fa5be9a93f5b794ec40a38.jpg" border="0" alt="Sportall.Ge" title="მთავარი პოზიტივი, საკადრო საკითხები და თავდაჯერებული სანიოლი" width="605" height="400" style="border: 0px;" /></strong></span></p><p></span></strong></p></p> </strong> <span style="color: #0000ff;"> <p><div style="text-align: center;"><strong>მთავარი პოზიტივი</strong></div></p> </span></p><p>ზოგჯერ მართლაც ვერიდებით, ჩვენი მოთამაშეები "ცაში ავიყვანოთ", რადგან ამის უარყოფითი მაგალითები გვახსოვს. დავით ვოლკოვის მიმართ გულშემატკივრებისა და მთავარი მწვრთნელის მხრიდან დამოკიდებულების შემდეგ მის წარმატებულ თამაშსა და ნდობის გამართლებას დიდი მნიშვნელობა ჰქონდა. "ზირას" შემტევი თავიდანვე მონდომებული იყო და როცა ზურიკო დავითაშვილის კარგი პასი მიიღო, გოლად აქცია.</p><p>ქართველი ფორვარდების სტაბილური შედეგიანობა ძალიან გვჭირდება. ისე ჩანს, გიორგი ქვილითაიას, ნიკა კაჭარავას, ბუდუ ზივზივაძეს თუ სხვებს კიდევ უფრო მეტის გაკეთება დასჭირდებათ, რათა სანაკრებო შანსი დაიმსახურონ - სანიოლმა რამდენჯერმე გაიმეორა, რომ გუნდში ბალანსს იცავს და ზედმეტად ბევრ შემტევს ვერ მიიწვევს.</p><p>რაც შეეხება გიორგი მიქაუტაძეს - "სერენის" ფეხბურთელმა სტაბილურობა უნდა დაიბრუნოს და "ჯვაროსნებსაც" უფრო მეტად უნდა შეერწყას. ისე დაემთხვა, რაც სანიოლმა ახალ და წარმატებულ ტაქტიკურ სქემას მიაგნო, მას შემდეგ "ჟორჟს" ეროვნულ გუნდში აღარ უთამაშია.</p><p><p><div style="text-align: center;"><span style="color: #0000ff;"><strong></p><p></strong></span></div></p> <strong> <p><div style="text-align: center;"><strong><span style="color: #0000ff;">რა გვაკლია?</span></strong></div></p> </strong></p><p>როგორი კმაყოფილებიც უნდა ვიყოთ ბოლოდროინდელი შედეგებით, გარკვეულ ასპექტებზე დროული რეაგირება გვჭირდება, რათა მომავალში უფრო დიდ და სტაბილურ მიზნებს შევეჭიდოთ.</p><p><img src="pictures/artimages/original/bb74e030cbb0ecff549a20042c673969.jpg" border="0" alt="Sportall.Ge" title="მთავარი პოზიტივი, საკადრო საკითხები და თავდაჯერებული სანიოლი" width="589" height="400" style="border: 0px;" /></p><p>უზბეკეთის წინააღმდეგ, განსაკუთრებით, პირველ ნახევარში, "ჯვაროსნებს" მეტოქის პრესინგისთვის თავის დაღწევა ისევ უჭირდა. გარდა ამისა, რგოლებს შორის კავშირი და შეტევების დაცვიდან ორგანიზებაზე უფრო სერიოზული მუშაობაა საჭირო. იყო ეპიზოდები, როცა შვედეთთან დაპირისპირებაში დაღლილი ჩვენი ნახევარდაცვა მეტოქის მოძრაობას ვერ უმკლავდებოდა, შემდეგ კი გურამ კაშიას მაღალი სათამაშო კლასი თავის სიტყვას ამბობდა. ნაკრების კაპიტანმა ამოსუნთქვის საშუალება არც "რომას" შემტევ შომურადოვს მისცა.</p><p><p><div style="text-align: center;"><strong><span style="color: #0000ff;">საკადრო რესურსი</span></strong></div></p></p><p>ვსაუბრობთ სანიოლის გამოკვეთილ საკადრო პოლიტიკაზე, თუმცა არიან მოთამაშეები, რომლებიც ნაკრებს ძალიან უნდა გამოადგეთ.</p><p>გიორგი მაკარიძემ მეკარეებში კონკურენცია უნდა გააძლიეროს (თანაც, გიორგი მამარდაშვილს "ვალენსიას" კარის დაცვის საშუალება აღარ ეძლევა). ოთარ კაკაბაძის თამაშში მაინც იგრძნობა, რომ ის ამპლუით ფლანგელია. მართალია, 3 მცველით ასპარეზობისას შეთამაშებას დიდი მნიშვნელობა აქვს, თუმცა ნაკრებს კარგ ფორმაში მყოფი საბა კვირკველია ნამდვილად გამოადგება.</p><p>სანიოლი გვილია-კვეკვესკირის თამაშით კმაყოფილია, თუმცა აზიელებთან დაპირისპირებაში გამოჩნდა, რომ მათ მოკლე ინტერვალში ორი თამაშის სტაბილურად გამართვა უჭირთ. მით უმეტეს, "ერთა ლიგა" ინტენსიური გრაფიკით იმართება. ამასობაში, გიორგი ჩაკვეტაძეც ჩვეულ ფორმაში უნდა შევიდეს. არ დაგვავიწყდეს, რომ ოთარ კიტეიშვილი გვაკლდა.</p><p><p><div style="text-align: center;"><span style="font-size: 12.16px;"><span style="color: #0000ff;"><strong>დისციპლინა</strong></span></span></div></p></p><p>საქართველოს ნაკრები მაქსიმალურად უნდა ეცადოს, ზედმეტი გაფრთხილებები და დისკვალიფიკაციები თავიდან აირიდოს. ჩვენი რესურსი განუსაზღვრელი არაა, რასაც ზოგჯერ ტრავმებიც ემატება და ასეთ დროს ნებისმიერი მოთამაშის ჭარბი ყვითელი ბარათის გამო დანაკლისი შესაძლოა, გუნდზე ცუდად აისახოს. თუკი ჩვენს მატჩებს გადავხედავთ, ეს თემა საკმაოდ აქტუალურია.</p><p>ირაკლი აზაროვის მიმართ (რომელიც ცოტა გადაღლილი ჩანდა და შვედეთთან ბევრად უკეთ გამოიყურებოდა) სკაუტების დიდი ინტერესია და მისი ტრანსფერის მოლოდინში ვართ. გასაგებია ემოციები, ჟინი და მისი ასაკი, თუმცა მეტი თავშეკავება მართებდა. ამ თემაზე მოთამაშესთან ვილი სანიოლსაც უნდა ესაუბრა. ბათუმის "დინამოს" ფლანგელმა კიდევ უფრო მაღალ დონეზე უნდა ითამაშოს და ეს შესაძლოა, ზამთრის სატრანსფერო პაუზის დროსაც მოხდეს...</p><p><p><div style="text-align: center;"><span style="color: #0000ff; font-size: 12.16px;"><strong>ხვიჩას ფაქტორი</strong></span></div></p></p><p>უზბეკეთის წინააღმდეგ დასახელებული შემადგენლობის შემდეგ საინტერესო ის იყო, კარგ ხასიათსა და ბოლო მატჩებში ადაპტირებული ტაქტიკით ხვიჩა კვარაცხელიას გარეშე როგორ ვითამაშებდით. გასაგებია, მეტოქე უფრო სუსტი იყო და გატანაც მოვახერხეთ, თუმცა ხვიჩას როლი საქართველოს ნაკრებში განუზომლად დიდია.</p><p><img src="pictures/artimages/original/f725d11a67fcab562fca823d14c5cce5.jpg" border="0" alt="Sportall.Ge" title="მთავარი პოზიტივი, საკადრო საკითხები და თავდაჯერებული სანიოლი" width="594" height="400" style="border: 0px;" /></p><p>კარგია, როცა გყავს ლიდერი, რომელსაც თამაშის ბედის გადაწყვეტა შეუძლია, თუმცა აუცილებელია, გამარჯვება მხოლოდ ერთ ფეხბურთელთან არ ასოცირდებოდეს. კვარაცხელიას ყოველთვის ყველაფერი არ გამოუვა - უზბეკეთთანაც შემოსვლიდან დაახლოებით 10 წუთი პასიური იყო, ბურთი ორჯერ მიიღო, თუმცა თამაში ვერ გაამწვავა. მის მიმართ დიდი ყურადღებაა და ზოგჯერ ამ ფაქტორის გამოყენება სხვა მოთამაშეებსაც შეუძლიათ. სხვათა შორის, ამ ფაქტორს "რუბინში" მთლად წარმატებით ვერ იყენებენ.</p><p><p><p> <p><div style="text-align: center;"><strong><span style="color: #888888;"><span style="color: #0000ff;">სანიოლის წელი</span></p><p></span></p><p></strong></p></p> უკანასკნელი შედეგები ნამდვილად ვილი სანიოლის სამწვრთნელო უნარებს უკავშირდება - შემადგენლობისა და ტაქტიკის შერჩევა, მოთამაშეების შესაძლებლობებში ბოლომდე გარკვევა. ბევრი დრო დასჭირდა თუ ცოტა, ვილიმ ამას წარმატებით მიაღწია და ახლა მთავარი მისი გაგრძელებაა.</p><p>უნდა ვაღიაროთ, მარტის თამაშებში კმაყოფილება მეტწილად კვარაცხელიას კარგი ფორმისა და მწვრთნელის პირველი ეფექტის დამსახურება იყო. ამას სექტემბერში ძიება და ჩავარდნა მოჰყვა, წელი კი იმედისმომცემად დასრულდა. სანიოლიც უფრო გაიხსნა, კარგ ხასიათზეა, თავდაჯერება მოემატა და მოთამაშეებზეც უფრო გულწრფელად საუბრობს.</p><p>მთავარია, სულ წარსულსა და მომავლის გეგმებზე არ ვსაუბრობდეთ - მომდევნო წელსა და "ერთა ლიგაზე" თითოეული პოზიტივი შედეგებში აისახოს.</div></p><br></p>
-
კირკიტა
კანკავა ჩამოვწერეთ?!
-
სოსო
კარგი სტატიაა!გმადლობ ღვთისავარ და ერთს გთხოვ:აქვე გუჯა კახაძის გამოხმაურებაა.ეს კაცი ისეთი სპეციალისტია,რომლის სიტყვასაც ნორმალურ ქვეყანაში კარგად მოისმენდნენ და გაითვალისწინებდნენ.ჩემი მეთოდით კახი კალაძეს და დავით მუჯირს ვავარჯიშებდი და შედეგით ძალიან კმაყოფილნი იყვნენო...რუსთავის ყოჩებსაც დაეხმარა.არ ჩანს ეს კაცი აფერისტი,მისი ვიდეოებიც მაქვს ნანახი.იქნებ შეხვდე,აიღო ინტერვიუ.ვიღაცამ თუ არ უბიძგა,ჩვენთან არავინ დაიძვრება,ეს ხომ კარგად იცი.ლაპარაკშიც გამოჩნდება რა სურს,რა შეუძლია.უჭკუო ბიჭი არ ხარ და იქნებ ქართულ სპორტს სასარგებლო საქმე გაუკეთო,ჩვენ ხომ მუდამ სწორად სირბილის და ამით გამოწვეული ტრავმების პრობლემა გვაქვს.დაელაპარაკე,რას ჰკარგავ.შედეგი კი,შესაძლოა შესანიშნავი გვქონდეს.
-
ჩვენი მომავალი
მამარდაშვილი, გიორბელიძე, აზაროვი, ჩაკვეტაძე, წიტაიშვილი, დავითაშვილი, კიტეიშვილი, კვარა, მიქაუტაძე. დარწმუნებული ვარ, ვიღაც 1-2 უეჭველი გამოჩნდება, ისე როგორც ვოლკოვი გამოჩნდა. მთავარია სანიოლის საქმეებში არავინ, არავინ არ ჩაერიოს.
-
ნიკო
ნეტა ვიმე გისმენდეთ და სწავლობდეს თქვენგან სწორად სირბილს. მაგას გავიძახი კარგა ხანია რადგან უმეტესობა(ასე 98%) ფეხბურთელების და მორაგბეებიც არასწორად დარბიან ამის გამო ვერც ჯანმრთელობას ინარჩუნებენ, ვერც გამძლეობას და ამავე დროს სისწრაფის მაქსიმუმს ვერასდროს მიაღწევენ. საცოდაობაა რომ არავინ გისმენთ თითქოს ცუდი გინდოდეთ მათთვის.
-
გუსანი
აუ, რა ოპტიმიზმიმის ფრქვევაა, ჩემი აზრით ტყუილად, ძლიერი იმედისგაცრუება მოზდევს, ამ კონტიგენტით დიდი-დიდი ერთი თამაში მოვუგოთ რომელიმე საშ.ევროპულ გუნდს, რეალურად მეტის რესურსი საქართველოში არ გვაქვს, ახალგაზრდებშიც მათ შორის, ბევრი ახსნა აქვს.... -სამწუხარო რეალობაა,
-
ქომაგი
გაიხსენეთ თითოეული თამაში და მითხარით, რა იყო შეუძლებელი იმაში, რომ შვედეთთან გასვლაზე და ესპანეთთან და ბერძნებთან შინ ფრედ გვეთამაშა, კოსოვოსთვის კი აქაც მოგვეგო?! ასეთ შემთხვევაში ჩვენი მონაგარი იქნებოდა 3 მოგება, 4 ფრე და ერთადერთი მარცხი ჯამური 13 ქულით. შვედეთსაც ამდენივე უგროვდებოდა, ურთიერთშორის მატჩებით კი მეორე ადგილზე და პლეი-ოფში ჩვენ გავდიოდით. ოდნავ მეტი მონდომება, ოდნავ მეტი პროფესიონალიზმი, ოდნავ მეტი თავდადება, აცრა მოდუნებაზე 90-წუთიანი და სრულციკლიანი სტაბილურობისთვის და მაშინ მეტი გამართლებაც მოვა და ეს გუნდი ნამდვილად ხელიწიფებს დიდ ტურნირზე გასვლას. ზემოთ მოყვანილმა ციფრებმა დამიტოვა შთაბეჭდილება, რომ ვაისის ცოტა ადრე გასტუმრების შემთხვევაში სანიოლს უკვე ეყოლებოდა გუნდი, რომელიც ამ ჯგუფიდან გავიდოდა. იმედია, მომავალი შესარჩევებისთვის შეკრავს წარმატებულ კოლექტივს. ყველაფერზე მეტად ის მაიმედებს, რომ ეს კაცი არ ცდილობს ქართული ფეხბურთის გადაკეთებას, არამედ იპოვა სათამაშო სქემა, რომლითაც ქართველებს საკუთარ ტექნიკურ და შემტევ სტილზე უარის უთქმელად შეუძლიათ თანამედროვე ფეხბურთის თამაში. წარმატებები ჩვენს გუნდს (იმედია, ფედერაცია არ შეუკრავს სანიოლს ხელ-ფეხს მირონ-ნათლულებისა თუ მამაჯიბესქელების პროტექციით).
-
Guja Kakhadze
ასწავლეთ ფეხბურთელებს ჯანმრთელობის შენარჩუნება! სწორად სირბილის დროს 1500 მეტრის ძუნძულით გარბენა ვარჯიშისწინა გახურებისათვის ტერფებზე წარმოქმნის 100 ტონა დატვირთვას. არასწორად სირბილის დროს ეს რიცხვი ბევრად მაღალია და ქართველი ფეხბურთელების მუხლების ტრავმის გამომწვევ ძირითად მიზეზს წარმოადგენს. მოიწვიეთ მწვრთნელი რომელსაც შეუძლია სწორად სირბილის მოკლე დროში სწავლება!
-
ლუსიუ
გამარჯვების მერე ასეთი სტატიები ბევრად უკეთესია აღფრთოვანებაზე
გურამ კაშიამ და ნიკა კვეკვესკირმა ფეხბურთის ფედერაციას თხოვნით მიმართეს
კაბო-ვერდესთან საქართველოს ნაკრების მატჩზე ყველა ბილეთი გაიყიდა
"ქართველ ფეხბურთელებს რუსეთთან თამაშის გამბედაობა არ ეყოფათ" - ამბობს დუმის დეპუტატი
20 წ. | მსოფლიომდე ინგლისთან
თოფურია vs ოლივეირა: დიდ დაპირისპირებამდე – წინასწარი ანალიზი და მოლოდინები
"მათ კომპლექსები არ გააჩნიათ" - ლაპორტა "ბარსელონას" ფეხბურთელებზე
ხვიჩას დაჯილდოება, მიქაუტაძისა და დავითაშვილის გადამწყვეტი მატჩი და სხვა ამბები
[VIDEO] ბრწყინვალე იამალის გოლი და საგოლე პასი - "ბარსელონა" ვადამდე გახდა ჩემპიონი
[VIDEO] უმძიმესი კადრები "ელ პრატიდან" - "ესპანიოლი" "ბარსელონას" მატჩი რამდენიმე წუთით შეჩერდა
ლეგენდა მიდის - "ლიონის" მთავარი თავდამსხმელი მიქაუტაძე გახდება
ევროპის ჩემპიონატზე საქართველოს ნაკრების მეტოქეები ცნობილია
Ballon d'Or 2025: კვარაცხელია რეიტინგში კიდევ უფრო დაწინაურდა
მოურინიოს პორტუგალიის ნაკრების მწვრთნელად არ დანიშნავენ
მარადიშვილი საქართველოს ნაკრების ფეხბურთელი უნდა გამხდარიყო, ახლა კი შეიძლება კარიერის დასრულება მოუწიოს
"ესპანელი ბიჭუნა ხარ" - მახაჩევმა თოფურიას მიმართა
პსჟ გოლების მანქანის შეძენას გეგმავს
"რეალისთვის" ყველაფერი გავაკეთე" - კარლო ანჩელოტი
სუპერლიგის ფინალურ სერიაში "ქუთაისი" და თსუ შეერკინებიან
ფეხბურთელი, რომელმაც კვარასთან ერთად სკუდეტო მოიგო, სერია C-ში ითამაშებს
"დე ბრუინს "ნაპოლის" შესახებ ეს უთხრეს" - ცნობილმა იტალიელმა ჟურნალისტმა ბელგიელზე ისაუბრა
"ქართული ფეხბურთის ხარისხი იზრდება და ეს შთაგონება სხვა პატარა ქვეყნებისთვისაცაა" - სავიოლა ლეგენდების მატჩის წინ
"იცით, "ალავესის" ფეხბურთელმა რა მითხრა?" - მამარდაშვილი
უარი "ლივერპულს" და "ჩელსის" - ალონსოს ინიციატივით "რეალმა" პირველი ტრანსფერი შეათანხმა
ქოჩორაშვილის შეძენას "ნაპოლი" და "სპორტინგი" შეეცდებიან
"უბრალოდ მეტი, ვიდრე ფეხბურთი" - ქოჩორაშვილმა სევიკიანთან გადაღებული ფოტო გამოაქვეყნა
საქართველოს ნაკრებთან დამარცხების გამო სომხეთში აღშფოთებული არიან
ერთ-ერთი მეტოქე ცნობილია - ვისთან გამართავს ამხანაგურ მატჩს ივნისში საქართველოს ნაკრები
ერთ-ერთი მეტოქე ცნობილია - ვისთან გამართავს ამხანაგურ მატჩს ივნისში საქართველოს ნაკრები
"ნაპოლი"-"ინტერი". ძირითადი შემადგენლობები ცნობილია
ვინ რა მიზეზით არ იქნება ივნისში საქართველოს ნაკრებში?
"ერთი თვეა არ მითამაშია და ცოტა გამიჭირდა" - განუცხადა კვარაცხელიამ Le Parisien-ს