"დასძლევს ხვიჩა "ნაპოლიში" კონკურენციას თუ იჯარით გაუშვებენ?" - რამდენად საფუძვლიანია რუსების ეჭვები

ხვიჩა კვარაცხელიას "ნაპოლიში" პრაქტიკულად უკვე განხორციელებულ ტრანსფერს რუსეთში გამოეხმაურნენ. კომენტარი "რუბინის" ყოფილმა მწვრთნელმა რინატ ბილიალეტდინოვმა გააკეთა."ის "ნაპოლიში" ადაპტაციას მოახერხებს. იქ დიდი კონკურენციაა, ახალგაზრდა ტალანტები ჰყავთ. დიდხანს ადაპტაციის საშუალებას იქ არ მისცემენ. საჭირო იქნება სწრაფად პროგრესირება და რაც შეიძლება მეტი სათამაშო დროის მიღება. ასეთი ხანგრძლივვადიანი კონტრაქტი იმას გულისხმობს, რომ თუ რაღაც ისე არ წავიდა, "ნაპოლის" შეუძლია მშვიდად გაუშვას იჯარით. სათამაშო დროს მისცემენ, საკითხავია - როგორ გამოიყენებს. მისი მსუბუქი წონადობა დამატებითი ათლეტიზმით უნდა განმტკიცდეს. ეს იტალიაა, იქ სერიოზული ბრძოლა იქნება", - ციტირებს ბილიალეტდინოვს "სპორტ-ექსპრესი".კვარაცხელიას მომავალ ტრანსფერს წერილი "კომერსანტმა" მიუძღვნა:"ბოლო სეზონების რუსეთის პრემიერლიგის ყველაზე კაშკაშა დრიბლიორი ხვიჩა კვარაცხელია, რომელმაც "რუბინი" მარტის დასასრულს დატოვა, ახლოსაა იტალიის ჩემპიონის ტიტულისთვის მებრძოლ "ნაპოლისთან" კონტრაქტის გაფორმებასთან. ეს საინტერესოა, მაგრამ ისე მოჩანს, იტალიური კლუბისთვის საკმაოდ სარისკო გარიგებაა. ლამაზად მოთამაშე ქართველი გარემარბი არასოდეს გამოირჩეოდა რუსეთის პირველობაზე მაღალი ეფექტურობით. "ნაპოლიში" კი ძირითადში მოსახვედრად მაღალი დონის მთელ რიგ ძვირად ღირებულ შემტევებთან კონკურენცია მოუწევს. რუსეთის პრემიერლიგისთვის, სადაც კვარაცხელია, ფაქტობრივად, როგორც მოთამაშე ჩამოყალიბდა, მისი ისეთ კლუბში გადასვლა, როგორიც "ნაპოლია", დიდი მოვლენაა. "ნაპოლი" არა მხოლოდ კონტინენტური "დიდი ხუთეულის", არამედ ელიტური გუნდია. ამ სეზონში იტალიაში ოქროსთვის იბრძვის. ამასთან, არ შეიძლება ითქვას, თითქოს ხვიჩასადმი გრანდისგან ყურადღების მიქცევა დიდი სიურპრიზი გახლდათ. ადრე რიგი ბრიტანული გამოცემები ამტკიცებდნენ, რომ ქართველით ინგლისის პრემიერლიგის ცნობილი წარმომადგენლები იყვნენ დაინტერესებული - მაგალითად, "ტოტენჰემი" და "არსენალი" მზად იყვნენ 10 მილიონ ფუნტად შეეძინათ. გასული და ამ საუკუნის ათწლეულების განმავლობაში, დიდი ალბათობით, ხვიჩა რუსეთის ჩემპიონატის ყველაზე სანახაობრივი მოთამაშე იყო. მიმდინარეს ჩათვლით, ოთხ სეზონში ის ან საუკეთესო იყო, ან შედიოდა სამ საუკეთესოთა შორის ისეთ მაჩვენებლებში, როგორიცაა დრიბლინგი, წარმატებული "მოტყუება". Opta-ს მონაცემებით, საშუალოდ მატჩისას ამას ოთხზე მეტჯერ აკეთებდა: ეს ბრწყინვალეა. თუმცა სინამდვილეში გარიგებაში "ნაპოლისა" და თავად ხვიჩასთვის არსებითი რისკი, ალბათ, არსებობს. საქმე იმაშია, რომ კვარაცხელიას შთამბეჭდავი თამაში ცუდად შეესაბამებოდა ეფექტურობას. მან რუსეთის ჩემპიონატზე 75 მატჩში მხოლოდ 10 გოლი გაიტანა. არც საგოლე გადაცემების სტატისტიკა აქვს არაფრით უკეთესი - ამ დროს განსაკუთრებულად შეტევაზე ორიენტირებულ ვინგერს უკეთესი შედეგიანი მოქმედება მოეთხოვება. "ნაპოლიში" ძირითად შემადგენლობაში ადგილის მოპოვება ტოპ-კლასის სოლიდურ ჯგუფთან კონკურენციაში მოუწევს, რომლებიც კარგ ტონუსში იმყოფებიან და მსგავსი ფუნქციებისანი არიან - ვიკტორ ოსომხენი, ირვინგ ლოსანო, დრის მერტენსი და მატეო პოლიტანო. უშუალოდ მისი კონკურენტი კი, შესაძლოა, ლორენცო ინსინიე (ტორონტოში აპირებს გადასვლას - რედ.) იყოს, რომელიც ასევე ხშირად თამაშობს შეტევის მარცხენა ფლანგზე - იტალიის ნაკრების თავდამსხმელი, რომელიც კლუბის ფანებს შორის კოლოსალური პოპულარობით სარგებლობს".

შავი კაცი

საინტერესოა ამათი აბსურდული ანალიზი.. ფაქტებით ვიმსჯელოთ.. მაშ ასე დავიწყოთ: 1. ინსინეს პენლებით ააქვს წელს 85 პროცენტი გოლი გატანილი. 2. ინსინე იტალიის სერიაში გაიზარდა დაბერდა. 3.სპალეტი გუნდურ თამაშს ათამაშებს და არა მხოლოდ დაცვას მორინიოსთან განსხვავებით. 4.ხვიჩა ჯერ იქაური მწვრთნელებისთვის და ფეხბურთელებისთვის დიდი სურპრიზი იქნება ჯოკრად. 5.კვარაცხელია ის ფეხბურთელი არაა გულზე ხელდაკრეფილი ოჯდეს სკამზე ის შრომისმოყვარეა. 6.რუბინში გოლები და საგოლეები არ აკლდა როცა ხვიჩასთან ერთად დესპოტოვიჩი და ბაკაევი თამაშობდნენ სივრცეები ეძლეოდა. 7.ზემოთ აღნიშნულიდან გამომდინარე მთელი მოწინააღმდეგე კლუბის დაცვა ხვიჩას მეურვეობდა ეს კი ღრუსებს გიხაროდათ დავკეტეთ არაფერი შეუძლიაო. 8.ინსინესთან შედარებით ის 21 წლისაა. 9.უკვე მსოფლიო ფეხბურთის ყურადღების ცენტრშია,კარგად დააკვირდით მის თამაშებს რომ გადავა,დატკბით როგორ მიეცემა სივრცეები ვარსკლავების გარემოცვაში და როგორ გამოიყენებს ის ყოველ შანს. 10.ხვიჩა კვარაცხელიაა და არა მირანჩუკი რომელიც რონალდოდ შერაცხეთ. 11.თუ ასე უსუსური და სუსტია და არ გაამართლებს უკაცრავად მაგრამ რატო გაინტრიგებთ და განიხილავთ?! ასე რომ ჩემო ძვირფასებო თქვენი ანალიზი იქ გაიკეთეთ ეხლა გულში რომ გაიფიქრეთ.. თქვენდა სამწუხაროდ მაქედან საუბრით მხოლოდ გაგვამხიარულებთ და ხვიჩას უფრო მეტ მოტივაციას მიცემთ რომ დაგადუმოთ და თავი იქ შეყოთ სადაც წეღან გულში გაიფიქრეთ.. დიდი სიყვარულით მონებს საქართველოდან!!!
სოსო

ნაკრებში მშვენიერი სტატისტიკა აქვს,ასე გააგრძელე კვარა!
.

რატომ ადისლაიქებთ, მართლა ხდებოდა ორი წლის განმავლობაში საუკეთესო ახალგაზრდა ფეხბურთელი რუსეთში, თუ არ გჯერათ დაგუგლეთ :)) თუ რუსებს რომ ჯობდა ის გწყინთ?
ვაჟა მასწავლებელი

ერთი რამე ვერ გავიგე ამ საფეხბურთო "ექსპერტ - ნოსტრადამუსების" მოსაზრებებიდან: ვინც ხვიჩას ტრანსფერში ფულს იხდის თვალები დაფსული აქვს? თუ ფეხბურთში ვერ ერკვევა? ან ფული გადასაყრელი აქვს?
დ

და ვის აინტერესებს თქვენი აზრი? მიხედეთ ერთმანეთს, როგორ აქ დაწერა ვიღაცამ, გაიყავით და ითამაშეთ რუსებმა, აზრები თქვენთვის შეინახეთ, თქვენი არაფერი სანდო არაა და რაღა აქ იქნებით სამართლიანები?!
.

ორი წელი ხო არცერთი რუსი არ მიაკარა საუკეთესო ახალგაზრდა ფეხბურთელის ტიტულს:)) შურით არ გასკდეთ მთავარია რუსებო:დ
სხვა რამე

გოლები არ ვიცი მაგრამ საგოლე პასებს შეტევაში რომ ხეები ერგოთ ვერ იყენებდნენ
foodboll

მაგათმა ერთი ადგილი დააყენონ, თავიანთ ნიჭიერებს მიხედონ, უნიჭოები და შურიანები
დათო

თუ არენდა, ისევ ბათუმი, ევროპა ტურნირზე მაინც ითამაშებს. არადა ეგ "ნაპოლი" ნაღდათ ვერაა ის დონე ხვიჩა რო გააარენდოს.
აბგდ

ამ ბიჭმა პირველ რიგში ნაკრებში დაამტკიცა ყველაფერი.გაცილებით რთული მეტოქეები დაჯაბნა და სტატისტიკაც კარგი აქვს ასე რომ რუბინზე მეტად ამ კაცს ნაკრებში აკვირდებოდნენ!სადაც საჭირო იყო გაიტანა და ასისტიც დადო.
gio

დასძლევს და გვასახელებს
Winter

ჯერ ასეთი პატარაა და უკვე რამდენი სირთულე შეხვდა. არ ყოფილა მარტივი არცერთი ეტაპი, განსაკუთრებით ლოკომოტივისან გამოგდება და ახლაც ომის ფონზე რუბინის ასე დატოვება. თან მუდმივი წნეხი საზოგადოებისგან. რატომღაც სხვა მისი ასაკის ფეხბურთელებს თავისუფლად განვითარების საშუალებას ვაძლევთ, აჟიოტაჟს არ ვტეხთ და ამას ყველაფერი თავს დავატეხეთ, ქება-დიდებიდან დაწყებილი მოღალატის ძახილით დამთავრებული. რუსეთში ორი წელია ზედიზედ საუკეთესო ახალგაზრდა ფეხბურთელი ხდებოდა, რუსი ახალგაზრდები ძალიან დაიჩრდილენ მის ფონზე. არც მიკვირს რუსული პრესა რომ წაკბენს ხოლმე და ბოღმიან სტატიებს წერს მასზე. ნაპოლიში რომ წავა, თავიდან კარგად რომ ვერ წაუვიდეს საქმე უკვე წარმომიდგენია რასაც დაატეხავენ თავს, პირველ რიგში საქართველოდან. მარა მგონი უკვე იმუნიტეტი გამოიმუშავა ნეგატივის ასხლეტის და ღირსეულად გადატანის.
ემიგრანტი

მასე იყო ლოკომოტივში რო მივიდა და ეჭვებში იყვნენ მერე რუბინში და ყველა აალაპარაკა მთელი ოკუპანტი რუსეთი და მათ თაობას თავზე გადაახია საუკეYესო რომ არის და ნაკოპი ლიდერი და დომინანტი გუნდია თავის ჩემპიონატში ვიდრე რუბინი რუსეთში დონეს რაც შეეხება კვარას შეუძლია ტოპ ფეხბურთელების წინააგმდეგ თავისუფლად თამაში რაც არა ერთხელ დაამტკიც ანაკრებში ასე რომ კვარა ნაპოლასი გაიბრწყინება იტალიელები უკეთეს გახდიან წარმატებები კვარა

კასანო: ნუსა ახალი კვარაცხელიაა და "ნაპოლიმ" სასწრაფოდ უნდა შეიძინოს

წიტაიშვილმა "გრანადა" დატოვა

"არც მესია, არც რონალდო და არც მარადონა, მაგრამ..." - არშავინმა კვარაცხელიაზე ისაუბრა

7-კაცა | მაკარსკაში კლოდ სორელის ხსოვნის პატივსაცემად

რეგიონების განვითარების პროექტის ფარგლებში თანამედროვე ტაბლოები თელავისა და ლაგოდეხის დარბაზებმაც მიიღეს

ამაზე უარის თქმა რთული იქნება - "ფენერბაჰჩემ" სანეს ზღაპრული შეთავაზება გაუკეთა

"ტოტენჰემმა" პოსტეკოგლუ დაითხოვა და მის შემცვლელთან მოლაპარაკებებს უკვე აწარმოებს

[VIDEO] დონარუმას პირველ ტაიმში სამი გაუტანეს - იტალია ნორვეგიასთან განადგურდა

კალანდაძის ლიდერობით - საქართველოს ნაკრებმა ლუქსემბურგსაც მოუგო

პსჟ-ს მძიმე დანაკლისი - ესპანეთთან პარიზელთა ორმა ფეხბურთელმა ტრავმა მიიღო

სომხეთის ნაკრები ისევ დიდი ანგარიშით დამარცხდა

ზედიზედ მესამედ - ვახტანგ ახობაძე ევროპის ჩემპიონია!

ისტორიული ოქრო პარაკაიაკის ევროპის ჩემპიონატზე

კიმი შეიძლება იტალიაში დაბრუნდეს

საბო: რა ჯანდაბა უნდოდა შევჩენკოს უკრაინის ფეხბურთის ასოციაციაში?

ანშლაგი ქუთაისში - საქართველო - კაბო-ვერდე | 7 ივნისის განრიგი

უარი "სიტის" - მიქაუტაძის თანაგუნდელის გოლი და საგოლე პასი ესპანეთთან

ევრობასკეტისთვის მოსამზადებელ პერიოდში საქართველოს ნაკრები 6 ამხანაგურ მატჩს გამართავს

საქართველოს რაგბის ეროვნული ნაკრები, სულ რაღაც, ერთ თვეში თბილისში ირლანდიის ნაკრებს ხვდება!

"ვერ ვხვდები, ჩემგან უპატივცემულობა სად დაინახა" - სპალეტიმ აჩერბის უპასუხა

"მბაპე ცენტრფორვარდია და ამ პოზიციაზე თამაშს გააგრძელებს" - დეშამი ესპანეთთან მარცხის შემდეგ

უარი "ალ ჰილალს" - ოსიმენისთვის ბრძოლაში ახალი კლუბი ჩაერთო

დვალიშვილი VS ომალი 2 - დიდ ბრძოლამდე სულ ცოტა დრო რჩება

გაქაჩავს თუ არა ხვიჩა "ნაპოლიში"? - კაპელოს, ვაისის, სიომინის და სხვა სპეციალისტების ვარაუდი

"კვირკველიას საუკეთესო ქართველ ფეხბურთელად ტყუილად არავინ დაასახელებდა"

"იცით, ხვიჩა როგორი ბიჭია?" - საფონოვმა რუსულ გამოცემასთან კვარაზე ისაუბრა

დუემ, კვარაცხელიამ და პსჟ-ის სხვა ფეხბურთელებმა სოციალური ქსელი დაიპყრეს - ლიგის ფინალის შემდეგ ციფრები მნიშვნელოვნად შეიცვალა

"ნაპოლიში" კვარაცხელიას გადამყვანი კრისტიანო ჯუნტოლი "იუვენტუსიდან" გაუშვეს

"ჩემთვის პასუხი აშკარაა" - კვარაცხელია სჯობს თუ კალაძე... ცნობილმა მწვრთნელმა არჩევანი გააკეთა

"ხვიჩა უმატებს და ნებისმიერი გუნდისთვის სასარგებლო იქნება" - "რუბინის ყოფილი მწვრთნელი

[VIDEO] დეშამმა პსჟ-ის ფეხბურთელებს ჩემპიონთა ლიგის მოგება მიულოცა - მარკუს ტურამის რეაქცია ინტერნეტს იპყრობს

კვირკველია საძაგელი იხვის ჭუკი იყო - "რუბინის" ექსმწვრთნელი

"როცა კარგად ხარ და გენდობიან..." - რატომ დარჩა საბა კვირკველია "რუბინში"

საბა კვირკველია: ხუთი კლუბია დაინტერესებული, მაგრამ წასვლა არ მინდა