ბრწყინვალე კუპატაძე - კაცნაკლულმა ბათუმელებმა "სლოვანთან" ფრეს მიაღწიეს [VIDEO]

ბრატისლავაში ჩემპიონთა ლიგის პირველი საკვალიფიკაციო ეტაპის პირველ მატჩში ბათუმის "დინამო" გასვლაზე "სლოვანს" დაუზავდა - 0:0.შეხვედრამ ბრატისლავაში დიდი ინტერესი არ გამოიწვია, 22 500-იანი სტადიონი სანახევროდაც არ გაივსო. სტუმრებმა მეტოქის პირველი შეტევა მოიგერიეს, ბურთი დაიჭირეს, მომენტს კი ვერც ერთი გუნდი ვერ ქმნიდა. ტემპი მაღალი არ იყო, სადღაც შუა ტაიმში მასპინძლები უპირატესობას დაეუფლნენ, სამი შანსი ჰქონდათ, მაგრამ მოწოდების სიმაღლეზე იდგა მეკარე კუპატაძე. სამწუხაროდ, 42-ე წუთზე მეორე ყვითელი ბარათი მიიღო ბათუმელთა კაპიტანმა კობახიძემ და ჩვენი გუნდი კაცნაკლული დარჩა.შესვენების შემდეგ რიცხობრივ უმცირესობაში მყოფმა „დინამომ“ იქით დაიწყო იერიშების მიტანა: გოლის გატანის შესაძლებლობა ფლამარიონს მიეცა, თუმცა ძლიერად ვერ დაარტყა და ბურთს მეკარე დაეუფლა. შემდეგ დავითაშვილმა დრიბლინგი განახორციელა და გატანა ხოვანმა არ დაანება. „სლოვანის“ მწვრთნელმა ვაისმა შეტევის გასაძლიერებლად 58-ე წუთზე სამმაგი ცვლილება განახორციელა, მოედანზე ჩაკვეტაძე შეუშვა და მასპინძლებს კიდევ ერთი მომენტი ჰქონდათ - მედვედევი კუპატაძესთან პირისპირ გავიდა და ჩვენი მეკარე ისევ ვერ დაჯაბნა. 90-ე წუთზე შორიდან მამუჩაშვილის ძლიერად დარტყმული ბურთი მეკარემ მოიგერია და ფრე, 0:0.ამ გუნდების საპასუხო შეხვედრა 13 ივლისს ბათუმში ჩატარდება და სტუმრად მიღწეული ფრისა და „აჭარაბეთ არენაზე“ ჩვეული მხარდაჭერის გათვალისწინებით, „დინამოს“ სლოვაკური ბარიერის გადალახვის კარგი შანსი აქვს.ბრატისლავა. „ტეჰელნე პოლე“სლოვანი - დინამო (ბთ) 0:0გაძევება: კობახიძე (42)სლოვანი: ხოვანი, მედვედევი, კაშია, აბენა, დე მარკო (ჩაკვეტაძე 58), კანკავა, კუცკა (ჰოლმანი 86), ბარსეგიანი (გრინი 58), ვაისი (ჩავრიჩი 78), ზმრჰალი, რამირესი (საპონიჩი 58)დინამო (ბთ): კუპატაძე, აზაროვი, კობახიძე, აზაცკი, ჩაბრაძე, ტეიდი, ალთუნაშვილი (ნავალოვსკი 86), მამუჩაშვილი, ბიძინაშვილი (რეხვიაშვილი 45), დავითაშვილი (ვაწაძე 72), ფლამარიონი (რადინი 72)

როლანდი

ეს ის უნიკალური შემთხვევაა როცა მოედანზე ქართველები დომინირებენ ორივე მხრიდან. ბრავო ლაზარე ბრავო ბიჭებს არ გატყდნენ
Razvetka

საინტერესოა თუ ბათუმის დინამომ ისე მაგრად ითამაშა, როგორც აქ უმეტეს კომენტებში იკითხება, მაშინ მატჩის გმირი და ბრწყინვალე სლოვანის მეკარე უნდა გამხდარიყო და არა ჩვენი..........ასე არ არისს??.
ვანგა

კაი გეტყვით წინასწარ ანგარიშსაც: პენალტების სერია დამთავრდება 5:4 ჩვენს სასარგებლოდ, იმათგან რამირესი გამაზავს პენალტს!!!
გიზოგ

მე ასე ვთვლი, რომ რეხვიაშვილი ცუდად არ შემოვიდა, იმედია იქ თამაშის შემდეგ უფრო მეტ ფორმას აკრეფს. დაცვის კარგი, უშეცდომო თამაში ძალიან დაგვჭირდება განმეორებით მატჩში.
გაიოზ გოშაძე

ვულოცავ ბათუმის დინამოს და ბათუმელებს წარმატებულ სტარტს და ბევრი ეტაპების გავლას ვუსურვებ. ვუყურებდი თამაშს და 70-იანი წლების ბოლო და 80-იანის დასაწყისი მახსენდებოდა, როცა ქართველები გასვლაზეც ისევე თამამად თამაშობდნენ, როგორც შინ. გაიხარეთ ბიჭებო ქართული ფეხბურთის გულშემატკივართა გახარებისთვის. ფორცა, ფორცა ბათუმი.
გიზოგ

მე მგონი უნდა ვამაყობდეთ,რომ ჩემპიონთა ლიგაზე ქართული წარწერით გამოდიან ბიჭები, ხოლო გამოსაცნობათ ნომრები აწერიათ.
გიზოგ

მადლობა ბატონო სოსო, სწორადაა გაშუქებული თამაში და ფეხბურთელების მონაწილეობა მასში. გეთანხმებით, ნურავინ იფიქრებს, რომ თავი ქუდში გვაქვს, რაც გვჩვევია ქართველებს და ბევრჯერ დავსჯილვართ ამის გამო. ამის ბოლო მაგალითი არარატ-არმენია იყო, მოვიგეთ გასვლა და ჩავთვალეთ, რომ სუსტი გუნდია და გასულები ვართო. ბათუმში სულ სხვა თამაში იქნება, მეც ვაფასებ გეგუჩაძეს და იმედი მაქვს ბიჭებს მოდუნების საშუალებას არ მისცემს. კარგად დაწყებული საქმე ბოლომდეა მისაყვანი. გული მწყდება, რომ იქით მხარესაც არიან ჩვენი ბიჭები, თანაც საყვარელი ფეხბურთელები. მაგრამ არაუშავს ითამაშებენ კოფერენცლიგაზე.
Guja

გვარი რატო აწერიათ ქართულად ხო ვერავინ ვერ გაიგებს ჩვენსმეტი საქართველოს ჩემიონატსზე მესმის მარა ჩემპიონთა ლიგაზე
ჟორიკა

ამდენი ხალხი რადგან ამბობს კომენტატორზე ცუდს ესეიგი ღიზიანდება მაყურებელი,თვითონ უნდა მოშორდეს მიკროფონს ან პროდიუსერმა უნდა მოაცილოს რეპორტაჟს.
pepe

კომენტატორი ვაი უი მის კომენტატორობას გაიტანეტ გრელანდია
ჩელე

ყველაფერი ყველაფერი, მაგრამ ეს კომენტატორი თუ ვინცაა რა უაზრო რაღაცეებს ყვირის უადგილოდ, რა ტემპო რითმი? და კიდევ მრავალი აბდა-უბდა, პირდაპირ ჩვენი გუნდის წინააღმდეგ გიბიძგებს რომ განეწყო. კიდევ- ყოველ მე-2 წინადადებაში მუქარა- აი ბათუმში ჩამოვლენ და ჯოჯოხეთს მოუწყოფთო, რას ვუზამთ? დიდი- დიდი ვუსტვინონ და ტალღები გააკეთო, [იმედია არ აგინებენ] მოკლედ, კლასიკური პროვინციალიზმია, არა მგონია ეს ბევრს მოსწონდეს ჩვენთან.
tngh

წინ ბატუმის თტამაშია...
რონი

კიდევ ერთხელ დამტკიცდა ის რასაც ვიძახდი.. ქართველ ფეხბურთელებს ის ურჩევნიათ ბურკინა ფასოში ითამაშონ და თქვან საზღვარგარეთ ვთამაშობ ბრაატო ვიდრე დინამო თბილისში ან ბათუმში იყვნენ საკუთარ ოჯახთან და სამეგობროსთან ახლოს.. ჩაკვეტაძე დარწმუნდება რომ ბათუმი ბევრად ჯობს მაგ სლოვანს. ისე კაშია და კანკავა ჩაკვეს რეჟიმს მოუყვანენ იმედია დაუჯერებს და არ შემოებერტყინება ))
კაპიტან გარდენბურგი

სოსოს- ახალგაზრდულამდე დინამო თბილისს ედგა და უმაგრესად აათამაშა გუნდი, მერე რატომღაც კობიაშვილმა გადაიყვანა ახალგაზრდულში. მესმის ეტყობა უნდოდა რომ ვაისისთვის მოემზადებინა კარგი კადრები, მარა ამით დაკარგა ჩემპიონატმაც , კლუბმაც და იგივე ნაკრებმაც ბევრი. გეგუჩაძე ადრეც მაგრად აწყობდა კლუბებს , ძალიან სპეციფიურად შეკრულ გუნდს აყალიბებს, საინტერესო შემადგენლობებით, განსხვავებული ტემპერამენტის და მიდგომების ფეხბურთელებს კარგად უძებნის ადგილებს და ტაქტიკურადაც მაგარია. გადაწყობა შეუძლია სწორად , ზედმეტი ჩახუჭუჭებყლობების გარეშე. მარტივ, სწორ და ჭკვიანურ ფეხბურთა ათამაშებს
დავით 67

როგორ და ქართული ისწავლონ, როგორც მე ვისწავლე რუსული და ინგლისური. სხვა ალტერნატივა არ არსებობს
BARSA

gushindelma tamashma achvena ro slovani erti chveulebrivi gundia, batumshi pavoriti dinamoa, es tamashi mosagebia, meti kuradgeba dacvashi da shemdeg etapze dinamo gava.
რაბუ

არ უნდა მოვეშვათ ბათუმში რთული თამაში იქნება გადავუვლით და გადმოვუვლით ხმამაღალი განაცხადი მგონია. განსაკუთრებით ჩაკვეტაძეს ვუფრთხილდეთ იმიტომ რომ შეიძლება ერთ ასისტში გააკეთოს თამაში.
რაბუ

კომენტატორს რაც შეეხება ძალიან მომწონს მისი მიდგომა იმიტომ რომ არც ერთხელ უხსენებია სიტყვა რამენაირად გავძლოთ, არ გავუშვათ, რა გვეშველება. პირიქით, კაცნაკლულზეც მოგებისკენ იწევდა, რაც ფსიქოლოგიურადაც კარგად მოქმედებს მაყურებელზე
გელა

სუსტი გუნდია ეს სლოვანი. ფეხბურთში ძალიან რთული გასახსენებლი იქნება ისეთი შეხვედრა, სადაც 10 კაცით მოთამაშე გუნდმა ასე დაჩაგროს მასპინძელი. ბურთის ფლობა 50:50-ზე იყო მეორე ტაიმში. ჩემი აზრით, ბათუმში მინიმუმ 3 ბურთს გავუტანთ. ძალიან მნიშვნელოვანია, ხალხმა დაიჯეროს, რომ საქართველოს ჩემოიონატშიც შესაძლებელია ისეთი გუნდის გაკეთება, რომელიც სლოვაკეთის ჩემპიონს დაამარცხებს, სადაც ჩვენი ნაკრების ლიდერებიც თამაშობენ. და ბოლოს, იქნებ ვინმემ დაწეროს, 13-ში იქნებიან თუ არა გაფრინდაშვილი, ფალავანდიშვილი, ჯიღაური?
odala

ალიკა, ასპროცენტიანს ამბობ. ან ეს უაზრო წივილ-კივილი რატომ ითვლება კომენტატორობად, ეგეც გაუგებარია. ყველაფერთან ერთად ეს ვითომ-კომენტატორები 'პადხალიმებიც' არიან. უნდათ ასიამოვნონ ყველას, ფეხბურთელებს, მათ ოჯახის წევრებს და ამიტომაც არის რომ მათგან ერთ გადაბრუნებულ სიტყვას ვერ გაიგებ ზოგადად ჩვენების შეცდომებზე ან ცუდ თამაშზე. კობახიძის მეორე ყვითელზე რა რეაქცია ჰქონდათ? - რას შვრება მსაჯიო?? :)
სოსო

ბიჭებმა გული და სული ჩადეს თამაშში და ამისათვის მადლობა.მოსაგები თამაში იყო,მაგრამ გაძევების გამო,ვერ მოვიგეთ.ამ თამაშმა დამარწმუნა,რომ სლოვანი ჯერ კიდევ ძალიან შორს არის ფორმისაგან და ეს შანსი ჩვენ აუცილებლად უნდა გამოგვეყენებინა,მაგრამ ხეირიანად ვერც ერთხელ ვერ დავარტყით,მეტოქე გვიბლოკავდა დარტყმებს,მხოლოდ სუსტად დარტყმულები მიდიოდა კარისაკენ.ჩვენი დაცვა კი,სამწუხაროდ საშუალებას აძლევდა მეტოქეს ძლიერი დარტყმები განეხორციელებინა კარში და რომ არა ჩვენი მეკარის დიდებული თამაში,ასეთ გუნებაზე ნადვილად ვერ ვიქნებოდით.არ ველოდი,მაგრამ ვაისმა მოედანზე საკმაოდ ადრე შეუშვა ჩაკვე და სრული კარტბლანში მისცა,თამაშის წარმართვისა.გიოს დიდი დრიბლინგები და სისწრაფეები არ უჩვენებია,მაგრამ პირველივე შეხებით საგოლე პასი მისცა პარტნიორს(მეკარემ გვიხსნა),შემდეგ კი,საჯარიმოს ხაზთან თვითონ აგვკიდა ჯარიმა და დარტყმაც რომ გამოსვლოდა,კუპატაძეს მაგ პოზიციიდან ბურთის მოგერიება ძალიან გაუჭირდებოდა.ყველა სტანდარტულსაც გიო ასრულებდა და ეს ნიშნავს,რომ ვაისი მის სრულად დატვირთვას აპირებს,ენდობა და დარწმუნებული ვარ,აათამაშებს.ბიჭს ტვინი თავის ადგილზე აქვს,მოძრაობის სიზუსტეს და სისწრაფეს,თანდათან აღიდგენს.ვაისმა ადრეული შეცვლებითაც გამაოცა.ალბათ ფეხბურთელების არასაკმარისი ფიზიკური მომზადების გამო.ბათუმში სლოვანი გაცილებით უფრო მობილური და გამძლე გუნდი ჩამოვა და მეტ პრობლემებსაც შეგვიქმნის.განსაკუთრებით ჩვენს დაცვის ხაზს.ამაში დარწმუნებული ვარ.დასაწყისში ბათუმელები შევაქე,გულიანი და მებრძოლი ხასიათის გამო,ახლა კი,ცუდზეც ვთქვათ.ბათუმის დინამოს,გამოუცდელ გუნდს უკვე ვეღარ უწოდებ,ნახევარი გუნდი,ნაკრების წევრია და წელს ისეთ გუნდებს გადაურბინეს,სლოვანი მათზე დამთრგუნველად ვერ იმოქმედებდა.მეორე მხრივ უკვე 15 წამზე გაფრთხილების აკიდება,მერე კიდევ გაფრთხილება და ტაიმის ბოლოს მეორე ყვითლის(შესაბამისად წითლის) მიღება,თანაც სრულიად არასაჭირო გაფრთხილებები მიიღეს.თამაშის ბოლოს კი,ერთბაშად სამმა კაცმა,უაზროდ აიკიდა ყვითელი ბარათები.ასეთი რამე,წინა წლებიდანაც მახსოვს და მეტისმეტი აღგზნებით ვხსნიდი,მაგრამ უკვე გამოცდილ ბიჭებს,ასეთი თავის დაკარგვა ეპატიებათ?ხედავ მსაჯი ერთი წამით არ გინდობს,უფრო პირიქით და შენც საბაბს აძლევ,არაპროფესიონალიზმია.ცხელი გულით და ცივი გონებით უნდა ითამაშოთ ბიჭებო.ეს მხოლოდ კგბს ლოზუნგი არ არის,ეს პროფესიონალიზმის ნიშანია.მომდევნო თამაშებში აუცილებლად კიდევ მივიღებთ ბარათებს და ყოველი ბარათი,რომელიმე ჩვენი ფეხბურთელის დისკვალიფიკაციის მიზეზი გახდება.8 ყვითელი ბარათი,საიდანაც ორი,ავტომატურად წითელ ბარათად გადაიქცა,ნამეტანია.ფლანგებზე მაგრად იმუშავეს აზაროვმა და ჩაბრაძემ,მაგრამ კარის წინ,ცენტრალური ზონა და ამას დამატებული საყრდენები,სრულყოფილად ვერ კეტავდნენ დარტყმის ზონებს და ბურთი კარისაკენ მიდიოდა.ქება და დიდება ლაზარეს,მაგრამ ყველა დარტყმას.ყოველთვის ვერც ის აიღებს,გოლის გატანა კი,ხელსაყრელი მომენტების მიუხედავად,გვიჭირს.გია გეგუჩაძეს რა უნდა ვასწავლო,აქეთ გვასწავლის მთელ საქართველოს,მაგრამ ზურიკოს და ფლამარიონის გაყვანა,ცოტა ნაადრევად მომეჩვენა.ძალიან ბევრი იმუშავეს,დაიღალნენ,მაგრამ ისეთი თამაში იყო,სანამ კიდევ რამე შეეძლოთ,ისინი უნდა დარჩენილიყვნენ მოედანზე.ვაწაძის დიდი პატივისცემის მიუხედავად,მას არ აქვს ის სისწრაფე და დრიბლინგი,10 კაციან დინამოს კონტრშეტევაზე რომ გააქცევდა.მას სულ განსხვავებული თამაში სჭირდება და გიამ ეს,ჩემზე ათასჯერ უკეთესად იცის.ალბათ მართლაც ძალიან დაიღალნენ ბიჭები,რაკი შეცვალა.განმეორებით თამაშში,დაწმუნებულივარ,სლოვანი საგრძნობლად უკეთეს ფიზიკურ ფორმაში ჩამოვა,მეტი აგრესიულობით,შეთამაშებით, სისწრაფეებით და არა მგონია აწყვეტილ შეტევაზე გაუშვას ბიჭები,გეგუჩაძემ.ჩაკვეც უფრო კარგად გაიცნობს გუნდს,მის კომბინაციებს და თუ ფიზიკურად კარგად იქნა,ალბათ უფრო მეტ დროსაც მისცემს.არ ვიცი ძალიან წინააღმდეგობრივი განწყობა მქონდა თამაშის დროს,ერთის მხრივ არ მინდოდა ჩვენ საყვარელ ბიჭებს,ჯაბას,გურამს,გიოს,ჩვენთვის საფრთხე შეექმნათ,მეორე მხრივ კი,მინდოდა ძალიან კარგად ეთამაშათ.მგონი ისინიც მსგავს განწყობაზე იყვნენ და მეტს არ იღებდნენ საკუთარ თავზე.არ ვიცი როგორ იქნება ბათუმში.ვისურვებდი,ბრწყინვალედ ეთამაშა ამ სამეულს,მაგრამ გამარჯვებით,მაინც ბათუმელებმა გაიმარჯვონ.განმეორებითი მატჩიც მალე მოვა და ბიჭებს გამარჯვებას ვუსურვებ,კარგ თამაშთან ერთად.
გავნასს

ფუი შენი რა სუნი დააყენე?
თამაზსს

პირიქით ძალიანაც საამაყოა! ყველას, რომ ჩვენ ვუწევთ ანგარიშსს, იმიტომაც გვაზიან თავზე.
ვანგასს

ვანგა! აწი წინდაწინ, შენ უნდა გვითხრა ანგარიშები!
odala

რა უაზროდ კივის ეს კომენტატორი, რა უბედურებაა!! და ეს მოსწონს მაყურებელს :(
ჟორა გაბრიჭიძე

ვულოცავ ბიჭებს შესანიშნავ თამაშს. ვერ გავიგე, რომელი გუნდი იყო ნაკლები შემადგენლობით, ანუ გუნდმა გააგრძელა თავისი თამაში, თითქოს არაფერი მომხდარა, ანუ ასეთ შემთხვევაში გუნდების 99% მეორე ნომრად თამაშობს, აქ კი პირიქით მოხდა და სლოვენი ამანაც დააბნია.
გაბუ

ყოჩაღ ბათუმის დინამოს,ძალიან კარგად ითამაშეს,სასიამოვნოდ გაოცებული ვარ.სლოვანს ერთი უპირატესობა ექნება ბათუმში კაპიტანი არ ეყოლება ,რომელიც დიდი ძალა არის დაცვაში,მაგრამ ამ დანაკლისს გულშემატკივარი შეავსებს,ბათუმელ გულშემატკივარს ეს ძალიან კარგად შეუძლია.ვინც თვალს ადევნებს ბათუმის თამასებს დამეთანხმება დაცვა ბათუმის სუსტი წერტილია,წარმატებები!!!!!
ვანჩოპე

შენც კაი გავნო ხარ გეტყობა
სოსო

ნაკრებში მწვრთნელობას განსხვავებული სპეციფიკა აქვს და ყველას არ გამოსდის.გია გეგუჩაძე ახალგაზრდული ნაკრების მწვრთნელად იყო და ვერ ვიტყვი, რომ გამოუვიდა.თუმცა ახლა გაცილებით გამოცდილია და იქნებ სამომავლოდ, მისი დროც მოვიდეს.
სოსო

ტეიდმაც მანამდე მოასწრო გაფრთხილების აკიდება და მისი უკან დაწევა,კიდევ უფრო სარისკო იქნებოდა.
კარგით რაააააა

კარგია რომ არ წავაგეთ, მაგრამ მეტის მიღწევა შეიძლებოდა, მაინც სლოვანისათვის სეზონში პირველი თამაში იყო, თანაც ახალწვეულები ზოგი სულაც ერთი ორი დღის დამატებული ჰყავდა, ჩვენი დინამო კი ფაქტიურად ფორმის პიკშია და ნაკრების საბაზო გუნდია. კობახიძის მოქმედება კი ცალკე თემაა, ნაკრების წევრი,გუნდის კაპიტანი და ამხელა პირადი ამბიციის მოთამაშე ასე თამაშობდეს მოედნის ცენტრში,თანაც ერთი ყვითელი ბარათით დატვირთული.. არ ვიცი..... მე მგონია ჩვენთან გაცილებით მძიმე თამაში გველის. ... კიდევ მაყურემელზე და ატმოსფეროზე ფსონის დადება,ცოტა გადამეტებული ცოტა პროვინციალიზმი მგონია,აიღე- -დაიღე სულ 20 ათასი მაყურებელი იქნება და სტვენის და ე.წ. ტალღების გამორიცხულია კანკავას, კაშიას და კომპანია გული გაუსკდეს ნერვიულობით. სლოვანი ბოლნისი, თელავი და ლოკო არ არის, რომ 15- 20 ათასმა მაყურებელმა მოახდინოს გადამწყვეტი ზეწოლა.
Sxalteli

მართალი ხარ, მახსოვს ზესტაფონით როგორ უტევდა ნეფჩს გასვლაზე და 0-3 წააგეს.
ვაჟა მასწავლებელი

ამჟამად საქართველოში მიმდინარე გამოცდების სეზონზე ბათუმის დინამომ და ჩაკვემ პირველი გამოცდა ჩააბარეს! წარმატებები მომავალ გამოცდებზე!!!
ვანგა

ხო ვთქვი მე იქ ფრე, ბათუმში ფრე, დამატებითი ფრე, პენალტები გადაწყვეტს გამარჯვებულს...ეგრე იქნება, დამიჯერეთ მე!!!
ეგრეა

ვამბობდი და გავიმეორებ, ჩეხები, სლოვაკები, სკანდინავიელები და კიდევ ბევრი აღმოსავლეთ ევროპიდან არიან კონტრშეტევაზე მოთამაშე გუნდები. ამიტომ კი ვარ ოპტიმიზმით განწყობილი, მაგრამ გეუჩაძეს ვთხოვ ბათუმშიც არ შეუტიოს უაზროდ, ეცადოს დაცვიდან გამოიტყუოს ან სხვა რამე მოიფიქროს. მთავარია უაზროდ არ შეუტიოს.
თამაზი

კარგი დასაწყისია. იმედია ბათუმში მოვიგებთ. ერთი მაინც მინდა ვთქვა, საერთაშორისო თამაშებზე ზურგზე ქართულ ენაზე წარწერა, უხერხუული ხომ არ არის. უცხოელმა როგორ წაიკითხოს გვარები?
გიუᲨა

კაცნაკლული ქართული გუნდი 90-ე წუთზე უტევდეს ესეც ვნახე))მადლობა უფალო)
თენგაბი

გეგუჩაძე მაგრად შეიცვალა ამ ბოლო დროს - მაგარი ტაქტიკოსი დადგა. მისი გუნდი ტაქტიკურად გამართულ ფეხბურთს თამაშობს. საუკეთესო ქართველი მწვრთნელია
o o n

იგრა ბილა რავნა იგრალი დვა გავნა
დავით 67

კიდევ კარგი რომ არ წააგო ბათუმმა, მაგრამ მე სხვა რამ მაინტერესებს. იცი რომ ერთი გაფრთხილება გაქვს და მეორედ ასეთ რაღას აკეთებ, კინაღამ ფეხი მოაგლიჯა მოწინააღმდეგეს ამ კობახიძემ. ასეთი უტვინო როგორ უნდა იყო, ვერ ვხვდები . ვფიქრობ ბათუმში მოიგებენ .
._.

პირიქით ეგაა პროფესიონალიზმი.
I

ყოცაღ ბიჭებო! ლაზარე მაგარი ხარ!!!
გიორგი

გეგუჩაძემ მაგარი ტაკტიკური შეცვლა გააკეთა გაძევების შემდეგ შეუშვა რა რეხვიაშვილი. და არ დაწია ტეიდი უკან.
კაპიტან გარდენბურგი

გეგუჩაძე საუკეთესო ქართველი მწვრთნელია!
კაპიტან გარდენბურგი

კვირკველია - მცველია. კვირკველია - აზერბაიჯანშია. კვირკველია - ქართველია. კვირკველია აზერბაიჯანშია. კვირკველია- თავისუფალი იყო. კვირკველია აზერბაიჯანშია. კვირკველია - უფასოდ თამაშობდა გაგრაში. კვირკველია აზერბაიჯანშია.
gia

კუპატადძე იმენა ზლატანა კარებში ,
სიმართლე

ეხლა ხომ მაინც გამოჩნდა რომ ვაისის დანიშვნას ბევრად ჯობდა გეგუჩაძე დაენიშNათ ნაკრების მწვრთნელად შეიძლება ევროპაზეც გავსულიყავით
giris dila

წარმომიდგენია კვარაცხელია რა იქნებოდა ესეთ თამაშში კონტრშეტევებზე. წარმატებები ყველა ქართულ გუნდს ევრო თასებზე!!!
nedved

კარგი იყო, არაფრით ჩამორჩა ბათუმი, თუნდაც კაცნაკლულად, თუ არ ჯობდა კიდევ. არაფერი გადაულახავი ბარიერი ეს სლოვანი არაა, ბევრად ძლიერ გუნდს ველოდი. ვაისი რაც აქ იყო ისაა იქაც ჩვენდა საბედნიეროდ. ყველაფერი შეიძლება მოხდეს განმეორებით მატჩში, იმედია ასეთივე ყურადღებით მიუდგებიან საქმეს და მეტოქის დაუფასებლობას არ ექნება ადგილი. კვარაც რო ყოფილიყო დარწმუნებულივარ გაარღვევდნენ ამათ
რაბუ

ვატყობ ვაისს ქართველები შევიწირავთ ბოლოს :დ
Ddd

ანუ ვაისს შესძლებია 58 წუთზე 3 ცვლილების გაკეთება? აქ რა სჭირდა 87 წუთამდე რომ ითმენდა
რაბუ

ძალიან მომწონს ზოგადად ფეხბურთელის სითავხედე რაც აქ აზაროვს, ზურიკოს და კიდე რამდენიმეს. აი რომ არ ერიდებიან მოწინააღმდეგეს. მადლობა ბათუმს ასეთი ჟილკიანი თამაშისთვის ეს გუნდი ბევრს მიაღწევს. უკვე წარმომიდგენია ბათუმში რა ატმოსფერო იქნება.
შავი კაცი

შესანიშნავია!!!ბრაოო!! დიდი მიზნებისკენ მიმავალ გზაზე მშვენიერი ფსიქოლოგიური განწყობაც შეიქმნა დინამო ბათუმმა.. ცხელი ზაფხული დახუნძლული სიურპრიზებით ამას ზამთარში ვამბობდი ნაკრები დაიწყებს და დინამო ბათუმი დააგვირგვინებსთქო... ეჰ კაშო კაშო მთავარია კაცობა ფული და ხელფასი შენ ასაკში მეორეხარისხოვანი უნდა იყოს წესით...))))
გუჯი

ბრავო ბათუმი, მეორე ტაიმში 10 კაცით უკეთესები ვიყავით. ყველას მაღალი შეფასება და ყველაფერში დადებითი გარდა იმისა რომ 2 შანსის უკეთესი გამოყენება შეიძლებოდა და კიდევ ერთი- დავითაშვილს ხანდახან ბურთთან დაშორება უჭირს და სხვებიც ხანდახან დროულ პასებს არ აკეთებენ. მოკლედ ყოჩაღ და მადლობა ბიჭებო! საამაყოები იყავით
ალიკა

ყოჩაღ ბათუმის ფეხბურთელებს მართლაც კარგად გამოიყურებოდნენ თანამედროვე ფეხბურთი ითამაშეს, სულაც არეტყობოდათ კაცნაკლულები როიყვნენ,დარწმუნებული ვარ ბათუმში სულსხვა ატმოსფერო იქნებადა წარმატებას მიაღწევენ ბიჭები.ეხლა ორიოდე სიტყვით მინდა ჩემი აზრი გამოვთქვა,კობახიძის გაძევება ალბათ უფრო გამოუცდელობის ბრალი იყო, ერთი ყვითელი ბარათი ქონდა და უფრო მეტი თავშეკავება მართებდა ორთაბრძოლებში,რაც უფრო მეტ თამაშს ჩაატარებენ ბიჭები ამ დონეზე გამოცდილებაც თავისთავად მოვა, მომეწონა მათი თავდადება და შემართება.არ შემიძლია არ ვთქვა კომენტატორებზე, როცა ქართული გუნდი თამაშობს და მოწინააღმდეგის თუნდაც ქართველ ფეხბურთელებზე ამდენი საუბარი აუტანელი და მიუღებელია,იმ ბიჭებზე არაფერს ვამბობ პროფესიონალები არიან და თავიანთ საქმეს აკეთებენ,ესეიგი როგორ უხაროდათ კაშიას,ჩაკვეტაძის და კანკავას კარგი პასები თუ მოქმედებები ბათუმელების წინააღმდეგ,ეს ნორმალურია?!არა ეს არაა ნორმალური ეს მხოლოდ და მხოლოდ არაპროფესიონალიზმია და ეს გაითვალისწინონ
ირაკლი

ჩაკვეს გაცუდებული ჯარიმა თუ გამიხარდებოდა, ვერასოდეს წარმოვიდგენდი… წარმატებები ბათუმს და სრულიად საქართველოს!
ლადო

კობახიძე ევროტურნირებზე ბათუმის განაჩენია?! კვირკველია როგორ გაუშვით ხელიდან?! იმედია ბათუმში დაადუღებთ!!!
გივი

ერთი სიტყვით ამას ქვია ჯიგარი! როგორც იქნა ვნახე ჩვენების თამაში ჯიგრით! ყოჩაღ ბიჭებო! თქვენ გენაცვალეთ! როგორცარ უნდა მორჩეს ეს დუელი, მაინც მაგრები იქნებით!
beqa

ესეთი არაადეკვატური მსაჯი კარგა ხანია არ მინახავს! კობახიძეს კიდე მეტი ყურადღება მართებდა. საერთო ჯამში კარგი იყო ბათუმი, სახლში მეტ სითამამეს ველოდები!!!
ილია

გენაცვალეთ. აქ შევჭამთ !!! მოდეეეეეთთთთთთთ ჩაბრაძემ და აზაროვმა რა იმუშავეს.. აფერუმ აფერუმ ბიჭებს... ყველას ყველას დიდი მადლობა.. და გმირი კუპატაძის დამსახურებითთთთთთთთთთ !!!
Superman

მადლობა ბიჭებს თავდაუზოგავი ბრძოლისთვის! მადლობა კაცნაკლულზე დაცვაში არ ჩადგომისთვის და თამამად შემტევი ფეხბურთის თამაშისთვის! მადლობა გეგუჩაძეს სწორი ტაქტიკისა და ცვლილებებისთვის! გუნდი საკმაოდ კარგია, მთავრია ეს თითოეულმა ფეხბურთელმ დაიჯეროს! თამამად ძმებო, თამამად! შეგვიძლია შემდეგ ეტაპზე გასვლა
Batumi90

ბიჭებო მადლობააა, სლოვაანნნ ბათუმში გელოდებით. welcome to the hell

"მოსკოვზე შეყვარებული ვარ" - დიდიე დროგბა

საქართველოს ამერიკული ფეხბურთის ნაკრების წარმატება

"ლივერპულს" კვლავ განადგურების შეეშინდა - უცხოური მედია "დინამოს" ტრიუმფს იხსენებს

გადაწყდა - მოდრიჩი "რეალს" დატოვებს

ქალთა ნაკრებმა ერთა ლიგის დასკვნითი მატჩებისთვის მზადება დაიწყო

იოლანდამ "ნაპოლის" "ჩუმი ლიდერი" დაასახელა

2024/2025 წლების სეზონის MVP შეი-გილჯეს ალექსანდერი გახდა

"დინამო ბათუმმა" თელავში ნავსი გატეხა, "გაგრა"-"გარეჯი" ფრედ დასრულდა

"ბარსელონამ" ფლიკს კონტრაქტი გაუგრძელა

[VIDEO] "ტოტენჰემმა" "მანჩესტერს" სძლია და ევროპა ლიგის გამარჯვებული გახდა

დემბელე: ახლა "ოქროს ბურთზე" მნიშვნელოვანი ჩემპიონთა ლიგაა

კვარაცხელია: საქართველო მარად ჩემთანაა - "ინტერთან" ფინალი სიზმარივითაა

სულ ზევით, ზევით, მაღლა და მაღლა. "ჩემპიონთა ლიგის საუკეთესო ფინალი გველოდება" - ლუის ენრიკე

ცნობილი გახდა "შახტარში" არდა ტურანის ხელფასის ოდენობა

"შავი ლომი" | გადაადგილებებით "გლაზგო ვორიორსთან"

ბელინგემი საოპერაციოა - ინგლისელი შემდეგი სეზონის სტარტს გამოტოვებს

"ილიას ნოკაუტით დავამარცხებ!" - თოფურიას მომავალმა მეტოქემ თამამი განცხადება გააკეთა

პსჟ-ის გზა მსოფლიოს საკლუბო ჩემპიონატზე - მეტოქეები, თარიღი და ტურნირის ახალი ფორმატი

მინიმუმ 40 მილიონი ევრო - შერკის ტრანსფერიდან "ლიონი" მნიშვნელოვან ფინანსურ სარგებელს ელის

პსჟ შეტევაში კიდევ უფრო ძლიერდება? - კვარაცხელიას კლუბში შესაძლოა, ყოფილი ფორვარდი დაბრუნდეს

აი, ამიტომ წავა კონტე "ნაპოლიდან" - იტალიურმა პრესამ ყველაფერი განმარტა

ინფორმაცია ტყუილი აღმოჩნდა - კლოპი "რომას" არ გაწვრთნის

გუნდი მხოლოდ ოთხ შეხვედრაში გაწვრთნა - ვალდესმა ესპანური კლუბი დატოვა

"დილამ" სტუმრად "ტორპედოს" მოუგო; ორი მატჩი ფრედ დასრულდა

ეროვნული ლიგა. V ტური. "დინამო" (ბთ) - "ტორპედო" [LIVE]

ჩემპიონთა ლიგა. VII ტური: "ბარსელონას" ფანტასტიკური ქამბექი ლისაბონში - "ლივერპულმა" ისევ მოიგო [VIDEO]

დაბრუნებაც, დებიუტიც... "იბერია 1999"-მა და "დინამო ბათუმმა" მოიგეს, ერთი მატჩი ფრედ დასრულდა

ჩემპიონთა ლიგა. IV ტური: "სლოვანის" მეოთხე მარცხი და პსვ-ს პირველი გამარჯვება

ეროვნული ლიგა. I ტური. "დინამო" (ბთ) - "დინამო" (თბ) [LIVE]

კაშიამ "ატლეტიკოსთან" შეუცვლელად ითამაშა - "სლოვანმა" მორიგი მარცხი განიცადა [VIDEO]

ეროვნული ლიგა. IV ტური. "იბერია 1999" - "დინამო" (ბთ) [LIVE]

ჩემპიონთა ლიგა. III ტური: "რეალის" დიდებული ქამბექი და ქართველების გუნდების მორიგი წაგებები [VIDEO]

"14 სანტიმეტრით დაბალი გრიზმანი თავზე გადაახტა" - სლოვაკურმა გამოცემამ "ატლეტიკოსთან" "სლოვანიდან" ყველაზე სუსტად კაშია მიიჩნია, მაგრამ ამას სხვები არ ეთანხმებიან...

ერთი გოლის ფასი: ბათუმელებმა, ფოთელებმა და გორელებმა მოიგეს [VIDEO]

ჩემპიონთა ლიგა. V ტური: კაშიას კარგი მატჩი "მილანთან" და "სლოვანის" დასანანი მარცხი [VIDEO]