მსოფლიო ჩემპიონატის პირველ ტურში, F ჯგუფში, ბელგიამ კანადა 1:0 დაამარცხა.

კანადელებმა დებიუტიდანვე შეუტიეს. მე-10 წუთზე ბურთი საჯარიმოში კარასკოს ხელზე მოხვდა. მსაჯმა ვიდეოგამეორების ნახვის შემდეგ პენალტი დანიშნა, მაგრამ დევიდს გატანა კურტუამ არ დაანება - ტიბომ ყველა ტურნირზე ბოლო 10 თერთმეტმეტრიანიდან 6 მოიგერია. აქედან მოყოლებული, შეხვედრა ორმხრივი შეტევებით მიმდინარეობდა და პირველი ტაიმის დასასრულს ბატშუაიმ ბელგია დააწინაურა.

შესვენების შემდეგ თამაში კიდევ უფრო თვალსასეირო სანახავი იყო. ბურთი ცენტრში პრაქტიკულად არ ჩერდებოდა, გუნდებს იერიში-იერიშზე მიჰქონდათ, მაგრამ გოლი ვერც ერთმა ვერ გაიტანა და გაიმარჯვა გუნდმა, რომელიც მეტოქეზე უკეთესი არ გახლდათ.

ამ ჯგუფში შემდეგი ტური 27 ნოემბერს გაიმართება: ბელგია მაროკოს, ხოლო კანადა ხორვატიას დაუპირისპირდება.

ალ რაიანი, „ახმად ბინ ალი“. 40 432 მაყურებელი

ბელგია - კანადა 1:0

გოლი: ბატშუაი (44)

გამოუყენებელი პენალტი: დევიდი (10)

ხორვატია მაროკოს დაუზავდა

"ნაპოლიდან" გათავისუფლებული მწვრთნელი ბელგიის ნაკრებს ჩაიბარებს

სპალეტის იტალიამ ბელგიას სძლია და 17 ნოემბერს საფრანგეთს უმასპინძლებს

საფრანგეთმა ბელგიას, იტალიამ კი ისრაელს მოუგო [VIDEO]

თეგები:

ბელგიის ნაკრები

კანადის ნაკრები

გაზიარება:

(0)

/

(0)