
"ნაპოლის" ნახევარმცველი პიოტრ ჟელინსკი, დიდი ალბათობით, ზაფხულის სატრანსფერო ფანჯრის დროს "ნაპოლის" დატოვებს. ამის შესახებ ინფორმაციას Areanapoli ავრცელებს.
წყაროს ცნობით, პოლონელს ნეაპოლური კლუბის ხელმძღვანელობა ანაზღაურების შემცირებას სთხოვდა, რაზეც 28 წლის ფეხბურთელმა უარი განაცხადა. ჟელინსკის "ნაპოლისთან" მიმდინარე ხელშეკრულება 2024 წელს ეწურება.
"პარტენოპეი" მის შემცვლელად "უდინეზეს" ნახევარმცველ ლაზარ სამარჯიჩის დამატებას განიხილავს. გერმანიის ახალგაზრდული ნაკრების წევრმა მიმდინარე სეზონში 20 მატჩში 3 გოლის გატანა და 1 საგოლე პასის შესრულება მოახერხა.