"ნაპოლი" ზაფხულის სატრანსფერო ფანჯარაზე გაძლიერებას გეგმავს, Сalcionapoli-ის ცნობით, კლუბის პრეზიდენტს აურელიო დე ლაურენტისს ახალგაზრდა ნიჭიერი მოთამაშეების ყიდვა სურს და სამიზნეებიც შეარჩია.

"პარტენოპეი" "სელტას" ტალანტის გაბრი ვეიგას, "ვილიარეალის" გარემარბის იერემი პინოსა და "მალიორკას" შემტევის კანგ ინ ლი-ს დამატებას შეეცდება.

ვეიგა ლა ლიგის ერთ-ერთ ყველაზე ნიჭიერ და პერსპექტიულ ნახევარმცველად ითვლება, მიმდინარე სეზონში 20 წლის ესპანელმა "ვიგოელების" მაისურით 31 მატჩი გამართა, თავი კი 9 გატანილი გოლითა და 4 შედეგიანი პასით გამოიჩინა.

იერემი პინო "ვილიარეალის" ერთ-ერთი ლიდერია და ვეიგას მსგავსად 20 წლის გახლავთ, მან 41 შეხვედრაში 3 გოლი გაიტანა და 6 საგოლე გადაცემა მიითვალა.

რაც შეეხება კანგ ინ ლი-ს, სამხრეთ კორეელმა ფეხბურთელმა "მალიორკას" რიგებში 35 მატჩი გამართა და 6 გოლის გატანა მოახერხა.

"ნაპოლი" კვარას და ოსიმენს მხოლოდ ასე შეინარჩუნებს" - კასანოს რჩევა დე ლაურენტისს

თეგები:

ნაპოლი

აურელიო დე ლაურენტისი

გაბრი ვეიგა

კანგ ინ ლი

იერემი პინო

გაზიარება:

(0)

/

(0)