კვარაცხელია ახალ მწვრთნელთან და ტაქტიკაში უფრო შედეგიანი უნდა იყოს - გასპერინის უპირატესობები...

ხვიჩა კვარაცხელიასთვის შთამბეჭდავი სეზონი დასასრულს უახლოვდება. ბიჭმა "არსაიდან" ევროპული ფეხბურთი აალაპარაკა და "ოქროს ბურთის" ნომინანტებში მე-12 ადგილს იკავებს. ქართველი გულშემატკივრები უკვე მომავალ წლებზე ფიქრობენ, როცა "კვარა" საფეხბურთო სამყაროს უკეთ დაიპყრობს. სატრანსფერო ჭორებს მუდმივად გავიგებთ, ახლა კი ყველაზე რეალური ისაა, ქართველი გარემარბი "ნაპოლიში" დარჩეს, მისი მთავარი მწვრთნელი კი ლუჩანო სპალეტი აღარ იყოს. გუნდიდან კიმისა და ოსიმენის წასვლის შანსიც დიდია, რაც მნიშვნელოვან ცვლილებებს გამოიწვევს.ნეაპოლელთა მწვრთნელობის კანდიდატად აქტიურად ორ პიროვნებას ასახელებენ - ჯან პიერო გასპერინისა და ანტონიო კონტეს. ორივე სპეციალისტს ერთი რამ აერთიანებს, ისინი უპირატესობას 3-მცველიან ტაქტიკას ანიჭებენ. ამ ეტაპზე უფრო მეტად "ატალანტას" დამრიგებელზე უთითებენ და ჩვენც უფრო მეტი გასპერინიზე ვთქვათ. 65 წლის სპეციალისტის სამწვრთნელო კარიერა "იუვენტუსის" ახალგაზრდულ გუნდში დაიწყო და "ინტერშიც" უმუშავია, ყველაზე კარგად კი თავი "ჯენოაში" მუშაობით გაითქვა, სადაც ეს გუნდი სერია "ბ"-დან დააწინაურა და ამბიციური გახადა. ჯან პიეროს "ატალანტა" სასიამოვნო ფეხბურთის მოყვარულია, ბევრი გააქვს, შეტევაზე ფიქრობს და ბევრსაც უშვებს. გასპერინს ჰქონდა მცდელობები, გუნდი უფრო პრაგმატული გაეხადა, რაც დიდი ხნით მაინც არ გამოუვიდა.<img src="pictures/artimages/original/2a39b4d91a7053598fbb23ce89d48fde.jpg" border="0" alt="Sportall.Ge" title="კვარაცხელია ახალ მწვრთნელთან და ტაქტიკაში უფრო შედეგიანი უნდა იყოს - გასპერინის უპირატესობები..." />მიმდინარე სეზონში ქართველი გარემარბის საუკეთესო გოლი ალბათ სწორედ "ატალანტას" წინააღმდეგ იყო. "ნაპოლის" სავარაუდო მომავალი დამრიგებლის წინა ხაზზე სამი შემტევია, განსხვავებული ფორმაციით - "1-2" ან უფრო მეტად "2-1". ორივე შემთხვევაში, წინა ხაზის მოთამაშეები მოწინააღმდეგის კართან უფრო ახლოს ტრიალებენ, ვიდრე ეს სპალეტის ფორმაციაშია.თანამედროვე ფეხბურთი სწორხაზოვანი იმიტომაც გახდა და დრიბლიორების დეფიციტია, მწვრთნელები იმაზე უფრო ფიქრობენ, დაკარგული ბურთის შემთხვევაში, ის როგორ დაიბრუნონ. შეუძლებელია, ყველა ფინტი შედეგიანი იყოს, შემტევებისგან განუვითარებელი იერიშიდან კი შესაძლოა, გოლი საკუთარ კარში მიიღო. ხვიჩა კვარაცხელიამ ამხელა მოწონება იმის გამო დაიმსახურა, ის მეტოქეებს თავბრუს ახვევს, ჩარჩოებიდან ამოვარდნილია, ამავდროულად კი, მწვრთნელის ტაქტიკურ დავალებებში მაქსიმალურად ჩართულია, დაცვაში ირჯება და ართმევები შეუძლია. ასეთ დროს შენს ფლანგზე მოთამაშე მცველსა და ნახევარდაცვის უნარს, დაკარგულ ბურთს შეტევაში რამდენად სწრაფად დააბრუნებს, დიდი მნიშვნელობა აქვს. სეზონის მეორე ნახევარში ნეაპოლურ გუნდში ეს პრობლემა იდგა.<img src="pictures/artimages/original/a0ac492cf088447803572a4740668907.jpg" border="0" alt="Sportall.Ge" title="კვარაცხელია ახალ მწვრთნელთან და ტაქტიკაში უფრო შედეგიანი უნდა იყოს - გასპერინის უპირატესობები..." />შეტევის დროს სპალეტის ფილოსოფია იმაში მდგომარეობს, ცენტრში მოთამაშეები (ანგისა და ზელინსკი) ფლანგებისკენ გადანაწილდნენ, გარემარბებმა კი (ხვიჩა და ლოსანო) გვერდით ხაზთან ძალიან ახლოს იმოძრაონ. კვარაცხელია ცენტში შესვლით თავისუფალ ზონებს ხსნის და თუკი იერიშზე თავად არ მიდის, მარცხენა ფლანგზე თანაგუნდელს ხელსაყრელ პასს აძლევს. გვგონია, რომ გასპერინის ტაქტიკაში ქართველი გარემარბი უფრო შედეგიანად ათამაშდება, რადგან ცენტრში და კართან ახლოს იქნება. მსგავს განლაგებას საქართველოს ნაკრებშიც ვხედავთ, როცა მთელი ფლანგის კონტროლი ერთ ფეხბურთელს ევალება და "კვარა" შუაში შედის.ჯან პიეროს "ატალანტა" ისე ჰყავს დაკომპლექტებული, საკუთარ სქემას კარგად მოარგოს და ეს ბუნებრივია. მაგალითად, მარცხენა ფლანგს აქ დავიდე ზაპაკოსტა აკონტროლებს, რომელსაც მსგავსი გამოცდილება ანტონიო კონტეს "ჩელსიში" ჰქონდა. აქვე უნდა ვთქვათ, რომ როგორც მარიო რუის, ასევე მატიას ოლივერას ამ ფუნქციის შესრულება გაუჭირდებათ და დიდია შანსი, ახალმა მწვრთნელმა აქ ალტერნატივაზე იფიქროს. ასეთ დროს ხშირია, როცა დამრიგებელს გუნდში თავისი ფავორიტი მოთამაშე მიჰყავს. შესაძლოა, ასეთი დანიელი იოაკიმ მელე იყოს, რომელიც ევროპის ჩემპიონატზე მშვენივრად ასპარეზობდა. მართალია, 26 წლის ფლანგელი მარჯვნივ თამაშობს, თუმცა ფრთის შეცვლაც შეუძლია. კვარაცხელიას გამოყენება გასპერინის ნებისმიერ ტაქტიკურ სქემაში შეუძლია, როგორც ორი ფორვარდის უკან, ასევე მარცხენა შემტევად. ორივე შემთხვევაში, როგორც ირვინ ლოსანოს, ასევე მატეო პოლიტანოს ამ ტაქტიკასთან ადაპტირება გაუჭირდებათ, საყრდენ ზონაში კი დიდი მნიშვნელობა ექნებათ ნახევარმცველებს, რომლებიც პრესინგით, ბურთის ართმევითა და შეტევაში კარგი ხედვით გამოირჩევიან.დაველოდოთ, მომავალი სეზონი არც ისე შორსაა!..

კვარადონა

კვარაცხელია გამთამაშებლად უნდა დააყენო და იტალიაში შეუჩერებელი გახდება (უამრავი საგოლე პასი, რეიდი - თავდასხმაში წინ გაჭრა, დაბნეული მცვექლები და შთამბეჭდავი გოლები).. მისი პოტენციალი მანდ უნდა განვითარდეს
კვარადონა

ვფიქრობ კვარა და ზიელინსკი, თავდამსხმელ(ებ)ის უკან უნდა იდგნენ და პასებით ამარაგებდნენ ოსიმენს ან/და სიმეონეს, კვარასაც კარგად გამოსდის ამოტანა ბურთის და მცველის ჩამოშორება კარისკენ დარტყმა, ბევრი ხიფათი შეიქმნება ხვიჩას არაორდინალური გადაწყვეტილებებით ცენტრში გადამისამართებით
nika7

100%იანი ხარ. შემთხვევით დამეწერა დისლაიკი ბოდიშს ვიხდი
ბმბ

საღოლ, ძალიან კარგი სტატიაა, პროფესიონალური.
ჰდჯ

კარგი ამბები გველოდება, არ მოვიწყენთ )
ამაშია საქმე

რუსებს აქვთ ერთი ჭკვიანური გამონათქვამი/от добра добра не ищут/ ქართულად რომ გადავთარგმნოთ სიკეთისგან მეტი სიკეთე არ მოინდომო.არ გამიგია გუნდმა რომელმაც ჩემპიონობა დიდი უპირატესობით მოიგო მის ტაქტიკას იწუნებდენ და რევიზიას უკეთებდენ.ეტყობა თემა გამოგელიათ.სხვა მწვრთვნელები რომ მოგყავთ სამაგალითოდ რა მოიგო ჯან პიერომ თავისი განუმეორებელი ტაქტიკით? თუნდაც გვარდიოლა რომელმაც სანამ 100 მილიონად ჰოლანდი არ იყიდა ჩ.ლ-ა ვერ მოიგო.თანაც მისი ტაქტიკა თავისუფალ დრიბლინგს და ბურთის დაკარგვას საერთოდ გამორიცხავს.ე.ი. მასთან ხვიჩას ადგილი არ არის.
Charley

ამ სქემაში 3-4-3 ან იგივე 3-4-1-2 კვარა როგორც თევზი წყალში ისე იგრძნობს თავს. მისი პროდუქტოულობა კი გაცილებით გაიზრდება ამაში ორი აზრი არაა, მიტომ რომ რასაც სპალეტის ხელში ასრულებს როცა მაქსიმალურად ხაზთან მყოფი წელავს მეტოქის მცველებს გასპერინის გუნდში ამ როლს მარცხენა ნომინალური მცველი ასრულებს რომელსაც აბარია მთლიანი მარცხენა ფლანგი, კვარას კი მოუწევს იმის კეთება რაც მისი პირდაპირი მოვალეობაა, მეტოქისთვის ხიფათის შექმნა საჯარიმოს მისადგომებიდან.
გოგა

ევროპული საზომით მართლა სოფლის გუნდია ნაპოლი, ეგეთი შედეგი დადო გუნდმა და შლიან, მწვრთნელს უშვებენ და გუნდის ლიდერ ფეხბურთელებს, მომავალ სეზონში ოთხეულისთვის თუ იბრძლებს კარგია.
ჟორა გაბრიჭიძე

ეს ფოტო ერთდროულად იტევს ხვიჩა კვარაცხელიას დიდ გმირობას და ატალანტას 8 ფეხბურთელის დიდ სირცხვილს.
ქუთაისი

გინდა გასპერინი, გინდა კონტე თუ ბენიტესი, კარგი იქნება თუ მიხვდება რომ კვარა გადაიყვანოს მოედნის ცენტრში... მან უნდა იტრიალოს საჯარიმოს ირგვლივ... აკეთოს რეიდები ცენტრიდან, მარცხნიდან და მარჯვნიდან... ანაწილოს პასები ყველა მიმართულებით... კვარას უნიკალური უნარები ამის შესაძლებლობას იძლევა.. ის იდეალური იქნება ამ პოზიციაზე... მისი ადგილი აქაა.
მწვრთნელი

როგორც ითქვა ამას ადრე, რუის, პოლიტანოს, ჟელინსკის, ლოსანოს ნაპოლი კონტრაქტს არ გაუგრძელებს! ნდომბელე, რასპადორი და სიმეონე არენდით არიან და არა მგონია ეს მოთამაშეები ნაპოლიმ გამოისყიდოს! ასევე სათქმელია, რომ დიდი ალბათობით გაყიდიან კიმს და ოსიმენს! დასაშვებია ლობოტკას და დი ლორენცოს გაყიდვაც და ზუსტად ამაზე ვერ შეთანხმდნენ სპალეტი და აურელიო! სპალეტის უნდოდა ძირითადი ბირთვის შენარჩუნება, დე ლაურენტისი ბიზმესმენია და კარგად ესმის ეს საქმე! ასეა თუ ისეა სპალეტი მიდის და ახალ მწვრთნელს ვინც არ უნდა მოვიდეს ახალი გუნდის შექმნა მოუწევს! ასევე ხვიჩა, თუ დარჩება ახალ მოთამაშეებთან უნდა გამონახოს საერთო ენა მოედანზეც და მოედნის გარეთაც, როგორ გამოუვა დრო გვიჩვენებს!
გიორგი

3-4-3 ტაქტიკაში კვარაცხელია მარცხენა შემტევადა და ელმასი მარცხენა ნახევარმცველად ბევრად ეფექტურები იქნებიან

ხვიჩას დაჯილდოება, მიქაუტაძისა და დავითაშვილის გადამწყვეტი მატჩი და სხვა ამბები

ლეგენდა მიდის - "ლიონის" მთავარი თავდამსხმელი მიქაუტაძე გახდება

Ballon d'Or 2025: კვარაცხელია რეიტინგში კიდევ უფრო დაწინაურდა

მოურინიოს პორტუგალიის ნაკრების მწვრთნელად არ დანიშნავენ

"რეალისთვის" ყველაფერი გავაკეთე" - კარლო ანჩელოტი

სუპერლიგის ფინალურ სერიაში "ქუთაისი" და თსუ შეერკინებიან

"დე ბრუინს "ნაპოლის" შესახებ ეს უთხრეს" - ცნობილმა იტალიელმა ჟურნალისტმა ბელგიელზე ისაუბრა

"ქართული ფეხბურთის ხარისხი იზრდება და ეს შთაგონება სხვა პატარა ქვეყნებისთვისაცაა" - სავიოლა ლეგენდების მატჩის წინ

"იცით, "ალავესის" ფეხბურთელმა რა მითხრა?" - მამარდაშვილი

უარი "ლივერპულს" და "ჩელსის" - ალონსოს ინიციატივით "რეალმა" პირველი ტრანსფერი შეათანხმა

[VIDEO] "გოლდენ სტეიტი" პლეი-ოფს გამოეთიშა - "მინესოტა" კონფერენციის ფინალშია

[VIDEO] ლობჟანიძემ MLS-ში საგოლე პასი შეასრულა

[VIDEO] ოსიმენის ისტორიული რეკორდი - ნიგერიელმა "გალათასარაის" თასი მოაგებინა

[VIDEO] მამარდაშვილის მოგერიებები, "აკიდებული" პენალტი და "ვალენსიას" ათმატჩიანი წაუგებელი სერიის შეწყვეტა

საფრანგეთში რეფორმა იგეგმება, რათა პსჟ ვადამდე არ გახდეს ჩემპიონი

პსჟ ორი ფეხბურთელის შეძენას აპირებს და დაცვის ეკვადორული ცენტრი ეყოლება

"შახტარს" "ნაპოლის" მიერ სუდაკოვში შეთავაზებული თანხა ეცოტავა

საქართველოს ნაკრების ფეხბურთელმა შეიძლება ესპანური კლუბი დატოვოს

„შავი ლომის“ ბრიტანული ტურნე: მატჩები შოტლანდიაში და შემადგენლობაში ცვლილებები

100 მილიონი ევრო ფაბრეგასის შესანარჩუნებლად - "კომოს" დიდი მიზნები აქვს

ფინანსების მოძიება ჰოლანის ტრანსფერისთვის - "ბარსელონა" ნორვეგიელის დამატებას გეგმავს

რაფინიამ ახსნა, როგორ ცდილობდა ნეიმარი "ბარსელონაში" დაბრუნებაზე დაერწმუნებინა

ბასილაშვილის ბრწყინვალე შეხვედრა - ნიკოლოზმა სახელოვანი ესპანელი მეტოქე 2 სეტში გაანადგურა

ვიქტორ ოსიმენი სერია A-ში ბრუნდება

ნუთუ დე ლაურენტისი ასეთი გულუხვი გახდა? - ყველაფერი დე ბრუინისთვის!

ფეხბურთელი, რომელმაც კვარასთან ერთად სკუდეტო მოიგო, სერია C-ში ითამაშებს

ხვიჩა კვარაცხელია ეროვნულ ნაკრებს შეუერთდა [PHOTO]

"კვარაცხელიამ საუკეთესო ფორმა უკან მოიტოვა" - უცხოური მედიის პრევიუ და სავარაუდო შემადგენლობა

"ნაპოლის" ზაფხულში გუნდის ფორვარდი გამოემშვიდობება

კონტეს სეზონის ბოლოს პრობლემები მოეძალა - "ნაპოლი" ერთ-ერთი ლიდერის გარეშე დარჩა?

კვარაცხელიასა და მიქაუტაძის მატჩის დღე! - შეხვედრები, რომელიც დღეს და ხვალ დიდ ინტერესს იმსახურებს