მადრიდის "რეალის" ყოფილმა მეკარემ, დიეგო ლოპესმა, AS-თან ინტერვიუში "ბლანკოსის" შესახებ ისაუბრა. ესპანელმა კარის დარაჯმა კარიერა ახლახან დაასრულა, "სამეფო კლუბის" ღირსებას კი 2005/2007, 2013/2014 წლებში იცავდა.

მისი თქმით, "რეალის" პრეზიდენტის, ფლორენტინო პერესის ადგილას ჰოლანსა და მბაპეს შორის არჩევანს ამ უკანასკნელზე შეაჩერებდა, თუმცა ყველამ უნდა გააცნობიეროს, რომ მადრიდული კლუბი ყველა ფეხბურთელზე მაღლა დგას.

"ჰოლანსა და მბაპეს შორის ფრანგს ავირჩევ. მას "რეალისთვის" ბევრის გაკეთება შეუძლია. მაგრამ მადრიდი ყველა ფეხბურთელზე მაღლა დგას, მათ შორის, იმ დიდებულ ფეხბურთლებზე, რომლებსაც "რეალის" მაისური მოურგიათ.

არ ვიცი, კილიანი რას გადაწყვეტს, თუმცა, თუ მსოფლიოს ყველაზე დიდ გუნდში თამაში გსურს, გარკვეულ რისკზე უნდა წახვიდე", - განაცხადა ლოპესმა.

დიეგო ლოპესი საავადმყოფოდან სახლში გაწერეს

თეგები:

მადრიდის რეალი

დიეგო ლოპესი

გაზიარება:

(0)

/

(0)