ქართველები

• ქართველი სპორტსმენები
ფეხბურთი
• ეროვნული ნაკრები
• ეროვნული ლიგა
• ეროვნული ლიგა 2
• ლეგიონერები
• თასი
• ასაკობრივი ნაკრები
• სხვადასხვა
• ევროპა ლიგა
• კონფერენს ლიგა
• ინგლისი
• ესპანეთი
• იტალია
• გერმანია
• საფრანგეთი
• მსოფლიო
• ჩემპიონთა ლიგა
• ევროპის ჩემპიონატი
• სხვადასხვა
• ქალთა ფეხბურთი
• ტრანსფერები
კალათბურთი
• ეროვნული ნაკრები
• სუპერლიგა
• თასი
• NBA
• ლეგიონერები
• ევრო ლიგა
• ევროპის ჩემპიონატი
• მსოფლიოს ჩემპიონატი
• ასაკობრივი ნაკრები
• სხვადასხვა
ჩოგბურთი
რაგბი
• ეროვნული ნაკრები
• დიდი 10
• თასი
• ლეგიონერები
• 6 ერი
• ტესტები
• ერთა თასი
• მსოფლიო თასი
• ასაკობრივი ნაკრები
• სხვადასხვა
MMA
• UFC
ფორმულა 1
ჭიდაობა
• ძიუდო
• თავისუფალი
• კლასიკური
• ქართული
• სუმო
• სამბო
• ქალთა ჭიდაობა
• ბერძნულ-რომაული
სხვადასხვა
• კრივი
• ველოსპორტი
• ტანვარჯიში
• ცურვა
• ჭადრაკი
• მძლეოსნობა
• ძალოსნობა
• მკლავჭიდი
• ტყვიის სროლა
• კარატე
• ნიჩბოსნობა
• მშვილდოსნობა
• ფარიკაობა
• წყალბურთი
• ხელბურთი
• ფრენბურთი
• ავტოსპორტი
• ჰოკეი
• თხილამურებით სრიალი
• ფიგურული სრიალი
• საინტერესო ამბები
• სხვადასხვა
• ფიტნესი
• ფიგურული ციგურაობა

საქართველო ევრო 2024-ზეა. "რაც კარგები ვართ, ქართველები ვართ" - ამის მუდმივობაში გადაზრდა გვმართებს

<p>საბერძნეთთან გამარჯვების შემდეგ ნანა მჭედლიძის შესანიშნავი ფილმის, „პირველი მერცხალის“ ფინალური სცენა გამახსენდა, როდესაც ქართველი ფეხბურთელები „აბა ულას“ მღერიან. ეს რაღაც განსაკუთრებულია, გაუტეხავი სულის გამოხატულებაა, ბრძოლის უნარის, დამარცხების მერე ფეხზე წამოდგომის და მიზნის მიღწევის. გავიმარჯვეთ, ჩვენ ერთად გავიმარჯვეთ და რაოდენ სიმბოლურია, რომ გადამწყვეტი პენალტი აფხაზეთიდან დევნილმა ნიკა კვეკვესკირმა გაიტანა, რომელიც თანანაკრებელებთან ერთად ნამატჩევს რესპუბლიკის მოედანზე შეკრებილ გულშემატკივრებთან მივიდა და სკანდირებდა: „აფხაზეთი საქართველოა!“, „სამაჩაბლო საქართველოა!“. საქართველოა და მერე როგორი საქართველოა...</p><p><p><p>უსაშველოდ გაიწელა შეხვედრის დაწყება, დრო თითქოს მიიზლაზნებოდა; შიშის გრძნობაც არსებობდა, რომ ჩვენი ბიჭები ზეწოლას ვერ გაუძლებდნენ. გაუძლეს და დამსახურებული გამარჯვებაც მოიპოვეს. მეტოქეს არაფერი დაუთმეს და გამოჩნდა მწვრთნელის, ვილი სანიოლის სტრატეგიის, ტაქტიკის და შერჩეული შემადგენლობის მართებულობა. თერთმეტმეტრიანების სერია ლატარიაა, შეიძლება არ გაგიმართლოს, მაგრამ ასეც რომ არ მომხდარიყო, განა ფეხბურთელებზე აუგი დაგვცდებოდა. ისინი ხომ ბოლომდე დაიხარჯნენ, სული, გული ჩადეს თამაშში, გააკეთეს, რაც შეეძლოთ და რაც არ შეეძლოთ. ყველა ქების ღირსია, ვინმეს გამოყოფა არ შეიძლება. დაცვაც კარგად გაისარჯა, მხოლოდ ორჯერ თუ სამჯერ მისცეს მეტოქეს კარში დარტყმის საშუალება, თუმცა წარმოუდგენელია ასეთ მოწინააღმდეგეს 120 წუთის განმავლობაში ერთხელაც არ მიეცეს შანსი. ცოტა გაგვიმართლა კიდეც, მაგრამ ძლიერებს უმართლებთ და ფეხბურთის ღმერთიც ჩვენ მხარეს აღმოჩნდა.</p></p></p><p><img src="pictures/artimages/original/1d3b9c5e52854729fb433a5652b83d85.jpg" border="0" alt="Sportall.Ge" title="საქართველო ევრო 2024-ზეა. "რაც კარგები ვართ, ქართველები ვართ" - ამის მუდმივობაში გადაზრდა გვმართებს" width="500" height="333" style="border: 0px;" /></p><p>არ მინდა, ვინმე გამოვყო, თუმცა განსაკუთრებით სასიამოვნოდ ლაშა დვალმა და გიორგი ქოჩორაშვილმა გამაკვირვეს. საბა კვირკველიას სასტარტოში არდაყენებას სულ ტყუილად უკიჟინებდნენ სანიოლს. როგორც კი დავინახე პირველ ვარჯიშზე, როგორ ფორმაში იმყოფებოდა, მასში ეჭვი არ შემპარვია. აქვს ხოლმე სეზონის დასაწყისში გარკვეული პრობლემა, თუმცა მწყობრში ჩადგომისთანავე ისევ ძველი საბა ხდება. გიორგი მამარდაშვილზე ხომ ლაპარაკიც ზედმეტია, მსოფლიოში ერთ-ერთი საუკეთესო მეკარეა, ხოლო ასაკის, სიმაღლის და უნარების გათვალისწინებით, საუკეთესოც შეუძლია გახდეს. გიორგი ჩაკვეტაძეზე ბევრს ჩაქნეული ჰქონდა ხელი, რადგან მძიმე ოპერაციების შემდეგ მისი დაბრუნება თითქოს წარმოუდგენლად მოჩანდა. დაბრუნდა, ფიზიკურად კიდევ უფრო მომძლავრდა და მისგან შემდგომ პროგრესირებას ველით.</p><p><p><p>ცალკე საუბრის თემაა ხვიჩა კვარაცხელია. ზოგიერთი რატომღაც თვლის, რომ კარგი მატჩი არ ჰქონდა, რასაც აბსოლუტურად ვერ დავეთანხმები, ვინაიდან მუდმივ დაძაბულობაში ჰყავდა მეურვეები, სამ მცველს ყვითელი ბარათი მიაღებინა, კონსტანტინოს ციმიკასი კი მსაჯს, შიმონ მარჩინიაკს აუცილებლად უნდა გაეძევებინა. ბერძენმა კვარაცხელიას მწყობრიდან გამოსაყვანად პირველ ტაიმში გამიზნულად და არა უნებურად ჩაარტყა იდაყვი სახეში. თქვა ელადელების მწვრთნელმა გუსტავო პოიეტმა, რომ უკვე საწყის წუთებში მისი სამი მცველი გაფრთხილებული და „გაწითლების“ საშიშროების წინაშე აღმოჩნდა და ამანაც შეუზღუდათ მოქმედების საშუალება. ხვიჩას მუდამ ორი ან სამი ფეხბურთელი წნეხის ქვეშ ჰყავდა და ისინი შეტევებში სრულფასოვნად ჩართვას ვერ ახერხებდნენ.</p></p></p><p><img src="pictures/artimages/original/3cd5046dace14d6bd94ca85168e51c53.jpg" border="0" alt="Sportall.Ge" title="საქართველო ევრო 2024-ზეა. "რაც კარგები ვართ, ქართველები ვართ" - ამის მუდმივობაში გადაზრდა გვმართებს" width="500" height="310" style="border: 0px;" /></p><p>ალბათ, ყველა ჩვენგანმა ძალიან ინერვიულა, კინაღამ გამისკდა გული (ერთი პირობა შემეშინდა, ჯანმრთელობის პრობლემა არ შემქმნოდა), მაგრამ ეს გამარჯვება ამად ღირდა. მადლობა ფეხბურთელებს და განსაკუთრებული მადლობა გულშემატკივრებს. ჩვენი გოგო-ბიჭები, როგორც ყოველთვის, განუმეორებლები იყვნენ. იცით, მგონია, საკუთარ თავს სათანადოდ ვერ ვაფასებთ ხოლმე. ერთ ამბავს გავიხსენებ - საქართველოსა და რუმინეთში ჩატარებულ ევროპის ახალგაზრდულ პირველობაზე უეფას ერთ-ერთმა მაღალჩინოსანმა აღნიშნა, რომ ისეთი შთაბეჭდილება დარჩა, თითქოს ტურნირი მხოლოდ ერთ ქვეყანაში, ჩვენთან გაიმართა. ხალისიანი, გარეგნულადაც ლამაზი მაყურებლები მგზნებარე ქომაგობით სტადიონზე რაღაც საოცარ ატმოსფეროს ქმნიან და მახსენდება ლამის დავიწყებული გამონათქვამი, რომელიც, შესაძლოა, ზოგს გადაჭარბებულად მიაჩნია - "რაც კარგები ვართ, ქართველები ვართ". ვართ, ბატონებო და ქალბატონებო, ოღონდ ხანდახან და ამ „ხანდახან“-ის მუდმივობაში გადაზრდა გვმართებს. ყურადღება არ უნდა მივაქციოთ იმ ძალიან, ძალიან მცირერიცხოვან ვაიგულშემატკივრებს, რომლებსაც საკუთარი ქვეყნის წარმატება არ უხარიათ და ჩვენი სამშობლოს საკეთილდღეოდ ყოველთვის საუკეთესონი ვიყოთ, ისეთები, როგორებიც ბოლო ორი თამაშისას ვიყავით.</p><p>ამ გამარჯვებას ქართული ფეხბურთის განვითარებისთვის ახალი მუხტის შეძენა ძალუძს. უნდა გითხრათ, არც ევროპის ჩემპიონატზე ვიქნებით მთლად უშანსოდ და ბრძოლას გერმანიაშიც ყველას გავუმართავთ. "აბა ულა", საქართველოს ნაკრები ევრო 2024-ზე მიემგზავრება - ვისაც გჯერათ, გაგვატარეთ.</p><p><p><p><strong>მიმომხილველი</strong></p></p> <p><p><strong></p><p></strong></p></p> <p><p><strong> </strong> <p></p></p><br></p>

• ლუკა

  კარგი სტატიაა!თუმცა ჩემ აზრს გამოვთქვამ,ვფიქრობ კვარაცხელია გასულ წელთან შედარებით შესამჩნევად გაზრდილი არაა და არც ამ მატჩი იყო ისეთი როგორსაც ვისურვებდით.კიი მეტოქეზე ზეწოლას ახდენდა,მაგრამ რას ვხეირობდით?ბურთს მუდმივად კარგავდა,გადამრია სისულელეებით,როცა ფლანგზე ხარ ოთხ მეტოქესთან,დაარტყი ძლიერად პარტნიორისკენ,ან გაძვრება ან მეტოქიდან აუტში გადავა,თავდაღუნული თამაშობდა ან ეგოისტურად ან სულელურად.ის ძალიან ნიჭიერია და თუ კარგ ხელში არ მოხვდა,გაფუჭდება.ვფიქრობ სანიოლიმ სწორი სტრატეგია აირჩია,მაგრამ ამ სტრატეგიას უფრო მიქაუტაძე მოუხდებოდა და დავითაშვილი სასტარტოში და შემდეგ შეცვლაზე ზივზივაძე და ჩაკვე.ესეც არ იყოს მათი შეცვლა ძალზე დააგვიანა.სწორედ ნახევარმცველების კარგი თამაშით იყო ჩაკეტილი კარისკენ მიმავალი გზები და როცა ჩაკვე და კიტე დაიღალნენ მაშინ შეიქმნა სახიფათო მომენტები ჩვენ კართან. ვულოცავ ბიჭებს და საქართველო,ეს გამარჯვება გუნდის,ხელმძღვანელების და ხალხის უნიკალური ერთობის ხარჯზე მოხდა!წინ საქართველო!წარმატებები!

• suxumchanin

  ის ოსი და აფხაზი(სამწუხაროდ ტრაგიკულად დაღუპული) დღესაც საქართველოში არიან და აგრძელებენ ქვეყნის მხარდაჭერას( ვიტალის შვილები)

• საქართველო

  კი ბატონო, 81-ში ისტორია აფხაზმა და ოსმა შექმნეს და არა აფსუამ და კავკასიონის ქედს მიღმიდან გადმოსულმა ალანიელმა ოვსმა. ისინი სულით, გულით და მენტალობით საქართველოს შვილები იყვნენ, იმიტომაც იყვნენ იქ სადაც იყვნენ და თამაშობდნენ იქ, სადაც თამაშობდნენ.

• მალხაზ ჯობავა

  გუნდის ექიმმა, შენგელიას რაღაც პატარა ძვილის ტრამვა აქვსო, გამოჯანმრთელების დრო არ უთქვია. იმედია ივნისისთვის ფორმაში იქნება.

• ლევანი

  ლევან შენგელიას, კოჭ-წვივის მცირე მოტეხილობა აქვს, სერიოზული არაა, რამოდენიმე კვირაში მწყობრში იქნებაო. ჩემი უღრმესი პატივისცემა და სიყვარული მას, უმაგრეს ქართველს, ამ გამარჯვების ერთ-ერთ მთავარ შემოქმედს! დიდება საქართველოს!

• რიგითი

  კიდევ და კიდევ გილოცავ საქართველო.. ახლა როცა ემოცია ოდნავ დაცხრა მაინტერესებს სად არის დაკარგული ფედერაციის პრეზიდენტი კობიაშვილი??

• Gio

  ნუ ივიწყებთ: 81-ში ოსმა და აფხაზმა შექმნეს ისტორია. ეს ძალიან მისანიშნებელი და საყურადღებო ფაქტია

• !!

  პატრიოტული გულის ძახილი არ მაძლევს საშუალებას რომ არ ვთქვა: კომუნისტების მიერ აშენებულ სტადიონზე გამარჯვებას არ ვაღიარებ. ვითხოვ ბათუმის სტადიონზე გადათამაშებას. დამოუკიდებელმა საქართველომ სწორედ დამოუკიდებლობის პერიოდში აშენებულ სტადიონზე უნდა მოიპოვოს გამარჯვება. P.S საერთოდაც, მეტროსაც თუ გავაჩერებთ ურიგო არ იქნება. იმუშაოს მხოლოდ ორმა სადგურმა, რომლებიც დამოუკიდებლობის დროს ავაშენეთ, ვაჟა-ფშაველა - სახელმწიფო უნივერსიტეტი.

• ვახო...

  ნამდვილად, ყველა ჭეშმარიტ ქართველს ვულოცავ ამ უდიდეს გამარჯვებას! წინ, კიდევ ბევრი, დიდი გამარჯვებები გველის!

• ჯანაშია ვაგნერი.

  ეს ყველაფერი კარგი!!კიდევ უკეთესი იქნებოდა,თუ ლევან შენგელიას ჯანმრთელობას მოიკითხავდით.უდიდესი დამსახურება მიუძღვის ამ ბიჭს ნაკრების წარმატებაში.ნუთუ არავინ არ იცის მისი ჯანმრთელობის მდგომარეობა.კაცს ისედაც გაუხარდებოდა მოკითხვა.

• თემური

  შენგელიას ტრამვაზე თუ გაქვთ რაიმე ინფორმაცია გთხოვთ დაწეროთ!

• სოსო

  საერთო აზრის გამომხატველ სტატიასაც კონკრეტული პიროვნება წერს.სამწუხაროა,ვინაობის გამჟღავნება რომ არ გსურთ.მიიღეთ ჩემი გულწრფელი პატივისცემა და უფრო ხშირად წერეთ.თქვენ ჟურნალისტებს მუდამ ამას ვთხოვ,ხშირად უაზრო და იაფფასიანი უცხოური სტატიების გადმობეჭდვას,თქვენი საკუთარი ნააზრევი მოგვაწოდოთ,გირჩევნიათ მეთქი.რას კარგავენ?ჰო და თქვენც დაამტკიცეთ,რომ კარგად წერა და ანალიზი შეგიძლიათ.დაე უცხოელებმა გადაბეჭდონ, სპორტალის სტატიები.როცა ფიქრობ,ვითარდები კიდეც.თუ რედაქტორი ხართ,თქვენც დაინტერესებული იქნებით,თანამშრომელთა განვითარებით.ვფიქრობ ცუდი აზრი არ არის.დასპეციალდნენ სპორტის სხვადასხვა სახეობაზე,წერონ,ხელი გაიწაფონ,ჩაუღრმავდნენ ამ სახეობებს,წერონ საჭირბოროტო საკითხებზე,საკუთარ თავზე აიღონ ინიციატივა.საიტიც განვითარდება და მკითხველიც უფრო კმაყოფილი დავრჩებით.წარმატებებს გისურვებთ!

• სოსო-ს

  როცა სტატიას ავტორი არ უწერია, ე.ი. ავტორი ან გამოცემის რედაქტორია, ან მთლიანად რედაქციის სახელითაა გამოქვეყნებული.

• X

  კვეკვესკირზე ხმა არ გავიგო ყოველთვის კარგი ბიჭი იყო პიროვნულად და აგერ შეასრულა განსაკუთრებული ბიჭია.

• ზურა

  ვილი სანიოლმა თავის საერთო კარიერაში საუკეთესო მატჩი ჩაატარა.

• აკაკი

  რუსეთი ვერ გავიდა ევროპის ჩემპიონატზე, ამით ის მტკიცდება რომ უკრაინა მაგარ პონტებშია, რუსეთი კი იძირება. ხო კარგი ვხუმრობ. საქართველო მართლა მაგარი ქვეყანაა, რაც მაგრები ვართ ქართველები ვართ და ამ ტერმინის მოწინააღმდეგენი უმეტეს წილად მხოლოდ ქართული იდენტობის მოზიზღე ტიპები და ტიპშები იყვნენ.

• Levani

  100% აბა რაა

• რაბუ

  მიხედეთ დინამო თბილისს არანაკლები ზეიმი იქნება ქალაქში და ქვეყანაში რაც გუშინ ვნახეთ. გახარებული და გაერთიანებული ქართველები. ფეხბურთი სპორტზე მეტია. იზრუნეთ ამ კლუბზე რომ იშვიათი მოვლენა არ იყოს საფეხბურთო ზეიმი ქვეყანაში და აქ ჩამოდიოდნენ ევროპული კლუბები და მათთან გამარჯვებას ვზეიმობდეთ

• გიორგი

  გაიხარე, მიმომხილველო. ზუსტი შეფასებები და ნორმალური ადამიანის სურვილები გაქვს. მართალი გითხრა, მეგონა ერთ ბურთს მაინც გაგვიტანდნენ, და სულ მცირე 2 ბურთის გატანისთვის უნდა ვყოფილიყავით მზად, და სათამაშო სქემაც შესაბამისად უნდა აგვეწყო, მაგრამ სანიოლი მართალი აღმოჩნდა, რასაც გულწრფელად ვულოცავ!

• სოსო

  ავტორს.ავტორ,გამოდი რას იმალები?!ამ ბოლო დღეებში,ორი ისეთი შესანიშნავი სტატია გამოაქვეყნე, აღტაცებული დავრჩი.დააწერე შენი სახელი რომ ვიცოდეთ,ვინ არის კიდევ ერთი კარგი სპორტული ჟურნალისტი და პიროვნება.

მსოფლიოს ჩემპიონატის საკვალიფიკაციო ეტაპზე საქართველოს ნაკრების მეტოქეები გაირკვა

დაეხმარება თუ არა ბოლდუინი ევრობასკეტზე საქართველოს ნაკრებს? - ნაკრების ექიმის კომენტარი

13 მაისს დოჰაში მსოფლიოს ჩემპიონატის წილისყრა გაიმართება | საქართველო IV კალათაშია

20 წ. | მსოფლიომდე ინგლისთან

თოფურია vs ოლივეირა: დიდ დაპირისპირებამდე – წინასწარი ანალიზი და მოლოდინები

"მათ კომპლექსები არ გააჩნიათ" - ლაპორტა "ბარსელონას" ფეხბურთელებზე

[VIDEO] ბრწყინვალე იამალის გოლი და საგოლე პასი - "ბარსელონა" ვადამდე გახდა ჩემპიონი

[VIDEO] უმძიმესი კადრები "ელ პრატიდან" - "ესპანიოლი" "ბარსელონას" მატჩი რამდენიმე წუთით შეჩერდა

ლეგენდა მიდის - "ლიონის" მთავარი თავდამსხმელი მიქაუტაძე გახდება

ევროპის ჩემპიონატზე საქართველოს ნაკრების მეტოქეები ცნობილია

Ballon d'Or 2025: კვარაცხელია რეიტინგში კიდევ უფრო დაწინაურდა

მოურინიოს პორტუგალიის ნაკრების მწვრთნელად არ დანიშნავენ

მარადიშვილი საქართველოს ნაკრების ფეხბურთელი უნდა გამხდარიყო, ახლა კი შეიძლება კარიერის დასრულება მოუწიოს

"ესპანელი ბიჭუნა ხარ" - მახაჩევმა თოფურიას მიმართა

პსჟ გოლების მანქანის შეძენას გეგმავს

"რეალისთვის" ყველაფერი გავაკეთე" - კარლო ანჩელოტი

სუპერლიგის ფინალურ სერიაში "ქუთაისი" და თსუ შეერკინებიან

ფეხბურთელი, რომელმაც კვარასთან ერთად სკუდეტო მოიგო, სერია C-ში ითამაშებს

"დე ბრუინს "ნაპოლის" შესახებ ეს უთხრეს" - ცნობილმა იტალიელმა ჟურნალისტმა ბელგიელზე ისაუბრა

"ქართული ფეხბურთის ხარისხი იზრდება და ეს შთაგონება სხვა პატარა ქვეყნებისთვისაცაა" - სავიოლა ლეგენდების მატჩის წინ

"იცით, "ალავესის" ფეხბურთელმა რა მითხრა?" - მამარდაშვილი

უარი "ლივერპულს" და "ჩელსის" - ალონსოს ინიციატივით "რეალმა" პირველი ტრანსფერი შეათანხმა

[VIDEO] "გოლდენ სტეიტი" პლეი-ოფს გამოეთიშა - "მინესოტა" კონფერენციის ფინალშია

ქოჩორაშვილის შეძენას "ნაპოლი" და "სპორტინგი" შეეცდებიან

"უბრალოდ მეტი, ვიდრე ფეხბურთი" - ქოჩორაშვილმა სევიკიანთან გადაღებული ფოტო გამოაქვეყნა

საქართველოს ნაკრებთან დამარცხების გამო სომხეთში აღშფოთებული არიან

ერთ-ერთი მეტოქე ცნობილია - ვისთან გამართავს ამხანაგურ მატჩს ივნისში საქართველოს ნაკრები

ერთ-ერთი მეტოქე ცნობილია - ვისთან გამართავს ამხანაგურ მატჩს ივნისში საქართველოს ნაკრები

სიომინი: ჩივაძის და კალაძის შემდეგ, ახლა კვარაცხელიას ეპოქაა

Сакартвелос гаумарджос! - ჩვენს ნაკრებს გამარჯვებას თინა კანდელაკი ულოცავს

ნაკრების ექიმმა კვარაცხელიას და შენგელიას ტრავმებზე კომენტარი გააკეთა

ბუდუს თამაშს თბილისში თურქული კლუბის სკაუტები დააკვირდნენ

ვინ რა მიზეზით არ იქნება ივნისში საქართველოს ნაკრებში?

სკანდალი - ბერძენი ფეხბურთელი საქართველოს ნაკრებთან ნამატჩევს დოპინგ-ტესტზე ჩავარდა

ნეაპოლში განგაშია - "კვარამ" შეიძლება "ატალანტასთან" ვერ ითამაშოს