რონალდომ პორტუგალიას მოაგებინა, მოდრიჩმა

00:00 / 00:00

ერთა ლიგის A1 ჯგუფში მეორე ტური გაიმართა.

პორტუგალიამ საკუთარ მოედანზე შოტლანდიას 2:1 სძლია. სტუმრები „ნაპოლის“ ახალწვეულმა სკოტ მაკტომინეიმ დააწინაურა, რომელმაც ზედიზედ მეორე მატჩში გაიტანა. შესვენების შემდეგ ბრუნო ფერნანდეშმა ანგარიში გაათანაბრა, შეცვლაზე შესულმა 39 წლის რონალდომ კი 88-ე წუთზე მასპინძლებს გამარჯვება მოუპოვა. ეს მის კარიერაში 901-ე გოლია.

ხორვატიამ ლუკა მოდრიჩის გოლით პოლონეთი 1:0 დაამარცხა. მოდრიჩი დღეს 39 წლის გახდა და ეროვნულ გუნდში 180-ე შეხვედრა ჩაატარა. მასზე მეტჯერ ევროპელებისგან ნაკრებში მხოლოდ კრიშტიანომ ითამაშა - 213.

ჯგუფში 6 ქულით ლიდერი პორტუგალიაა, ხორვატიას და პოლონეთს 3-3 ქულა აქვთ, ხოლო შოტლანდია უქულოდაა.

12 ოქტომბერს ხორვატია შოტლანდიას, პოლონეთი კი პორტუგალიას მიიღებს.

ლისაბონი. „და ლუში“

პორტუგალია - შოტლანდია 2:1

გოლები: 0:1 მაკტომინეი (7), 1:1 ბრუნო ფერნანდეში (54), 2:1 რონალდო (88)

ოსიეკი. „ოპუს რენა“

ხორვატია - პოლონეთი 1:0

გოლი: მოდრიჩი (52)