00:00 / 00:00

• Play
• Mute
• Fullscreen

პრემიერლიგის მე-19 ტურში "მანჩესტერ იუნაიტედი" შინ "ნიუკასლთან" 0:2 დამარცხდა. ეს ამორიმის გუნდისთვის ზედიზედ მესამე მარცხი იყო.

შეხვედრა თავიდანვე "ნიუკასლის" დიდი უპირატესობით წარიმართა და მე-4 წუთზე ანგარიში ისაკმა გახსნა, მე-19 წუთზე კი ჟოელინტონმა სხვაობა ორ ბურთამდე გაზარდა და მატჩის საბოლოო ანგარიშიც დააფიქსირა.

"იუნაიტედმა" რამდენიმე ანტირეკორდი დაამყარა, კერძოდ "მანკუნიანელებმა" 1930 წლის შემდეგ თვეში 6 მატჩი პირველად წააგო.

ასევე "მანჩესტერმა" დეკემბერში 18 გოლი გაუშვა, რაც ბოლო 60 წლის განმავლობაში პირველად მოხდა.

"წითელი ეშმაკები" პრემიერლიგის სატურნირო ცხრილში 22 ქულით მე-14 ადგილზეა, ამორიმის გუნდი მორიგ შეხვედრას 5 იანვარს, სტუმრად "ლივერპულის" წინააღმდეგ გამართავს.

"ნიუკასლი" 32 ქულით მე-5 ადგილზეა, "კაჭკაჭები" 4 იანვარს, "ტოტენჰემს" დაუპირისპირდებიან.

მიზეზი ფულია - თურქი ჟურნალისტი ოსიმენის "მანჩესტერ იუნაიტედთან" შეუთანხმებლობაზე და ნიგერიელის სატრანსფერო საგაზე

კაზემირომ შესაძლოა, საუდის არაბეთს მიაშუროს

"ნაპოლის" კონკურენტი გამოუჩნდა - სანჩოს გადაბირება სერია A-ს სხვა კლუბმაც მოისურვა

თეგები:

მანჩესტერ იუნაიტედი

ნიუკასლი

რუბენ ამორიმი

გაზიარება:

(0)

/

(0)