ისტორია დაიწერა - თბილისის "დინამომ" მხოლოდ აკადემიის აღზრდილი ფეხბურთელებით ითამაშა

ისტორია დაიწერა - დღევანდელ სამატჩო განაცხადში მოხვედრილი 19-ვე ფეხბურთელი "დინამოს" აკადემიის აღზრდილია. ასეთი შემთხვევა საქართველოს ეროვნულ ლიგაში პირველად დაფიქსირდა

გუშინ "დინამო არენაზე" ეროვნული ლიგის მეორე ტურის მატჩი გაიმართა, რომელშიც დედაქალაქელებმა წყალტუბოს "სამგურალი" 2:1 დაამარცხეს.

შეხვედრაში აღსანიშნავი, იშვიათი და გამოსარჩევი ფაქტი დაფიქსირდა - არამარტო საქართველოს ჩემპიონატის, არამედ საერთოდ საფეხბურთო დღევანდელობაში. გუშინ "ლურჯ-თეთრების" სამატჩო განაცხადი მთლიანად "დინამოს" აკადემიის აღზრდილებისგან შედგებოდა.

დასრულებულ მატჩში 6 "დინამოს" აკადემიის აღზრდილის დებიუტი შედგა - ნიკა ჩიქოვანმა, გელა სადღობელაშვილმა, ოთარ აფციაურმა, ლუკა წულაიამ, თემო ოდიკაძემ და საბა ახალკაცმა პირველი წუთები გაატარეს მინდორზე "დინამოს" მთავარი გუნდის მაისურით.

fcdinamo.ge

"დინამო თბილისმა" "სამგურალს" მოუგო, ორი მატჩი ფრედ დასრულდა

თეგები:

თბილისის დინამო

სამგურალი

(0)