არგენტინის ნაკრების მეკარემ, ემილიანო მარტინესმა ბრაზილიასთან (4:1) გამარჯვების შემდეგ ჟურნალისტებთან ინტერვიუში განაცხადა, რომ თუ "ალბისელესტე" 2026 წლის მსოფლიო ჩემპიონატსაც მოიგებს, ის სანაკრებო კარიერას დაასრულებს.

"თუ მსოფლიო ჩემპიონატს ზედიზედ მეორედ მოვიგებთ, სანაკრებო კარიერას დავასრულებ, რადგან ახალგაზრდა ფეხბურთელებს თავის გამოჩენის შანსი უნდა მივცეთ.

ყველამ ვნახეთ, რომ არგენტინა მუნდიალის გამარჯვებული გახდა, პირადად მე, მსგავსი რამ აქამდე არ მინახავს, რა თქმა უნდა, თუ კვლავ მოვიგებთ, ძალიან ბედნიერები ვიქნებით, მაგრამ არ აღვნიშნავთ ისე, როგორც ეს კატარის მუნდიალზე გავაკეთეთ", - განაცხადა "ასტონ ვილას" კარის დარაჯმა BPlay-სთან ინტერვიუში.

შეგახსენებთ, მიუხედავად ბრაზილიასთან დიდი ანგარიშით გამარჯვებისა, არგენტინამ მუნდიალზე გასვლა ჯერ კიდევ "სელესაოსთან" მატჩამდე რამდენიმე წუთით ადრე გაინაღდა, როდესაც ბოლივიისა და ურუგვაის მატჩი ფრედ 0:0 დასრულდა.

თევზის გამყიდველის ვაჟის სიღარიბეში გატარებული ბავშვობა და ბრძოლა თავის დასამკვიდრებლად - ემილიანო მარტინესის ცხოვრება

თეგები:

ასტონ ვილა

არგენტინის საფეხბურთო ნაკრები

ემილიანო მარტინესი

გაზიარება:

(0)

/

(0)