სანაძის გმირობით მარგვეთმა ივერიონს გაუთანაბრა | ქუთაისი პირველი ნახევარფინალისტია

სანდრო სანაძე მატჩის გმირია, ქუთაისი – პირველი ნახევარფინალისტი. ეს გახლავთ ჰაილაითები 2 მატჩიდან, რომლებიც დღეს ზესტაფონსა და ბათუმში გაიმართა. სუპერლიგის მეოთხედფინალური სერიის დღეს დაგეგმილი შეხვედრებიდან პირველი დრამატული გამოდგა. ზესტაფონში, მარგვეთმა ბოლო წამზე, სანდრო სანაძის სამქულიანით დაამარცხა გორის ივერიონი და სერიაში ანგარიში გაათანაბრა – 2:2. ამ გუნდების დაპირისპირებაში ყველაფერს მე-5 მატჩი გადაწყვეტს, რომელიც 3 მაისს, გორში გაიმართება. არადა, ზესტაფონი ზღვარზე იყო, მატჩი, რომელიც თითქმის მოგებული ჰქონდა, წაეგო. პირველი ტაიმის მიწურულს ზესტაფონელები 23 ქულით უგებდნენ ივერიონს, რაც, ნებისმიერ მატჩში, მით უმეტეს, საპლეიოფოში, უტყუარი გამარჯვების ტოლფასია. ირაკლი ძიძიგურის გაწვრთნილმა მარგვეთმა თამაში მძლავრად დაიწყო და დიდი შესვენებისკენ სოლიდური ლიდერობაც დაიბევა. მეორე ნახევრიდან ივერიონმა საქმის გამოსწორება იწყო და რეჯი მესიდორის წინამძღოლობით ჩამორჩენა ჯერ შეამცირა, ბოლო პერიოდში კი ლიდერობასაც მიაღწია. ეს მოხდა მატჩის დასრულებამდე 7.7 წამით ადრე, როცა ეს დრამატული სცენა გათამაშდა. ზესტაფონელები 94:92 იგებდნენ, როცა ივერიონმა გასათანაბრებლად შეუტია, მაგრამ საჯარიმოში შეჭრილი ნიკა ჩეჩელაშვილი ჯარიმით გააჩერეს. ნიკამ პირველი ჩააგდო, მეორე ააცილა, მაგრამ მისმა თანაგუნდელმა, ივანე მეგენეიშვილმა მოხსნა და დასრულებამდე 3.3 წამით ადრე დამაწინაურებელი 2-ქულიანი ჩააგდო – 95:94.   გორელებმა გამარჯვება სანახევროდ იზეიმეს – დავით როგავას გაწვრთნილი გუნდი მართლაც ახლოს იყო გამარჯვებასთან, მაგრამ მოხდა ის, რომ დარჩენილ 3.3 წამში ზესტაფონელებმა გამარჯვება მოიპოვეს. ბურთი მალიკ მარტინმა პერიმეტრზე მიიღო და დრიბლინგისას ფეხზე უხეიროდ მოირტყა. გზააბნეული ბურთი სანდრო სანაძეს მიუვიდა, რომელმაც დაუყოვნებლივ, რადგან დრო იწურებოდა, გორელთა ფარისკენ ისროლა. სანამ ბურთი კალათის ბადეში გაეხვეოდა, საფინალო სირენა გაისმა – 97:95 (სტატისტიკა).    მოედანი ზესტაფონელი ქომაგებით გაივსო, სანდრო სანაძე ჰაერში არ აუბურთავებიათ, მაგრამ მილოცვები და ჩახუტებები არ დააკლეს. მატჩის გმირმა სანაძემ შეხვედრა 15 ქულით დაასრულა, ისევე როგორც აკოლ მავეინმა. ბომბარდირი კი ვახტანგ გაფრინდაშვილი გახდა 25 ქულით. ივერიონში 33 ქულით საუკეთესო იყო რეჯი მესიდორი.    დასაწყისში ნათქვამი, ახლა განვავრცოთ: ქუთაისი გახდა პირველი გუნდი, რომელიც წლევანდელი გათამაშების ნახევარფინალში გავიდა. კოტე ტუღუშის გაწვრთნილმა იმერულმა კლუბმა აჭარის დედაქალაქში ბათუმი 82:71 (სტატისტიკა) დაამარცხა და სერიაში 3:1 იმარჯვა. ბათუმელებმა პირველ პერიოდში თანაბარი ბრძოლა გაუმართეს რეგულარული ჩემპიონატის გამარჯვებულ ქუთაისელებს, მაგრამ მეორე პერიოდიდან ძალამ აღმართი ახნა. ქუთაისმა ლიდერობა მოიპოვა, რომელსაც თამაშის ბოლომდე წარმატებით ინარჩუნებდა.   ქუთაისი მოქმედი ჩემპიონი და მიმდინარე სუპერლიგის რეგულარულის გამარჯვებულია, რომელიც პირველი ნახევარფინალისტი გახდა. იმერული კლუბი ელოდება ივერიონი-მარგვეთის წყვილის გამარჯვებულს.    GBF

სუპერმენი "ბლექ ფორტრესში" | დუაიტ ჰოვარდი საქართველოს სუპერლიგაში ითამაშებს

საქართველოს კანდიდატთა ნაკრებმა ჩინეთში ტურნირი გამარჯვებით დაასრულა

ბათუმმა თსუ ფანტასტიკურ ფინალში დაამარცხა და საქართველოს ჩემპიონი გახდა!

გულიაშვილის "რასინგი" "ბალაიდოსზე" განადგურდა

ქვილითაიამ გერმანიაში პირველად ითამაშა - "ჰოლშტაინმა" "ოსნაბრიუკთან" ქულები გაიყო

შენგელიას დებიუტი "დუბაიში" და ოვერტაიმში განცდილი მარცხი

"მუდმივად მინდა, რომ "რეალი" დამარცხდეს" - იამალმა თქვა, რომელი კლუბების თამაშების ყურება სიამოვნებს

"რატომ არ არის ეს ფეხბურთელი "ოქროს ბურთის" ნომინანტთა სიაში?!" - ენრიკემ გაკვირვება ვერ დამალა

"იმედია, ახალ კონტრაქტს გავაფორმებ" - რაფინიას კარიერის დასრულება "ბარსელონაში" სურს

პსჟ-ის მფლობელმა კომპანიამ ბელგიური კლუბი შეიძინა

"ძველი ფორმატი ჯობდა" - დე ლა ფუენტე ერთა ლიგის ახალი სისტემით უკმაყოფილოა

კურტუამ კარიერის დასრულების სავარაუდო დრო და შემდეგი გეგმები დაასახელა

კეინმა დუბლი შეასრულა და "ოქროს ბურთის" შესაძლო მოგებაზე ისაუბრა

"ოქროს ბურთი" მსოფლიოს საუკეთესო ფეხბურთელ კვარაცხელიას ეკუთვნის!" - დემბელემ ხვიჩას მხარდაჭერა ღიად გამოუცხადა

სათადარიგო გოგლიჩიძე და "მონცას" ნანატრი გამარჯვება

იამალის "რკინის ლოგიკა" - "ოქროს ბურთი" არ უნდა გადაეცეს ჩემპიონთა ლიგის გამარჯვებულ პსჟ-ს ფეხბურთელს

ალექსანდრე იაშვილი: უმაყურებლოდ თამაში ძალიან დიდი დანაკლისია

კიდევ მინუს ორი - უკრაინა საქართველოსთან მატჩს პრობლემებით ხვდება

ჩრდილოირლანდიელთა მწვრთნელს "ჯვაროსნების" შიში არ აქვს და თბილისში ოთხი თინეიჯერი მოჰყავს

უკრაინელი ექსპერტი: დონე გათანაბრდა - უნგეთთან და საქართველოსთან ფრე მისაღები შედეგი იქნება

"ბარკოლას პსჟ-ში დატოვება არ შეიძლებოდა" - ამბობს ფრანგი ჟურნალისტი

შავი ლომი | შემადგენლობა ვარსკვლავურ ‘ნორთჰემპტონთან’

"აქ სასაუბროც არაფერია" - დე პაული "ოქროს ბურთის" ფავორიტზე