ალონსომ პერესს 3 ტრანსფერი მოსთხოვა - რა პოზიციებს გააძლიერებს "რეალი"?
<p>უკვე ოფიციალურად დადასტურდა, რომ "ლევერკუზენის" დამრიგებელი ჩაბი ალონსო სეზონის დასრულების შემდეგ გერმანულ კლუბს დატოვებს და მადრიდის "რეალის" მთავარი მწვრთნელი გახდება.</p> <p> </p> <p>ფაბრიციო რომანოს ცნობით, ალონსომ "ბლანკოსის" პრეზიდენტს, ფლორენტინო პერესს 3 ტრანსფერის განხორციელება სთხოვა.</p> <p> </p> <p>იტალიელი ჟურნალისტის ინფორმაციით, ესპანელმა ახალი მარცხენა მცველი, ასევე ცენტრალური მცველი და ნახევარმცველი მოითხოვა. </p> <p> </p> <p>გარდა ამისა, ალონსოს სურს, რომ ტრანსფერები მსოფლიო საკლუბო ჩემპიონატის დაწყებამდე განხორციელდეს, რადგან ამჟამად "რეალს" უამრავი ტრავმირებული ფეხბურთელი ჰყავს.</p> <p> </p> <p>ცნობისთვის, 2025 წლის მსოფლიო საკლუბო ჩემპიონატი განახლებული ფორმატით ჩატარდება და მასში 32 გუნდი მიიღებს მონაწილეობას.</p> <p> </p> <p>შეჯიბრება 2025 წლის ივნისსა და ივლისში აშშ-ში ჩატარდება. მსოფლიო საკლუბო ჩემპიონატზე 12 გუნდი ევროპიდან ითამაშებს, 6 – სამხრეთ ამერიკიდან, 6 ჩრდილოეთ და ცენტრალური ამერიკიდან, 5 – აზიიდან, 2 – აფრიკიდან და 1 – ავსტრალიიდან. ტურნირის გამარჯვებულს პრიზი - 100 მილიონი ევრო ერგება.</p>