
"მანჩესტერ სიტი" დანი ოლმოს გადაბირებას კიდევ ერთხელ ეცდება, ამის შესახებ ინფორმაციას Relevo-ს ჟურნალისტი, მატეო მორეტო ავრცელებს.
ტრანსფერის ინიციატორი პირადად "ქალაქელების" მთავარი მწვრთნელი პეპ გვარდიოლაა, რომელსაც ესპანელის დამატება ჯერ კიდევ გასულ ზაფხულს სურდა, თუმცა მაშინ ოლმომ კარიერის "ბლაუგრანაში" გაგრძელება არჩია.
ოლმომ მიმდინარე სეზონში "ლურჯ-ბროწეულისფერების" მაისურით ყველა ტურნირზე 36 მატჩი გამართა, თავი კი 11 გატანილი გოლითა და 6 საგოლე პასით გამოიჩინა.
ჯერჯერობით უცნობია გეგმავს თუ არა "ბარსა" ოლმოს გასხვისებას.