
"მანჩესტერ სიტის" აწ უკვე ყოფილი ფეხბურთელი კევინ დე ბრუინი "ნაპოლის" უახლოვდება. ავტორიტეტული ჟურნალისტის, ფაბრიციო რომანოს ცნობით, ბელგიელი ნახევარმცველის დამატებით "ნაპოლი" "იუვენტუსი" და MLS-ის კლუბები ინტერესდებიან, თუმცა მისთვის ბრძოლაში "პარტენოპეი" ლიდერობს.
კიდევ ერთი ცნობილი იტალიელი ჟურნალისტის, მატეო მორეტოს ცნობით, "ნაპოლისა" და დე ბრუინს შორის პირობებზე შეთანხმება შედგა, 33 წლის ნახევარმცველი იტალიურ კლუბთან 2+1 სისტემის ხელშეკრულებას გააფორმებს, მისი ანაზღაურება კი ყოველწლიურად 10 მილიონი ევრო იქნება.
გარიგების შანსს ზრდის ის გარემოებაც, რომ დე ბრუინი 30 ივნისს ოფიციალურად თავისუფალი აგენტი გახდება და "პარტენოპეი" კევინის გაფორმებას უფასოდ შეძლებს.
მიმდინარე სეზონში დე ბრუინმა "სიტის" მაისურით ყველა ტურნირზე 39 მატჩი გამართა, თავი კი 6 გატანილი გოლითა და 8 საგოლე პასით გამოიჩინა.